استفزازxاستفزاز......مش عجبك وايه يعني...في داااهية؟

[lost]

السلام عليكم......

أنا النهاردة هتكلم معاكم في موضوع بيستفزني جدااااا ونشرته في منتدى تاني ولقي تفاعل لا بأس به وأتمني تشاركوني فيه

الموضوع ببساطة هو اعلانات التلفزيون اللي بقت مستفزة بطريقة
تخليك لو قعدت قدام التلفزيون شوية تحس انك عاوز تكسره من كمية التفاهة والاستفزاز اللي بتشوفه

خدي عندك الأمثلة اللي جاية دي

كبر مول تجارى فى الساحل الشمالى
اكبر ملعب جولف فى الشرق الاوسط
اضخم مساحه خضراء فى مصر
الراحه الكبيره من عناء التلوث
بعيدا عن الزحام
على بعد 10دقائق من مش عارفة فين
عيش انت واولادك فى نعيم دائم

وعلى الجانب الآخر

أكبر أزمة في رغيف العيش
أكبر أزمة في ارتفاع الأسعار
أقل مرتبات للموظفين ف العالم
الخ الخ الخ
وعجبي يامصر

طيب دي مش حاجة تحرق الدم؟!!!!!
كل شوية اعلانات عن المدن الجديدة......وما هي الا تغذية للتعصب الطبقي ف المجتمع.
طب لو واحد قاعد معندوش شقة وشاف اعلانات المدن الجديدة وكمية الشقق اللي الفاضية اللي فيها وهو حلم حياته انه يسكن ف أوضة....ياتري احساسه هيكون ايه؟
طبعا ولا حد من صانعي هذه الاعلانات بيفكر في الكلام ده؟

طيب بلاش المثال ده.....ارميه على جنب شوية
خد الأمثلة اللي جاية.....

علانات الضرايب تحسسك ان مفيش حد جايب البلد ورا غيرك
وعجبي يامصر

ولا اعلان عن مشروب
يقولك
(استرجل واشرب........)
وعجبي يامصر

ولا اعلانات ميلودي أفلام
(يارب أصبح الصبح ألاقيها اتقفلت)
وهي بتعلن عن انتاج أفلام جديدة
حاجة في منتهي قلة الأدب
وعجبي يا مصر

ولا كان فيه اعلان شفته من فترة عن البطالة
معرفش كده بيقولك (الحق القطر قبل مايفوتك...) حاجة زي كده
وكأن فرص العمل على أفي مين يشيل
بس تعمل ليه ف الشباب...تنك ومش بيرضي بالشغل

ولا الاعلان ده لسة شايفاه أول امبارح وهو السبب في كتابتي الموضوع
عن شرطي بيزعق لواحد واقف ف المخالف
وبعدين بيظهر ان ده أحمد فتحي بوجي
ويقول مصمم الاعلان عشان تعرفوهم روحوا شجعوهم
وكأن لوكان الشرطي يعرفه فمش من حقه يزعقله لو وقف ف المخالف
وعجبي يا مصر

طيب سبوكم من اللي فات وخدوا الأمثلة الحية اللي جاية

أولا...وضعت العاشقة الرقيقة رأسها في الأرض وهي تعترف لشريكها المقبل في الحياة بأن أمها لا تزال تستخدم طريقة قديمة في تحضير السمن البلدي. العاشق يندهش ويصرخ: نفسي أعرف لماذا تفعل ذلك؟

ثانيا....شركة الهواتف المحمولة قالت «ماذا يحدث عندما يقرر 23 مليون مصري القيام بعمل واحد». الصور تلاحقت على أشخاص عيونهم مفتوحة باتساع، وكأنهم قادمون من عالم فضائي مرعب. لكن الإعلان ينتهي بمعلومة أنه طوال رمضان سيخصم من الفاتورة نسبة لعمل الخير. ما هو الخير؟ توزيع الصدقة على متسولين لا يقدرون على شراء ملابس العيد.....يحسسوك انهم ش هيكسبوا حاجة!!

ثالثا....اعلان عن نوع من أنواع المقرمشات.....واحد قاعد يقول لواحدة وحشة كلام حلو أوي عشان الكيس اللي معاها....وكأن الواحد ممكن يبقي مناق عشان كيس شيبسي بجنيه؟
ده ايه الشلل ده؟



ده طبعا غير الاعلانات اللي تحسسك اننا وصلنا لدرجة من التفاهة لاحدود لها
لأ مش عارفة البطل اللي هيعمل المستحيل عشان كيس شيبسي ولا اللي هيقتل اللي قدامه عشان ازازة بيبسي
ولا المسحوق اللي هخلي جوزك يحبك وتتحل كل مشاكلكم الأسرية
ولا ريحة السمنة اللي وصلت للجيران
ولا الأغنية الطويلة العريضة عشان ف الآخر يعلنوا عن ازازة زيت
ولا االبنات اللي عادوا بيجبوهم ف الاعلانات والبنت تقعد ترقص عشان تعلن عن منتج لا يقل تفاهة عنها ][/

صراحة حاجة تجيب الضغط والسكر ده ان ممتش بجلطة وانت قاعد تتفرج
مفيش أي مراعاة لشعور المواطن المطحون
وكأن ملخص الاعلانات دي
(مواطن مطحون ايه.....ايكش يولع)
(لتحيا التفاهة)
(أهم حاجة الفلوس.....شعور الناس في داااااهية)
الواحد زهق
ده لو بيصرفوا فلوس الاعلانات على الرعاية الصحية أو الاسكان أو حتي تنظيف الشوارع
كانوا حالوا مشاكل ناس كتير

معلش طولت عليكم وقرفتكم معايا

يلا سلااام

[مشتاقه للجنه]

ايه النظره التشائميه ديه

طبعا أنا معاكى أنه أستفزاز الناس عيازه شقه حجرتين وصاله للمعيشه

لا هناك فيلا باقل الاسعار 20مليون بس للمواطن العادى على اساس ان الموظف يقبض مليون فى الشهر

انا معاكى بس احنا الشعب المصرى متفائل ونحب الضحك بلاش ننظر من تلك الزاويه

ننظر من الجانب المضيئ انك تستطيع ان تحلم كويس بالليل

وأغانى الاعلانات بتفرح الاطفال شويه ... وهى ماشيه

وعجبى يا مصر

ههههههههههههههه

شـــــــــــــــــــــــــكرا للطرح

[SiLver Spectra]

موضوعك في قمة الروعة...

شوفي يا لوست

قبل ما نسأل ليه الاعلان كدا لازم نعرف سياسة الدعاية ايه غرضها

بمعنى

لو كان الاعلان عادي....يعني يجبلك خلفية بيضه و يطلع المنتج بشكل تقليدي

ماكنتيش نزلتي الموضوع دا لأن الاعلان ما كنش هيلفت نظرك

يبقى هما هدفهم الاساسي هو لفت الانتباه

عايز يشدك بأي طريقة كانت

مش بقولك إني مع دا..

لكن هو الراجل صاحب الشركة بيدفع فلوس في الدعاية بالملايين عشان يعوضها في المكسب الي هيجيله من المستهلك الي الاعلان هيعلق في راسه و لما هينزل السوبرماركت و يشوف المنتج في احتمال كبير يجربه

تخيلي كل واحد بس اشترى المنتج عشان يجربه

شوفي الشركة هتلم مكسب أد ايه

أضعاف اضعاف الدعاية

فطول ما انتي خارج دايرة الدعاية هتنقدي و هتعترضي و ليه بيعملوا كدا

لكن لو دخلتي السوق هتلاقي فكرك اتغير

مثال بسيط في المنتديات

كان الواحد على طول بيعترض على الاعلانات الي بتظهر فوق و في قلب المواضيع

لكن بعد كدا لما فهم ..عرف إن دي دعايه هدفها المكسب الي على اساسها بيستمر المنتدى مفتوح


نيجي لنقطة الدعايو بتاعت الحكومة الي المفروض إنها توعية

أحيانا أنا بخجل منها

لأنها لو صادره من محطه خاصه هقول المحطة تعبانه

لكن دي صادره من الحكومة

طيب ايه الي بيخليهم ينزلوا اعلانات زي كدا

حسوا انها وسيله كويسه للتقرب من المواطن

بغض النظر عن التفاهه

بس عشان نكون منصفين

مش كلها اعلانات تافهه

في كتير منها كويس

يعني في بتاع سكة الحديد الناس الي بتشخبط و بتقطع في القطر دا كويس

اعلان البطاله مش شايف انه وحش

لازم تعرفي إن الحكومة و الشعب واحد

يعني مشكلة الفقر دي مشكلة الشعب و الحكومة مش بس الحكومة

فعلا إحنا شعب نمطي و بيحب يريح دماغه

فتلاقي كل الناس فاتحه محلات موبيل...سايبر...سوبر ماركت..الخ

كلو شبه بعضه

اخر حاجه اعلانات المدن الجديده

دي برضو شركات استثمارية ضخمة

و بتعمل مشاريع ضخمة زي مدينتي بتاعت طلعت مصطفى و بتستخدم الدعاية عشان تجذب الناس تشتري و تتملك البيوت

مش غرضهم يغلوسوا عليكي

كل شركة ليها هدف من الدعاية و هو الربح و لفت الانتباه

زي ما بيقولك الشاطر هو الي يتاجر و يكسب

هما في الدعايو العقارية مش بيأذوكي بمناظر خليعه مثلا...

الاعلان مافيش فيه اي حاجه

بالعكس في ناس بتبقى متغربه في الخليج بيشوفوا الدعاية و بيبدأوا يتملكوا



عارفه بقى المشكلة في ايه؟

في المحطات الي بتزاحم الاعلانات عشان تكسب على أد ما تقدر

هي دي المشكلة الرئيسية

إنه يجبلك 5 دقايق من البرنامج و بعدها 10 دقايق اعلانات

برضو المحطه بتدور على المكسب

كلها عملية تجارة و ربح مش أكثر


شكرا على مضووعك يا لوست

[شاعر الاقصى]

انا هريحك انا والله مش بشوف tvخلاص الحمد لله

حتى لو شفته انتا بتحكم فيه وخلاص وعمره ما هيعصبني خاالص

وشكرا لكي

ومساء الخير

[حبرالقمر]

أنا معاكي فكل اللي قولتيه لأني أنا من أكتر الناس اللي بتكره الإعلانات لسببين الأول أنهم بيقطعوالمسلسل اوالفيلم البتفرج عليه وخصوصالما تكون حته مهمه في القصه وثانيا لأن كلها كدب فكدب أشي شامبو حيخلي شعرك حرير في أسبوع واشي كريم يبيض فيومين ده غير الخحبايه اللي حتخسسك في أسبوعين من غير دايت دا غير الإعلانا ت التافه ومثال عليها إعلان لسه شايفاه حالا بيقول عشان تحافظي علىالمانيكير بتاعك عملنالك غسالة طباق وعشان صورتك بتبقى أحلى لوشعرك بيطير عملنالك مروحة******مشفتش أتفه من كده ولا أستفزاز أعلى من كده بشكرك على التوبيك الرائع

[روح صامتة]

المشاركة الأصلية كتبت بواسطة SiLver Spectra ~

موضوعك في قمة الروعة...

شوفي يا لوست

قبل ما نسأل ليه الاعلان كدا لازم نعرف سياسة الدعاية ايه غرضها

بمعنى

لو كان الاعلان عادي....يعني يجبلك خلفية بيضه و يطلع المنتج بشكل تقليدي

ماكنتيش نزلتي الموضوع دا لأن الاعلان ما كنش هيلفت نظرك

يبقى هما هدفهم الاساسي هو لفت الانتباه

عايز يشدك بأي طريقة كانت

مش بقولك إني مع دا..

لكن هو الراجل صاحب الشركة بيدفع فلوس في الدعاية بالملايين عشان يعوضها في المكسب الي هيجيله من المستهلك الي الاعلان هيعلق في راسه و لما هينزل السوبرماركت و يشوف المنتج في احتمال كبير يجربه

تخيلي كل واحد بس اشترى المنتج عشان يجربه

شوفي الشركة هتلم مكسب أد ايه

أضعاف اضعاف الدعاية

فطول ما انتي خارج دايرة الدعاية هتنقدي و هتعترضي و ليه بيعملوا كدا

لكن لو دخلتي السوق هتلاقي فكرك اتغير

مثال بسيط في المنتديات

كان الواحد على طول بيعترض على الاعلانات الي بتظهر فوق و في قلب المواضيع

لكن بعد كدا لما فهم ..عرف إن دي دعايه هدفها المكسب الي على اساسها بيستمر المنتدى مفتوح

نيجي لنقطة الدعايو بتاعت الحكومة الي المفروض إنها توعية

أحيانا أنا بخجل منها

لأنها لو صادره من محطه خاصه هقول المحطة تعبانه

لكن دي صادره من الحكومة

طيب ايه الي بيخليهم ينزلوا اعلانات زي كدا

حسوا انها وسيله كويسه للتقرب من المواطن

بغض النظر عن التفاهه

بس عشان نكون منصفين

مش كلها اعلانات تافهه

في كتير منها كويس

يعني في بتاع سكة الحديد الناس الي بتشخبط و بتقطع في القطر دا كويس

اعلان البطاله مش شايف انه وحش

لازم تعرفي إن الحكومة و الشعب واحد

يعني مشكلة الفقر دي مشكلة الشعب و الحكومة مش بس الحكومة

فعلا إحنا شعب نمطي و بيحب يريح دماغه

فتلاقي كل الناس فاتحه محلات موبيل...سايبر...سوبر ماركت..الخ

كلو شبه بعضه

اخر حاجه اعلانات المدن الجديده

دي برضو شركات استثمارية ضخمة

و بتعمل مشاريع ضخمة زي مدينتي بتاعت طلعت مصطفى و بتستخدم الدعاية عشان تجذب الناس تشتري و تتملك البيوت

مش غرضهم يغلوسوا عليكي

كل شركة ليها هدف من الدعاية و هو الربح و لفت الانتباه

زي ما بيقولك الشاطر هو الي يتاجر و يكسب

هما في الدعايو العقارية مش بيأذوكي بمناظر خليعه مثلا...

الاعلان مافيش فيه اي حاجه

بالعكس في ناس بتبقى متغربه في الخليج بيشوفوا الدعاية و بيبدأوا يتملكوا

عارفه بقى المشكلة في ايه؟

في المحطات الي بتزاحم الاعلانات عشان تكسب على أد ما تقدر

هي دي المشكلة الرئيسية

إنه يجبلك 5 دقايق من البرنامج و بعدها 10 دقايق اعلانات

برضو المحطه بتدور على المكسب

كلها عملية تجارة و ربح مش أكثر

شكرا على مضووعك يا لوست

بصراحة انا موافقة سيلفر على كل حاجة قالها
لان هية دي سياسة الاعلانات
انا مثلا لما بشوف منتج اعلانه غريب بروح اجربه ولا انتي ما شوفتيش اعلان بوبس
كان جامد وفعلا فكرت اني اشتريه بس اما ينزل في السوق
هية دي سياسة الاعلانات زي ما طارق قال
الغرض منها لفت الانتباه وجذب المستهلكين
وبصراحة موضوعك جميل جدا وبشكرك عليه اوي
ارق تحياتي ليكي يا قمر

[lost]

شكرا لمروركم على الموضوع
أنا بجد بستفيد من كل الآراء اللي بتتكتب حتيلو كان رد واحد

[هيا*HYA*]

هنعمل ايه زى ما قال طارق الشركات بيعملوا كدة عشان يكسبوا ويعوضوا اللى صرفوه فى الاعلاانات على اللى بس هيجرب المنتج ولو لمرة واحدة بس
بس برضه منقضرش ننكر ان اللوم بيعود على القناة نفسها تقعد تتفرج على برنامج او مسلسل لمدة 5 دقايق وفجاة تلاقى الاعلانات قطعت عليك كدة وتفضل شغاله من 10 دقايق لربع ساعه وتنسى لو بتتفرج على مسلسل او فيلم انت وصلت لفين ولا ايه اللى حصل قبل كدة بيتوهوك جوه الاعلانات الكتيرة دى
يلا حسبى الله ونعم الوكيل .. كل حاجه بيفرضوها عليك جت يعنى على الاعلانات
ربنـــــــــا يزيــــــدك

[kitty cat]

كل الكلام اللي قلتيه ده صحيح بس دي سياسه مكسب

لكن ده ميمنعش ان في اعلانات كويسه جدا

زي حمله "هذه حياتي هذا ديني "
والحاجات اللي زي دي
أكتر اعلان بيغيظني بجد
بتاع الضرائب
وفي الاخر مش كل الاعلانات بنمشي وراها
يعني بتحكمي عقلك قبل أي حاجه
موضوع رائع يا lost
كل سنه وانتي طيبه

[lost]

اقتباس المشاركة الأصلية كتبت بواسطة kitty cat كل الكلام اللي قلتيه ده صحيح بس دي سياسه مكسب لكن ده ميمنعش ان في اعلانات كويسه جدا زي حمله "هذه حياتي هذا ديني " والحاجات اللي زي دي أكتر اعلان بيغيظني بجد بتاع الضرائب وفي الاخر مش كل الاعلانات بنمشي وراها يعني بتحكمي عقلك قبل أي حاجه موضوع رائع يا lost كل سنه وانتي طيبه

وانني طيبة يا كيتي
أنا برضه عجبتني اعلانات "هذه حياتي هذا ديني"
شكرا لمرورك
عيد سعيد