ماساه حائره

[Dr.nour]

بسم الله الرحمن الرحيم

اشهد ان لا اله الا الله وان محمد رسول الله ....

عندما تشعر بالضياع فى كل لحظه من لحظات الحياه

عندما ننكشف امام انفسنا.. وكاننا على سطح الحقيقه بعينها

دائما وابدا مهما خرجت وضحكت وابتسمت وتكلمت ..

كان دائما يكمن فى قراره نفسى الم لا اعلم مصدره

الم من الا شى.. الم من المجهول.. الم على ما ضاع منى

سافرت بحار من العذاب.. حاولت الوقوف على اقدامى مرات عديده ..

ساندنى الكثير.. ولكن الحزن الذى يملا اعماق قلبى لا ينتهى ابدا

صدقوا اولا تصدقوا.. كنت اسير اياما لا اعلم من اين انا قادمه ولاالى اين انا ذاهبه

الى المجهول الذى هو دائما وابدا مظلم لى ..

ام الى الفراغ.. والوحده ..والسكون ..الذى يكاد يقتلنى
على الرغم من اكتظاظ المكان حولى بالبشر

لا ادرى لا اعلم كيف. ومتى. واين .انا ولماذا انا هنا ؟؟

لقد بدات اشعر بالجراح تنزف من داخلى من الدماء التى تفقدنى توازنى

وقد تودى بى فى النهايه الى الضياع الذى هو كان الجزء الاكبر من حياتى

لم انظر الى المستقبل فى يوم من الايام ببسمه مشرقه ولكنى اعتبرته

الماساه يومى الفائت والقادم والحالى

اسفه على معايشتكم معى فى احزانى.. ولى تكمله باذن الله عز وجل

اختكم الحائره فى ارض الله.......

[Dr.nour]

وهذه ماساتى ولم تكتمل نهايتها
ادعو الله ان يوفقنى واياكم

[لوليتا المصريه]

قد ايه الكلمات راااااااائعه

وقد ايه صعب على النفس يكون فيها قدر الحزن والاسى ده

لكن هقولك

حالنا عمره ماهيفضل على ماهو عليه

حالنا كل يوم بيتغير

وبيتبدل

وانتى ساعدى نفسك انك تعجلى فى التغير ده والتبديل ده

ماتقفيش مكانك

ساعدى نفسك بنفسك

ربنا ييسرلك امورك

ويكرمك بكل خير اللهم امين

كلماتك روعه رغم حزنها

اختك

[حنـــــون]

كلماتك مؤثره جدااااااااااا

ولكن اكيد هيجى اليوم والراح دى

هتنتهى لان مافيش اى حاجه بدوم

هى الحياه كده يوم حلو ويوم وحش

وربنا بيقول ان مع العسر يسر

يعنى مهما ضاقت علينا الدنيا بمشاكلها

والالمها اكيد الحل هيجى والحياه لازم هتنتسم

والمستقبل هيشرق من جديد لان ربنا عادل جدا

زى ماشوفتى الوحش اكيد هيعوضك عنه بالخير

بشكرك جدااااااا وربنا يجعل كل ايامك سعيده

تحيااااااااااتى اختك حنون

[أنثـے مًنْ الّخٍـْيـِالْ→♀]

ربنا معاكى

و ان شاء الله هيعينك على تعدى تلك الاحزان و الجرووح

موضوع رائع

كلماته جميلة

مشاعر صادقة

تسلم الايادى

اختك ,,

[misho]

مشاعرك صادقة جدا ومؤلمة بدرجة كبيرة

احساس الانكسار الداخلي وان كل شئ حوالينا بقي متساوي ملوش طعم

ولا لينا نفس نعمل اي حاجة حوالينا ناس بس الوحدة بتقتلنا

الحزن بقتل قلوبنا وبنضحك بس من برة لكن من جوة حزييييييييين ومليان دموع

لكن في الاخر ملناش غير ربنا صدقيني هو اللي بايده بس سعادتنا و راحتنا

وقضاء ربنا اكيد بيبقي فيه الخير وان شاء الله بكرة احلي من امبارح

ربنا يبعد عنك الاحزان يارب

تحياااتي

[marwoo]

يااااااااااااااا قد ايه كلمات جمييييييييييله وحزينه كلها تعب

بس عارفه احب اقولك على حاجه ربنا لما بيحب حد اوووووووووووى ديما بيخليه

مصاب تعرفى دى من رحمة ربنا عليكى بس المهم يكون الانسان صبور

لان كل حزن بتحسيه وكل الم بتحسى بيه ربنا بيشيل بيه ذنب من ذنوبك

وربنا قال "ان مع العسر يسر" اه الواحد اكيد بيتألم وبيوصل لدرجه كبيره من الضعف

لكن مش لازم نستسلم لازم نرجع نقوم والحياه بيبقى فيها الحلو والوحش

جميل ما كتبه قلمك المميز

تسلمى حبيبتى وربنا يسعد ايامك كلها فى الدنيا والآخرة

ويسعد جميع المسلمين

[Dr.nour]

المشاركة الأصلية كتبت بواسطة لوليتا المصريه ~

قد ايه الكلمات راااااااائعه

وقد ايه صعب على النفس يكون فيها قدر الحزن والاسى ده

لكن هقولك

حالنا عمره ماهيفضل على ماهو عليه

حالنا كل يوم بيتغير

وبيتبدل

وانتى ساعدى نفسك انك تعجلى فى التغير ده والتبديل ده

ماتقفيش مكانك

ساعدى نفسك بنفسك

ربنا ييسرلك امورك

ويكرمك بكل خير اللهم امين

كلماتك روعه رغم حزنها

اختك

مش عارفه اقولك ايه يا ايمان

بس مساعده نفسى بنفسى دى
حاولتها كتير اوى

ومعرفتش اطلع بنتيجه

بس انتى ادعيلى

[Dr.nour]

المشاركة الأصلية كتبت بواسطة حنون ~

كلماتك مؤثره جدااااااااااا

ولكن اكيد هيجى اليوم والراح دى

هتنتهى لان مافيش اى حاجه بدوم

هى الحياه كده يوم حلو ويوم وحش

وربنا بيقول ان مع العسر يسر

يعنى مهما ضاقت علينا الدنيا بمشاكلها

والالمها اكيد الحل هيجى والحياه لازم هتنتسم

والمستقبل هيشرق من جديد لان ربنا عادل جدا

زى ماشوفتى الوحش اكيد هيعوضك عنه بالخير

بشكرك جدااااااا وربنا يجعل كل ايامك سعيده

تحيااااااااااتى اختك حنون

اكيد هو ده الامل الوحيد ليه ف حياه جديده يا حنون

ان لوحش النهارده ببق حلو بكر

ولازم فعلا يون عندنا امل كبير فى ربنا

تسلمى يا قمرتى على كلامك الجميل ومرورك العطر

وفقنى الله واياكى

[mody766]

معقول يا نور؟؟
كل دة جواكي؟؟
بصي يا نور
الألم أو الحزن أو النكد سببه في الغالب حاجة من اتنين
إما موقف أو مواقف مرت بينا بتخنقنا ودي من نعمة ربنا علينا إننا بننسى
والإنسان اسمه إنسان من النسيان
الحاجة التانية ظروف خاصة بينا احنا عايشنها وهيا اللي مسببه لينا الحزن والألم والكآبة
ودي حلها بردة حاجة من اتنين
اما ان احنا نسعى بجد اننا نغيرها
طب لو مكنش ينفع تتغير نعمل ايه؟؟
نحاول نتعايش معاها
نتصالح مع الواقع زي ما بيقولوا ونكيف نفسنا عليه
حاجة تانية عايز اقولها يا نور
البداية اننا نعرف بالتحديد ايه اللي بيسبب لينا الالم والكآبة
عمرك شفتي طبيب بيعالج مريض قبل ما يحدد هوا مريض بايه
لازم تعرفي الاول مكمن الالم ومنطلقه عشان تبداي تتعاملي معاه
انا مش عارف انتي عندك كام سنة
بس عايز اقلك لسة يانور
لسة يا نور
الحياة ملياااااانة
ولو حكتلك ولو ناس كتير حكولك هتستغربي ان ناس مروا بالظروف دي ولسة عايشين
بس عايشين عشان عندهم امل وثقة في ربنا
وايمانهم بالله هوا الشيء الوحيد اللي بيخفف عنهم ويديهم الطاقة
وكل صلاة بيقفوا قدام ربنا بيحسوا ان في حد كبير اكبر من اي شيء بيحميهم وبيرعاهم
سواء كانوا عارفين دة او مش عارفينه وسواء حسوا بكدة او لا
مش عارف انا عندي كلام كتير بس حاسس اني طولت وعايز ادي المجال لغيري
دمت بخير وإيمان