اصعب نعم.. واصعب لا ..

[marmora]

اصعب نعم .. واصعب لا ..



تمر في حياتنا مواقف صعبه .. تتطلب منا ان نكون حازمين .. وآن نتخذ قرار لارجعه فيه

قد يكون ذاكـ القرار

مؤلما..

وقد يكون

صعباً ..

لكن الحسم يتوقف على حرفين فقط .. { .. إما

نعم .. وإما لا ..!!

متى يكون قول نعـم . او لا صعبــا ً وقاسيــاً..!!

هل مررت بموقف اجبرت فيه على خيار .. حسمته بنعم .. او بلا وكان مصيريـــا..!

{ ..


إذن !!


من وجهه نظرك



ماهي اصعب نعم !

وماهي اصعب لا !




انتظــــر مشــاركتـكــــــــم

[Dr.nour]

اه فعلا مريت
وبتبقى قرارات صعبه جدا
وبيكون لازم عليكى الاختيار
ويا اما اه ويا اما لا
ودى بتكون قررات مصيريه
فلازم نسترعى الدقه والتانى والتروى
فى اخذ اى قرار يتعلق بالمصير

[Mysterious]

انا شخصيا لسة متخذتش اى قرار مصيرى فى حياتى
بس اعتقد ان اصعب لا
انك تقول نعم عشان ترضى شخص على حساب شخص آخر ولازم ترضى الشخص دا مع ان التانى مظلوم
وانك تقول لا لصداقة طيبة لسبب ملكش يد فيه

تحيااتى على موضوعك

[ألاء الرحمن]

فعلا اختى

اصعب كلمتين بجد

هما نعم ولا

ساعات بنواجه امور صعبه اووووى

بتأثر فينا اوووى

وبتفضل فى الذاكره للابد

ساعات بنكتشف بعد كده ان احنا غلطانين

وساعات بنبقى صح بس بيبقى الصح علينا صعب اوووى

عشان كده لازم نستخير ربنا فى امور حياتنا ومنتهورش ابدا

بشكرك اختى على طرحك لموضوع رائع

تقبلى مرورى

[marmora]

تسلموا ياقمرات على المرور الرائع دا

[CuOp!D]

بصراحه الاتنين قرارات صعبه

لازم التفكير قبل اى قرار تتخذيه مهما كان القرار ده ايه

يمكن تندمى لو قولتى اه وممكن تندمى لو قولتى لاء

التفكير اهم حاجه قبل اتخاذ القرار مش بالسهوله دى اتخاذ اى قرار

تسلمى يامريومه ع التوبيك الجميل

[رحيق انسان]

طبعا اصعب الامور هى قضاء الله اللى مفهوش نعم ولا

لكن في حياتى انا ممكن يكون اصعب نعم لما اعمل حاجة انا اتمنى اموت ولا اعملها لكن بعملها


ارضاء لاهلى او المدام

واصعب لا لما ارفض حاجة انا هموت عليها ومتوقف عليها مستقبلي كله ولكنى برفض من اجل كرامتى او عدم مرضاة الوالدين

تسلمي ايدك marmora

[ميرام2014]

شكرا على الموضوع الرررررررررررائع
بس ان اى حاجة مصيرية فى حياتى
مبعرف اخد قرار فيها بسهولة
وللعلم انا حسة انى فتاة مهزوزة
ليس لها رائ مستقل
مش عرفة ان لية بقول كدة
بس اى قرار محتارة فية بقول لالالالالالالالالالالالالا
وبتكون صعبة اةى

[marmora]

تسلموا على المرور الاكثر من رائع

[المتأمل]

نعم
.
.
.
لا

كلمتان خفيفتان على اللسان .

ثقيلتان عن النسيان .

نعم : لدرء مفسدة وجلب فائدة لمن حولي .

لا : أيضاً لدرء مفسدة وجلب فائدة وإصلاح لمن حولي أو حولك .

بالرغم من أنه كذب أبيض ومشروع إلا أنه صعب... خاصة إذا ركب رأسه هذا المعاند وولى مدبراً ولم يعقب .

وبقيت المخاصمة شعاره .

شكراً