كنز حقيقي ... أم معدن زائف !!!

[لوليتا المصريه]

معرفه الناس كنز

اه كنز

وطبعا التشبيه بالكنز

ده لان المعرفه دى غاليه

مدام الواحد بيحس بنقاء الناس دى وصفائهم

فبيعتبرهم من ممتلكاته كنز غالى عليه

لكن

مهما كانت درجه صفاء الناس

اكيد فيه جزء مستخبى عننا مش باين لينا

لكن

بالاحتكاك اكتر والتعامل اكتر هنتفهم اكتر واكتر

يبقى الوسطيه فى التعامل عموما اكيد مطلوب

لحين ظهور نوايا اللى قدامنا

تسلم ايديكى يا نونا

تحفه

دام ابداعك

فان طريقتك فى الكتابه شيقه جدا

منتظرين جديدك

اختك

[just (o]

السلام عليكم ورحمة الله وبركاته

بجد يا نهى الموضوع رائع جدا

وفعلا الموضوع محير ايهما افضل الانعزال عن كل البشر واتقاء شرورهم وفي نفس الوقت خسارة معرفة معادن من البشر نفيسة
ام الاختلاط بكل البشر بانواعهم ومعادنهم المختلفة وكسب الخبرة في التعامل ومع ذلك عدم الامان من الغدر

صحيح مفيش معدن خالي من الشوائب وفي نفس الوقت مفيش معدن برده كله شوائب حتى المعدن الردئ بيكون فيه نسبة ولو ضئيلة من المعدن الاصلي النقي وفي رايي افضل حل للحيرة هو البحث في كل النفوس عن النقاء ده وتامين النفس من الشوائب وتخطي وتجاوز ردائة المعدن للبحث عن معدن اخر انقى وافضل



موضوع جميل جدا يا نهى شكرا جزيلا لك

[noona]

المشاركة الأصلية كتبت بواسطة حنون ~

ايه دا يانهى بجد موضوع ولا احلى من كده

استمتعت جداااااااا بقرائه كل حرف فى موضوع

اسلوب رائع وسرد للافكار مميز جدا

بس عارفه هى حاجه محيره اوى اندمج مع الناس

ولا ابعد عنهم هتقولى التوازن هقولك فى مش كل الاوقات

التوازن ده بيحصل وان فى اشخاص بتامن اوى للناس وفى الاخر بتنخدع

وبيتضح انهم معدن مش بس ردئ لا دول اقل كمان

وفى ناس مش من السهل عليها انها تنخدع فى اى شخص او انها تامنله

ولكن الضرر فى الحالتين بيكون صعب

بشكرك جدا جدا جدا يانونا على موضوعك الجميل سعدت جداااااا

بتواجدى وقرائتى ليه تحيااااااااااااااااااتى

اختك حنون

حنون منورة الموضوع

انتى قلتى نقطة فعلا هى دى اللى بتحدد اختيار الشخص ... الموضوع بيختلف من كل واحد والتانى وحسب قدرته على اخذ الحذر ام لا ومدى تقبله للصدمات من الاخرين والتعلم منها ...

الموضوع نسبى ومالهوش قاعدة ثابتة ... لان طبيعة الاشخاص نفسها بتختلف وارائها وشخصيتها متباينة .. لكن فى كل الاحوال الحذر مطلوب عند اختيار الاختلاط بالاخرين ... لان للاسف الاقنعة المزيفة موجودة بكثرة بين المحيطين

"
"

تسلمى يا حنون على ردك الجميل والرائع

نورتى الموضوع بتواجدك المميز

بالتوفيق ليكى ،،،

[noona]

المشاركة الأصلية كتبت بواسطة الحان الورد ~

التــوازن والوسطيــة شيء مطلوب
في العلاقات الاجتماعية،،
يعنــي ماينفعش الانفتــاح الزايد
زساعتها هقابل كل انواع معادن النـــاس
الصالح والطــالح منهــا
وده اكيد ليه ضــرر كبيــر
وماينفعش برده الانغــلاق التـام والامتنــاع عن
الاختــلاط مع النـــاس لاني مش
هعيــش لوحـدي في الدنيــا!!
احـــاول اتقرب او اختار الناس اللي تشبهني
وماادورش على حد كامل او مثالــي
لاني مش هلاقيــه،،
كل النــاس فيها عيوب وانــا نفســي فيا عيوب
بس عيب عن عيب يفرق
يعني مااقدرش اقول على شخص انه مش كويس
لانه عصبــي مثلا
لكــن اقدر اقول على شخص انه مش كويس لانه منافق
او كـــداب،،
يبقــى لازم احاول اتوزن في علاقاتي واحكــم عقلي
ومش هقول اني لو حكمت عقلي ممكن
مااقابلش ناس معادنهم زائفة ،،لا ممكن اقابل بس ساعتها
هاخد خبــرة اكتر تمكنــي فيما بعد اني استفيد منها
لانه لازم يبقى فيها ناس زائفة عشان نقدر النـاس النقيــة ،،
وزي مافيه كده فيــه كده
واكبر غلط ممكن نقع فيه هو التعميم لان التعميم بيظلـــم
وبيعمينــا عن الحقيقــة،،،
النـــاس مش كلها شبه بعـــض...
موضـــوع اكتر من رااائــع يانهــــــــى
استمتعت جداا بقراءتــهـ..
ان شاء الله دايما في تميز وابداااع
بالتــوفيـق
**

رد جميل وواعى يا رؤى ..

طبعا العيوب او الزيف اللى قصدت بيه هى العيوب الغير مقبولة ...يعنى ما ينفعش اقول على واحد عصبى مثلا انه معدنه سئ .. العيوب الاخرى زى الكدب والخيانة وما ظهر منها وما بطن ... بالتاكيد دى عيوب غير مقبولة وتدل فعلا على معدن الشخص ...

المشكلة ان العيوب دى غالبيتها مش بيظهر غير فى مواقف تعاملات بين الاشخاص وبعضهم ... وخصوصا اوقات الازمات والشدائد ... بيبان فيها معدن كل شخص على طبيعته

طبعا اختلاط الانسان بالاخرين حتى لو نتج عنها خسارة ففى وراها مكسب اخر غير مباشر ناتج عن الصدمات دى ... لان المواقف اللى بيتعرف منها حقيقة الاخرين فى الواقع دى مواقف فيها تعلم للشخص نفسه ازاى يحكم على الاخرين مع الوقت ...

يعنى فى البداية الخسارة ممكن تكون كبيرة لكن بتصغر مع الزمن والخبرة ...

وطبعا مفيش بشر كامل او مثالى ... لان زى ما الناس ليها عيوب انا كمان ليا عيوب ... لكن مش كل العيوب ممكن تتقبل ... ودى اللى قصدت عليها ...

"
"

وتسلمى يا رؤى على مرورك الجميل

نورتى الموضوع بتواجدك ...

بالتوفيق ليكى ،،،

[noona]

المشاركة الأصلية كتبت بواسطة SiLver Spectra ~

التوازن مطلوب بين المقولتين

لكن من وجهة نظري شخصيا النموذج الأول (معرفة الناس معادن)

هو الافضل من النموذج التاني (الانعزالي)

النموذج الأول هيتعرف على ناس و هتكون معارفه كتير

هيصادف منهم السيء و الكويس

و هيقدر يقيم بينهم

و دول الي ممكن يكونوا مستقبل كويسه له من خبراتهم

لكن الانعزالي دا مع نفسه

لا هيقدر يختلط مع ناس مختلفة و بالتالي مش هيكتسب خبرات

أو هتكون خبراته ضعيفه

التوازن بين النموذجين

هو إنك تتعرف على الناس و الناس الي تحس إنهم معادن رخيصه تبعد عنهم دا مطلوب

بس بصفة عامة

النموذج الأولاني دا الي هيقدر ينفذه ..

يعني يقدر يطبق الوسطية أكتر من النموذج التاني الانعزالي

موضوع قيم يا نهى

و سرد و عمق رائع

دوام الإبداع يا غالية....

اكيد يا طارق فى حالة ان الشخص يقرر انه يختلط بالناس ..

حيواجه كافة المعادن من البشر باختلاف درجاتها

وفى البداية بالتاكيد حتكون الخسارة اكبر لقلة خبرته فى الحكم على الاخرين ... لكن مع الوقت الخسارة دائما فى تناقص مع زيادة الخبرة

علاقة عكسية ...:liverpool-flag:

ويمكن دى الميزة فى الاختلاط ... حنوصل فى الاخر اننا كسبنا ناس صاحبة معادن قيمة وفى المقابل حنخسر بردو ناس صاحبة معادن رخيصة ...

ومكسب الخبرة بردو ...

فى المحصلة المكسب اكتر فى حالة الاختلاط ... لكن فى ناس بتاخد بردو الطريق الاسلم وهو الانعزال (بتريح دماغها)

بترجع زى ما قلت للشخص نفسه ومدى قابليته لمواجهة تدراك المواقف وردود الافعال مع الاخرين ...

""

شكراااا يا طارق على مرورك وردك الجميل

نورت الموضوع بتواجدك

خالصـ تقديرى ،،،

[noona]

المشاركة الأصلية كتبت بواسطة هيا*HYA* ~

موضوع رائع يا نهى
بس من وجهه نظرى ان معرفه الناس معادن افضل من الابتعاد عن الناس
لسبب الانسان ميقدرش يعيش منعزل عن الناس ويفضل متقوقع فى نفسه ويمنع نفسه عن تكوين صداقات ومعارف ودة نوع من انواع الاغتراب النفسى
لان لازم يتعرف على ناس واكيد هيلاقى معادن دهب ومعادن صفيح
وهيستفاد فى كلتا الحالتين
يعنى لو المعدن دهب يبقى كدة اكتسب صديق او حبيب
واذا كان المعدن رخيص وصفيح يبقى اكتسب خبرات ازاى يقدر يفرق بين الناس ومعادنهم وهيكون عندة نظرة صاقبه فى شخصياتهم وافكارهم
ومش هيقع فى معدن رخيص تانى
والانسان مهما عاش بيتعلم من اخطائه وبيكتسب خبرات فى الحياة
واللى يعيش ياما يشوف
تسلمى يا قمر على الابداع دة
ربنا يزيدك

فعلا يا هيا زى ما قلتى ان الشخص فى حالة الاختلاط لو قابله ناس صاحبة معادن قيمة فهو كسب علاقته بيهم

ولو كانت صاحبة معادن رخيصة فهو خسرهم لكنه كسب الخبرة وده المكسب الخفى او غير المباشر للخسارة

""

ردك جميل وواعى يا هيا

تسلمى على تواجدك الجميل

نورتى الموضوع ...

خالصـ تقديرى ،،،

[noona]

المشاركة الأصلية كتبت بواسطة nooody ~

فى حديث مش فكراة نصا بصراحه

بس يقول فى معناه ان المؤمن الذى يخالط الناس

ويصبر على اذاهم خير من المؤمن الذى لا يخالط الناس

وأنا مقتنعه جدا بدة

لانى عمرى ما هتعلم طول ما انا قافله على نفسى وفى معزل بعيد عن الناس

لازم اخالط الناس واحتك بيهم عشان اقدر اتعلم

هقع مرة واتنين وعشرة مش مهم المهم انى بعد

كدة هأخد بالى وهمشى صح لان هكون اكسبت خبرات

من المرات اللى قبل كدة

موضوع جميل اوى يا نونا

تقديرى

لو حسبناها بالمكسب الاكتر حنلاقى ان الاختلاط فيه مكسب اكتر

مكسب معرفة ناس تستحق ان يقال عليهم كنوز ... ومكسب الخبرة

وان كانت الخسارة اكبر بردو بسبب معرفه ناس صاحبة معادن رخيصة ....

لكن اللى يهمنا المحصلة النهائية من الاختلاط ...

""

مرورك اسعدنى يا نودى ...

نورتى الموضوع بتواجدك

خالصـ تقديرى ،،،

[noona]

المشاركة الأصلية كتبت بواسطة Wa7eDMeNElNaS ~

السلام عليكم ورحمة الله وبركاته،،،
موضوع جميل جداً.. اختي الغالية..
مع العلم أ، أنماط الشخصية في العمل على الاقتراب أو التباعد بين الناس.. لها أساسيات.. من حيث نوع المعاملة السائدة في المجتمع..
نوعية الشخصية.. التي تستطيع التأقلم مع الشخصيات المتواجدة من حولها.. في بيئة من الممكن أن تكون لها اثار سلبية في بعض الأحيان من خلال تكوينات.. المجتمع.. وأخلاقياته...

ودائما ما أنتهج هذا السلوك في مختلف معاملاتي مع الناس..

إذا كنت قليل الاحتكاك بالناس .. أو ليس لك تجارب ... فلا تبتعد فتصبح بعيداًً .. ولا تقترب بسرعة فتقع في أخطاء كثيرة... اسعى دائماً لتغيير نفسك.. ولكن لا تتعجل النجاح فتكلل مجهوداتك بالفشل....

هذه السلوكيات.. دائما ما تسعى إلى تغيير نمط شخصي معين. كما ذكرتها في موضوعي السابق نظرة إلى أنفسنا..

شكرا على ماقدمتي وفي انتظار جديدك..

اقتباس إذا كنت قليل الاحتكاك بالناس .. أو ليس لك تجارب ... فلا تبتعد فتصبح بعيداًً .. ولا تقترب بسرعة فتقع في أخطاء كثيرة... اسعى دائماً لتغيير نفسك.. ولكن لا تتعجل النجاح فتكلل مجهوداتك بالفشل....

عبارة جميلة فيها توازن بين الامرين .... الاقتراب والبعد لان طبعا الشخصية بطبيعتها بتحكم فى اذا كانت ممن يستطيعوا الاقتراب بحذر او الافضل لها الابتعاد .. وكيف يكون الاقتراب من الاخرين باقل الخسائر الممكنة

واثرت نقطة البيئة المحيطة بالشخص ...

يعنى ممكن اقول مثلا ان في بيئة معظم الاشخاص فيها منحرفين واصحاب اخلاق ومعادن رخيصة ... بيكون هنا الافضل فيها الابتعاد ... الى ان يجد الشخص البيئة المناسبة لحد كبير ... حتى لو كانت بيئة جيدة من الظاهر ولكنها تستحق تجربة الاقتراب

فى سلوكيات ومعادن للناس بتكون ظاهرة بحيث ان الحكم عليهم عن بعد بيكون صحيح بنسبة كبيرة ...

فى الحالة دى بناخد القرار تبعا لنظرتنا المبدئية للاخرين ... الى ان يظهر صدق نظرتنا او كذبها ..

""

شكرا لمرورك وردك الجميل يا احمد الذى اضاف للموضوع

خالصـ تقديرى ،،،

[noona]

المشاركة الأصلية كتبت بواسطة ناصرعبده ~

:cv3:موضوع عشرة علي عشرة

شكرا اخى الكريم على مرورك

خالصـ تقديرى ،،،

[mmmm]

ايه الحاجات المفيدة دى

شكرا جدا على مجهودك