بلاش نقاب ممكن حجاب بس وبلاش لحيه كمان

[حفيدالفراعنة]

اقتباس المشاركة الأصلية كتبت بواسطة flower اول شي ما بعرف اذا في حد بيعمل هيك وبعدين ولو فرضنا هوه ما شافها قبل هيك ورضي فيها خلينا نقول انه طلب منها خلع النقاب دور الزوجه في ذلك مهم في اقناعه انه اجمل واثوب عند لله وانه ما بتحب احد يراها غير زوجها وفي نقطه تانيه يعني لو في ضرر لها في ذلك متلا هيه عايشه في بلاد الكفار وفي خطر عليها ما في مانع مع اني ضد

تصدقى ان بعتقد ان للزوجه دور كبير فى اقناعه بس المشكله لو لم يقتنع

ها تعمل ايه فى هذا الوقت

وانا معاكى ان الحجاب يكفى فى بلد الكفر

على ان الدين لا يتجزء

ولكن الضروره هنا

شكرا flower على مرورك من هناااااااااااا

[أمة الله]

انت بتقول هيخليها تخلع النقاب لو كان فى سبب مرضى ماشى ممكن زى حساسه مشاكل فى النظر

ساعتها الضرورى يبيح المحظور ولكن يريدها ان تخلع من غير سبب فعليها اقناعه بذلك وتأتى بجميع

اولى الامر لننصح وتلجأ الى الله بالدعاء وهذا ليس رأى دا رأى الشيخ ابى اسحاق انا مش بقول من

نفسى فأن ابى فالله المستعان والله اعلى واعلم

[مشتاقه للجنه]

طاعة الزوج واجبه طالما ليسة فيها معصيه وأكيد انا سوف أطيعه




وأنفذ امره بخلع النقاب ده ان وجد من الاساس ورأى الدين واضح فى هذه النقطه


حماده شكرا للطرح

[ألاء الرحمن]

اولا انا لو منقبه ومخطوبه لشخص فلازم اعرف رأيه فى نقابى واتأكد من انه مقتنع بيه وهو هيكون خاطبنى بنقابى
المهم لو حصل كده فلازم يكون ليه اسباب واضحه ومقنعه وصريحه
مش اقلعى وخلاص لانى ساعتها هحاول اقنعه وادعى ربنا والجأله بجد
لكن لو حبكت اوى فهبقى لازم اقلعه لانى هكون كونت اسره ومش بعيد يكون فى اطفال فالغلط انى ادمر الاسره
بس اصلا اشك فى انى اتزوج شخص ميكونش مقتنع بحجابى ونقابى اذا كنت منقبه
وشكرا لك اخى الكريم على موضوعك الهام

[شباصه]

لاطاعه لمخلوق في معصيه الخالق

[Mysterious]

انا شايفةانو النقاب مش فرض

لو انا منقبة وجوزى شايف انى لو خلعت النقاب هرضيه ارضيه

دا مش ضعف ايمان

اكيد هاخد موقف فى البداية وبعدين هوافقه

وانت رأيك ايه؟؟

فى الموقفين لو واحد طلب انها تخلع نقابها او هى طلبت انه هو يزيل لحيته

ايه رأيك؟؟


تحياااتى عالتوبك وجيد للمحاورة والنقاش

[بطوط]

اولا بالنسبه للنقاب فلا طاعه لمخلوق فى معصيه الخالق . ليه الزوجه توافق زوجها على خلع النقاب مدام هيه مقتنعه بيه ولابساه ارضاء لله . اما بالنسبه للحيه فقال رسول الله فى حديث له اى فيما معناه ان حالق اللحيه اثم ثم ان اللحيه سنه عن الرسول ويجب ان نتقدى به

[دبدوبة الحبوبة]

راااااااااااااااااااائع كالعادة يا حفيد الفراعنة


انا بس عندي تعليق على حكاية استحباب النقاب ومعصية الخالق

الاختلاف في حكم النقاب ماينفعش ان اي حد كده يجي يتحجج بيه

يعني كل واحد ليه مذهبه >>> اللي حنفي واللي شافعي واللي حنبلي واللي مالكي

يعني كل واحد يشوف مذهبه بيقول ايه الحكاية مش مفتوحة سبيل

واللي قالو بالاستحباب قالو بالفرض في زمن الفتنة

ودلوقتي احنا في زمن اسوأ من انه يقال عليه زمن فتنة بس

اتحدى اي بنت تنزل من بيتهم وهي بتأمن الفتنة

ودلوقتي مبقاش فيه الرجالة اللي عندها نخوة وبتغض البصر الا من رحم ربي

يعني برضو هتكون سبب في الفتنة يعني مفيش مفر من تغطية الوش هنروح وللا هنيجي هو الاستر في حكم الشرع دلوقتي

فكل واحد يبص في مذهبه وما ياخدش الاختلاف من ع الوش ويقول اختلفو وخلاص لازم يشوف ايه العلل والاسباب والاستنثناءات والرخص

كل ده لازم يتاخد في عين الاعتبار ومناخدش الاحمام رؤوس اقلام بس الاحكام مش سهلة دي امانة وفيها حساب



دي حاجة

الحاجة التانية هي بخصوص سؤالك

انا بالنسبالي لو جوزي اتجرأ وعملها وخيرني بين النقاب وبينه يبقى هختار النقاب وبدون نقاش وهتطلق منه وانا رافعة راسي ومش ندمانة

وهينزل من نظري كتييييييييييييييييييييييييييييييييييير اوي


لاني هكون اكتشفت لاول مرة اني متجوزة راجل معندوش حاجة اسمها ( نخوة او رجولة او كرامة)

لما انا اكون ساترة نفسي عن عيون الرجالة وهو يطلب مني اني اخلعه يبقى مش راجل

لما يطلب مني اني اخلع النقاب عشان الكل يشوفني ابقى مجرد منظر يبقى مش الراجل اللي اامن على نفسي معاه ولا اامن على اولادي ولا على تربيتهم ولا على اخلاقهم معاه

يبقى مش الراجل اللي هيحميني ويسترني
مش الراجل اللي يحافظ على عرض بيته

وهي يبقى النقاب هو اللي ساترني ومحافظ عليا اكتر منه يبقى النقاب اولى بالاختيار


صدقني ياحفيد اللي تلبس النقاب وهي مقتنعة بيه لا يمكن تقلعه قدام حد الا اذا كان قلبها ماااااااااااااااااااااااااااااااات او بقى حجر

انا لو حد كشفني بالغلط بدون قصد بحس اني اتعريت فبجد صعب صعب الشعور ده


ياااااااااااااارب يكتب لكل وحدة انسان رااااااااااااااجل يحافظ عليها مش يعريها قدام خلق الله



انا اسفة اني طولت ورغيت كده بس فعلا موضوع ماينتهيش فكلمتين بس ولازم نتناقش فيه


احييك عليه بجد

[҉ آنينُ صمتـﮯ ҉]

انا من رايي هوافق ومش هلبسه لانو مش واجب النقاب.....الله اعلم

طاعة الزوج واجبة

وقال رسول الله صلي الله عليه وسلم

..(لو كنت امرا لاحد ان يسجد لاحد لامرت المراة ان تسجد لزوجها لعظم حقه عليها)...

والله اعلي واعلم

ميرسي يا حمادة ع الموضوع

بس انا عايزة اعرف رايك .....؟؟

[NERA 31]

انا الاول هحاول انى اقنعه ان النقاب حتى لو مش فرض هو مش وحش ومش مضر يبقى ايه اللزمة انى اقلعه
لكن لو اصر على كلامه هشوف شيخ وهساله يعنى عشان اكون بريئة من الذنب امام ربنا
شكرا على موضوعك