حوار رجل مع نفسه

[S h α h y]

بص راجل الى المراءة فشاف نفسه بتبصلوا فى عتاب وغضب

قال: لها انتى بتبصى لى كده ليه :

قالت: عشان انت تستحق كده انت مش انسان انت رجل ألى بيسمع كلام نفسه وبس على طول ماسك فى ديلى الى اقولك عليه تعمله على طول
قال: ايه الكلام الى انتى بتقوليه ده انتى اتجننتى ولا ايه انا انتى وانتى انا
قالت: لا طبعا انا ليا عقل وانت ليك قلب انت بتحس وانا بفكر وبخطط
فاكر لما انت كنت مع صديقك محمد قالك لك تعال معاى نتفسح شوية ونشم شوية هواء الت ماشى وخرجت معاه من غير ماتهتم بابناءك الى كانوا مستنينك عشان تخدهم فى حضنك وتعتنى بيهم وتديهم من حبك وحنانك انت مبتحبش غير نفسك وبس

وفاكر لما كان عندك رحلة فى الشغل للشاطئ والولك انك ممكن تسطحب ابناءك معاك اولت لا انا عايزة ارفه عن نفسى شوية ياناس حجيب عيالى معايا يخنقونى ويزهقونى فى عشتى ده يبقى عذاب
ده كمان دليل انك مش بتحب غير نفسك وبس

انت مختلف عن كل الناس الناس بيحبوا ابناءهم اكتر من عينيهم وبيعتنوا بيهم بيحلموا انهم يفضلوا معاهم طول حياتهم فاكر وانت صغير لما كنت بتتمنى انك يبقى عنك اطفال يملوا عليك الدنيا دلوقتى انت مخنوق منهم وزهقان منهم انت اه بتستخدم قلبك لكن فى حب عقلك
انت انانى

قال :انانى ايه انا عايز اعيش حياتى لوحدى بعيد عن الارف والزهق والعيال هو انا فاضى مش كفاية انى بشتغل وبكد عشان اجبلهم فلوس ياكلوا ويشربوا بيها مش كفاية انى بكسيهم بدل الطقم عشرة مش كفاية انى مسكنهم فى احسن مكان ومعيشهم احس عيشة ...

قالت: استنى متتكلمش ايه احسن عيشة دى عيالك كارهين العيشة دى انت فاكر انهم بالفلوس والغنى ده حيغنيهم عن حنانك وعطفك اصحى ياشيخ بقى اصحى عيالك محتاجين ليك عيالك دول اطفال هو والدك وانت صغير كان بيبعد عنك كده يمكن الفقر هو الى بيخلى الاب يفتكر عياله والغنى بيخلى الاب ينساهم حرام عليك يا شيخ بجد انا مستغنية عن حبك لنفسك انا عايزاك تحب عيالك اكتر منى مش عايزاك تحبنى
انت حرامى

قال :حرامى انا حرامى انا عمرى ما سرقت ولانهبت ولا عملت اى حاجة انا راجل شريف انتى متعرفنيش ولا ايه ولا انتى نفس نايمانة ولا ايه اصحى واعرفى انا مين

قالت :ههههه لاسيدى انا مش نايمانة .. انت سرقت حبك لعيالك واديتهولى ارجع لعيالك جرب تعض معاهم اتكلم معاهم اعرف هما بيفكرووا ازاى بيحسوا ببعادك عنهم بايه جرب

قال: تفتكرى كده

قالت :طبعا افتكر كده انا فكرت وعرفت انك لازم تقرب منهم ارجوك اعمل زى مابقولك وحتعيش حياه سعييييييدة جدا

قال: حاضر ياستى حعمل كده

(رجع الاب لابناءه وعاش معاهم احسن دنيا واكتشف ان الفلوس مش كل حاجة الاطفال هما الدنيا هما الى بيخلوا الواحد غنى بالحب والحنان)

رجع الاب يبص للمراة مرة اخرى فراى نفسه تنظر اليه فى فرحة وسرور

فقالت :شفت ياخوى بقى ان الاطفال هما كل حاجة شفت وعرفت ان كلامى كله كان صحيح ومظبوط

قال :عندك حق حقيقى الاطفال هم زينة الحياة احنا بنربى اجيال على الحب والعطف عشان يربه ابناءهم وابناءهم يربوا ابناءهم عشان لما يطلع منهم رئيس جمهورية يبقى عادل وحاكم فاروق

(شفتوا ياجماعة الاب كان ايه وبقى ايه الاطفال بيخلوا الاب حنين بجد وحقيقى كل واحد فينا بيتحدث مع نفسه اما بتديله ثواب او عقاب يارب تكونوا اتعلمتوا حاجة من القصة دى )

وشكرا

[noona]

جميل ان الانسان يحاسب نفسه ويحاورها كأنه واقف قدام المرآة

كلنا بنحتاج من وقت للتانى نقف وقفة ونبص فيها لنفسنا ... ونشوف ايه الغلط واللى بنقصر فيه ونصلحه

احيانا دوامة الحياة بتخلى الانسان تفوته اشياء كتير مهمة بتحتاج منه رعاية واهتمام

عشان كده لازم نعمل ستوب ونشوف ايه الاولويات اللى محتاجة مننا اهتمام اكتر

""

موضوع جميل يا بنوتة .. فيه تشجيع للانسان انه يراجع نفسه

بداية جيدة فى القسم .. وان شاء الله نشوف منك المزيد

خالصـ تقديرى ،،،

[NOUR alsma]

عتاب للنفس شئ رائع ومثمر
دمتم بود
نور السما

[special girl]

شكرا علي الحوار والحوار جميل جدا وبيدل علي صعوبه الرجل في الحياه.

[nooody]

اهو بطل القصه دة ضميرة صاحى

محاسبه النفس على فعل يصدر منها

شىء جميل بس نادرا لما تلاقى حد كدة

يقعد مع نفسه فى اخر اليوم ويراجع

حساباته وكل اخطاؤة اللى ارتكبها طول

النهار لانه عندة ضمير الناس اللى

زى دى مش تعرف تنام الا اذا حاسبه

نفسها

بس فى نفس الوقت مش لازم الانسان يقسو

على نفسه لما يجى يحاسبها

بس يكون مجرد لفت نظر للاخطاء

تقديرى

[لى لى المنياوية]

موضوعمميز
تقبل مرورى

[أميرة الأحلام]

شكرا على الموضوع