كنز حقيقي ... أم معدن زائف !!!

[noona]

"
"
"
"












البشر فى جميع بقاع الأرض ... باختلاف الأعراق والأجناس والطبقات ... يحملون بين خلايا تكوينهم المعقد .. انواع مختلفة من المعادن ... هى ليست تلك المعادن التى نكتسبها من الطعام او الغذاء ... وانما نوع اخر من المعادن ... نوع نستطيع ان نقول انه نوع غير ملموس ....


لن تراه فى تحاليل المعامل او فى أشعات الاطباء وانما ستراه بقلبك قبل عينيك ... ستشعر به مع كل موقف وكل تواصل ... وسيكون كالطيف المحيط بصاحبه .. مصدره فقط خلايا شخصيته ... والتى تنبع دوما بمكنونها الحقيقي مهما حاول اخفائها ...





هى معادن مختلفة من حيث درجة النقاء والبريق ... تختلف باختلاف معدن الشخص و ترتفع قيمته كلما كان الانسان صافيا ونقيا والعكس مع الهبوط والذهاب اللى الدرجات الاقل نقاءاً



" معرفة الناس كنوز " تلك المقولة التى – من وجهة نظرى - تفتقر لجوانب واقعية تجعلها غير صحيحة بنسبة 100% ... لانها للاسف لم توضح التفاوت فى درجة نقاء الكنز ... وأى معدن يتكون منه ذلك الكنز ... فليس كل معدن يعتبر كنزا ... وليس كل ما يلمع ذهبا ... فالمعادن تختلف ودرجة النقاء والصفاء أيضا تتباين ... هذا ما أدركته ولم تدركه تلك المقولة جيدا ...



وعلى النقيض تماماً تظهر لنا تلك المقولة " البعد عن الناس غنيمة " ....


فشتان بين العباراتين المتناقضتين تماماً ... وأن كان الهدف منهما واحد ... هدف (الكنز والغنيمة ) ... أى هدف المكسب الذى نترقبه دوما ونسعى ونبحث عنه فى علاقتنا بالاخرين ...



فأين نجد ذلك الكنز الحقيقي ؟؟؟؟



هل نجده فى القرب من الناس ومعرفتهم والاختلاط بهم .... أم فى البعد عنهم وتركهم والانعزال عنهم ؟؟؟



هل نجد المكسب فى معرفة صديق جديد قد يكون لنا سندا تجده بجوارك يوما ما ... أم نكتفى بالتقوقع داخل انفسنا ونغلق علينا ابواب التواصل خشية ان يحدث مالا نتمناه ابدا من خسائر بسبب تلك العلاقات ...



مهلا فالاختيار ليس بالسهولة التى قد تتبادر الى اذهاننا ..



فعندما تداهمنا دوامة الحياة بحركتها ودورانها التى تلاحق الإنسان من لحظة ولادته ... فيبدأ يوما بعد يوم باكتشاف المحيطين به من بشر باختلاف ثقافتهم وأجناسهم وبيئاتهم ...







هنا يختار الانسان أن يسلك بين طريقين فى بناء علاقته الاجتماعية والتواصليه مع الاخرين ...



الطريق الأول ... ان يقبل على الآخرين بشجاعة وقوة مطبقاً مبدأ أن معرفة الناس كنوز ... وأن المكسب الذى يبحث عنه سيجده فى كثرة علاقته بالغير ... فلا يترك فرصة ليقترب فيها من الاخرين الا وبدأ يتعرف ويتعرف ويبدأ من هنا طريقه فى التواصل ....







لكنه فى الحقيقة لم يدرك من البداية قصر العبارة وعدم مصداقيتها بشكل كامل لكى يكون حذرا فى بناء علاقاته ... فيدرك متأخراً أنهم ليسوا كلهم كنوز وليست كل معرفة الناس تستحق تلك القيمة المرتفعة من المعدن الثمين فيمر عليه فى رحلة معرفته بالناس نوع نوع آخر من المعادن ... معدنا مزيفا ... ليس معدنا نفيسا ً أو صافياً خالياً من الشوائب ... بل للأسف اختلط فيها أنواع أخرى رديئة للمعادن ... معادن تتخللها الكره والأحقاد والخبث والخيانة ...




نفوس اقل ما يقال عنها انها لا تربط للادمية سوى بالهيكل الخاجى فقط ... الذى ننخدع فيه من البداية ... هم بشر يعيشون معنا .. لا ندرك حقيقة نفوسهم ولا نتوقع منهم ذلك التزيف الذى يغطى جلودهم ... وتلك فى النهاية هى نتيجة طبيعية للرغبة فى التواصل مع الجميع ... والحكم هنا ليس شموليا لانهم شريحة ملاصقة للشريحة الاخرى صاحبة المعادن القيمة فعلا ..


""




أما الطريق الثانى .... فهو الطريق الأسلم من وجهة نظر الكثير ... هو من أنصار تطبيق المقولة الأخرى بأن البعد عن الناس غنيمة ... فهو يتجنب الاختلاط بالآخرين لما يحمله داخل نفسه من شكوك صدق تلك العلاقات وخلوها من الشوائب ...








فأدرك من بداية عهده بالحياة أن معدن الناس ليس نقيا او صافيا تماما ... ولكنه اخطأ عندما حكم بالشمولية على الجميع بأنهم جميعا أصحاب معادن رخيصة وقرر على ذلك الاساس الانعزال وحيدا ... والذى يؤدى فى الحقيقة الى افتقاده لطبقة منهم قد تكون الأقرب للكمال ... فليس هناك من هو كامل ... ولكنهم على أقل تقدير يستحقوا لقب (الكنز) المذكور فى العبارة بدرجاته الأشد نقاءاً ...






كما أن تجنبه لهم بسبب هواجسه وشكوكه يفقد بسببها القدرة على التعامل مع الاخرين واستكشاف شخصياتهم والتواصل معهم ... وخسارة خبرة الحكم على الاخرين ... ويترتب عليه أنه يصبح حائرا تائها فى تحديد معدن المحيطين به ويختلط عليه جميع الدرجات وتتساوى امام عينيه بريق المعادن ... ولا يرى منه سوى لمعانه فقط ... الذى يحمل بين طياته الحقيقة ... والتى بالطبع لن يستطيع ادراكها ...








قد يكون التوازن بين المقولتين مطلوب قى مثل ذلك الامر المحير ... ولكننا لن نستطيع الجزم باننا لن نقابل تلك المعادن الرخيصة اذا اخذنا حذرنا واحتياطنا ...



ليبقى فى النهاية الصراع قائما بين الرغبة والرهبة فى حدود التعامل والتواصل بانواعه مع الاخرين ...



ويبقى الكنز دوما مفقود ... تائها فى معادن الناس ...

[yasmine refat]

ياسلام ياسلام على المواضيع الي تفتح النفس:tongue:

موضوع جميل جداااااااا

أكيد العلاقات البشريه معقده ومش سهله جدااا ومش سهل إنك تفهمي الطرف المقابل

هو أي شخص بيحمل نسبه من الخير والشر

أكيد بتتفاوت

بس صعب أبحث عن كنز نقي لا يحتوي على خدش حتى

لأني مش كده فصعب ألاقي كده

لا يوجد شخص مثالي فينا عيوب وبنحمل لبعض مشاعر وأفكار سلبية في بعض الأحيان

ولابد من أننا نتقبلهم بعيوبهم إذا كانت غير مضره بشكل كبير

حلم تلاقي شخص (( كامل)) وصعب تبعد عن الناس ((لإنك منهم))

الشخص يكون واقعي في علاقتوا ويعرف وجود الخطأ من الجميع ولازم يدي مده قبل مايضع ثقتوا في الشخص

يعطي كل شخص حقه

بس أكيد الثقه التامه خطأ

والبعد التام خطأ

وقولتي جمله مهمه (( التوازن مطلوب)) لكن ((لايمنع ظهور المعدن الرخيص))

صحيح ولكن على الأقل هتعرف إن الخطأ ليس منك وأحيانا يوجد أشخاص يصعب أكتشافهم

بس الحياه فيها ناس كويسين نبصلهم بواقعيه ومنطلبش منهم المستحيل ونحاول نديهم أعذار

وأصابع أيدك مبتشبهش بعض والتعميم يعمي عن رؤية التفاصيل ويسبب خسارة الكثير

وإن شاء الله تلاقي كنزك الحقيقي ((ذكر أو أنثى)) والنيه السليمه هي الأهم


موضوع في قمة الروعه

أختك

[حنـــــون]

ايه دا يانهى بجد موضوع ولا احلى من كده

استمتعت جداااااااا بقرائه كل حرف فى موضوع

اسلوب رائع وسرد للافكار مميز جدا

بس عارفه هى حاجه محيره اوى اندمج مع الناس

ولا ابعد عنهم هتقولى التوازن هقولك فى مش كل الاوقات

التوازن ده بيحصل وان فى اشخاص بتامن اوى للناس وفى الاخر بتنخدع

وبيتضح انهم معدن مش بس ردئ لا دول اقل كمان

وفى ناس مش من السهل عليها انها تنخدع فى اى شخص او انها تامنله

ولكن الضرر فى الحالتين بيكون صعب

بشكرك جدا جدا جدا يانونا على موضوعك الجميل سعدت جداااااا

بتواجدى وقرائتى ليه تحيااااااااااااااااااتى

اختك حنون

[الحان الورد]

التــوازن والوسطيــة شيء مطلوب
في العلاقات الاجتماعية،،
يعنــي ماينفعش الانفتــاح الزايد
زساعتها هقابل كل انواع معادن النـــاس
الصالح والطــالح منهــا
وده اكيد ليه ضــرر كبيــر
وماينفعش برده الانغــلاق التـام والامتنــاع عن
الاختــلاط مع النـــاس لاني مش
هعيــش لوحـدي في الدنيــا!!
احـــاول اتقرب او اختار الناس اللي تشبهني
وماادورش على حد كامل او مثالــي
لاني مش هلاقيــه،،
كل النــاس فيها عيوب وانــا نفســي فيا عيوب
بس عيب عن عيب يفرق
يعني مااقدرش اقول على شخص انه مش كويس
لانه عصبــي مثلا
لكــن اقدر اقول على شخص انه مش كويس لانه منافق
او كـــداب،،
يبقــى لازم احاول اتوزن في علاقاتي واحكــم عقلي
ومش هقول اني لو حكمت عقلي ممكن
مااقابلش ناس معادنهم زائفة ،،لا ممكن اقابل بس ساعتها
هاخد خبــرة اكتر تمكنــي فيما بعد اني استفيد منها
لانه لازم يبقى فيها ناس زائفة عشان نقدر النـاس النقيــة ،،
وزي مافيه كده فيــه كده
واكبر غلط ممكن نقع فيه هو التعميم لان التعميم بيظلـــم
وبيعمينــا عن الحقيقــة،،،
النـــاس مش كلها شبه بعـــض...
موضـــوع اكتر من رااائــع يانهــــــــى
استمتعت جداا بقراءتــهـ..
ان شاء الله دايما في تميز وابداااع
بالتــوفيـق
**

[SiLver Spectra]

التوازن مطلوب بين المقولتين

لكن من وجهة نظري شخصيا النموذج الأول (معرفة الناس معادن)

هو الافضل من النموذج التاني (الانعزالي)

النموذج الأول هيتعرف على ناس و هتكون معارفه كتير

هيصادف منهم السيء و الكويس

و هيقدر يقيم بينهم

و دول الي ممكن يكونوا مستقبل كويسه له من خبراتهم

لكن الانعزالي دا مع نفسه

لا هيقدر يختلط مع ناس مختلفة و بالتالي مش هيكتسب خبرات

أو هتكون خبراته ضعيفه

التوازن بين النموذجين

هو إنك تتعرف على الناس و الناس الي تحس إنهم معادن رخيصه تبعد عنهم دا مطلوب

بس بصفة عامة

النموذج الأولاني دا الي هيقدر ينفذه ..

يعني يقدر يطبق الوسطية أكتر من النموذج التاني الانعزالي

موضوع قيم يا نهى

و سرد و عمق رائع

دوام الإبداع يا غالية....

[هيا*HYA*]

موضوع رائع يا نهى
بس من وجهه نظرى ان معرفه الناس معادن افضل من الابتعاد عن الناس
لسبب الانسان ميقدرش يعيش منعزل عن الناس ويفضل متقوقع فى نفسه ويمنع نفسه عن تكوين صداقات ومعارف ودة نوع من انواع الاغتراب النفسى
لان لازم يتعرف على ناس واكيد هيلاقى معادن دهب ومعادن صفيح
وهيستفاد فى كلتا الحالتين
يعنى لو المعدن دهب يبقى كدة اكتسب صديق او حبيب
واذا كان المعدن رخيص وصفيح يبقى اكتسب خبرات ازاى يقدر يفرق بين الناس ومعادنهم وهيكون عندة نظرة صاقبه فى شخصياتهم وافكارهم
ومش هيقع فى معدن رخيص تانى
والانسان مهما عاش بيتعلم من اخطائه وبيكتسب خبرات فى الحياة
واللى يعيش ياما يشوف
تسلمى يا قمر على الابداع دة
ربنا يزيدك

[nooody]

فى حديث مش فكراة نصا بصراحه

بس يقول فى معناه ان المؤمن الذى يخالط الناس

ويصبر على اذاهم خير من المؤمن الذى لا يخالط الناس

وأنا مقتنعه جدا بدة

لانى عمرى ما هتعلم طول ما انا قافله على نفسى وفى معزل بعيد عن الناس

لازم اخالط الناس واحتك بيهم عشان اقدر اتعلم

هقع مرة واتنين وعشرة مش مهم المهم انى بعد

كدة هأخد بالى وهمشى صح لان هكون اكسبت خبرات

من المرات اللى قبل كدة

موضوع جميل اوى يا نونا

تقديرى

[ARAGON]

السلام عليكم ورحمة الله وبركاته،،،
موضوع جميل جداً.. اختي الغالية..
مع العلم أ، أنماط الشخصية في العمل على الاقتراب أو التباعد بين الناس.. لها أساسيات.. من حيث نوع المعاملة السائدة في المجتمع..
نوعية الشخصية.. التي تستطيع التأقلم مع الشخصيات المتواجدة من حولها.. في بيئة من الممكن أن تكون لها اثار سلبية في بعض الأحيان من خلال تكوينات.. المجتمع.. وأخلاقياته...

ودائما ما أنتهج هذا السلوك في مختلف معاملاتي مع الناس..

إذا كنت قليل الاحتكاك بالناس .. أو ليس لك تجارب ... فلا تبتعد فتصبح بعيداًً .. ولا تقترب بسرعة فتقع في أخطاء كثيرة... اسعى دائماً لتغيير نفسك.. ولكن لا تتعجل النجاح فتكلل مجهوداتك بالفشل....

هذه السلوكيات.. دائما ما تسعى إلى تغيير نمط شخصي معين. كما ذكرتها في موضوعي السابق نظرة إلى أنفسنا..

شكرا على ماقدمتي وفي انتظار جديدك..

[noona]

المشاركة الأصلية كتبت بواسطة القلب الطيب ~

ياسلام ياسلام على المواضيع الي تفتح النفس:tongue:

موضوع جميل جداااااااا

أكيد العلاقات البشريه معقده ومش سهله جدااا ومش سهل إنك تفهمي الطرف المقابل

هو أي شخص بيحمل نسبه من الخير والشر

أكيد بتتفاوت

بس صعب أبحث عن كنز نقي لا يحتوي على خدش حتى

لأني مش كده فصعب ألاقي كده

لا يوجد شخص مثالي فينا عيوب وبنحمل لبعض مشاعر وأفكار سلبية في بعض الأحيان

ولابد من أننا نتقبلهم بعيوبهم إذا كانت غير مضره بشكل كبير

حلم تلاقي شخص (( كامل)) وصعب تبعد عن الناس ((لإنك منهم))

الشخص يكون واقعي في علاقتوا ويعرف وجود الخطأ من الجميع ولازم يدي مده قبل مايضع ثقتوا في الشخص

يعطي كل شخص حقه

بس أكيد الثقه التامه خطأ

والبعد التام خطأ

وقولتي جمله مهمه (( التوازن مطلوب)) لكن ((لايمنع ظهور المعدن الرخيص))

صحيح ولكن على الأقل هتعرف إن الخطأ ليس منك وأحيانا يوجد أشخاص يصعب أكتشافهم

بس الحياه فيها ناس كويسين نبصلهم بواقعيه ومنطلبش منهم المستحيل ونحاول نديهم أعذار

وأصابع أيدك مبتشبهش بعض والتعميم يعمي عن رؤية التفاصيل ويسبب خسارة الكثير

وإن شاء الله تلاقي كنزك الحقيقي ((ذكر أو أنثى)) والنيه السليمه هي الأهم


موضوع في قمة الروعه

أختك

اهلاااا يا ياسمين

اكيد يا ياسمين انا مقلوتش ان فى ناس معادنها صافية ونقية بالكامل ...

ده حتى الذهب نفسه بعياراته المختلفة مش نقى بنسبة 100 % لانه داخل فى تكوينه النحاس لكن النسب بس اللى بتتفاوت ...

الطبقة الصافية من البشر اللى قصدها هى اقرب طبقة للنقاء ... نسبة المعدن الاصلى ليهم اكبر من المزيف ... ودى بدون شك الطبقة اللى بنبحث عنها كلنا

المشكلة بس فى الطبقة الخارجية للناس اللى من الظاهر بتلمع كالمعدن الاصلى ... لكن من جواها الله اعلم بيهم ... كتير بيتخدعوا بالمظاهر .. وكتير بيرسموا الاصالة والنقاء على وجوههم ... ده واقع خلى بالك

المشكلة بس انتى تعملى ايه لما تلاقى اللى حواليكى كده ... ماهو انتى مش عارفة معدن اللى قدامك شكله ايه ... فميش قدامك غير يا اما تتعاملى مع الناس لحد ما تظهر معادنهم الحقيقية .. او انك تتجنى التعامل اصلا وتاخدى حذرك من البداية ...

طبعا الشخصية بتفرق ... لان لازم يكون فى ادراك من البداية باحتمالية زيف المعدن الظاهر للشخص اللى قدامك .. وده مش كتير بيدرك كده وبيتعاملوا بثقة من البداية .. وطبعا فى الاخر ممكن تكون الصدمة ..

يعنى فى أشخاص اقولك دول يتعاملوا مع الناس بقلب و ميتخافش عليهم ... لا بينعزلوا مع نفسهم ولا وبيدوا ثقتهم للاخرين من البداية ...

وفى ناس للاسف معندهاش احتمال توارد سوء النية من الطرف الاخر وبتتعامل بثقة .. الشخصية دى لو مقدرتش انها توازن نفسها .. حتتصدم بدون شك فى اشخاص كتير حولها ..

ومفيش حد كامل ودليل الاقتباس ده من الموضوع

اقتباس والذى يؤدى فى الحقيقة الى افتقاده لطبقة منهم قد تكون الأقرب للكمال ... فليس هناك من هو كامل ... ولكنهم على أقل تقدير يستحقوا لقب (الكنز) المذكور فى العبارة بدرجاته الأشد نقاءاً ...

تفرق اننا قبل ما نطلع عيوب على اشخاص ... اننا ندرك من البداية ان مفيش حد خالى من العيوب ..

ونبنى على اساسها علاقتنا بالاخرين ...

""

مرورك اسعدنى جدااا يا ياسمين

وردك جميل كالعادة

والف شكر على النجوم :liverpool-flag:

منتحرمش من تواجدك ابداااا

بالتوفيق يا قمر ،،،

[ناصرعبده]

:cv3:موضوع عشرة علي عشرة