المحجبة تستعين بالجيران لترتدى البنطلون !!

[Engineer Semsem]

. المحجبة تستعين بالجيران لترتدى البنطلون !!

.

الحــجــاب الديــجـيـتـــال لا يــمـنـع الــنســاء من إســتــخــدام - الفونديشين - و- الكونسيلر - و - الآيلاينر- ... ثم ارتداء بنطلــون جــينـز ضـيــق "زيـــادة فى التـوضيح" .

بعض المحجبات اللائى ارتدين الحجاب كنوع من التقليد أو بدون وعى أو كموضة أخرجوا الحجاب كفريضة وكقيمة من مضمونه ومن جوهره فأدى ذلك لتمييع الحجاب كرمز وكسلوك وفقد خصوصيته وطهارته ، دخلت الموضة والتكنولوجيا فى الحجاب فأصبح حجاب ديجيتال ..!! ترى فيه العجب وكأن من ترتديه لا تعرف حتى معنى اسمه فما فعلته فى نفسها هو قمة الإظهار ولفت الأنظار وكان لسان حالها يصرخ وينطق من أعماقها .. انا أهووووووو ..!!




صنعت بعض المحجبات من حـجـابـهـا عجبا فـــلا رقــــــــــــيـــــــب عليها سوى ضميرها " النائم " فأقنعت نفسها أن تكون محجبة " شيك " . فما المشكلة من وجهة نظرها من أن: تضع على وجهها طبقات وطبقات من كريم الترطيب وكريم الأساس "الفونديشين" ومصلح العيوب "الكونسيلر" لأخفاء الحبوب والهالات السوداء أسفل العين ،.




وبعد هذه الطبقة الأسمنتية تضع البودرة "البلاشر" ليظهر الخد ورديا !!! ورسم العين وتوضيحها بالأيشادو والايلاينر والمسكرة ، وإزالة الحواجب جزئياً أو كلياً وعمل حواجب غريبة ولو يعلموا أنها منفرة ما تمردوا على خلقة الله عز وجل ، .



وما المانع بعد ذلك فى أن يساعدها كل افراد الاسرة - وربما احتاج الأمر مساعدة الجيران - لارتداء بنطلون جينز ضيق للغاية أو جيبة جينز ديرتى تم تبخير مناطق معينة بها لتحدد مناطق معينة بالجسم " وكلنا يعرف ان الجينز قماشة غير لينة تحدد منا طق الجسم لو لم يكن واسعا بقدر كبير " .






ولم يعد هناك ما يمنع وجود محجبة ترتدى نصف كم أو بلوزة واسعة الأكمام تنزل يدها مع أى حركة ولبس جيبة قصيرة واكمال ما يطلق عليه الحجاب ب"بووووت" طويل وشراب سميك لاكمال الفيلم " قصدى الحجاب " والجيبات الضيقة وتحتها الاستريتش زيادة فى التوضيح ...!!

بعد كل هذا لا مانع من خروج قصة او خصلة من الشعر الاسود او الاصفر او الاحمر من الطرحة او الايشارب ذى اللون الزاعق الغريب ولا مانع ايضا من اخراج الحلق " هى جت عليه " ..!!


وأحياناً يستعان " ببدى " يوضح كل عضلة وفقرة من الصدر والعمود الفقرى او الاكتفاء باظهار الكتفين كانهما عاريتين من شدة التصاق البدى بهما ، ومع بلوزة قصيرة فوق الجيبة يمكن ايضا مع الحركات " اياها " .."غير المقصودة" ان ترتفع فتظهر بطن المحجبة التى قد احتاطت ولبست تيشيرت ذى لون فسفورى او زاعق لزوم الروشنة ، ووضعت برفانا زاعقا حتى تعطى انطباعا بان المحجبة رائحتها نظيفة وجميلة " شفتم حسن نية اكتر من كده " .



وفى القدمين ترتدى هذه المحجبة الديجيتال كوتشى احمر او برتقالى مع شراب قصير بكرانيش وبعد ان تفعل المحجبة كل هذا بمنتهى الاريحية وهدوء الاعصاب لا يوجد "بروبلم" عندها ان تضحك ضحكة عالية او شوية هزار مع زميل العلم او العمل ويمكن زيادة فى التواضع والتواصل ان تقول له "هات كفك .. وطق وهههههه " ...

وتذهب للبيت وتخرج للبلكونة وتنسى انها محجبة .. او تجلس مع الاقارب فى الصيف وعادى مثل اخواتى .. ورويدا.. رويدا ..تخليك تطلع من هدومك وتقلها طب لييييه لابسة الحجاب اصلا يا بنت الناس " ... كان الهشك بشك افضل لك من بهدلة الحجاب ..

وأخيراً رحمة بالحجاب يجب أن تسأل كل محجبة بهذا الحجاب الغريب هذا السؤال :
لماذا تحجبت ؟؟؟؟ وتختار أحد الأجوبة التاية :

• تحجبت بضغط من الأهل .
  
  
• أو تقليد لزملائى وأقاربى .
  
  
• أو لأنه موضة وظريف .
  
  
• أو للزواج لإقترانه بالأدب والإلتزام .
  
  
• أو لستر عيوب لدى .
  
  
• أو إضاء لربى وستر لنفسى .
  
  

أعتقد من تختار الإجابة الأخيرة يمكن أن تحدث تغييراً فيما تفعله وتضع شروط الحجاب التالية نصب عينيها وتقيس عليها حجابها :

• أولاً لا يصف الجسد أو أى جزء منه مثل الساقين ولا يحددهما ،.
  
  
• ثانياً لا يشف أو يكشف ما تحته .
  
  
• ثالثاً أن يغطى الجسد كله .
  
  
• ورابعاً ألايكون مشابهاً لملابس الرجال .
  
  
• وخامساً ألايكون معطراً .
  
  
• وسادساً ألايكون زينة فى نفسه أى غير لافت للنظر .
  

عنده سيتغير شكل حجابها للأفضل .

[اللخمى]

اشكرك على هذاالطرح الرائع لهذاالموضوع المهم

مع الاسف هذاهوالحاصل عندالغالبيه

الله يهذى الجميع

اتمنالك التوفيق

[ElasticEman]

عندك حق فى اللى بتقوله بس مش معنى كده انا كل البنات لابسه الحجاب كنوع من الموضه والمظهريه
لا انا الحمدلله لبست الحجاب وانا على يقين من انه عفه ليا وستر
انا محدش ضغط عليا عشان البسه
الحمدلله جت الهدايه من عند ربنا
وموضوع فعلا فعال لانه بيلمس واقع انا بقيت بخجل من المحجبات والمسلمين اللى بالطريقه دى
بجد حاسه ان المحجبات دلوقتى اللى بنشوفهم اصبحوا وصمه على المسلمين انا بتكس منهم بتكسف ان دول مسلمين
للأسف
للأسف

[ايمان محمد]

ربنا يهدى الجميع باذن الله

[the love rays]

عندك حق فى كل كلمة وعلى الجواز فكل الشباب بيقرفوة من

المناظردى وهم فاكرين ان كدا موضوة

[سمــر]

الموضوع هادف جدا ومؤلم جدا

لازم نتفق ان ده بيحصل فعلا مش مجرد كلام للاسف:SuN015:
الحجاب دلوقتى بقا داخل ضمن مستلزمات الروشنه والعصريه والبنات بقت بتنسى هيا لابساه ليه

والموضوع ده مش مجرد ظاهره محدوده ولكنها طالت معظم المحجبات (الا من رحم ربي)
لكن برده لازم نتفق ان مش كل البنات كدة وفيه بنات ربنا هاديها وماشيه صح
علي كل الف شكر على الموضوع الاكثر من رائع

[نووونا]

ربنا يهديهم ياسمسم بس مش كل البنات كده هو في الواقع في الكلام اللي انت قولته كتيييييييييير جدا (وموضوعك جميل جميل جدا )بس لو علي البنات دي رقابه مش هيحصل كده يعني فين ابوها ولا امها وهي نازله خارجه العيب بيكون علي الاهل بردو

[عطر الاحزان]

بجد موضوعك جميل وعجبنى
وشويه كمان أضحكنى
وبعين ألمنى
وفالاخر طمنى لى نفسى

بفضل الله والله أختار الاجابة الاخيرة
جزاكم الله خيرا

[أنثـے مًنْ الّخٍـْيـِالْ→♀]

اللهم اهدى شباب و بنات المسلمين الى ما تحبه و ترضاه

تسلم يا بشمهندس ع الطرح

[اخر الليل]

خلقن من ضلع اعوج

مشكور اخى للمعلومات المهمه