رب رمضان هو رب كل الشهور

[Mo chahin]

السلام عليكم ورحمه الله وبركاته

حبايبي يا احلى شباب وبنات .. منتدى وسايت بنات مصر
كل سنه و انتوطيبين و رمضان كريم .
النهارده حبيت اتكلم معاكم في موضوع لفت نظري
الكل بيتكلم عنه وهو الالتزام في رمضان .
حاجه جميله وطبعا مفروضه اننا نستغل رمضان
نحاول نصوم صح و مانعملش ذنوب . نبعد عن التلفزيون
نختم القران . نصلي و نذكر ربنا
لان رمضان فرصه لينا نمسح ذنوب السنه اللي عدت كلنا
اوله رحمه . اوسطه مغفره . اخره عتق من النار .
كمان خاب وخسر من ادرك رمضان و لم يغفر له .
عشان كده لازم نستغل رمضان لابعد الحدود
بس مش لازم ننسي حاجه مهمه قوي
هي ان رب رمضان هو رب كل الشهور .
ماينفعش نخاف في رمضان بس
نصلي و نقرا قران و نذكر ربنا شهر واحد بس
وبقيت السنه ما تهتمش عشان مش في رمضان
صحيح الحسنات في رمضان بسبعين الف والله يضاعف لمن يشاء
بس اي فريضه بناخد ثواب عليها طول السنه ولا ايه
ولا هو حسابنا حايكون علي رمضان وبس ؟
رمضان فرصه حلوه قوي للي مش ملتزم انه لو اتعود شهر كامل علي العبادات انه يستمر عليها
وللي ملتزم انه يزود في الايام العاديه
يعني ليه منصليش دايما طول السنه الفروض والسنن
ليه مانقراش قران و نذكر ربنا دايما كل دي حسنات تمحي سيئاتنا
ياريت مانعتبرش رمضان مجرد فرصه لمده شهر
انما نعتبره بدايه التزام لبقيت العمر
وفرصه للتعود علي العبادات وتاديتها دايما علي مدار السنه
لان مهما التزمنا في رمضان و عملنا حسنات كتير
وجينا اول ماخلص رجعنا تاني نقصر في الصلاه وبطلنا ذكر وقرايه القران
يبقي معملناش حاجه لان حانعمل ذنوب تاني وتكتر سيئاتنا من تاني
يا ريت نلتزم دايما لان ربنا سبحانه وتعالي شايفنا طول الوقت
وحنحاسب علي كل عمرنا مش رمضان بس
شكرا ليكم وكل رمضان و انتو بخير

[حنونة]

عندك حق يا ميرو

رمضان نلتزم و بعد كده نبتدي نقصر

كلامك كله مضبوط ربنا يهدينا

جزاك الله الف خير و جعله في ميزان حسناتك

[Transporter]

بسم الله الرحمن الرحيم
السلام عليكم ورحمة الله وبركاته


والله يعني اللي بياخد المناسبات والاعياد والمواسم فرصة للجوء الى الله والصلاة وبيتركها بعدين مش عارف دا نسميه ايه بس هانشوف جزاته ايه بالاخير وطبعا عارفينه مش معقول يعني بنضحك على اللي خالقنا

[Mo chahin]

مظبوط يا احمد كلامك
تسلم يا جميل
وتسلمى يا حنونه