حرام عليكو دا تامر حبيبى !

[Mysterious]

اقتباس مش عارفة أبتدي منين ولا أقول إيه .. مش أول مرة تامر بيتعرض للإساءة من جمهور فنان .. جمهور رافض نجاح تامر .. جمهور عايز يدمر حاجة إسمها عالم تامر حسني .. اللي ظهر فجأة وخطف الأضواء من كل اللي حوليه .. وبقى حديث الجميع .. مش أول مرة جمهور تامر حسني بينهان .. ولا أول مرة بيحاولو يشوهو صورتنا ويخلوها في الأرض .. بس المرة دي غير كل مرة .. المرة دي ما عدتش قادرة أسكت .. المرة دي المهاجمة كانت عن طريقي .. المرة دي المهاجمة جات بسببي مباشرة .. المرة دي المهاجمة مش زي أي مهاجمة .. هي كل بنت بتطهر مع تامر .. لازم يقولو عنها كلام وحش ؟؟ هي كل بنت بتحضن تامر لازم تتهان ويتمسح بكرامتها الأرض ؟؟ هي كل بنت بتحب تامر حسني لازم تبقى وحشة وما لهاش دين ؟؟ ولا ليها أهل ولا متربية ؟؟ وليه تامر حسني ؟؟ هو بس تامر اللي ليه بنات من جمهورو بتحضنو ؟؟ ولا إنتو شايفين تامر بيعمل حاجة وحشة قبل كدا ؟ بس نفسي أقول لإمتى الجهل دا ؟؟ لإمتى هتفضل بناتنا عرضة لكلامهم الوحش ؟؟ زنبنا إيه ؟؟ إننا بنحب تامر حسني ؟؟ كلام كتير جرحني وبجد ما عدتش قادرة أسكت .. قهري المرة دي مش عليا .. عشان أنا تعودت على الحاجات دي .. تعودت إني أسمع كلام ما يعجبنيش عشان بحب تامر .. بس أنا مش بقصر .. بدي لكل واحد حقو .. وبرد على كل كلمة بعشرة .. وانا بصراحة ما عدتش بتأثر .. بس بجد المرة دي فاض بيا .. هي كل بنت تامر بيلمسها بيبقى عامل معاها حاجة وحشة ؟؟ مهو لو عايز يعمل حاجة وحشة مع بنت من البنات الأكيييييد إنو مش هيوريكو صورة البنت دي .. المرة دي البنت دي هي أنا .. معظم السايت هنا عارفين مين أنا .. والحمد لله أنا مش متضايقة من الكلام اللي تقال عني .. عشان اللي بخاف على سمعتي قودامهم هم الناس اللي عارفة هم مين .. هم الناس اللي انا معاهم بقضي نص حياتي .. الناس دي هي اللي بتهمني .. كان لازم أكتب الموضوع دا عشان أعبر عن غضبي .. غضبي على جمهور تخطى كل حدود الأدب والإحترام .. جمهور نسي صيط فنانو وسمعتو الطيبة اللي لازم تكون بين الناس .. جمهور بدل ما يعلي إسم فنانو فوق نزلو لتحت .. جمهور مش هقول عليهم غير عيااااال .. واحنا شبعنا ولدنة ... وعايزة أتوجهلهم بكلمة وأقولهم : شكرا جمهور محمد حماقي على أخلاقكم الرفيعة .. إرحمونا وإرحموا ضمائركم .. كفاية تحملهوها ذنوب أكتر من كدا .. وخليكو فاكرين : وإنّ بعض الظّن إثم .. ولو إنتو عايزين تحملو ضمائركم ذنوب فإحنا مش ذنبنا .. وعايزة أتوجه بكلمة لكل التيمورية .. وأقولهم : ربنا يخليكو لتامر .. وتفضلو صورة مشرفة ليه .. تفضلو صورة الناس الواعيين أهل فنان واعي ومحترم .. ربنا ما يجرمش فنان محترم من ناس محترمين زيكم .. بيتعاملو مع المهاجمات بأوعى الطرق .. بجد كل يوم بشوف أوحش الأعلام من جماهير مش راضيالنا النجاح بيكبر فخري بأحلى رابطة بنتمي ليها .. وبيزيد حبي لكل تيموري فيكم .. وتأكدو إن هي دي نظرة كل الناس لينا .. بس الناس اللي بترضى بالنجاح اللي ربنا قسمو للإنسان .. وبجد عايزة أشكر اتنين من جمهور تامر على ردودهم على المهزلة دي .. واللينك دا شاهد على اللي انا قولتو : **************************************************

ايه رأيكم فى الكلام دا

بلاش نقول مين اللى كتبه (المهم انو مش من المنتدى بتاعنا)

هو الموضوع منقوووول عن لبنانية عاشقة لتيمورها

على ايه محدش يسألنى

المهم انا لقيت الموضوع دا والله بالصدفه

وانا مبدخلش حتى المنتدى دا اساسا

بس ميبالغوش

والمصيبة اكبر ان الردود اكتر من 24 صفحه تخيلوا

انا شخصيا ذهلت
منتظرة ارائكم

[حفيدالفراعنة]

هههههههههه

بصى مش ها قول غير

عجبى

تسلم ايدك

[ياسمينااا]

انا مش مع اني البنت لما تحب مطرب او فنان انها تحضنه او اي حاجة لان في حاجة اسمها عيب وحرام وكمان ربنا مقلشي كده وكمان اللي بتعمله بيدي فرصة للناس انها تتكلم عليها لان ده مجتمعنا ولازم نحافظ علي عادات وتقاليد المجتمع اللي احنا عايشين فيه
تسلم ايدك علي الموضوع
تقبلي مروري
تحياتي

[A7la banota]

والله انا احب اقول للبنت البنانية دي انتي فاااااااااااااااااااضية واصلا البنات اللي حضنو تامر مش محتاجين يتمسح بكرمتهم الارض لانهم اسفة على الكلمة دي معندهمش كرامة اصلا علشان تتمسح و محتاجين تربية
و انا مبكرهش التمورية او بشتمهم لأ ما انا بحب اسمع تامر بس مستحيل احضنو او اعد اسرح فعيونة هههههههههه انا مش هايفة علشان اعمل كدة و ربنا يهدي صاحبة الموضوع

[سندس]

تسلمى على الموضوع بس انا معاكى فى الكلام اللى انت قولتيه بس من المفروض ان مينفعش اى بنت تسمح لنفسها انها تحضن اى فنان او يلمسها اى فناااااان مش بس تامر لان ده حرام شرعا و اكيد كلنا عارفين ده كويس

[Mysterious]

ميرسى لردودكم وارائكم

فى انتظار المزيد من التعليقات

[lost]

مهو عشان كده عمر العرب مهيتقدموا
أنا مستغربة جدااااااااااااا
معقولة فيه ناس كده خلصت مشاكلها وكل مشكلتها ف الحياة الخناق على تامر وحماقي!!!!!!!!

شكرا يا قمر

[Mysterious]

شكرا لمرورك على موضوعى

فى انتظار المزيد من الردوود والتعليقات

[هيا*HYA*]

مش هقول لاحول ولا قوة الا بالله
ربنا يهدى
هو مش معنى انها بتحب تسمه صوته انها تحضنه موصلتش لكدة
دة حرام حرام حرام
دة راجل غريب حتى لو ميقصدش حاجه وحشه بس المفروض تصون نفسها ودينها قبل كل شىء
واللى بيحب حد للدرجه دى هيتحشر معاه يوم القيامه لقدر الله
استغفر الله العظيم
شكرا يا بنوته على الموضوع ربنا يزيدك

[ارعبة وحش الليل القاهر]

مش هقول لاحول ولا قوة الا بالله
ربنا يهدى
هو مش معنى انها بتحب تسمه صوته انها تحضنه موصلتش لكدة
دة حرام حرام حرام
دة راجل غريب حتى لو ميقصدش حاجه وحشه بس المفروض تصون نفسها ودينها قبل كل شىء
واللى بيحب حد للدرجه دى هيتحشر معاه يوم القيامه لقدر الله
استغفر الله العظيم
شكرا يا بنوته على الموضوع ربنا يزيدك


مرحباااااااااااا يااااااا شباب +مرحباااااااااااااا هيااااااااااااااااااااااااااااااااااااا