أكشـن بنــات مصــر .. أكشنها ومتهزرش !!

[فارس العمارى]

أكشن بنات مصر

أكشنها ومتهربش منها

برنامج ( أكشن بنات مصر )

برنامج ساخن جداً

هيتغلغل فى نفسيات أعضاء المنتدى

هيفك منك كتير

أكشن بنات مصر

هو الحل

هناقش مواضيع ساخنة جداً

مفيدة جداً

دايماً بنكدب على نفسنا فيها

عاوزين نبطل بقى

ويمكن يوضع سره فى أضعف خلقة

وبرنامجنا هيكون فى كل قاعة خاصة على حده وبشكل القاعه كمان

أكشن بنات مصر

برنامجنا كلنا

وهنبتدى بموضوع جامد جداً

هيقربنا أوى من بعض

والبداية بمناسبة رمضان

هتكون بشكل خاص جداً

بشكل أكشن بنات مصر

هنطرح موضوع للنقاش

بس بشرط

الموضوع يكون ماس لكل أنسان فينا فى

الحياة اليومية

وطبعاً هنستغل الشهر الكريم

عشان تكون ردودنا من غير مجاملات ولا كدب

طبعاً أعضائنا الكرام مش كدابين بس مجاملين

وموضوعنا بقي

أهو

عيلة تايهه

وأكيد الموضوع باين أهو

خلافات كتير بين الأصحاب

ومجاملات تودى فى داهية

وتوهه كله فى كله

دى بقت ظاهرة فظيعة جداً

لدرجة أن الواحد يخاف يقول الحق

يلاقي نفسه بقي شاذ ومنبوذ

رغم أن المنطق والفلسفة

واضحين أوى فى الموضوع دى

وأن دائماً الحق هو طريق التقدم والأزدهار

والإصلاح المعنوى يكمن فى حرصك علي صراحتك

عاوزين بقى أراء الناس فى الحوار الجامد دى

من رؤيات مختلفة لعقول أعضائنا

من حيث الظاهرة دى هو لمسها فى حياته ؟

وياتري الظاهرة دى أية طرق القضاء عليها ؟

ليه بقينا كده ؟

ليه بنهرب من مصارحة الطرف الآخر والمهم نثبته بكلمتين عشان المصلحة دى وغيره غيره ؟

ياتري العيب فى أننا عندنا أزمة أقتصادية وثقافية وأدبية ؟

ولا عشان فقدنا أزاى نفرق بين الذوق والمجاملة الكاذبة ؟

طيب ما تعرفلي الأتنين من وجهة نظرك ؟

طيب أنت من الناس دى ؟ طيب ناوى على أية ؟

هى ممكن المجاملة توصل لدرجة أنك تجامل نفسك ؟

هو ليه هدف الصداقة والحب وأى علاقة هو هيعود منها أية عليا (( المصالح يعني )) ؟؟

لو الكلام غلط كله يقول رأيه عشان يكون فى ميزان حسنات كلاً منا

أحنا فى شهر الخير

ومواضيع أكشن بنات مصر

كلها هتكون لأجل الخير

فى صحبة الخير

محبتي للأبد

فارس العمارى

الحلقة (( 1 ))

وأنتظرونا أسبوعياً فى الحلقة التانيه

عشان نسخن كمان وكمان وكمان

ومع كل حلقة فى رمضان

مفاجأة لكل مشارك

بس يكون مفيد


وأنتظروا ضيفنا فى الحلقة الجاية
ودى أولي المفاجأت
يا متابعين

[رزانـــــــــــــــــــــ]

هااااى الموضوع حلو جدااا تسلم ايدك ــــــــــــــــــــــــ تقبل مرورى

[mīĐŏ ǺĻ ƒâηâη]

موضوع هايل تسلم ايدك تقبل مرورى

[فارس العمارى]

رزان مشكورة على المرور السريع دى ونتمني نسمع رأيك فى حوار مناقشتنا

محبتي للأبد

فارس العمارى

[lolla]

اولا : حمدا لله على السلامة

بجد منووووور المنتدى

ثانيا : موضوع الحلقة جميييل جدا

وفعلااااا بيحصل وانا هجاوب على اسئلتك من وجهة نظرى المتواضعة

اقتباس من حيث الظاهرة دى هو لمسها فى حياته ؟

اه كتيييييييييير وفى ناس فعلا بتخاف تعبر عن وجهة نظرها عشان كدا

بس نرجع ونقول لازم نحافظ على مشاعر الناس ونبعد عن الصراحة الجارحة

مش فى كل المواقف احنا مطالبين بأننا نقول رأينا بصراحة

من رايى الحالة الى لازم تقول فيهم الحقيقة بدون مجاملات

لو مطلوب منك الشهادة مصداقا لقول الله ( والذين لا يشهدون الزور )

ولو الموضوع يتعلق بالدين

اقتباس وياتري الظاهرة دى أية طرق القضاء عليها ؟

لأ قضاء مييييين ... كل واحد يشتغل على نفسه مع نفسه

احنا بتكلم اهو وبنقول وانت عليك تطور نفسك لو حسيت انك فعلا من النوع دا

اقتباس ليه بقينا كده ؟

ممكن يكون الشخص دا اتعود على المجاملة ... يجامل اى شخص وبدون سبب

او ممكن بسبب المصاااااااالح يعنى لو ليك مصلحة عند حد تضحك عليه بكلمتين

عشان يمشيلك حالك وهكذا

بصراحة الاسلوب دا بيجيب مع الاباء .. اسألونى انا

اقتباس ياتري العيب فى أننا عندنا أزمة أقتصادية وثقافية وأدبية ؟

عندنا ازمة اخلاقية ... هى الوحيدة الى تخليك تجامل بطريقة اوفر وممكن توصل للنفاق

اقتباس أزاى نفرق بين الذوق والمجاملة الكاذبة ؟

الذوق هو اللباقة يعنى طريقة كلامك بمعنى انك تتكلم بطريقة تلاقى استحسان عند الآخرين

وفى نفس الوقت الصراحة مطلوبة على الاقل عشان متفقدش مصداقيتك

وفى نفس الوقت يكون كل واحد بياخد قدره

او زى ما بنقول لكل مقام مقال

وهنا المجاملة بتبان لما اكثر فى مجاملة الناس

ومدحهم مثلا بأشياء ليست موجودة

اقتباس طيب أنت من الناس دى ؟ طيب ناوى على أية ؟

لأ انا مش من الناس دى .. بجد بحاول اقول رأيى بصراحة من غير ما ازعل حد

وناوية على كل خيييييير ان شاء الله

اقتباس هى ممكن المجاملة توصل لدرجة أنك تجامل نفسك ؟

اه ممكن ودا بيوصل للغروووووووور



شكراااااا ليك

وفى انتظار الحلقة الجاية

[فارس العمارى]

العصفـور الصغير

نورت الموضوع يا غالى

وأتمنى أنك تكون أستمتعت معانا

محبتي للأبد

فارس العمارى

[مشتاقه للجنه]

اكــــشن

موضوع جامد اوى ومش مجامله

التوهان على الجميع الناس ماشيه ومش عارفه وده لاسباب كتـــير



ليه بقينا كده ؟
اكيد بقينى كده من الحياه الصعبه والى وصل لشئ يخاف ان يهدره



ليه بنهرب من مصارحة الطرف الآخر والمهم نثبته بكلمتين عشان المصلحة دى وغيره غيره ؟


زى ما بيقولوا الدنيا مصالح واحنا اليوم عايشين دنيا المصالح




ياتري العيب فى أننا عندنا أزمة أقتصادية وثقافية وأدبية ؟

طبعا نحن نعانى من الازمات الاقتصاديه

وبالنسبه للثقافه للاس اختفت اصبح الفكر سطحى جدا



ولا عشان فقدنا أزاى نفرق بين الذوق والمجاملة الكاذبة ؟


المجامله مفروضه فى حدود الممكن ويجب ان تكون محايده مش نجامل حد على حساب حد
وده طبعا من الذوق




طيب ما تعرفلي الأتنين من وجهة نظرك ؟

الذوق والمجامله واحد وزى ما ذكرة المجامله فى الحدود المسموح به




طيب أنت من الناس دى ؟ طيب ناوى على أية ؟


ههههههههههههههههه

انا اكيد لازم اكون مجامله والا اصبحت مكروه جدا

لكن فى حدود المعقول ومعها نصيحه ملفوفه بورق ملون

وشكرا لك المناقشه الجامده ومستنين الحلقه التانيه

من أكــــــــــــــــــشن

[قلم بلا حبر]

اذيك يا فارس

الموضوع جامد ,, والفكره كمان حاسسها جديده

احنا ممكن نتكلم عن المجامله من كذا باب ,,,,

ويمكن احنا بطبيعتنا شعب مجامل وطبيعتنا كشرقيين الكلام المعسول

يعنى عندك مثلا السباك بنقوله يا (( دكتور )) الميكانيكى بنقوله يا (( بشمهندس )) دى حاجات متأصله معانا ,,

وفى حاجات بتتفرض علينا ,, يعنى عندك لقب يا (( باشا )) هو صحيح الثوره الغته بس فى الواقع موجود وبيتقال لناس كتير ,, وفى الغالب بيكون لمصلحه

بس مجامله عن مجامله تفرق ,,, ده شئ طبيعى

لو بصيت لمجاملة السباك فدى من القلب على سبيل الهزار وخلق الابتسامه ,, انما يا (( باشا )) دى فى الغالب بتكون لمصلحه ولو مش لمصلحه بتكون فرض عليك انك تقولها:thumbdown:

وعلى كده نقدر نقسم المجامله لـــ ,,

الاول : مجامله من باب اللباقه والذوق

الثانيه : مجامله من باب المصلحه والانتفاع

التالته : مجامله الامر الواقع ,, يعنى مفروضع عليك

كونى امنعهم التلاته فده يحولنا لمجتمع متصلب ,, وده مش مستحب ,, خصوصا واحنا فى ظل المجاملات وعندنا دوامة العنف اللى بنشوفها فى الشارع ,, فما بالك لو الغيناها

دايما قرار البتر لاى حاجه بيكون ليه اسباب بس فى نفس الوقت بيكون ليه اثار جانبيه ,, فى الناحيه دى وانا هنا بتكلم عن المجتمع المصرى البتر لعنصر المجامله من قاموس العلاقات بين الناس حتكون اضراره اكتر بكتير من منافعه

وده اللى يخلينا نبص للموضوع على سبيل التقنين ,, بمعنى لو احتجت للمجامله لغرض نبيل او مش حتستفاد منها حاجه فده جايز ,, اما خلاف كده فده مرفوض ,, والتطبيق نسيبه رهن للظروف

يعنى واحد اتحط فى موقف اجبره انه يامل فمش نقدر نعتب عليه ,, لان الضرورات تبيح المظورات ده فى الدين ,, فما بالك بمجرد مصطلح اجتماعى ,, بالاضافه الى ان الاكراه فى ذاته بينفى المسؤوليه من على عاتق المكره

المجاملات شئ اساسى فى حياتنا ,, لو قدرنا نوظفها بالشكل الصحيح وبدون حسابات شخصيه فده من الاسلام

لان الابتسامه فى وجه اخوك المسلم صدقه ,, ما هى دى برده مجامله فى ذاتها ,, فالتعميم للمجامله يضر ومش ينفع ,, والظروف بتختلف والمواقف بتتعدد ,, والشخصيات مختلفه ,, يعنى فى الآخير

المجامله موروثنا و محتاجه للتقنين مش اكتر ,, ونفرق بينها وبين معانى تانيه زى النفاق والنصب والاحتيال والكذب ...... الخ

متى ما تمكنا من التفرقه تذوقنا قيمة المجامله

خالص تقديرى لموضوعك الجميل يا فارس

تحياااااااااااااااااتى"""""

[حنـــــون]

فكره جميله جداااااااااا يافارس وجديده

وبجد الموضوع مهم اوى والكل طبعا بيعانى منوا

وكمان بيعملوا يعنى المجامله واخفاء الخقيقه عشان

اوصل لمصلحه معينه دا دلوقتى بئه المعظم بيعملوا

لان المصالح الشخصه غلبت على الناس ومابئاش فى حاجه بتمشى

الامور الا لو زوقتها بكلمتين حلوين واكيد طبعا بيئه معظمهم كدب مش حقيقى

ولكن تقدر تقول كده ان ضغوط الحياه هى الى خلت الموضوع ده يزيد اوى

ويبقى اساسى فى حياة معظم الناس بشكرك جداااااااا يافارس على فكرتك الجميله

والموضوع الاجمل تحياااااااااااتى اختك حنون

[yasmine refat]

موضوع جامد يافارس

هبدأ ردي

بـ((كل مازاد عن حده قلب ضده))

سواء كان للصراحه والتعبير عن الرأي

أو للمجامله

وبرضوا العدم مضر

لو هنتكلم في المجامله فهي مش قول بس لأ فعل كمان

وهي مهمه فهي جزء من الحياه وبتساعد على نشر المحبه ومش ديما نفاق

نفاق أمتى لو حاجه واضحه زي الشمس وأجي أقول عكسها

ولو كنت بحمل كراهيه لشخص ما وقعد أقول في أشعار قداموا

وطبعا ده أحيانا نفاق مجبرين بي

زي مثلا دكتور عندي ممكن يرسبني في الجامعه يطلب رأي بحاجه لازم أجامل

ومش شرط أجامل أقول رأي بصراحه محدوده وذوق <<ودي أسمها برضوا مجامله

بس على الأقل بعدت عن النفاق

أصلي لو كنت بتكلم ديما بصراحه ووضوح هعمل مشاكل كتير ليا وممكن أزعل غيري

ولو مجاملتي مش هضر الطرف التاني بل بالعكس هترفع معنوياتو وتخلق جو من الألفه والمحبه

((أيه المشكله))

فالمجامله مطلوبه مدام خاليه من النفاق ومش هضر حد

يبقى أعرف أمتى أجامل وأزاي

لو جينا للصراحه برضوا الصراحه بضر

فمش ديما الطرف المقابل مجبر يسمع رأي وملزم

وغير كثرتها ممكن تنفر الناس فالناس محتاجه تسمع كلمه حلوه

وغير الشخص الي مطلبش صراحتي مش هفرض صراحتي علي إلا لو كان مقرب جداااا وفي مكانه تسمح لي أني أقول رأي بصراحه

وغير طبعا حريتي في الكلام هتنتهي عند الطرف التاني

مش أجي لمعتقدات ناس وحياة ناس وقول رأي بصراحه

أصلا حتى الرأي الصريح بيعبر عن نظرتي فكده بكون فرضت على غيري حاجه مش مجبرين عليها

بس أكيد في مواقف النقد الصريح والرأي الصريح فيها ضروره

لو كان في ظلم في ضرر فلازم أقول الصراحه

فإذا أنا مع الصراحه والمجامله بس أعرف أمتى أستخدمها وكل حاجه مهمه ولو لغينا شيء أكيد هنضر

مشكور على الموضوع

أختك