مبسوط بس نفسى اتقطع لانى لوحدى متخليكى معايا ...وهنقدر ومش هنتعب.

[عاشق المستحيل557]

أنا مبسوط أوى وعاوز كل المنتدى يدخل يباركلى

أنا أتخلصت من العقدة اللى عندى وعند كل الناس

((( عقد ماباليد حيلة )))

ودلوقتى خلاص أنا بقول لأ براحتى ومن غير خوف

أنهاردة صحيت من النوم على صوت عمال الكهرباء بيكسروا فى الأسفلت

طلعت البلكونه لقيت كل الناس زعلانه على الأسفلت اللى لسه معمول

وكله بيقول (( ماباليد حيلة ))

قمت واخد نفس عميق وبأعلى صوت قلت (( لأ ))


وبعد كده نزلت أجيب عيش علشان أفطر وفى المخبز

لقيت طابور طويل عريض والناس هاتموت بعض علشان العيش

مع أن الرغيف بقا النص ومايتاكلش بس الناس هاتعمل أيه؟؟

وكله بيقول (( ما باليد حيلة ))

قمت واخد نفس عميق وبأعلى صوت قلت ((لأ ))


المهم قلت مش مشكلة أعتبر نفسى صايم أنهاردة

ولما حبيت أركب مواصلات لقيت الناس محشورة فى الميكروباص

وعلى الباب متشعلق يجى 4 ركاب والسواق بيقول الأجرة غليت

طبعا كل الناس قالوا (( ما باليد حيلة ))

وانا زى مانتو عارفين أخدت النفس العميق وقلت (( لا ))


رحت الكلية لاقيت الدكتور متأخر عن ميعاد المحاضرة ساعتين

ولما دخلت المحاضرة مش عارف ليه حسين أن النوم كبس عليا

ولقيت نفسى مش فاهم أى حاجة خالص منه زى مايكون قاصد مايفهمناش

والطلاب ياعينى كلهم قاطعين النفس ومحدش فاهم حاجة خالص

وكله خايف يقوم يسأل طبعا علشان اللى بيقوم الدكتور بيضحك الدفعة كلها عليه

ومش بعيد بعد كده يسحب الكارنية أو يلغيله الأمتحان

وكله بيقول (( ما باليد حيلة ))

أنا بقا ناويها من الصبح رحت واخد النفس العميق وقولت (( لأ ))


أخدت السى فى بتاعى ورحت أقدم على وظيفة فى الحكومة

طبعا هناك قابلت تقريبا نص شباب البلد وكلهم على سنجة عشرة

ولما سألت عن المرتب لقيته 100 جنية بالتمام والكمال

والناس طبعا هاتتجنن يعنى بعد تعب الدراسة دا كله يكون مرتبنا 100 جنية بس؟؟

بس كلهم بيقولوا (( ما باليد حيلة ))

وطبعا أنتو عارفين النفس العميق بتاعى وبأعلى صوت قلت (( لأ ))


المهم فضلت ماشى فى الشارع وفى كل حته أخد نفس عميق وأقول ( لأ )

لحد مانفسى أتقطع ولقيت نفسى ولا باكل ولا بشرب ولا بتعلم ولا بعمل أى حاجة

وبعد كده صحيت على رنة موبايلى قلت الو لقيت صحابى بيقولولى

صباح الخير يامحمد أحنا قاعدين بنلعب طاولة على القهوة هاتيجى ولا لأ؟؟

قمت قلتلهم طبعا هاجى ومش هاقول لأ هو أنا ناقص قطعة نفس؟؟

بس سؤالى ليكم هنا

هو أنا نفسى أتقطع علشان قلت لأ ولا علشان أنا لوحدى اللى قلت لأ ؟؟

ياريت تجاوبونى بسرعة

هو أحنا كلنا ليه مش بنقول لأ مع بعض؟؟

تحياتى

[Mysterious]

والله انا رأيى

انت نفسك اتقطع عشان قلت لا

بس لو كلنا قلنا لا مع بعض معتقدش انك هتتعب بنفس السرعه اللى

هتتعب فيهالما تقول لا لوحدك

ولا ايه؟؟

المهم انك مش اول ولا اخر واحد يقول لا يمكن الـ 80 مليون واكتر

كلهم بيقولوا لا

يعنى احنا شعب محكوم وانسى ان احنا شعب ديمقراطى


تحياتى عالموضوع

بنوتةعسولة

[عاشق المستحيل557]

اتفق معاكى بس ليه منحولش نطلع الصوت ايه الى ممكن يحصل واحد زى مرمى بعيد عن اهله بقاله 8 سنين تفتكرى ايه الى ممكن يحصلى اكتر من انى متعرب هتسجن منا مسجون هنا هتعذب طيب منا بعد عن اهلى وبلدى متعذب هتشنق هرتاح من الى انا فيه


ولا ايه رايك

[سارة المصرية]

ملحوظة صغيرة و هى انى مش ضمن ال 80 مليون اللى بيقولوا لأ

لأن الحاجات اللى بتقول عليها يا عاشق انا مش بعانى منها

لا زحمة و لا ازمة مواصلات و لا تأخر دكاترة ( لأنى خلصت ههههههههههه )

يابنى انتوا فى القاهرة تعانوا من الحاجت دى انما هنا نووووووووووووووووووووو

ربنا معاكم

و على فكرة يا جماعة المشكلة مش حكومات بس انما هى مشكلة أخلاقيات المجتمع ككل

صدقونى يا جماعة تطور الهند بدأ من شعبها مش من الحكومة .

[dood]

شكرا على الموضوع الجميل والطرح الرائع

[عاشق المستحيل557]

اقتباس المشاركة الأصلية كتبت بواسطة dood شكرا على الموضوع الجميل والطرح الرائع

اشكرك على المرور

[اميره الحب والعذاب]

انا اقلك انت اتقطع نفسك لانك قلت لا في الحلم و اكيد كنت مستغطي بكام بطنيه
ههههههههههه
انا اقلك بقي بجد اتقطع نفسك ليه من كتر الحاجات الي بنقول عليها لا من كتر مفيش حد بيسمع لا الي بنقلها فبنتطر تعلي صوتنا اوي عشان يسمعها وطبعا لان كل واحد فينا بيقلها لوحده
ولو قلها بيلاقي مليون واحد يقله يعني انت الي هتغير الدنيا خليها مشيه ذي مهي ماشيه
بس علي فكره
انا كمان نفسي اتقطع فقعت في البيت يعني لغايه معرف اخيطه تاني
تقبل مروري
اميره العذاب

[عاشق المستحيل557]

اقتباس المشاركة الأصلية كتبت بواسطة سارة المصرية ملحوظة صغيرة و هى انى مش ضمن ال 80 مليون اللى بيقولوا لأ لأن الحاجات اللى بتقول عليها يا عاشق انا مش بعانى منها لا زحمة و لا ازمة مواصلات و لا تأخر دكاترة ( لأنى خلصت ههههههههههه ) يابنى انتوا فى القاهرة تعانوا من الحاجت دى انما هنا نووووووووووووووووووووو ربنا معاكم و على فكرة يا جماعة المشكلة مش حكومات بس انما هى مشكلة أخلاقيات المجتمع ككل صدقونى يا جماعة تطور الهند بدأ من شعبها مش من الحكومة .

هههههههههههه
بضحك على كلمه ابنى
مرورك اسعدنى واتفق معكى فعلا ان التغير يجب من الشعب لانه هو الذى يختار الحكومه


سعدت بمرورك

[عاشق المستحيل557]

اقتباس المشاركة الأصلية كتبت بواسطة اميره الحب والعذاب انا اقلك انت اتقطع نفسك لانك قلت لا في الحلم و اكيد كنت مستغطي بكام بطنيه ههههههههههه انا اقلك بقي بجد اتقطع نفسك ليه من كتر الحاجات الي بنقول عليها لا من كتر مفيش حد بيسمع لا الي بنقلها فبنتطر تعلي صوتنا اوي عشان يسمعها وطبعا لان كل واحد فينا بيقلها لوحده ولو قلها بيلاقي مليون واحد يقله يعني انت الي هتغير الدنيا خليها مشيه ذي مهي ماشيه بس علي فكره انا كمان نفسي اتقطع فقعت في البيت يعني لغايه معرف اخيطه تاني تقبل مروري اميره العذاب

ههههههههههههههههه
ههههههههه
ميرسي لكى

[عاشق المستحيل557]

اقتباس المشاركة الأصلية كتبت بواسطة Mysterious والله انا رأيى انت نفسك اتقطع عشان قلت لا بس لو كلنا قلنا لا مع بعض معتقدش انك هتتعب بنفس السرعه اللى هتتعب فيهالما تقول لا لوحدك ولا ايه؟؟ المهم انك مش اول ولا اخر واحد يقول لا يمكن الـ 80 مليون واكتر كلهم بيقولوا لا يعنى احنا شعب محكوم وانسى ان احنا شعب ديمقراطى تحياتى عالموضوع بنوتةعسولة

جااااااااااااااااايز