رسائل ايميلات بتكسب حسنات!!!

[SiLver Spectra]

المشاركة الأصلية كتبت بواسطة nooody ~

يقول الله تعالى : ( يا أيها الذين آمنوا إن جاءكم فاسق بنبأ فتبينوا ...)


مش مجتمعاتنا بس هى اللى بتعانى من المشكله دى

الاشاعات موجودة فى اى مجتمع مع اختلاف طريقه

التعامل معها

فى ناس هتتعامل معاها بطريقه عقلانيه

التفكير ولو للحظه فى مضمون الرسايل دى

هيفرق كتير فى رد الفعل تجاة الرسايل

دى

موضوع جميل

تقديرى

المشكلة في استغلال الدين في نشر الاشاعات

و اسغلال الدين في تحصيل الحسنات الي أنا بعتقد براي الشخصي ان مثل هذه الرسائل لا تعطي لناقلها ثواب زي ما بيحسبوها و بيضربوها بالرياضة البسيطه

شكرا ليكي يا هند على المرور

نورتي...

[SiLver Spectra]

المشاركة الأصلية كتبت بواسطة Just G!rl ~

بصراحه الموضوع جامد والتعليقات أجمد

مش أي حاجه بتتقال بتصدق

عادي الكل بيجيله الرسايل دي

أنا بقفلها وكأن شيئاً لم يكن

أنا معتقدش أساساً إن في حد بيصدق الكلام ده

وعنده عقل يقدر يميز بيه ممكن يبعتها من باب الفضول

يعني يختبر الي قدامه بيصدق ولا

شكراً يا طارق على التوبيك الجميل

متحرمناش من ابداعاتك ...

و لا حتى باب فضول يا الاء

باب فضول يعني هنلعب بقى

المهم ان غرضي و هدفي من الموضوع جه ايجابي و لله الحمد

يعني حتى النهارده كان واحد عنده 13 سنه بعتله الموضوع دا

قالي انه بينقل الرسايل فقط و مالوش دعوة

نفس التفسير الي ذكرته


المهم انه ياخد باله بعد كدا

دا الي بنسميه توعية

شكرا لمرورك يا الاء

[SiLver Spectra]

المشاركة الأصلية كتبت بواسطة The Golden Heart ~

فعلا والله عندك حق يا طارق الموضوع ده بقى منتشر اوى
ده انا كل ما افتح الايميل الاقى رسايل من دى كتييييييير بس انا بكبر دماغى وبقفلها على طول
ده انا امبارح بفتح لاقيت واحدة من دول بيقول لو نشرتها هتسمع خبر حلو ولو منشرتهاش هتسمع خبر وحش
طب ليه الهبل ده؟؟؟؟؟؟
بس هنعمل ايه؟
فى ناش كدة عقلها كدة وفى ناس بتصدق الكلام ده
بس بجد موضوع جاااااااااامد يا طارق

الحمد لله إن الناس عندها وعي

مع ان الرسايل دي بتيجي كتير جدا ليه

مش عارف فين اصحابها

^_^

شكرا لمرورك و ردك يا جولدن

نورتي...

[خالد ابو النجا]

انا معاك فى الكلام اللى انتى قلته
بس فى ناس بترسل الرسائل
عشان يزيد حسناته وحسناتك
بس فى رسايل التانيه عمله زى الاعلانات
اتصلب اكترتكسب اكتر
وده كلو كلام فاضى ملوش اى معنى
بس الزكى بقى هو اللى يقدريميز
تسلم ايدك على الطرح لاكثر من رائع
وفى انتظار جديدك

[حَرفُُ هجآءّ]

بسم الله الرحمن الرحيم
اولا اشكرا على الموضوع انت فعلا اتكلمت عن ظاهرة فى غايه الاهميه

قال الله تعالى :يا أيها الذين آمنوا إن جاءكم فاسق بنبأ فتبينوا أن تصيبوا قوما بجهالة فتصبحوا على ما فعلتم نادمين

انا بحكم عملى فى قنوات اسلاميه فضائية وبالاخص لدى شرائط الرسائل على القنوات
لاى اسمح بمرور اى رساله من غير التاكد من صحتها لان وبكل بساطه بحس بمسؤلية كبيرة ان انشر خبر عبر القناة يشاهدة ملايين من المشاهدين وده اللى اتعلمتة ان اى انسان لا يتعامل مع اى رساله تجيله على الايميل او على الموبيل او شافها فى منتدى لا ينشرها الا بعد التحقق من صحتها لانها اذا كانت لااساس لها من الصحه ممكن اللى يشوفها يكون انسان ليس لديه من العلم الكافى لادراك اذا كانت صحيحه او لا وممكن يطبقها لمجرد انه شافها بيقى الواحد ممكن يشيل ذنب اكتر من انه ياخد حسنات

واخيرا أتمنى من ياتيه مثل هذه الرسائل أن يتقوا الله فيما يكتبون ويرسلون ، ولنعلم جميعنا أن هناك ملائكة تكتب كل ما نقوله وما نفعله. فاتقوا الله. ستأتي صحفكم يوم القيامة شاهدة على أفعالكم، بل ستشهد عليكم أيديكم وأرجلكم و حتى جلودكم.

وشكرا مرة تانيه على الموضوع وياريت تكون كل موضعنا هادفة لكى يستفيد منها كل من يقرئها

[razan]

شكرا يا طارق عالموضوع الهادف

وفعلا الموضوع زاد عن حدة

ولازم كلنا نفكر قبل ما ننشر خبر مش متاكدين من مصدرة

جزاك الله خيرا على النصيحة

وعلى مجهودك فى الموضوع المميز

[شهد البحووور]

اسمح لي ابدي اعجابي بقلمك وتميزك واسلوبك الراقي وتالقك

الله لا يحرمنا من جديد قلمك


يسلمووووووووووووووووووووووووووووو


تقبل مرورى

مع تحياتى

[SiLver Spectra]

المشاركة الأصلية كتبت بواسطة هيا*HYA* ~

موضوع رائع وفى منتهى الاهمية
فعلا دة اللى بيحصل.. والرسايل دى بتتبعت كتيير
لآ والغريب ان نص الرساله تهديد بالهلاك لو منشرتهاش والنص التانى دعاء وتوحيد
يعنى جمل متناقضه لايمكن ان يجتمعوا فى ورقه واحدة
كمان الدين الاسلامى دين يسر وليس دين عسر .. يعنى مينفعش حد يعبد ربنا ويتقرب جداا له لمجرد انه خايف من النار والهلاك فى الدنيا... الايمان بالله بيتم على اقتناع عقلى وقلبى مش ايمان بسبب الخوف
واحنا زى الهبل ننشر الرسايل برغم علمنا ودراستنا ولكن توجد فينا نزعه جهل متأصله فى المصريين
بالنسبه للرسايل اللى تلاقيها تبدى بقولك ان معرفش ايه بيجيب سرطان .. ومركز بحوث بتاع مش عارفه مين بيقولك متكلش دة علشان مسموم.. على رأى محمد هنيدى هو مين اللى بيقولى وهو يعرفنى منين اصلا هههههههه.. اصحاب العقول فى راحه والله
وكمان ربنا بيقول لازم نتبين من الاخبار قبل نشرها وتصديقها
قال تعالى ( واذا جائكم فاسق بنبأ فتبينوا عسى ان تصيبوا قوم بجهاله فتصبحوا على ما فعلتم نادمين) صدق الله العظيم ... مش برضه دة كلام ربنا اللى المفروض يعنى نعمل بيه
يلا حسبى الله ونعم الوكيل
تسلم الايادى يا طارق على الموضوع الرائع دة
ربنا يزيدك

ربنا يهدينا جميعا

و يهدي عقولنا كدا

و نحاول نفتحها شوية و نفكر

آمين يا رب

يمكن حالنا تبقى افضل شوية

شكرا يا هيا على المرور و الرد

نورتي....

[أنثـے مًنْ الّخٍـْيـِالْ→♀]

انا جاية اقولك يا طارق ان انا اللى بحلم الاحلام الغريبة دى

:milan-flag:

ههههههههههه

تصدق فى الاول كنت بقرأ الراسئل دى و اصدقها

و كمان كنت ببعتها لكل الناس اللى عندى هههههه

ايام زماااااااان من حوالى 3 شهور باين ^_^

لكن بجد مفيش فايدة من انى ابعتها او مبعتهاش

يعنى ملهاش لازمة و بالاخص الاشاعات و خلافه

و كمان فى ناس بتبعت احاديث و ايات قران غلط

فاكيد بدل ما تبقى رسائل ايميلات تكسب حسنات

هتبقى رسائل ايميلات توديك جهنم مع السلامات

:milan-flag:


موضوع مثير لجدل

و طرح مميز منك

تسلم الايادى

اختك ,,

[SiLver Spectra]

المشاركة الأصلية كتبت بواسطة MiDoRookiE ~

العملية صعبة والمعادلة الخاصة بيها أصعب..

إني أعمل كوبي وبيست لأي حاجة ..

بس هل اللي أنا بنقله ده اقرأه فعلاً ..

هل انا مقتنع باللي فيه،،،

طيب،،،

نقاط كبيرة تمر من خلال حياتنا ولا نتداركها،،،

نقط سلبية وايجابية,,, تمر بنا،،، ونتجاهلها في بعض الأحيان..

نظرة إلى ما آتانا... ونظرة إلى ما نورده،،

التأكد من صحة الخبر ومصداقيته شيء أساسي ..

حتى تقطع الشك باليقين،،،

بالنسبة لموضوع الرسائل فهي فعلا منتشرة وبيقابلني حالات كتيرة,,

فيه حاجات برد عليها وفيه حاجات بتعجبني،، وبرسلها لناس كتير،،

جالك دعاء لفك الكرب،، دعاء بأذكار الصباح ،، أدعية دينية تصلك،،،

تجدها قد تغيب عنك لمجرد انشغالك،،

ولكن بالنسبة للحالات التي يقوم اشخاص بادعاءاها فأعتقد أنها ليست هي الطريقة الوحيدة للتذكير بموقف معين ورغم انتشار القسم في بعض الرسائل.. فمن يحمل اثمها،،

الله أعلم،، فأنا أشك في محتوى الرسالة،، الشخص الأخر يقسم علي،،،

سلبيات نجدها في حياتنا،، ونراها مزينة لنا،،،

عافانا الله وإياكم من سواء السبيل،،

شكرا يا طارق على موضوعك الرائع..

خالص أمنياتي،،

أحمــد

MIDORَOَOKIE = Wa7eDMeNElNaS

و الله يا أحمد أنا شايف إن الحسنات مش لعبة و كأنها عملة بتقتنص بهذه السهولة

يعني ايه ابعت و لم 10 مليون حسنة!!

لو المكسب في اطار البشرية هقولك ماشي ممكن تشتغل البشر في الربح

لكن ازاي هتشتغل ربك في حصد الحسنات

دا التساؤل الي بيشككني في تناقل الرسايل لتجميع الحسنات

الأهم هو النية

يعني مش حابب اقول بدعه و غيره

لكن طالما فقدت النية بطل العمل

شكرا ليك يا أحمد على الرد

نورت.....