شخصيه مرعبه اسمها (( مديره المدرسه ))!!!!

[ألاء الرحمن]

اقتباس المشاركة الأصلية كتبت بواسطة شاعر الاقصى شوفي يا الاء انا هقولك باختصار طيب الدوله الوحيده الي فيها المراه صعبه في ادارتها هيه مصر عارفه ليه لان انا مدرتي واحده وفيه احترام جامد والله وشكرا لكي ومساء الخير

انت تقصد انها مديره قاسيه صعبه يعنى وانكم بتحترموها

طب وهو انتم تقدروا متحترموهاش

ما احنا لازم بنحترمهم عشان منتهزئش

انا كنت اقصد يعنى الحب

يعنى انا مثلا بكره المديرات اللى مريت بيهم

ومش عايزه اشوف وشهم فى اى مكان تانى

بس اعتقد ان رأيى ده كان هيتغير لو هما كانوا اتغيروا

طب ممكن توضحلى اكتر وجهه نظرك

انا مستنياك

ونورت بمرورك العطر يا اخى

تقبل تحياتى

[ألاء الرحمن]

اقتباس المشاركة الأصلية كتبت بواسطة nera 31 بصى هو انا لسة فى ثانوى والمديرة فى الرايحة والجاية عمالة تشتم وانا لما عملت نفسى جريئة وحاولت افهمها ان الاسلوب ده بيضايقنا اتشمت عادى خالص فممكن تكون المديرة بتخاف تستعمل الحنية معانا لانها فى نظرها الادارة زعيق و فرض سيطرة وبس وناسية حسن المعااااااااااااااملةيلا ربنا يهديهم شكرا على موضوعك

اه والله معاكى

خصوصا بقى وبالذات فى ثانوى

يحبوا يمسكوا بنات اولى ثانوى يمسحوا بيهم السلالم!!

مش فاهه اشمعنى اولى ثانوى

اقسم بالله مره كنا واحنا فى اولى ثانوى طالعين ع السلم فكان فى واحده مسؤله مهمه فى المدرسه بس

الصراحه مش فاكراها

المهم اول ماشفتنا فبتقولنا انتو فى سنه كام قولنالها فى اولى ثانوى

اول ماسمعت كده العفاريت بتاعتها اتطنطت وزعقت فينا اطلعوا يالا فووووووق !!!

مستضعفنا يعنى

طب ماهو ممكن بنت مش محترمه ترد عليها وتهزقها

ييعنى اديكى انتى اهو جربتى تكلميها وكانت النتيجه شتيمه !!!

هما كده بيطلعوا جيل اخرس

مش متعود يناقش ولا يتفاهم

متعود يتجر ويقول حاضر من غير ما يفهم

حاجه تغيــــــظ

انا نفسى اجيب المديرات كلهم واخليهم فى فصل واكون انا المديره بتاعتهم

وياويلـــــــــــــــهم ياســــــواد ليلهــــــم منى

ههههههههههه

المديره تدخل سليمه تطلع بالاسعاف على اقرب حجره انعاش

ههههههههههههه

على فكره انا مبسوطه جدا بمرورك واتشرفت بردك جدااا

نورتى ياقمرايه

[ألاء الرحمن]

اقتباس المشاركة الأصلية كتبت بواسطة ~ zahorah~ الموضوع جمييييل اوووي بصي اولا ،، لازم تفهم كل مديرة و كل مدرسة انها بتخرج جيـــــــــل و هي عليها مسولية كبيرة في صنع هذا الطالب ،، و طبعا هي عليها المسولية الثانية بعد البيت فلما مصنعة الاجيال المدرسة او المديرة او حتى الوزيرة بتعامل الطلاب بالبشاعة و الفضاعة و بالشتم و الضرب ممكن هي تتوقع انها هتنتج جيل تحفة بالحزم الغبي دا بس هي في الواقع بتنتج جيل هيبقى يمكن اسوا منها لو اتحط في مستواها او في مركزها و كمان هم بيبقوا عادتا كدا ،،، مش لانهم كدا و لان نفسيتهم وحشة اوووي بالشكل هم كدا لانهم بيبقوا فاكرين ،، انهم بيقدروا يسطرووا ع الطلاب بشكل دا يعني انا برأي ان صحيح كل الطلاب بشر ليهم مشاعر في الاول و الاخير بس الطالب المحترم و اللي بيتعب ع نفسة و بيجتهد و ما بينامش الليل لابد تكون المعاملة ليه ،، بطريقة مختلفة فيها قليل من الحزم بكثيييير من الاحترام و التقدير لجوده و احترامه اما الطالب الغير محترم و اللي مش فارقة معاه حاجة اسمها الكتاب و لا عمرووا فتحوو لابد تكون ليه معاملة ،، كثيييييير جدا من الحزم طبعا مع قليل من الاحترام لانه في النهاية بشر مع اني اعتقد ان السبب اللي بيخلي المديرات بالشكل كدا ،، سببين : - السبب الاول : هو ان الطلاب بجد بيفلتوا بالمعاملة الحسنة و بيتمادووو جدا جدا جدا فتشووف حل التنفير هو الحل الوحيد - السبب التاني : و دا بقى اللي ملهاش حق فيه هي تكون حاسة انها اعلى وحدة في المدرسة ديه و مفيش حد زيها مع انه لو جينا نقارن بينها و بين المدرسين فحنلاقي ان المديرة و المدرسين معاهم ،، بكلريوس فمافيش مجال للتفاخر ،،، كلهم سوا سيا و ممكن الطلاب دوول كمان اللي عاملة عليهم كبيرة و مافيش حد زيها ،، يبقى معاهم دكتروا في يوم من الايام اما بالنسبة لي ،، فانا مديرة ابتدائي و اعدادي و ثنوي ،،، حلووين بس مش اوووي يلا لازم يزعقووا دايما :s يسلمووووووو يا الاء الرحمن ع التوبيك الجمييل جدا و اللي خلاني اعبر عن اللي جوايا ^_^ بالتوفيق ،، و بانتظار جديدك المتميز دايما أختك

عندك الف حق فى انها مفروض تكون ليها طريقتين فى المعامله

عارفه ممكن احنا متحطناش فى منصبها ومنعرفش هى بتفكر ازاى

يمكن مثلا خايفه ان الطلاب ياخدوا عليها بس معاملتها دى نتيجتها بتيجى بالعكس

طب انا هحكيلك على موقف

مدرسه (( المره دى مش مديره )) المدرسه دى كانت جديده يابنتى اول ماشافتنا نازله زعيق وشخط

مع العلم ان احنا كان معانا بنات بيردوا على المدرسين يعنى البنات متكلموش من البدايه بس هى قعدت

تستفزنا المهم البنات قامو وعملو الواجب

دخلوا معاها فى خناقه وراحوا للمديره والمدرسه دى كان شكلها وحش جدااااااااا قدام المدرسين !!

طبعا انا ضد البنات اللى مش محترمين لان من الاخلاق ان الواحده تحترم اللى اكبر منها وخصوصا المدرسه

بس فى نقطه مهمه فى الحكايه دى

دلوقتى المدرسه دى داخله مدرسه بنات ثانوى يعنى عارفه ان اكيد مش كل البنات محترمين فبذكائها كان

مفروض تكسبنا مش تعادينا

هى دخلت شمال بدون اسباب فالنتيجه جت عكسيه

فى حين ان فى مدرسات قربوا منا وحبناهم جدا ولسه بنروح نزورهم

وعلى فكره احنا كلنا متفقين فى آرائنا على ما اعتقد

ان المديره لازم تكون صارمه وشديده بس مع الغلط

حنينه وبشوشه مع اللى يستاهلوا

صح ولا ايه

ومعلشى طولت عليكى بالرد بس بقى اقول ايه طلعت اللى فى قلبى

وبجد انا سعيده جدا بمرورك ياقمر

نورتى الصفحه بطلتك الحلوه مثلك

[mohamed yousef]

شوفي يا بنت الحلال....

بما اني مررت بكافى المراحل الدراسية من ابتدائية مرورا بثانوية ، والي ان انتهيت من دراستي الجامعية ، ( ايه الكلام الكبير اللي بقوله ده !!!!! )

المهم عمري ماحطيت في دماغي مدير المدرسة ولا عنيدة الكلية ( الليه يخرب بيتها ) قولوا اميييين

مش فتونة مني ، لأ ، لكن دايما بحس ان هو ده الروتين في البلد

يعني لو بصينا مش هنلاقي مدير المدرسة ولا العميد بس ، لأ ... ده هنا لاقي المدير في الشركةشايف نفسه ..

ومدير المصنع ، ومدير المكتب .. الخ ...

يعني من الاخر اي حد اسمه مدير ، لازم يشوف نفسه .. وده مش علشان هو بيحب شغله او ملتزم يعني .. ممكن تسميه مرض نفسي كده ...

حتة مدير القطر اللي راكبه فيه ، عاملي فيها جاي من اسكتلندا مش عارف ليه !!!!!

الاختصار المفيد .....

دي عقدة اي مدير . وسلميلي على الروتين اللي جابنا لورا

شالوووووم

[Priŋčeŝŝ Mзnna]

شكرا ليكى على طرح الموضوع
هوبجد المديرة بتاعتنا كانت كدة
بس هى مشيت وجاء بدالها مدير
المدير بصراحة احن شويه منها
هما الستات كدة والرجالة الحنين
انا نفسى اعرف المدير بيحبنا
يعنى لو احنا طلعنا مديرات
مدرسه هانعمل كدة هنعمل
كدة سوال بيحيروياريت تجاوبونى
ومرو تانية شكرا ليكى على طرح الموضوع

[شاعر الاقصى]

اقتباس المشاركة الأصلية كتبت بواسطة ألاء الرحمن انت تقصد انها مديره قاسيه صعبه يعنى وانكم بتحترموها طب وهو انتم تقدروا متحترموهاش ما احنا لازم بنحترمهم عشان منتهزئش انا كنت اقصد يعنى الحب يعنى انا مثلا بكره المديرات اللى مريت بيهم ومش عايزه اشوف وشهم فى اى مكان تانى بس اعتقد ان رأيى ده كان هيتغير لو هما كانوا اتغيروا طب ممكن توضحلى اكتر وجهه نظرك انا مستنياك ونورت بمرورك العطر يا اخى تقبل تحياتى

مش انا قولتك هما بس في مصر صعبين عشان انتي جمعتي بنهم في كلامك وقولتي كل المدارس يعني انا مش غلط

بس انا والله كنت في مصر في دراستي طبعااا معظهم ربنا يستر حتى المدرسات والله كانوا اسيين اوي

اقولك على حاجه انا مره في 3 اعدادي مدرسه الجغرافيا هزقتي عشان سبب هايف جدا

بتقولي السوادان تشتهر بزراعة ايه

قولتها والله انا مروحتش زرعت عشان كدا اتهزقت :vb21:

طيب وده بئه احترام

انا بشوف مدريين هنا والله تمام اوي ومحدش يقدر بهزء حد

بقولك مش هعرف افهمك اكتر من كدا :732:

بس يارب اكون وصلت الفكره يااارب

ومساء الخير

[ألاء الرحمن]

اقتباس المشاركة الأصلية كتبت بواسطة mohamed yousef شوفي يا بنت الحلال.... بما اني مررت بكافى المراحل الدراسية من ابتدائية مرورا بثانوية ، والي ان انتهيت من دراستي الجامعية ، ( ايه الكلام الكبير اللي بقوله ده !!!!! ) المهم عمري ماحطيت في دماغي مدير المدرسة ولا عنيدة الكلية ( الليه يخرب بيتها ) قولوا اميييين مش فتونة مني ، لأ ، لكن دايما بحس ان هو ده الروتين في البلد يعني لو بصينا مش هنلاقي مدير المدرسة ولا العميد بس ، لأ ... ده هنا لاقي المدير في الشركةشايف نفسه .. ومدير المصنع ، ومدير المكتب .. الخ ... يعني من الاخر اي حد اسمه مدير ، لازم يشوف نفسه .. وده مش علشان هو بيحب شغله او ملتزم يعني .. ممكن تسميه مرض نفسي كده ... حتة مدير القطر اللي راكبه فيه ، عاملي فيها جاي من اسكتلندا مش عارف ليه !!!!! الاختصار المفيد ..... دي عقدة اي مدير . وسلميلي على الروتين اللي جابنا لورا شالوووووم

فعلا والله زى ما انت بتقول كده

دى عقده اى مدير

يمكن انا معدتش غير على مديره المدرسه

ولسه هعدى قريب على (( عنيده الكليه ))

يمكن احنا فى بلدنا مش هنقدّر المدير الا لو كان بالشكل ده ؟؟؟

الظاهر ان احنا مفروض نعيش بمبدأ

طنش .. تعش .. تنتعش

ومشكور يا اخى على رأيك المفيد

واللى تطرق لنقطه جديده

تقبل تحياتى

[ألاء الرحمن]

اقتباس المشاركة الأصلية كتبت بواسطة منه الله محمد شكرا ليكى على طرح الموضوع هوبجد المديرة بتاعتنا كانت كدة بس هى مشيت وجاء بدالها مدير المدير بصراحة احن شويه منها هما الستات كدة والرجالة الحنين انا نفسى اعرف المدير بيحبنا يعنى لو احنا طلعنا مديرات مدرسه هانعمل كدة هنعمل كدة سوال بيحيروياريت تجاوبونى ومرو تانية شكرا ليكى على طرح الموضوع

اه والله لو المدرس او المدير راجل بيبقى احن علينا والله

اول يوم فى ثانوى المدرسات كانوا بيشتمونا وهيزئونا والمدرسين كانوا بيحاولوا يقربوا مننا ويخلونا نحبهم !!!!

وعلى حكايه المديره احنا هنطلع كده ولا لا فده حسب تركيبه كل حد فينا

يعنى الشخص اللى هيتولى الاداره ياترى ايه مفهومه عن الاداره

شخط وزعيق وتكبر

ولا ياترى اتعلم من خطأ اللى قبليه وناوى يصلح ؟؟؟

بس الحكايه واقفه على عقليه الشخص نفسه

وميرسى ياقمر على مرورك الجميل ده

عطرتى الصفحه بطلتك الرقيقه

[ألاء الرحمن]

اقتباس المشاركة الأصلية كتبت بواسطة شاعر الاقصى مدرسه الجغرافيا هزقتي عشان سبب هايف جدا بتقولي السوادان تشتهر بزراعة ايه قولتها والله انا مروحتش زرعت عشان كدا اتهزقت :vb21:

:776::776: باين عليك كنت لئيـــم :SuN033::SuN033:
ههههههه

بس انا عرفت انت تقصد ايه

ان فى مديرين كويسين جدا ومحدش يقدر يهزئهم

ما انا قلت فى بدايه موضوعى ان مش كل المديرات كده

ولسه قايله ان المدييرين الرجاله بيبقوا حنينين شويه عن المديرات ..

المديرات دول بيبقوا مرعبين بصراحه (( وبرضه مش كلهم ))

اكيد فى الكويس

بس هو ده الاعم عندنا فى مصر

هنقول ايه ياربى .. ربنا يهديهم ويبطلوا يعقدونا

نورت يا اخى ومتشكره جداا ع التوضيح

تقبل تحياتى

[countess]

شوفي نمسك العصى

من النص الشده كثير مش مطلوبه

لئنها حتكسر الثقه با النفس

وصعب اجيال المستقبل يكونو مهزوزين الشخصيه

والطيبه الزايده عن الحد حيكون فيه تسيب

وصعب برضوه اجيال المستقبل يكون مش قد المسئوليه

اما مديرات المدارس الي مريت فيها

الابتدائي جدا حنيتها حلوه خلتني احب اروح المدرسه بكل حب

ولمتوسط يعني الاعدادي برضوه طيبه

وكانت والله بين فتره وفتره تعملنا يوم مفتوح

كامل مافيه دروس كنت اموت فيها جدا رهيبه

اما الثانويه فكانت جدا خنقه وحكمت على اهلي انهم يغيرو المدرسه

فعلا غيروها بس رجعت بعد شهر قلت لمامه رجعيني لائني ماقدرت

استغنى عن صحباتي

فستحملت المديره لعيون صحباتي


شكرا على هذا النقاش الحلو

تحياتي لك البرنسيسه 2