عمرك سألتي نفسك .. انت محجبة بجد .. ولا حجابك حجاب كدة وكدة؟؟

[mody766]

[كل سنة وأنتم كلكم طيبين وبألف صحة وسلامة وسعادة
وتقبل الله منا ومنكم
وكل عيد وأنتم إلى الله أقرب
موضوعي عن الحجاب اللي هوا مش حجاب
اللي نقدر نسميه حجاب كدة وكدة
يعني عشان البنت تقدر تقول للناس انها محجبة .. وفي نفس الوقت تلبس اللي هيا عايزاه من غير متفكر كتير اللبس دة حجاب بجد ولا لا؟
حجاب يرضي ربنا ويرضى عنه الرسول صلى الله عليه وسلم ولا لأ؟
صور الحجاب دة كتير من أشهرها إن البنت تلبس بنطلون جينز مثلا ومغطية شعرها وفاهمة - أو بتحاول تقنع نفسها - إنها محجبة.
أو تلبس مثلا جيبونة مع بودي وطبعا مننساش نغطي شعرنا عشان نقول اننا لابسين الحجاب رغم ان كلنا عارفين البودي بيبقى عامل ايه وشكله ايه بالظبط.
وفي صور تانية كتير مش عايز أستفيض فيها .. بس عايز اسأل البنت دي : يا ترى بتخدعي مين بالحجاب اللي كدة وكدة دة؟؟
ربنا ؟؟ حاشاه سبحانه وتعالى هوا اللي خلقك وهوا اللي عارف اللي في قلبك واللي بتفكري فيه .
الناس؟؟ الناس واعية كويس وبتقدر تفرق اوي بين الحجاب الحقيقي والحجاب اللي كدة وكدة.
مش باقي غير نفسك ، تحبي تكوني بتخدعي نفسك؟؟
عايز أقول كمان ان البنت اللي بتلبس كدة وبتقول دي خطوة على طريق الحجاب ، لازم تبقى عارفة انها مجرد خطوة ، يعني ايه ؟؟ يعني هيا لحد دلوقتي لسة مش محجبة وبالتالي الوعيد اللي في الحديث الشريف :" صنفان من أهل النار لم أرهما ... ونساء كاسيات عاريات مميلات مائلات رءوسهن كأسنمة البخت المائلة ، لا يدخلن الجنة ولا يجدن ريحها ..." الوعيد دة ينطبق عليها لانها ما زالت غير محجبة .
أخواتي الفاضلات : المقطع دة مدته ثلاث دقائق تقريبا بيتكلم فيه الشيخ محمد حسان عن شروط الحجاب الصحيح

rapidshare

http://zero10.us/140549

[احمد يحي]

بشكرك على موضوعك المهم جدا

واحب أأكدلك ان هم بيلبسوا ضيق وبيبقوا عارفين كويس ان ده مش حجاب

بس زى ما انت قلت بيضحكوا على نفسهم علشان مش يأنبوا ضميرهم

وتقريباً الطرحة بيحطوها على شعرهم استسهال ،

يعنى مش معقولة كل ما تخرج تسرح شعرها وتحطله كريم

وعجبتنى اوى معلومة نفسية تفسر ذلك" من المعروف أن شوق المرأة للرجل ليس كشوق الرجل للمرأة ، فالرجل

يشتاق الى المرأة ويُفتن بها فى المقام الأول .. أما المرأة فشوقها إلى الزينة من اللباس والحلي يفوق شوقها إلى

الرجال لأنه مما جُبلت عليه "



بشكرك على موضوعك


وجزاك الله خيرا

[mody766]

اقتباس المشاركة الأصلية كتبت بواسطة احمد يحي بشكرك على موضوعك المهم جدا واحب أأكدلك ان هم بيلبسوا ضيق وبيبقوا عارفين كويس ان ده مش حجاب بس زى ما انت قلت بيضحكوا على نفسهم علشان مش يأنبوا ضميرهم وتقريباً الطرحة بيحطوها على شعرهم استسهال ، يعنى مش معقولة كل ما تخرج تسرح شعرها وتحطله كريم وعجبتنى اوى معلومة نفسية تفسر ذلك" من المعروف أن شوق المرأة للرجل ليس كشوق الرجل للمرأة ، فالرجل يشتاق الى المرأة ويُفتن بها فى المقام الأول .. أما المرأة فشوقها إلى الزينة من اللباس والحلي يفوق شوقها إلى الرجال لأنه مما جُبلت عليه " بشكرك على موضوعك وجزاك الله خيرا

أخي الفاضل أحمد يحيى
أشكر لك مرورك الراقي
والأضافات القيمة التي أضفتها
وأضيف إلى كلامك أن الرجل مجبول على حب المرأة وعدم الصبر عنها
لكنه لو تبع هواه وأطلق لشهواته العنان هلك أو يوشك أن يهلك فالمفروض أنه يعمل كنترول على هواه ويصرف شهواته في الحلال فقط
وكذلك المرأة مجبولة على حب الزينة لكنها لو أطلقت لرغباتها العنان هلكت وأهلكت معها الرجال يبقى الحل انها تخلي زينتها في بيتها امام زوجها ومحارمها
وجزاك الله خيرا
وكل سنة وانت طيب
دمت بخير

[فــــــــــرح]

اولا اشكـــرك على غيرتك على بنات بلدك,,
وجزاك الله خيــــر على الموضوع القيم والواقعــي,,

بس انا من وجهت نظري كفتاه غير مصريه اشوف ان البنات في مصر
ماشاءالله تبارك الله ابتدت تتحجب وبكثره واللي كانت محجبه بدأت تلبس
النقاب يعني بجد حاجه تفــــرح,,

وبشوف ان البنات اللي بتلبس محزق وحجاب يمكن تكون جديده عالحجاب
ولسى مش عارفه يعني وحده وحده اهم حاجه انها الحمدلله بدأت تتحجب,,

[mody766]

اقتباس المشاركة الأصلية كتبت بواسطة فــــــــــرح اولا اشكـــرك على غيرتك على بنات بلدك,, وجزاك الله خيــــر على الموضوع القيم والواقعــي,, بس انا من وجهت نظري كفتاه غير مصريه اشوف ان البنات في مصر ماشاءالله تبارك الله ابتدت تتحجب وبكثره واللي كانت محجبه بدأت تلبس النقاب يعني بجد حاجه تفــــرح,, وبشوف ان البنات اللي بتلبس محزق وحجاب يمكن تكون جديده عالحجاب ولسى مش عارفه يعني وحده وحده اهم حاجه انها الحمدلله بدأت تتحجب,,

أختي الفاضلة فرح
أشكر لك مرورك العاطر وتشريفك لموضوعي وهناك عدة نقاط أثارها ردك القيم أحببت أن أوضحها
أولا : غيرتي ليست على بنات بلدي فقط ، غيرتي على كل فتاة مسلمة تشهد أن لا إله إلا الله وأن محمدا رسول الله ، صلى الله عليه وسلم
ثانيا : لا أحد ينكر انتشار الحجاب (الصح ) والنقاب في مجتمعنا المصري بفضل الله تعالى ، ومع هذا فالحجاب (اللي كدة وكدة ) ما زال موجودا وحديثي موجه إلى هذا النوع .
ثالثا : بصرف النظر عن مسالة وحدة وحدة ، وهل يصح من الاصل أن يكون في الحجاب شيء اسمه واحدة واحدة ، فالفتاة إما محجبة أو غير محجبة ، أما ذات الواحدة واحدة فهي ما زالت غير محجبة ، ولا يطلق عليها محجبة إلا حين تتحجب فعلا.
جزاك الله خيرا لاهتمامك
تقبلي تحياتي

[دبدوبة الحبوبة]

مودي

ماشاااااااااااااااء الله تبارك الله
موضوعك بجد راااااااااااااائع وقوي

وفيه حاجة هزتني مع اني ولله الحمد لبست النقاب من فترة فما بالك باللي مش محجبات واللي فاكرين انهم محجبات


يااااااااااااارب كلامك يوصل لقلوب باقي البنات زي ماوصلته لقلوبنا

تسلم يا مودي ع الاسلوب الراقي والسلس ده

[أمة الله]

بسم الله الرحمن الرحيم

بارك الله فيك اخى الكريم وهدى الله تعالى جميع بنات ونساء المسلمين

سترنا الله واياك فى الدنيا والاخره

[rona medany]

ولله عندك حق موضوعك

كلام منطقى فعلا جزالله كل الخير

[mody766]

اقتباس المشاركة الأصلية كتبت بواسطة دبدوبة الحبوبة مودي ماشاااااااااااااااء الله تبارك الله موضوعك بجد راااااااااااااائع وقوي وفيه حاجة هزتني مع اني ولله الحمد لبست النقاب من فترة فما بالك باللي مش محجبات واللي فاكرين انهم محجبات يااااااااااااارب كلامك يوصل لقلوب باقي البنات زي ماوصلته لقلوبنا تسلم يا مودي ع الاسلوب الراقي والسلس ده

أختي الفاضلة دبدوبة الحبوبة
جزاك الله خيرا على المرور الراقي
وأسعدني جدا ثناؤك على الموضوع
أسأل الله تعالى أن ينفع به
وأبارك لك ارتداء النقاب وأسأل الله تعالى لك الثبات
دمت بخير ومودة

[Dr.nour]

فعلا الموضوع يستاهل النقاش
والنقاش بجد
لان معظم المحجبات دلوقتى بقوا النظام ده
ولازم بيتهيالى ناخد وقفه

ميرسى للموضوع