ماذا تفعل لو مكان هذا؟؟؟

[منال ابوالوفا]

صباح الخير & مساء الخير
فيلم تسجيلي رايته في احد البرامج على شاشه التلفزيون
كان يوجد مجموعة طلاب يؤدون امتحان وكان من بينهم طالبان صديقان جدا لبعض وكان احد منهم يغش من واحد جانبه في الديسك فلمحته المدرسه وقالت له انت تغش؟؟قال لها انا لم اغش قالت له انت كاذب قال لها انا لم اغش ولم اكذب فسألت صديقة وصاحبه الحبيب اليه قالت له هل هذا يغش؟؟؟
ولكن توقف الفيلم عند هذا الحد
وسئل سؤال

ماذا تفعل لو كنت مكان هذا؟؟؟؟
وسئلت نفس السؤال على
الرغم من ان هذا صاحبك الغالي والحبيب لديك؟؟؟؟؟؟؟؟

هل تبلغ عن صاحبك وبكده صاحبك ممكن يزعل منك ؟ ام تقول انه لم يغش على الرغم من انك لوفعلت ذلك ستكون كااذب؟
تحياااااتي
كا سنة وانتوا طيبين

[سمــر]

وانتى طيبه يا منوله

الكلام اللي المفروض يتقال في الموضوع ده ان انا هابلغ عنه وان تصرفه ده مش كويس وانى انصحه او ابعد عنه لانه انسان مش كويس

زي ما قلت ده هو المفروض
لكن الحقيقه ان دى مساله اكبر من كده لدرجه ان ممكن حد يتصرف من غير تفكير ويكذب علشان صاحبه
ببساطه لان الانسان مخلوق اجتماعي محتاج لاصحاب ولما تحصل حاجه زي دي بيخاف انه يفقد اصحابه فبيتصرف من وجهه نظر دفاعيه جدا

انا فعلا حصل معايا نفس الموقف من زمان اوي
واللي عملته انى قلت للمدرس انها بتغش(مش عارفه انا كنت بفكر في ايه ساعتها )

وفعلا صاحبتي خاصمتنى ............

السؤال الحقيقي هل انا كنت ممكن اعمل كده تانى؟ بعد ما عرفت اللي ممكن يحصل
اعتقد دى حاجه لازم نربيها في الاطفال من سن صغير

انه ما يخافش من الصح

على فكره انا وصاحبتى دلوقتى اعز اصحاب (للعلم بس)
ههههههه

شكرا ليكي يا منوله على موضوع بجد رائع
عــــــيــــــــــ سعيدــــــــــــــــــــــد

[Eng lola hamdy]

بصى
هو انا لو قلت ممكن اخسره ولو مقلتش هبقى كاذبة فانا لو المدرسة سالتنى هقولها انا معرفش حاجة او هقولها انا مليش دعوة بالموضوع ده

[مايوى]

انا ممكن اعمل حاجتين الله اعلم هاعمل ايه وقتها

1-هقول الحقيقة لو زعا منى او خسرته هيشكرنى بعدين


2-هقول معرفش

[سمــر]

اقتباس المشاركة الأصلية كتبت بواسطة the golden heart بصى هو انا لو قلت ممكن اخسره ولو مقلتش هبقى كاذبة فانا لو المدرسة سالتنى هقولها انا معرفش حاجة او هقولها انا مليش دعوة بالموضوع ده

اسمحيلي في الحالتين تبقي كذبتى لانك عارفه ان الشخص ده غش فعلا

[Eng lola hamdy]

لا
بس انا لما اقول انى مليش دعوة بالموضوع ده يعنى انا عايزة اخرج نفسى منه ومش عايزة حد يسالنى

[سمــر]

اقتباس المشاركة الأصلية كتبت بواسطة the golden heart لا بس انا لما اقول انى مليش دعوة بالموضوع ده يعنى انا عايزة اخرج نفسى منه ومش عايزة حد يسالنى

صح
لكن دى اسمها سلبيه
واحنا بندور على احسن حل

وبعدين هو فيه مدرسين في مصر كلها ممكن تعدى كلمه ماليش دعوة
مستحيل طبعا

دى احتمال تنسى المشكله الاساسيه وتمسك في ماليش دعوه دى

هههههههههههههه

اسالينا انا

انا مشاغبه قديمه

ههههههههههههه

[فــــــــــرح]

انا اصلا محدش يقدر يغش مني
لاني لما بكون بجاوب عالورقه بترمي كلي عليها
وجهي وشعري وايديني مابعرفش اركز غير وانا كدا!!!
هههههههههه
بس لو حصل معايا اتوقع اني حقول (ماانتبهتش هيا بتغش مني او لا)!!
ولمن اطلع من القاعه راح افهم صحبتي انها متحرجنيش مره تانيه!!,,

[سمــر]

بس ليه الكذب يا فرح

ان ماحدش يغش متك دى مسؤليتك اعملى اللى انتى عايزاه اترمي على الورقه ارمي الورقه من الشباك
ههههههه
كله صح طالما انتى بتدافعى عن حقك

ولما تقولي للي بغش ان ده غلط بدره صح جدا

لكن انك مانتبهتيش وانتى عارفه
ده طبعا غلط

الشجاعه الحقيقيه انك عملى الصح وتتحملي النتايج

انا تعبت بقا
هههههههههه
ياريت حد ياتى يدير الحوار

هيا منال حطت الموضوع وقفلت

ههههههههههههه

[منال ابوالوفا]

متشكرة يكي اووي يا سمر على مرورك الى نور صفحتي
ورد بصراحة بمنتهى العقلانيه ومسير صاحبتك ترجع ليكي لاني انت كده عملتيي على مصلحتها واديكوا رجعتوا اصحاب احلى من الاول
عيد سعييد
يا سمورة يا قمر انتي
تحيااااااااتي