هما دول البشر

[خالد ابو النجا]

	السلام عليكم مش صعب على اي بني آدم أنه يعمل ملاك مش صعب على حد يبكي دموع تماسيح.. سهــل أوي أن حد ينزل من نظرك .. سهـــل جداً انك تغير فكرتك عن حد في لحظه . . الأصعب أن المسرحيه اللي فيها الشخص ده بيعمل انه ملاك تبقي انت من المشاهدين ومن المضطرين أنك تصقفله بحراره .. الأصعب أنك تمسح دموع .. أسمها دموع تماسيح .. من المستحيل انك تثق في شخص نزل من نظرك ومن المستحيل انك تحبه بعد ما فكرتك عنه تتغيرأشخـاص عايشين ورا شاشه تليفزيون ..بيقولوا كتير بيقولوا فلسطـين أرضنا .. وأحنا نصقف وتاني يوم يدمروها..بيقولوا لبنان دي قطعه من القمر .. ونبكي علي دموعهم وتاني يوم بيخربوها .. عارف البيت ؟ لما يبقي عالي أوي وييجي في لحظه ينهار ؟ هو ده البني آدم ورا شاشه .. بني آدم ورا قناع .. أول ما بيخلعه في عينك بينهار .. بس تعرف مش ده الصعب .. الأصعب أنك تبقي واقف ساعه الإنهيار أنك تكون أول واحد يشهد لحظه سقوط بني آدم عاش طول عمره أسطوره في نظرك . بني آدم ورا راديو .. بيبكي أوي وانت سامعه وهو بيتشحتف .. سهل أوي تصدقه .. وسهل برضه لما تكتشف انه مخادع تكدبه . . بس عارف يوم ما تضطر تشوفه وجهاً لوجه وهو بيبكي نفس الدموع اللي انت متأكد انها مزيفه وتضطر بايدك تمسحها .. هو ده الأصعب ..لما بتضطر تعمل حاجه غصب عنك وترجع تدور على السبب دايماً هتلاقي في صعب وفيه أصعب فبتضطر تختار الصعب .. علشان مش هتتحمل الأصعب بالظبط زي ما صعب انك تعاشر كداب .. زي ما الأصعب انك تسمع كدبه وتصقفله عليه .. ومستحيل تفارقه ..فبتختار انك تعاشره .. ومش هنقول هي دي الحياه لا هنقول هما دول البشر اتمنى ان ينال اعجابكم