الفـــــــــــــــــــــــــــــــــــــــــــــرا ق

[قالي الوداع قولت اشطه]

قولولي

يعني ايه كلمه فراق؟؟ او بمعني اصح بتشعروا بايه لما بتسمعوها؟؟
هل هي كلمه عاديه او صعبه
قولولي

هتعملوا ايه لو صحيتوا من النوم مش لقيتم اعز ما ليكم في الدنيا مش جنبكم هتزعلوا هتعيطوا كام يوم
يوم ...يومين تلاته اربعه طب وبعدين
لو انت حبيت شخص وحبيته حب جنون وفجاه بعدت عنه انت هتعمل ايه
مش ضرورى يكون معني الفراق الموت بس الفراق ليه معاني كتير جدااا
انا بقول لنفسي لو ابويا وامي في مرة صحيت ولقتهم افترقوا عني مش عارفة اتخيل حياتي ازاي بدونهم
هل انتوا كذلك ولا غير كدة؟؟
انا عاوزة كل اللي يدخل هنا يقولي يعني ايه كلمه فراق بمفهومه هو وهل هي بتأثر فيه ولا عادي بالنسبه له
وميرسي ليكم كتير

مع تحياتي منـــــــــــــــــــــــــــــــار

[Dr.nour]

فراق يعنى وداع
يعنى حزن على شخص حبيناه
يعنى الم لعدم روياه
يعنى فراغ بعد رحيله
تسلمى يا قمر

[فــــــــــرح]

فــراق يعني احساس بالوحده والوحشه رغم وجود الكثير حولك
يعني نهايه شي جميل قد يكون اكتمل وقد لم يكتمل بعــد
فراق يعني فقد الاحساس بالامــان ,,
فراق يعني وفاة اجمل احاسيس ومشاعر قد يعيشها الانسان يوما
فراق يعني فقد الانسان لروحــه فيبقى الانسان بعد الفراق
جســد خوا فارغ عاري من كل المشاعر الجميله التي كان يعيشها
قد تنتهي الحروف ولكن لن ينتهي احساس الالم الذي قـــد
يعيشه الانسان جرا الفــــــــــــــراااااااق,,,

واكيــد احساس الفراق بيأثر على اي شخص يمر بيه
بالرغم من حالة الانكار اللي بيعشها سوا كان الانكار دا
انكار ان الفراق مأثر فيه
اوانكار انه ممكن يفتقد للشخص اللي فارقه ,,

[اميره الصمت]

طب وهو المفروض نسال بردو مين اللى بيفارق الولد ام البنت انا عضوه جديده معاكم هنا واتشرفت بمعرفتكم جدا جدا

[قالي الوداع قولت اشطه]

واحنا كمان اتشرفنا بمعرفتك جداا وميرسي لردودكم
بس قولولي انهي اصعب شي في حياتكم؟
الخيانه ام الفراق ؟؟؟

[حبيبة الملايين]

الخيانة طبعا اصعب شىء
لان لو حبيبك خانك يبقى جرح مالوش حدود
جرح عميق اوى هتحسي نفسك انك كنتى قليلة اوى
لكن لو فراق
هتكونى مرتاحة شوية اهو فارقك بس وهو لسة بيحبك

انا عن نفسى افضل الفراق عن الخيانة
لانه بردو لو خاننى مش هطيق ابص فيه
شكرررررررا يا منار

وعلى فكرة انا قبل ما اسكجل كنت بفكر سجل فى المنتدى باسمك ده اللى هو (قالى الوداع قولت اشطة)..
هههههههههههه

[جوهرةالقصر]

اولا شكرا علي الموضوع الجميل.........واعتقد ان معني كلمة فراق هو ابتعاد اتنين عن بعض غصب عنهم وميكنش واحد فيهم السبب وانما السبب يبقي اكبر منهم مثلا ذي الظروف و ده معني الفراق اما عن حكاية التأثير فأكيد بيأثر ومش يوم اويومين لا ممكن يأثر بالسنين وسنين طويلة ومهما طالت استحالة النسيان ومرررررررررررررسي علي الموضوع

[أنثـے مًنْ الّخٍـْيـِالْ→♀]

فراق
=
حزن
=
الم
=
ظلام
=
دموع
=
كآبة
=
دماااااار

[منال ابوالوفا]

الفراق ممكن يكون غير الوداع الوادع ان الشخص يبعد عن اللى بيحبه غصب عنه لكن الفراق دى استغناء اي طرف من الاتنين عن بعضهم بس من غير ما يتغصبوا على الفراق ده
وفي الحالتين حزن والم ودموع
وتحيااااااااتي عالتوبيك الرائع

[قالي الوداع قولت اشطه]

ميرسي ليكي يا منال ع رايك بجد وميرسي يا جوهره والله انتوا منورين جدا بس الحاجه الوحيده اللي خلتني اكتب الموضوع ده اني بخاف موت اني اتقرب من حد اوى وييجي عليا يوم وافرقه انا عارفة اني الخيانه صعبه والفراق اصعب بس انا بخاف من الفراق اكتر من الخيانه لاني بجد اخاف في يوم مش القي اللي حوليا واعيش وحيده في الدنيا بجد ولا انتوا ايه رايكم ع فكرة يا حبيبه الملايين الاسم عاجبني جداااااا ولو يا ستي عوزاه عمره ما هيغلي عليكي ابداااا ممكن اغيره والله علشانك منورة