لـــــقدر الله لــــــــــو ..... لازم نتناقش

[ملكة الهدوء]

السلام عليكم ورحمه الله وبركاته

في موضوع في غاية الأهمية
أحيانا بيكون دمار عش زوجيه كان من الممكن يكتمل ويكون سعيد
بس يحدث أشياء لا إرادية من عند الله سبحانه وتعالى
وهى

عدم الإنجاب

الكل يتمنى يكون أم أو يكون أب

ولو أتحرم هذا نصيب لا يد فيه

فى ناس مبتعرفش إلا بعد الزواج
وفى ناس بتعرف قبل الزواج
الكشف الطبي الى لابد ينفذ قبل الزواج ويعرفك ا يه الى فيك

في ناس تعرف لقدر الله أنها مش هتنجب قبل الزواج فا متكملش
وناس تأنيه تقول لا دي أراده ربنا اللهم ما اعتراض وإحنا هنكمل
وناس تقول أنا نفسي في ابن أو ابنه
وناس تفكر أنها تتجوز مرتين لعدم الاستغناء عن الأولى ده لو أمراه
لو راجل ناس تفضل الطلاق أو تكمل عادى
وفى ناس تقول نتبنى طفل
وناس تقول لا مش كل ده يروح لحد معرفهوش ومش منى


فا لقدر الله طلعت او طلعتي لا تنجب ا يه موقفك ؟

هو سؤال محير وأنا نفسي مش عارفه أرد عليه
بس فكرت فكره معرفشش هتكون صحيحة ولا لا
أولا مش نرضى يكون ليا زوجه تانية لو طلع لقدر الله ربنا مش يريد ليا الاننجاب وهفضل الطلاق ليشوف سعده
لو لقدر الله منه هو ؟؟؟؟؟؟؟؟؟
اكذب لو قولت إن حد ممكن يستغنى عن فكره ابن أو ابنه
بس برضه الطب موجود قبل كل شئ ربنا فوق كل شئ

هستنى رائيكوا

[أحلى غرام..]

موضوعك حلو اوي........

واسمحيلي اقول رأيي....


لو لا سمح الله انا اللي كنت مش بجيب اطفال....وهو كانت ردة فعله عايزك بس نفسي بطفل يندهلي بابا...

انا هحط فكرة الزواج بدماغه...يعني هقنعه انه يتجوز وانا مش هكون زعلانة جايز ...اتدايق او تحز بنفسي ...بس بما انه مش هيستغني عني ...ومش هيقل حبه ليا ...راح اكون اول من يريد اسعاده


ولو كان هو اللي ما بيجيبش اطفال...لا سمح الله... مش هبعد عنه هكمل معاه من دون طفل يقوللي ياماما ...لانه من الممكن الطفل اللي بنحلم بيه ..في المستقبل يقسى علينا عشان كدة برنا هيحرمنا منه

وانا راح اكون معاه ...واكون ليه الطفلة والزوجة والام والاخت ......ومش هنعوز طفل ومش هتبنى كمان ..........

[sokara]

بصراحة ملكة الهدوء لو العيب فيا انا وعرفت قبل الزواج
هرفض ارتبط اصلا لان هيكون حاجة من اتنين
يا يتجوز عليا وهتككون صعبة
او يطلقنى وهتكون اصعب وهدمر نفسيا
انالرجل بطبيعتة لايستغنى عن عاطفة الابوة وان ابن يحمل اسمة
اما المراة فهى لو احبت بصدق تبيع الدنيا من اجل حبيبها
مع الاعتبار ان لكل قاعدة شواذ ةلكن قليل جدا
تقبلى مرورى واحترامى

[مشتاقه للجنه]

على فكره الموضوع ده دائما بافكر فيه

لو حدث ولم استطيع الانجاب لا سمح الله ما الذى سيحدث


هناك جانبان اما العيب منى ؟ واما العيب منه ؟

لو منه هو ولا تفرق معى سيظل حبيبى وابنى واخى وكل شئ لى

يعنى لا مشكله بالنسبه لى ؟ وعاطفه الامومه كلها سأوجها نحوه

المشكله الكبرى ان يكون العيب منى انا

فى هذا الموقف ساتركه وارحل بدون كلمه ليستمتع بحياته

وينجب اطفاله من واحده آخرى لا سمح الله ؟؟؟

بصراحه موقف صعب وتفكير قاتل ؟؟

الله ارزقنا الذريه الصالحه اللهم آمين

أدعولى ان انجب ومخطش التجربه المره


شكراا لطرح المووضووع

[د.خالدالمصرى]

بصى يا قمر
الموضوع بيرتكز على عده محاور
اهمها ان كان فيه ب بين الطرفين يقدروا يكملوا مع بعض
ويتبنوا طفل يتيم يكونوا هما عوضه عن ابوم وامه
ولكن ان كان زواج مرتبط بحكايه المصلحه بق والكلام ده
فمن الصعب انهم يكملوا مع بعض
والافضل لهم الانفصال من ابدايه
وانا بدعو اى شاب وفتاه انهم
يعملو تحاليل قبل الزواج عشان
مستقبلهم هما
وربنا الموفق

[ملكة الهدوء]

جميل اراء مختلفه

وانات كمان بشجع ان الكل يعمل تحاليل قبل الزواج علشان يعرفوا يحددوا مستقبلهم

ويارب محدش يتحرم ويرزق الجميع بالذريه الصالحه

اسعدنى حضوركوا جميعا

[لحظة وداع91]

انا مقتنعة جدا بفكرة عمل تحاليل قبل الزواج
ويا رب الدولة تهتم بالموضوع ده
انا لو في الموقف ده وعرفت اني مش بانجب قبل الزواج هرفض الزواج لاني مش بحب اظلم حد
واتقبل امر الله
وممكن اتزوج واحد معه اولاد وارمل
وهعاملهم كانهم اولادي

[محمد محروس]

يانس اتقوا اللة...موضوع الخلفة دة بيد اللة سبحانة وتعالى...ولا نسيتم ربكم خلاص

[Just G!rl]

مفكرتش في الحكايه دي قبل كده بصراحه

بس فكرت دلوقتي لو عرفت قبل الزواج

يبقى مش هحرم حبيبي من طفل وهبعد عنه

ومش هتجوز خالص بعديها لو اكتشفت بعد الزواج

هطلب الطلاق وثانكس على طرحك الموضوع

تسلم الأيادي ...

[SHADA]

بص لو بعد الشر ده حصل يعنى

هشوف رأى خطيبى ايه انا اساسا مش انانية

لو حب يكمل معايا ومش هيكون زعلان ابدا يبقا اكمل

ولو قال ننفصل هننفصل فى هدوء

نايس توبك