إوعى تحب ... الحب ده مش بتاعنا

[حسين حمدى]

إوعى تحب
الحب ده مش بتاعنا
الحب ليه ناس ناس

ازاى ياعمنا تقول الكلام ده

زى مابقولك كده

مش مصدقنى
عندك حق
هفهمك واحده واحده

الحب بتاع زمان ده خلاص مبقاش ليه مكان اليومين دول
وحتى لو بقى ليه مكان وشوفته صدفه يبقى مش من نصيبك
الحب فى زمنا ده للى معاه فلوس وبس

لالالالالالالالالا كلامك مش صحيح الحب طول عمرة موجوة

وهو انا قلت غير كده
الحب موجود اه لكن بقى لفئات معينه

ازاى تقول كده
طيب منا لسه فى بدايه حياتى اهوة وبحب فلانه

جميييييييييييييل
طيب نمشى واحده واحده
فلانه دى زميلتك؟
ولا اصغر منك فى السن


خليها زميلتك
انت راجل بسم الله ماشاء الله
ربنا موفقك
وان شاء الله ليك مستقبل محصلش
بس بعد كاااااااااااام سنه
ابقى قابلنى بقى لو عرفت تكمل قصتك
الا اذا كنت معاك قرشين
وطبعا مش معاك انت
أأقصد الوالد متريش
وطالما مش معاك يابنى وأهلك على قد حالهم
يبقى ملوووووش لزوم
وفر مشاعرك لغايه متقدر تفتح بيت
وتقدر تتقدم لناس محترمين بقلب جامد
بدل مايقولولك الشبكه
والفرح فى الفندق الفلانى
انا بنتى مش أقل من فلانه
والشقه 90 اوضه صاله
على اساس انكوا هتجروا الصبح وتلعبوا لياقه
والمقدم
والمؤخر
والى والى والى
وتلاقى نفسك ياولداه قاعد مش عارف تفتح بقك
وتخرج من عندهم والدنيا سوده فوشك
وبتدور على قلبك مش لاقيه
معذور
فطس من الحاجات الى سمعها

طيب دى لو زميلتى
طب بالعند فيك انا هختار واحده اصغر منى بخمس سنين
علشان على ماأكون نفسى تكون هى خلصت
ونقدر نتجوز

ياسسسسسسسسسسسسلام
لو اختارها قلبك يبقى بجد حظك كويس جدا
إنما متقوليش هحب واحدة اصغر منى
هو الحب بقى تفصيل اليومين دول ولا ايه
شوفت بقى
كده ميبقاش حب
يبقى اشتغاله وضحك على الدقون ووهم كبير



نصيحه ليك يابنى ولكل الغلابه
اوعى تحب وجيبك فاضى
الحب فى الزمن ده ده للأغنيا وبس


منتظر ارائكم فى الموضوع ده
معلهش الحقيقه بتوجع

[حنـــــون]

موضوع جميل واسلوبك كمان لطيف اوى

واكيد طبعا مش هقولك لا الحب فوق كل شئ

وفوق كل الظروف لانى كده هبقى بخالف الواقع الى

احنا عايشينه والحاله الى الجميع بيمر بيها وفعلا الجواز

دلوقتى بئه مكلف جداااااااااا وبئه فيه اساسيات اصلا مالهاش لازمه

ولكن الناس تعقدلك الجوازه بسببها ولكن بجد لو كل الناس فكرت شويه هتلاقى

ان اهم شئ هو الحب وانه يكون انسان عنده اخلاق اهم بكتير من المهر والفندق والشقه

الى 90 اوضه دى

بشكرك جدااااااااااااا اخى الكريم على الموضوع الرائع ده

تحيااااااااااااااااتى اختك حنون

[!شيمو!]

توبيك هااااايل وتسلم عليه
ربنا يعز الاسلام والمسلمين.....shemo

[حسين حمدى]

اقتباس المشاركة الأصلية كتبت بواسطة حنون موضوع جميل واسلوبك كمان لطيف اوى واكيد طبعا مش هقولك لا الحب فوق كل شئ وفوق كل الظروف لانى كده هبقى بخالف الواقع الى احنا عايشينه والحاله الى الجميع بيمر بيها وفعلا الجواز دلوقتى بئه مكلف جداااااااااا وبئه فيه اساسيات اصلا مالهاش لازمه ولكن الناس تعقدلك الجوازه بسببها ولكن بجد لو كل الناس فكرت شويه هتلاقى ان اهم شئ هو الحب وانه يكون انسان عنده اخلاق اهم بكتير من المهر والفندق والشقه الى 90 اوضه دى بشكرك جدااااااااااااا اخى الكريم على الموضوع الرائع ده تحيااااااااااااااااتى اختك حنون

ميرسى جدا ليكى حنون
وانا طبعا متفق معاك
دمت بخير

[أنثـے مًنْ الّخٍـْيـِالْ→♀]

الحب مش حاجة نقدر نتحكم فيها

مجرد شئ من عند ربنا منقدرش نقوله متجيش دلوقت عشان انا مش مش هقدر اكمل قصتك

او تعالى دلوقت

الحب اكيد مش هينتهى لان الحب هو الحب للغنى و الفقير

لكن الفرق مين اللى يقدر يكمله

فى مقولة بتقول

لو حبيت حاجة بجد بتيجى لك بس يكون حبها بجد

اكيد الاهل بردو بقى ليهم تحكمات و طلبات تشيب الطفل

فلازم يراعوا ظروف ان ده شاب لسه فى بداية حياته

لازم يقفوا جنبه و جنب بنتهم و الا هيدمروا الشاب ده و يحطموا بنتهم

موضوووع رائع يا حسين حمدى

تسلم الايادى

اختك ,,

[Just G!rl]

أنا مش معاك خالص

الحب بيتغلب على كل حاجه

وبعدين الحب لكل الطبقات

بس مش إنت تكون على قد حالك

وتحب واحده بنت مليونير يعني

دي تختلف عن الي انت قولته ان الحب للأغنيه وبس

الواحد لما يجي يحب لازم يشوف الي بيحبها مناسبه ليه ولا

يعني يحب واحده من طبقته عشان تبقى عارفه عادات الطبقه دي ايه

وعشان تقدروا تكملوا حياتكم مع بعض دي وجهة نظري

ثانكس على التوبيك ...

[حسين حمدى]

اقتباس المشاركة الأصلية كتبت بواسطة !شيمو! توبيك هااااايل وتسلم عليه ربنا يعز الاسلام والمسلمين.....shemo

ميرسى جدا ليكى شيمو
ويارب دايما معانا ومنورانا
دمت بخير

[حسين حمدى]

اقتباس المشاركة الأصلية كتبت بواسطة just g!rl أنا مش معاك خالص الحب بيتغلب على كل حاجه وبعدين الحب لكل الطبقات بس مش إنت تكون على قد حالك وتحب واحده بنت مليونير يعني دي تختلف عن الي انت قولته ان الحب للأغنيه وبس الواحد لما يجي يحب لازم يشوف الي بيحبها مناسبه ليه ولا يعني يحب واحده من طبقته عشان تبقى عارفه عادات الطبقه دي ايه وعشان تقدروا تكملوا حياتكم مع بعض دي وجهة نظري ثانكس على التوبيك ...

لو ركزتى شويه هتلاقى اننا متفقين
طبعا الحب بيتغلب على كل حاجه بس طبعا مش دايما
وده الى انا بتكلم عنه
انا بوجه الضوء على مشكله أما الايجابيات فربنا يزيدها كمان وكمان
وكلامك بتاع الطبقات بيأيد صحه كلامى
دمت بخير

[نورا السندرلا]

الحب تعب قلب

[حسين حمدى]

اقتباس المشاركة الأصلية كتبت بواسطة نورا السندرلا الحب تعب قلب

حد يقول على الحب وجع قلب
ده حتى متحسيش بطعمه الا لما تحسى بوجع القلب
نورتى الموضوع
دمت بخير