ايه القمر ده ؟ طيب بصلنا طيب ؟

[Engineer Semsem]

حكايتنا بتبدأ لما البنت تمشي فالشارع

تبدأ المضايقات والمعاكسات
والكلام اللي ملوش اي لازمه
يا قمر
طيب بصلنا طيب
طيب اشتمينا طيب ............... الخ الخ

بيختلف بقا موقف البنت
يعني
في بنت متردش وتخاف وتمشي

واحده تانيه
تستحقر الولد او ترد عليه وتهزأه ( بتروح جيم بعد الضهر)
زماااااااان كانت البنت تقول ( يا سم )
نااااااااو البنت بتقول (( فكك يا ظرييييييييف)

واحده تالته
تبتسم (فاكره انه بيتكلم بجد )) مسكييييييينه

واحده رابعه
ترد وتتعرف ( ودول قليلين اوي))

خدوا النكته ديه
واحده ماشيه
فــ مشي وراها (بيعاكسها ) قالها الحلوه وراها مشوار
قالتله لاء وراها((( حومار ))

طيب لحد امتا هنفضل كده ؟؟؟؟
في بعض الشباب لما اتسألوا
قالوا البنت اللي بتلبس وتتزوق وتتمكيج
ديه نازله عشان ايه ؟؟؟؟
يبقى من الادب والذوق نعاكسهااا

ودلوقتي الولد ما يبقاش ولد غير لما يشيل سيجاره ويعاكس
( اها امال يقولو عليه عيل ؟ ازاي ودي تيجي ,,, لازم يثبت رجولته)

ردو البنات
في بنات بيبقوا في قمةالاحترام وبيتعاكسوا برده

طيب العيب في ميييييين بقا

عايزين نلاقي اسباب
عشان نلاقي الحل

وزي ما اتكلمنا عن الشباب
نرغي عن البنات شويه
دلوقتي بقا الموضه الجديده
((البنات اللي بتعاكس))

((والله ده اللي ناقص))

انا بنفسي
شوفت بعيني
ولد بيجري بسرعه
وبنت قالتله اوعى السرييييييييع ههههههههه
( يعني قصدها تلفت نظره ولا ايه بالظبط))

وفي نوع تاني خالص من المعاكسات
وهوا معاكسات التليفونات

وديه بقا حاجه غلسه جدا
الولد يخبط اي رقم كده

وياسلام لو طلع بنت
يبقا حاجه فل

يخترعله اسم اي حد
وياريت يكون بنت عشان يعرف اللي بتكلمه انه بتاع بنات
وتبدأ الغلاسه بقا

ويتصل تاني
طيب مينفعش اختها ؟؟؟
ايه الظرافه ديييييه

اهئ اهئ
طيب حد يقولي
اخرة ده اييييييييييييييييييييه؟؟؟؟؟؟؟

[Msrya]

موضوع اكثر من رائع اسلام
فعلا المواضيع دي بتحصل كتير وخصوصا الايام دى
بس الغلط من التربية لو بنت لابسة لبس ملفت اكيد لو شاب ماشى فى حاله هيعاكس
وكذلك لو هى لابسة محترم والولد مش متربي هيعاكس مش هيهمه
بس الى بيشجع الشباب دلوقتى انهم يعملوا كده ان دلوقتى البنات بقت تستجاب للمعاكسات دي
طبيعى انهم يحسوا ان الموضوع ده فى افادة ليهم وانهم نجحوا فى انهم يوقعوا البنات
بالذات الشباب والبنات فى المراحل دى لازم يكون فى متابعة اهلية عليهم ولهم دور مهم فى الموضوع ده
جـــزاك الله كل خير يااسلام موضوع جميـ ـل جدا

[ميرنا1]

هههههههههه حلو النكتة بتاعت الحمار هههههه
موضوع رائع مرسي

[شـــــ وبس ـــــــاهي]

اخرتو ان الشباب اللي مش محتررمين يحترمو نفسهم
ويعرفو ان عندهم اخوات وهيتعمل فيهم زي ما بيتعمل
في االبنات دول وكمان مش الشباب بس والبنات
والله بقت افظع دلوقتي باللبس والمكياج وغير كده
ساعات بتبقي محجبه يالهووووووي ع الحجاب
والله الواحد مابقا عارف العيب من مين
ربنا يهدينا كلنا يارب

ميرسي يااسلام

تقبل مروووري

[mohamed yousef]

ههههههههههههه

موضوع جامد يا مان والله ، تسلم ايدك

[Engineer Semsem]

تسلموا على الردرد

[DO7A]

بجد يا اسلام الموضوع بقى اوفر اوى بتاع المعاكسات ده بقى حاجة تخنق اصلا و والله ما بقى لبس البنت بيفرق فى موضوع المعاكسات وربنا يهدى البنات و الولاد امـــــــــــــــــــــــــــــــــــين

[سمــر]

موضوع مهم وهادف باسلوب راقي يا اسلام

شكرا ليك

بس انت بتدور على حل لمشكله بقت سمه من سمات العصر يعنى ما تحسش اننا عايشين في الدنيا بتاعتنا الا لو شفت الحاجات دي بتحصل

والمعاكسات زي ما بقت بكل شكل ولون .... بقت لاي سبب او حتى من غير سبب

قبل ما نبدأ الحل لازم ندور على اول الطريق
وده مش جهة واحده دى جهات واشخاص ومؤسسات كتيره لكل واحده منهم دورها اللي بيكمل دور التانيه

انا رأيي ان ما ينفعش نقول العيب من الولد او من البنت او من الاتنين

احنا كمجتمع لازم نحط نفسنا في الصوره مع بعض مش كل واحد لوحده
دة لو كنا عاوزين نغير حاجه

نرفض فينا اللي يخلي بعض البنات ينسوا لبسهم في البيت !!

واللي يخلي الولد يعاكس بنت محترمه ومحجبه او حتى منتقبه....

ندور على الاسباب قبل النتائج

شكـــــــــــــرا على الموضوع بجد تسلم ايديك

[Engineer Semsem]

تسلموا على الردرد