رسائل ايميلات بتكسب حسنات!!!

[رجل القاهرة الأول]

ألف شكر لك .....

[yasmine refat]

في واحدة حلمت بإن الي هينشر الرسالة دي لعشر اشخاص هيسمع خبر حلو و لو ما نشرهاش هيجيله خبر سيء

اللهم صلي على محمد وعلى آل محمد
كما صليت على إبراهيم وعلى آل إبراهيم إنك حميد مجيد

وبارك على محمد وعلى آل محمد كما
باركت على إبراهيم وعلى آل إبراهيم انك حميد مجيد

ههههههههههههههههههههههه

تحفه الرساله دي :3aa:

بقى واحده حلمت ههههههههههههه

والله رسائل خفيفه الواحد يضحك شويه

يابني مقهور لي بيقول إننا من دول العالم التالت الي هو مومومتخلف

أصحاب العقول في راحه

الي يضحك أغلبهم يقوللك مش مصدقين بس خايفين

مش بقلك مو مو

موضوع جميل ياطارق عن ظاهره موجوده في كل مكان بس الي يقهرني الي بيعدوا يفتو

مرض أيه ومش عارفه أيه

ولا رسالة بيجيب سرطان ومعرفش أيه

طب لو مش عارف سيدتك بترسل لي:cv37:

تصرفات بدل فعلا أنحنا منومين عقولنا ومريحنهاااااااا على الآخر

ده حتى مش عايزه تفكير أي حد كفايه متعلم بس هيعرف إنها كذب

بس زي مابيقولك أغلبنا تعليم حكومي ههههههههههههه

شكرا ياطارق على الموضوع

أختك

[SiLver Spectra]

المشاركة الأصلية كتبت بواسطة rony ~

بجد موضوع جامد يا طارق لا ن الموضوع دة انتشر جدددد
والفكرة ان الناس بتكسل تفكر يعنى دة كلام صح ولا غلط
المهم انها بتبعت وخلاص
بسي انا ليا تعليق على نقطة انفلونزا الخنازير واثأرها الجانبية
لان دة مش مجرد اشاعة ولا كلام لان كل وسائل الاعلان بتتكلم عن الموضوع دة
وانا عارفة ان فى دول كتير بدات تاخد المصل
بس الفكرة فى الشركة الى تم التعاقد معاها
لانة يقال انها مخدتش الموافقة على انتاج المصل
وكمان وزارة الصحة منفتش الكلام دة
وبعدين لما تكون الاثار الجانبية صداع او دوخة او غير كدة
بس لما تقولى سرطان وغيرة ومحدش ينفى يبقلى لازم نخاف...
ولا اية يا دكتور

ما هو دا مش أول عقار تخترعه البشرية يا روني

مين قال إنه بيسبب سرطان!!

طبعا الموضوع إحنا مكبرينه زيادة عن اللزوم في وسائل الاعلام و التخويف و الارهاب من العقار

و هتحصل بلاوي سوده لما العقار هيجي مصر

هتشوفي العجب

مافيش اي عقار في العالم بيتم تسويقه غير لما يكون مطابق لمواصفات لشروط السلامة

هي المشكلة في دراسة آثاره الجانبية على المدى البعيد

عامة ...مفعول العقار دا سنة واحده فقط

زي تطعيم الانفلونزا العادية

بيكون مفعولها سنه

مش مدى الحياة

شكرا ليكي على المرور يا روني

نورتي...

[SiLver Spectra]

اقتباس هههههههههه اولا يا طارق جيت ع الجرح ع طوول بجد حاجة منرفزة بدرجة مش طبيعية

أصل أنا بشتغل مصاص دماء بعد الظهر
^_^



نورتي يا زهرة الموضوع

اقتباس لا بجد خلينا نتكلم بطريقة عملية ساعات لما بتوصلي المسجات دي بقعد و بجد اسال نفسي اللي عمل الاشاعة دي او اللي صدقها او اللي مصدقهاش بس نشرها عندهم كم سنة ؟؟؟ !!!! سوال محير للغاية ما دا عقل طفولي جدا و الله اخويا اللي ما دخلش مدرسة لسى ،، بيألف اشاعات اجمد من كدا ^_^

شوفي عندك كام مليون عربي بيستخدموا الانتر نت


من أي واحد منهم يطلع شوية كلام و يقولك أثبتوها علميا أو من مركز بحوث البتنجان و ينشر و الناس تقوم بالواجب

اقتباس // // بس يا طارق كل دا ممكن يهون بجد يعني لما واحد يجي يقولك هتاخد مليون حسنة او معرفش كم حسنة يعني ممكن ممكن نصغر عقلنا و نحاول نصدق ان الحسنات بقت عبر الايميل بس تجي تقنعني ،، بان ربنا هيضرني و هاخد سيئات و هيحصل ليا حادث معرفش ايه لو ما رسلتش الايميل ليه ؟؟؟!!!

ما هو بيعتبر دي الوسيلة الي هتخليك تنشر الرسالة لغيرك و يكسب هو حسنات


زي الكذبة البيضه


سلاماتك يا دماغي


(مش بقولها غير و أنا بناقشك بس ههههههه)

اقتباس طب ناخد الموضوع حته حته اوكي هم مقتنعين بانه واجب عليا اني انشر المعلومة المفيدة اللي جايبينها ليا او باحرى (( الاشاعة الكاذبة )) و بما اني مش هنشر حاجة تفيد البشرية ،، هاخد سيئات لاني ما نفعتش البشرية في حاجة خالص فعشان كدا انا هكسب سيئة طب نفكر شوية كدا ،، لو انا في حصة كدا من الحصص نقول في حصة الكيمياء مثلا عرفت معلومة من الاستاذة ،، معلومة كدا إثرائية و حسيت انها مش هتفيدني و لا هتفيد البنات اللي معايا و عادي كمات حياتي و جا وقت الاختبار و جت المعلومة دي الإثرائية في الامتحان معناها ان ربنا هيكتب ليا سيئات !!!! طب ازاي !!! ممكن حيد من اللي بيبعت المسجات دي يجي يقنعي اني هاخد سيئات بعد امتحان الكيمياء و لا ممكن بعد ما اخرج من القاعدة عربية تخبطني لسوء عملي مثلا ههههه دي حاجة التانية مش ملاحظ ان كل حاجة بتجيب سرطان .. دي عقدتي اوووف اوكي في معلومة موكدة عند الكل ،، جسم الانسام في خلايا سرطانية يعني ممكن يجيه سرطان بسبب او بدون سبب

ما هو دا السرطان يا زهرة


مش عارف أختيه و لا لسه في المدرسه


السرطان هو عدم تمكن خلايا الجسم من السيطرة على انقسامها يعني تكاثرها


و بيكون نتيجة عيوب في الحمض النووي


طبعا في عوامل لكدا


منها الوراثية و منها البيئية و المواد الكيماوية و غيرها

اقتباس و بعدين هم تركوا السجاير و عوادم السيارت و التلوث البيئي و يجوا ع الكورنفلكس ،، اكلتي المفضلة ^_^

أنا عارف صحيح


هو في أحسن منه


بس المهم يكون كلوكز الأمريكي


لحسن عندنا حاجات مصرية هنا تعبانه


تحسي انك بتاكلي فشار مش كورن فليكس
ههههههههه

اقتباس دا حتى من رقائق الذرة ،، حاجة منرفزة اووووووي يا طارق ،، اثرت غضبي :@

و الله أنا على طول بتجيني رسايل من دي


كنت مستني واحد يقنعني بيها


بس مش لاقي
^_^

اقتباس و لا و في مسج منرفز اكتر كمان ،، لو ما رسلتش المسج دي الى 10 اشخاص ،، هيصيبك نحس لمدة عشر سنين !!! و لو رسلتها لـ 10 ،، هبقى محظوظة لمدة 10 سنين !! يا سبحاااان الله يعني الكدب عيني عينك لو قالو هنكتبلك سيئات و حسنات ارحم و الله ع الاقل حاجة غيبية مش بنعرفها اما اني هتنحس او هبقى محظوظة حاجة فضيعة ع اساس ان في العشر سنين دي كلها مش ممكن حد قريب مني يموت او اني اجيب درجة زفت او اتخطب و تتفك خطوبتي او او او يا عم طارق انا من فترو طويلة بقيت اكبر دماغي من كتر ما دماغي تجننت من الحكاية دي بس انت رجعت و جننت دماغي من تاني بس انت عارف ،، دي مش مشكلة مسج ع فكرة دي مشكلة فكر المجتمع اللي بقى صغير جدا بقى تقريبا اصغر من عقل طفل :s

هو فعلا كدا


بالذات في أمور الدين بياخدها بشكل طفولي جدا


و بعواطف


لو جيت تطلع قانون لتنظيم أي شيء


يقولك ازاي تعمل كذا


دا في اختلاف علماء!!




يالله....دا مجتمعنا و لازم نعيش فيه و خلاص


بايدك تعمل ايه...ولا حاجه

اقتباس للاسف يعني مجتمعنا بقى يصدق اي حاجة و كل حاجة طب ما اللي يصدق السخافة دي ،، ما يمكن بكرا يصدق اشاعة ع صديقوا المقرب ،، بس طبعا اشاعة من نوع تاني يعني المجتمع بايز بايز كدا او كدا و المشكلة انا في وحدة كدا قريبة مني اووي الا وهي اختي ^_^ و دي الفاجعة الكبيرة ،، بترسل الايميلات دي بسالها ليه ؟؟!!! انتي مصدقة ؟؟!! بتقولي لا بس كدا ،، بخاف :@ لا بجد هتشل

ههههههههههههههههههه


زي ما قولتلك مشكلتنا في التفكير


لو عرفنا نفكر كويس لا يمكن هنبعت رسايل من دي

اقتباس ع العموم دي وجهة نظري الشخصية و اهوو جبت مثال قريب مني جدا عشان محدش يقولي ،، اني مش بحترم وجه نظر الناس ^_^

لا ماحدش هيقول كدا

اقتباس ع كل الاحوال الموضوع مش بسيط ،، مش ايميل بس الموضوع موضوع فكر مجتمع عربي

تمام....


صح كدا

اقتباس ثانكس يا طارق ع التوبيك الجميل ،، و اللي بيحرق الدم ^_^ ظاهرة مهمة و منتشرة جدا و سخيفة كمان و عجبتني ذيل زرافة جدا ههههههههههههههه مرسي اوووي بانتظار المزيد من ابداعاتك الرائعة أختك

هههههههههه


الشكر ليكي يا زهرة على ردك الوافي و الرائع


دايما بيسعدني تواجدك في مواضيعي


نورتي الموضوع....

[قلم بلا حبر]

المشكله مش بس فى اللى بيطلع الاشاعه ,, ده فى الاخير ممكن يكون عاملها بهزار او عنده نقص او لآى سبب تانى

المشكله فى اللى مش بيفكر وبينقل وخلاص ,,

وتكرار لنفس الايه اللى ذكرتها هند فى ردها

(( يا أيها الذين آمنوا إن جاءكم فاسق بنبأ فتبينوا ))

اللى بيطلع الاشاعه فى النهايه فرد ,, اللى بينقل الاشاعه الاف

فلو حكمنا بالجهل حنحكم على الناقل لانه مالوش مبرر لنقل الاشاعه غير جهله بمدر ضررها ,, انما مصدر الاشاعه فنسه فمالوش مسمى غير فاسق

لو النهارده بتتعمل بهزار حتكون فى وقت من الاوقات سبب فى مصيبه

الاشاعات فى زمن السلم ضاره فمالك فى حالة الحرب شكلها حيكون عامل ازاى

فى الغاتلب السياسات العالميه اصبح اعتمادها الاول على الحرب النفسيه اكتر بكتير من الحرب بالطريقه التقليديه

فلو كل حد عرف يعنى ايه تتسبب فى اشاعة الفوضى فى مجتمعك او محيطك ,, مكنتش حتلاقى التصرفات الفرديه اللى فالغالب مبنيه على عدم مسؤوليه واساها اكيد الجهل ,, ومحاولة اثبات للذات بس للاسف الذات بدل ما ترتفع بقيمتها بتهبط لاسفل السافلين

التوعيه مش ل 20 والا ل 100 بيطلعوا اشاعات لان عندهم قصور فى ذاتهم ,, التوعيه بتكون للناقلين اللى فى الغالب بالالاف ان مكنشى بالملايين

موضوع قيم يا طروق

تحيااااااااااااااااااااااتى""""""""""

[SiLver Spectra]

المشاركة الأصلية كتبت بواسطة just (o ~

السلام عليكم ورحمة الله وبركاته


والله معاك حق الموضوع انتشر جدا اصبح فعلا ينرفز

والمشكلة اصلا ان نص اللي بينشر ويبعت الرسايل دي مش بيكون مصدقها ولا مقتنع بيها ده بيبعت تحصيل حاصل

الله سبحانه وتعالى وحده اللي بيرزق وبيده ملكوت كل شئ وهو وحده القادر على الضر والنفع

( واعلم ان الامة لو اجتمعت على ان ينفعوك بشئ ما نفعوك الا بشئ قد كتبه الله لك لو اجتمعت على ان يضروك بشيئ ما ضروك الا بشيئ قد كتبه الله عليك )

صدق صلى الله عليه وسلم

يعني مش الرسالة ولا صاحبها اللي هينفعني ولا يضرني ربنا سبحانه وتعالى هو وحده القادر وهو علام الغيوب واي شيئ في الحياة احنا مامورين بعمله او منهيين عنه ( يعني ممكن ناخد منه حسنات او ناخد عليه سيئات ) مذكور في القران الكريم والاحاديث الشريفة

مش في حلم فلان ولا علان

اما بالنسبة للاشاعات الغريبة دي فده طبع البشر لازم اي شيئ جديد تطلع عليه الف اشاعة كده

ربنا يهدينا جميعا


وشكرا جزيلا على الموضوع الواقعي فعلا

ما هما الناس دي بتستخدم الحساب في الدين

و يضرب كام حسنة هتطلعله

و كأنه مثلا بيحول عملة!!



الا بذكر الله تطمئن القلوب

دي القيمة الحقيقية للذكر

ليست القراءه و الارسال و كأن الذكر لعبة

نية الذكر

الي بتخلي الانسان متقرب و طاهر الى الله

الذكر بنية و ليس بقراءة رسالة


شكرا ليكي يا علا على الرد و المرور

نورتي الموضوع....

[SiLver Spectra]

المشاركة الأصلية كتبت بواسطة الحان الورد ~

موضوع جاامــد بجد ياطارق
وبيتكلم عن ظاهرة انتشرت اووي فعلا
انا بتجيلــي الرسايل ده على ايميلي
وبقــرأها من باب الفضول
بس اللي بينرفزني زي ماقلت اني
اجبر اني اعمل حاجة،،،
زي اللي يقسم انك تبعتها لحــد او يقسم
انك تقـول الدعاء او الذكر اللي فيها!
مش غلط ان احنا نفكر بعض بالذكـر
بس ممكن تكون بطريقة تانية غير انك تجبر حد على حاجة
وتقسم عليــه ده في آية في القران بتقول
{لا اكــراه في الدين}
يعني الرسل لما كانوا بيبعثوا للناس ماكانوش بيجبروا حد
او >يتحايلــوا <عليــهم عشان يؤمنوا،،
ممكــن مثلا عن طريق التوبيك بتاعك تقدر تفكر الناس
وكلنــا بننســى بس ساعتها هتكون بطريقة احسن بكتيير،،
وللاسف الناس هي اللي بتساعد على انتشار الحاجات ده
يعنـي اول ماابتدأ الموضوع ده
نشــرتهـ الناس على طوول من دون ماتفكـر هو صح ولا غلط
واللي فيه متاكدين منه ولا لا،،،
::::
بجــد موضوع رااائع
تسلم الايــادي ياطــارق
بالتوفيق دايما
>::>

ما هي لب القضية في ايه

ان راسل الرسالة بيدور ازاي يكسب حسنات

باعتبار ان كل الي هيقرأها هياخد حسنات منهم

فبيحط اللغم بتاعه و هو القسم أو الدعاء بانفجار جهازك لو ما نشرتش

منتهى الغباء الديني

بقولك بيتحايل على ربنا عشان يكسب حسنات

زي واحد بيشتغل جوجل ادسنس عشان يلم فلوس


أما الاشاعات فحدث بلا حرج

^_^

شكرا ليكي يا رؤى على المرور و الرد

نورتي....

[الرومنسيه دودو]

ميرسى بجد على التوبيك تسلم ايدك اشكراك

[SiLver Spectra]

المشاركة الأصلية كتبت بواسطة lolla ~

ياه يا طارق انت طيب اوى

الرسايل دى بتتبعت عشان تتقفل

زمان كنت بقرأ بس لما عرفت الى فيها

بقيت اقفل على طول من غير ما اقرأ

وعارف كمان غير كل الامثلة الى ذكرتها

فى ادعية يعنى يقولك قول الدعاء الفلانى

وقول كل الى نفسك وهو هيتحقق

مكتنش حد غلب !!

ولا يقولك دعاء بيخاف منه الشيطان

حاجات غرييييييييبة

والى يغيظك ان فى ناس بتصدق

والله من يومين لقيت واحدة صحبتى مصدقة

وبتقول دعاء كدا

وكل دا بسبب ان احنا بنصدق اى حد يقولك قال الله وقال الرسول

طيب فين دماغك انت

ديننا الحمد لله كل شىء فيه منطقى جداااااا

حتى فى علم الحديث اول حاجة تعرفك ان الحديث دا موضوع

انه يكون غير منطقى

زى مثلا حديث كدا بيقولك الباذنجان لما اكل له

يعنى انت ونيتك شوف انت عايز ايه وكله بتنجان وهو يتحقق

الظاهر كان واحد بيبيع بتنجان وعايز الناس تشترى راح الف حديث

وشكراااااا يا سلفر على الموضوع

بجد اكثر من رائع

وربنا ما يحرمنا من ابداعك

فين دماغك انت

بالظبط دا الي بعاني منه من قبل أغلب الناس

ماتفكير

و الي يضايق إنه كمان يحرمك من التفكير تحت حجة علماء الدين

باعتبار إنهم مخلوقات جايه من المريخ مثلا أو ملايكه

و أصلا الدين عبارة عن فلسفة

مش كيميا و لا فيزيا

بتفكيرك بتقدر تلمس فيه مواضع كتيره جدا و لا ماكنوش قالوا استفتي قلبك


شكرا ليكي يا هالة على الرد....

نورتي الموضوع

[marwoo]

موضوع جميييييييييل يا طاااارق وفعلا بيستفزنى جدااااااااا

والمشكله ان فى ناس كتيييييييير مقتنعين بيه

والرسائل دى بتوصل بشكل غير طبيعى لدرجة انها بقيت مستفزه

لا وآخر صيحه بقى فعالم الرسائل

خد عندك

قالوا وافتكسوا ان اللقاح بتاع انفلوانزا الخنزير ده بيعمل امراض وبيأثر على الشباب

وبيضعف قدراتهم وان السبب بقى فى انفلوانزا الخنازير هم الامريكان علشان ياثروا على العرب

هههههههههههههه على اساس انهم مش بيجيلهم انفلونزا الخنازير بجد كان ايميل غرريب ومستفز

حسيت انى نفسى اخنق اللى بعتهولى

ربنا يهدى المسلمين ويشفى العقول بجد

معرفش بيستفادوا ايه

اكيد ده جهل