هى ايه الحياة .. غير بس معانى

[نجمة فى الليل]

دوامات ورى غيرها جت وخنقتنا ..

وقلوب بنحبها وياما خذلتنا

نبكى وتموت فى دموعنا فرحتنا ..

ونفوق نلاقى الدنيا سرقتنا

فى حياتنا ايه غير شيء يفرحنا وتانى نبكى عليه

وحاجات فاتتنا كتير وغابت عننا

نصبح نعلق زينه الافراح وكأن اللى فاتنا آخر همنا

ويبات معانا الحزن كأنه واحد مننا

مش فيلسوف .. لكنه الشعور بالخوف ..

أو يمكن مبقتش عارف أشوف

ويمكن كلام ملوش معنى .. ومهما نتكلم مفيش انسان هيسمعنا

ضحكتنا وسط الناس بتكتم همنا .. مع ان كل مافينا بيوجعنا

ساعات تقابل ناس فيهم الطباع متشكله



وناس تدوس على غيرها وايه المشكله

وناس كتير متبهدله .. ولسه فينا ناس مستحمله

وناس تحب الغزل فى الصخر .. وناس كلامها غل ومكر

نسمع ساعات عن قلب تاه واتنسى ..

أو طفل مات فى طريقه للمدرسه

وكلام معاه تقول الآه .. وكلام وسط الزحام تنساه

وكلام كتير من غير معانى .. ومعانى مهما فهمتها ..

دايما يتقصد ألف شئ تانى



معنى الحياة بيقول قد ايه من عمرى فات ..

كام شاب زيى فى سنى مات

وكام ربيع ضلل عليه غيم الشتا

وكام من عقول لساها عايشه زمن المعجزات



اضحك وقول ايه هو معنى الجنون

انك تعيش مرتاح وجوه الوطن مسجون

تعيش زى الملاك او تصبح شيطان ملعون

تعيش للبشر ديان .. ولا تموت مديون



دمعة عنيك بتقول ايه هو معنى الخداع

تعيش وتموت غرقان فى بحر الضياع

تصرخ لكن جواك بيقول وايه مستطاع

ده اكيد زيك كتير اتباع



او ايه هو معنى الحنين

نفسك تشوفه لكن عنيك بايديه مدبوحين

او يمكن فى بعاده مرتاحين .. او موجعين

وتفرق ايه وفى النهايه اتنين .. متألمين



ولسه المعانى كتيره .. معانى فيها شك وخوف ..

ومعانى فيها الحيره

ومعانى توصف قد ايه عليك قلوب متلهفة

وروحها لحظه لقاك تعبت من الرفرفه

تحبها .. تخدعك .. تسامحها برضه تضيعك

وتفوق تملى على الحقيقة المقرفه

لكن ايه هو معنى الفرح .. ابتسم قول قلبى انشرح

اكتب او حتى شخبط فى الصفح .. اصرخ وقول انا عايش مش شبح

انا كلمة حب فى صوت مدبوح .. انا قلب فى قلب الليل مجروح

شجرة ورد ورقها دبل .. لكن لسه عطرها بيفوح

انا موج البحر .. ونورى شموع .. انا ضحكتى عليت وسط دموع

ان شمس الدنيا ف يوم متجيش.. لو مره الفجر ف يوم مصحيش

او مره النور فى السما معليش ..اصبر متخافش اكيد هنعيش

لو ورده اتسرقت ضحكتها او نسمه وضاعت رقتها

او ناس تبان على حقيقتها .. احزانى خلاص انا نسيتها



انا لحظه صفا مع كل فجر بتتولد

لو اموت او بالنار والحديد انجلد

واغرق وروحى تبدأ تبتعد

هكون لفجر جديد باستعد

[فارس العمارى]

نجمة في الليل .. نرها لنمتع أنفسنا بعبير ضؤها الجمــيل .. خلابة أنتى بقلمً لا نرى له مثيل
نوراً يجذب العين .. سماء حروفك بها نجوم ... نجمة تزين آفاق القلب الحنين .. معاني معبرة
سمفونيه راقصة .. أنغامها جمال احساسك البديع .. صفو وارتقاء .. بقلم لا نعرف عنه الا البهاء
سلمت لنا أناملك الجميلة ايتها النجمة التى تلمع فى سماء منتدانا الآن







فارس العمارى

[نجمة فى الليل]

ايه الكلام الجميل دا كله يا استاذ فارس
الكلام الجميل دا مش انا اللى كتباه دا كان موجود فى مدونه لواحد اسمه كريم
وهو اللى يستحق كل الشكر
ولانه عجبنى فقولت اشاركم
وشكرا ليك

[حنـــــون]

شكرا اويييييييييييييييييييييييي ليكى انك عرضتى علينا الكلام الجميل ده اللى كلو احسيس ومشاعر جميلة ومؤثرة بجد كلام يمس القلب من كثرة صدقة مرة تانية شكرا اوى ليكى