يرضيكى يا مصر اهلك يعملوا كده

[نزف الذكريات]

يا مصر يا معلمة الدنيا الأدب

من آلاف السنين

يا مرّبيانى ومشّيلانى فوق دراعى

مدنة الرفاعى وسيدنا الحسين

يرضيكى يا مصر

إللى اتكتب فوق بيبانك

يرضيكى ... أسماء الدكاكين

مكوجى الحرمين !!

قهوجى المؤمنين !!

جزمجى المدينة المنورة !!

وتسالى آل البيت !!

يا مصر يا مؤمنة

قريت الكلام وبكيت

يا مصر السلاملك والحرملك

وأودة الضيوف

يا ريت تشطبى كل الحروف

بامشى فى الشوارع جنب الجوامع مكسوف !!

مطبعة يوم القيامة !!

مكتبة أهل الندامة !!

وسباك القدس الشريف !!

يا مصر الأولياء والصالحين

والحسب والنسب

يا مصر يوسف وموسى عليهم السلام

يا مصر الغزالى والقرضاوى والشعرواى

وكل من ليكى اتنسب

فهّمى الناس الغلابة

وامسحى كل الكتابة

لأنـــــــــــه عيــــب

فطير أهل السنة !!

وعصير أهل الجنة !!

وأبراج الصحابة!!

يا مصر الأدب

يا معلمنى الصح من الغلط

من فضلك نزلى اليفط

واعذرينى بغير على دينى

وحاسس بقلة أدب

المصدر : موقع د . عمرو خالد
سبب النقل : حقائق ، وعجائب أهل البلد

أخوكم : نزف الذكريات

[ranomaa]

الله عليه عمرو خالد
ملوش حل بجد في علاجه للمشاكل
وفعلا لازم الناس تاخد بالها
ومتبقاش ماشيه عمياني كدا
ومش واخده بالها من الحاجات دي

نزف الذكريات
بيعجبني جدا اختيارك
وبيعجبني اكتر انتمائك وحبك لمصر
يسلمووووووووو كتييييييييييير
تحياتي الك

[primo uomo]

الاخ نزف الذكريات
هى فعلا كلمات جميله .. شعر زجلى حلمنتيشي ساخر لذيذ
ولكن
ايه المقصد والمغزى من وراء كتابه يفط ولافتات المحلات والحوانيت بهذة العبارات وهذه العناوين ؟؟!!
* هل هو استبشار بالخير واستحسان البشر من وراء الاسم
* هل هو نظام جر رجل للزباين عشان نقول اه ده الراجل ده شكله كويس وملتزم من عنوان المحل بتاعه
* هل يقصد بالاسماء دى تغطية لاسلوب تجارته ايا كان نوعها
انا رايي فى كل الاحوال ان مفيهاش اى حاجه ان الواحد يسمي اسم المحل بتاعه باسماء من هذه الاسماء وخاااااااااااااااااصة لو كان المحل مناسب
بمعنى محل عصير ( ايه المانع انى اسميه مثلا جنة الفواكهه )
برج مثلا ( اسمية برج مكة )
طيب ايه رايك فى اللى يسمي مشروع مختلف عليه دينيا وفقهيا من الاساس وينسبه للاسلام راسا
اقولك ايه هو
( بنك فيصل الاسلامى )
اولا قضية البنوك والعمل فيها والتعاملات من خلالها قضية شائكة مختلف فيها
بس فيه قاعده فقهيه بتقول ( من خدعنا بالله خدعنا له )
واحد بيقولك انا بنك اسلامى .. خلااااااااااص شيل يا حبيبي على اكتافك
المهم مش قضيتنا
نيجي بقي لبقية تسمية المحلات
واحد بيقولك انا اسمي ( فندق الصحابه .. او ابراج الصحابه .. ) يعنى نسير على نهج الصحابة يعنى نستقى اخلاقنا من اخلاق الصحابة خلاص انا
هاعملك على هذا الاساس
او عصير اهل الجنة .. يعنى طعم العصير يشبه فاكهة الجنة كنايه عن الطعم الجميل والمذاق اللذيذ خلاص براحتك ده شئ يرجع لدينك ومصداقيتك فيه
..
وهكذا
طبعا ده رايي
بغض النظر عن اللى كاتب الزجل والغرض من وراه
ومشكور على اختيارك ولكن دى وجهات نظر
واخيرا اشكرك على الموضوع
؟@

[هانا مونتانا]

الشعر اكثر من رائع و كلماته جميييييييييييييييييييييييييييييييييييييييييييييييي ييييييييييييييييييييييييييييييييييييييييلة جداا

[زهراء الربيع]

شكرا على الموضوع

جزاك الله خيرا

[نزف الذكريات]

اقتباس المشاركة الأصلية كتبت بواسطة ranomaa الله عليه عمرو خالد ملوش حل بجد في علاجه للمشاكل وفعلا لازم الناس تاخد بالها ومتبقاش ماشيه عمياني كدا ومش واخده بالها من الحاجات دي نزف الذكريات بيعجبني جدا اختيارك وبيعجبني اكتر انتمائك وحبك لمصر يسلمووووووووو كتييييييييييير تحياتي الك

ده شرف لى والله


الاخت الفاضله / رانومه

تشرفت بمروك الكريم
وسعدت بتواجدك الطيب
أشكرك بردك وكلماتك
ونورتى صفحاتى

تقبلى شكرى ووافر أحترامى

أخوكى / نزف الذكريات

[المستحيله]

كلمات جميله و معبره حقا
ياريت نرجع زى زمان
ربنا يهدى الجميع
مشكور اخى على نقلك المميز الرائع
تحيتى و فائق احترامى

[نزف الذكريات]

اقتباس المشاركة الأصلية كتبت بواسطة primo uomo الاخ نزف الذكريات هى فعلا كلمات جميله .. شعر زجلى حلمنتيشي ساخر لذيذ ولكن ايه المقصد والمغزى من وراء كتابه يفط ولافتات المحلات والحوانيت بهذة العبارات وهذه العناوين ؟؟!! * هل هو استبشار بالخير واستحسان البشر من وراء الاسم * هل هو نظام جر رجل للزباين عشان نقول اه ده الراجل ده شكله كويس وملتزم من عنوان المحل بتاعه * هل يقصد بالاسماء دى تغطية لاسلوب تجارته ايا كان نوعها انا رايي فى كل الاحوال ان مفيهاش اى حاجه ان الواحد يسمي اسم المحل بتاعه باسماء من هذه الاسماء وخاااااااااااااااااصة لو كان المحل مناسب بمعنى محل عصير ( ايه المانع انى اسميه مثلا جنة الفواكهه ) برج مثلا ( اسمية برج مكة ) طيب ايه رايك فى اللى يسمي مشروع مختلف عليه دينيا وفقهيا من الاساس وينسبه للاسلام راسا اقولك ايه هو ( بنك فيصل الاسلامى ) اولا قضية البنوك والعمل فيها والتعاملات من خلالها قضية شائكة مختلف فيها بس فيه قاعده فقهيه بتقول ( من خدعنا بالله خدعنا له ) واحد بيقولك انا بنك اسلامى .. خلااااااااااص شيل يا حبيبي على اكتافك المهم مش قضيتنا نيجي بقي لبقية تسمية المحلات واحد بيقولك انا اسمي ( فندق الصحابه .. او ابراج الصحابه .. ) يعنى نسير على نهج الصحابة يعنى نستقى اخلاقنا من اخلاق الصحابة خلاص انا هاعملك على هذا الاساس او عصير اهل الجنة .. يعنى طعم العصير يشبه فاكهة الجنة كنايه عن الطعم الجميل والمذاق اللذيذ خلاص براحتك ده شئ يرجع لدينك ومصداقيتك فيه .. وهكذا طبعا ده رايي بغض النظر عن اللى كاتب الزجل والغرض من وراه ومشكور على اختيارك ولكن دى وجهات نظر واخيرا اشكرك على الموضوع ؟@

طبعا رأيك ولازم نحترمه

ووجهه نظرك لها كل التقدير

ويمكن يكون فى آراء مثل رأيك

وأيضاً يكون آراء تختلف


ولكن يا عزيزى الاختلاف فى الرأى لا يفسد الود

وأنت يا عزيزى مؤيد فكره هذة الاسماء

ولكن لى عندك سؤال ؟؟

لو عندك مطبعه ممكن تسميها
" مطبعه يوم القيامة "

أو لو عندك محل فطير ممكن تسميه
" فطير أهل السُنة "


أجب ولن تعطينى جوابك
راجع نفسك وأحتفظ بيه لنفسك


مشكلتنا يا عزيزى الغالى

أننا ناس طيبين وطيبين أوى كمان

وبحُسن نيه ممكن تغوص فى الذنب ولكن دون قصد


كمان هناك شىء آخر !!!

حديثى كله عن لفتات المحلات

التى يملكونها أهل البلد

ولست قصدت شىء مملوك للبلد نفسها

مثل بنك كذا أو كذا

هذة سياسات ولسنا بداعى لها أو الغوض فيها



أخى الحبيب / بريمو أومو

تشرفت بمرورك الطيب
وسعدت بتواجدك الكريم
وأسعد بالنقاش والحوار معاك
بارك الله فيك يا غالى

تقبل شكرى ووافر أحترامى

أخوك / نزف الذكريات

[نزف الذكريات]

اقتباس المشاركة الأصلية كتبت بواسطة هانا مونتانا الشعر اكثر من رائع و كلماته جميييييييييييييييييييييييييييييييييييييييييييييييي ييييييييييييييييييييييييييييييييييييييييلة جداا

الاخت الفاضله / هانا مونتانا

تشرفت بمروك الكريم
وسعدت بتواجدك الطيب

تقبلى شكرى ووافر أحترامى

أخوكى / نزف الذكريات

[نزف الذكريات]

اقتباس المشاركة الأصلية كتبت بواسطة زهراء الربيع شكرا على الموضوع جزاك الله خيرا

الاخت الفاضله / زهراء الربيع

تشرفت بمروك الكريم
وسعدت بتواجدك الطيب

تقبلى شكرى ووافر أحترامى

أخوكى / نزف الذكريات