شباب فانكي اخر حاجه

[صافي]

من الي بسمعه وبشوفه انا مبحبش اخرج لوحدي او حتي انزل الشارع
مره كده صحابي قالولي تعالي ننزل
انا كنت زهقانه قلت لما انزل
المهم
اتفقنا علي معاد ونزلنا مع بعض كنا رايحين كافيه قريب
المهم قعدنا وكان جنبنا
راجل كبير ومعاه مراته وبنت صغيره :Sport-001:وكان في مجموعه شباب
شباب اليومين دول :cv16:

بناطيل ساقطه
متتسماش بناطيل
والشعر المتكهرب
والماشيه الي اقرب الي ماشيه البنات
ومننساش السجاير عشان اللوك يكمل
فلراجل كان بيتكلم مع مراته وبيقولها دول الي هيحموا مصر وهيحافظوا عليها
انا كنت متبعاهم بتصنت يعني :SuN045:

سرحت في الجملتين دول

(هيحموا مصر ويحافظوا عليها)

لو جينا افتكرنا المخطط اليهودي اقامه دوله من
(النيل للفرات)
رغم فشلهم في تحقيقه73
الا انهم عندهم امل وبيعملوا عشان
يحققوا الحلم ده
(طبعا ده في المشمش)
بس نتكلم بلعقل ولو بصينا للي بيحصل دلوقت هنلاقي انهم ممكن يحققوه لانهم راسمين
خطوات وبينفزوها واحده واحده مش مستعجلين
(هيحققوا المخطط ده ازاي و
حال الشباب والي بيحصل)
1- يلعبوا بفكر الشباب ويحوله طموحهم واهدافهم
طبعا ده موجود
الكوره والسينما والارتباط
بفتكر ايام ثانوي كان في ولاد تيجي بلعربيات قدام المدرسه وتعمل حركات عشان قال يبقوا روشين
وكتير تحصل مع البنات تلاقي واحد يتصل بيها ع الموبيل ممكن نتعرف
ده غير المعاكسات في الشوارع
نفسي اعرف الشاب بيعاكس ليه
نيجي نتحجج بلبنات واللبس والله في بنات بتبقي محجبه ولبسه طويل وبرضه مبيترحموش
ده حتي المنقبات بيتعكسوا

انت راجل المفروض تبقي اكبر من كده
يبقي ليك فكر وعقليه بس لاحياة لمن تنادي

2-ميفكروش غير في يلبس ايه والكلام الفارغ والافلام زي
أ-البناطيل الساقطة
قريت قبل كده ان موضه البناطيل دي بدات في السجون عشان
مكنش مسموح للمساجين بانهم يلبسوا حزام
لانهم كانوا بيستخدموه زي الاسلحه البيضاء
وبعد كده ظهرت في اغاني الراب
وتيجي تقوله البناطيل دي بتجيب عقم يقولك كبر دماغك خليك كول وفانكي
يعني ازاي راجل يمشي ببنطلون كده وملابسه الداخليه بينه فين الحياء فين
الرجوله والنخوه
راحت اجازة ويعالم هترجع امتي

ب-متقعدش مع شله في الكليه غير يجيب في سيره فلان وفلانه وطبعا متلقيش حد يتكلم في موضوع يهم البلد ولو حصل الجروب الي معاه يشتغل تريقه
ج- وحاجه اسايه ان الشاب الروش لازم يكون متابع حركه الافلام وايه الجديد وايه الاجدد
3-البعد عن الوازع الديني
قليل اوي لما تلاقي شاب محافظ علي الصلوات الخمس
بنشوف مظاهرات عملينها شباب ويكسروا في البلد وفي المحلات
علي اساس انهم زعلانين من الي بيجري في فلسطين
طب ليه تكسر وتضر باقتصاد بلدك ويقولوا علي المسلمين ارهابين
ليه متعملش مظاهرة سلميه ندوه تقول فيها رايك
الاسلام ليه صورة وحشه في اوربا
طبعا ده بسبب الي بيتقال عننا والي بيشفوة
هو احنا ليه اتغيرنا360درجه كده
ليه مبناخدش من الغرب غير كل حاجه سيئه ليه
(منعرفش مين عدونا ونعلم عليه قبل
ميعلم علينا)
مع ان الاسلام دين جميل
انا عارفه ان هيجي يوم ونبقي احسن ناس
واحسن شباب عشان احنا احسن بلد
وكفايه ان احنا امه محمد

[حنـــــون]

والله موضوع جميل اوى ياصافى

ياريت يحصل الى بتقوليه والشباب

دى كلها تكون فعلا خير امه اخرجت للناس

مش عشان اكون كول وفانكى اهبل وابقى

مش بنى ادام اصلا انا بحس والله انهم زى الارجوزات

بس عشان دا يحصل لازم التغير يجى عن اقتناع ودا الى

المفروض التعليم والاعلام هما والتربيه هى الى بتعملوا

وطبعا كلنا عارفين حال التعليم والاعلام والتربيه فى بلدنا

بس بنقول دابما اكيد هيكون فى امل طول ما احنا عايشين

بشكرك جدااااااااااا ياصافى على موضوع الجميل والهادف

وفى انتظار جديدك تحيااااااااااااتى

اختك حنون

[TIMO]

فعلا كلامك صح

والبنطلون الساقطة دى موضة غريبة

تحسى أن البنطلون حيقع و هو ماشى

[مشاكس واحب اعاكس]

بصراحه انا من كتر مابشوف المناظر ده بحس ان ده بلاء من عند ربنا وبقت حاجه عديه الي عايز يبقى شاب روش وبتاع حركات ينزلك البنطالون ويبين مش عرفه ايه بجد ربنا يرحمنا برحمته ده حاجه مصخره مرسي ياصافي ويارب يقرؤا الكلام ده ويعرفو عيوبهم لانهم فكرين ان ده حاجه لطيفه وظريف مرسي تاني مرررره على الموضوع الهادف والرائع

[SiLver Spectra]

الموضه و الاهتمام بالنمنظر هو الي لحس عقول الشباب...

بس على فكرة مش كل الشباب زي ما بتقولي

بصفة عامة التباين في فكر الشباب أكتر بكتير من التباين في فكر البنات

التباين يعني الاختلاف

شخصيا حتى الناس الي معايا في الدفعة

بتلائي كل واحد و له دماغه و تفكيره و الي بناء عليهم بيصاحب ناس على مزاجه

فتلائي فلان بيمشي مع شلة معينه

واحد تاني بيمشي مع شلة تانية

و هكذا



اقولك بقى البنطلون بيتسقط ليه

زمان في التمانينات و التسعينات كان البنطلون بيترفع فوق ...

كان الوسط هو البطن
و بعدين قاعد ينزل ....ينزل ..ينزل لحاد ما وصل لإلي وصله دلوقتي

الي هو التسقيط الأوفر

حتى إنت تضايق للأخ و تبقى عايز ترفعله البنطلون

عامة كل عصر و له موضته

و على مر التاريخ الإنسان هدومه بتتغير مع الزمن و كل زمان بيبقى له شكل

دلوقتي بقى الشكل البشع و الملفت للنظر هو الموضه



شكرا يا صافي على الموضوع

بالتوفيق....

[حنونة]

و الله عندك حق كفاية اننا امة محمد

كل زمن و ليه الموضة بتاعته

و في ناس بتفتكر الروشنة في الحاجات دي

موضوعك حلو اوي يا قمر

[أنثـے مًنْ الّخٍـْيـِالْ→♀]

و الله يا صافى الدنيا لسه بخير

و اكيد هيجى اليوم اللى تبطل فيه كل تلك الموضات الزائفة

و اكيد اليوم ده قريب اوى

و ربنا يهدنا الى ما يحبه و يرضاه

[هيا*HYA*]

موضوعك جميل جداااا يا صافى
للاسف فاكرين اللى بيعملوة دة هيخليهم روشين
وان دى الموضه عمر ما كانت الموضه والتجديد فى اللبس قله ادب زى ما هم بيعملوا كدة
وبالنسبه لليهود واللى بيعملوة فهم اوشكوا على النجاح فى خططتهم وفعلا هم بيعملوا كل الدمار والحاجات دى علشان يوصلوا لمصر علشان هم عارفين ان لو مصر وقعت لقدر الله الدول العربيه كلها هتقع
وكل دة موجود وهم كاتبينه فى كتاب بروتوكولات صهيونى
حسبى الله ونعم الوكيل
بجد ابدعتى
ربنا يزيدك

[مشتاقه للجنه]

صافى موضوعك جميل اوى والله فى صميم واقعنى وللاسف.........


بس عايزه أقولك مين اللى خلق هذا الجيل الانفتاح فى وسائل الاتصالات

تلاقى الشاب عامل كده شبه مين يقول المغنى s او مطول شعرك ليه يقولك شبه لعيب الكوره k

يعنى نعتبر الحاجات ده من سالبيات العولمه والطفره فى وسائل الاتصال .....

وأكيد طبعا مش كل الشباب فهناك شباب معنى الرجوله وممكن ان يتحمل المسئوليه

وكما ذكرتى مهما كان نحن أمة محمد عليه أفضل الصلاه والسلام ...

[صافي]

المشاركة الأصلية كتبت بواسطة حنون ~

والله موضوع جميل اوى ياصافى

ياريت يحصل الى بتقوليه والشباب

دى كلها تكون فعلا خير امه اخرجت للناس

مش عشان اكون كول وفانكى اهبل وابقى

مش بنى ادام اصلا انا بحس والله انهم زى الارجوزات

بس عشان دا يحصل لازم التغير يجى عن اقتناع ودا الى

المفروض التعليم والاعلام هما والتربيه هى الى بتعملوا

وطبعا كلنا عارفين حال التعليم والاعلام والتربيه فى بلدنا

بس بنقول دابما اكيد هيكون فى امل طول ما احنا عايشين

بشكرك جدااااااااااا ياصافى على موضوع الجميل والهادف

وفى انتظار جديدك تحيااااااااااااتى

اختك حنون


مرسي ياحنون علي مشاركتك في الموضوع

ولا ياس مع الحياة ولا حياه مع الياس

وفي فعلا نماذج مشرفه من الشباب ويارب كل

شبابالمسلمين يبقوا في احسن حال

تحياتي

اختك