رسائل ايميلات بتكسب حسنات!!!

[SiLver Spectra]

المشاركة الأصلية كتبت بواسطة حنون ~

موضوع جامد جداااااااا ياطارق

فعلا انا بتجيلى الرسايل دى كتير جداااااااا

وطبعا معظمها مش ببص فيها حتى

انا كل الى ممكن ابعته هو دعاء دينى

بس مش اكتر لكن فعلا المستفز لما تحلفك

ويقولك لازم تعبت والكلام ده فعلا التحايل على الله

وصل لحد كده انى اقول حاجات غريبه واقنع الناس بيها انها بتجيب حسنات

يبقى الناس بئه تبطل تعمل خير وتفضل تبعت فى رسايل زى دى

المشكله ان الناس بتصدقك الكلام ده وبتاخف وبتبعته

بشكرك جداااااااااا ياطارق على الموضوع الجميل ده

تحياااااااااتى اختك حنون

الشكر ليكي يا حنان على ردك الواعي

الحاجات دي فعلا بعتبرها اختبار لعقولنا

بقدر أميز بين الناس الي عندي

مين بيفكر و مين بينقل زي الأعمى من غير ما يفكر


و الله مشكلة الأمة بتاعتنا دي التفكير

لو بس نفكر في كل كبيره و صغيره قبل ما ننفذ وضعنا هيتغير في سلوكيات و سلبيات كتير

ألف شكر ليكي على المرور و الرد يا حنون

بالتوفيق...

[Eng lola hamdy]

فعلا والله عندك حق يا طارق الموضوع ده بقى منتشر اوى
ده انا كل ما افتح الايميل الاقى رسايل من دى كتييييييير بس انا بكبر دماغى وبقفلها على طول
ده انا امبارح بفتح لاقيت واحدة من دول بيقول لو نشرتها هتسمع خبر حلو ولو منشرتهاش هتسمع خبر وحش
طب ليه الهبل ده؟؟؟؟؟؟
بس هنعمل ايه؟
فى ناش كدة عقلها كدة وفى ناس بتصدق الكلام ده
بس بجد موضوع جاااااااااامد يا طارق

[هيا*HYA*]

موضوع رائع وفى منتهى الاهمية
فعلا دة اللى بيحصل.. والرسايل دى بتتبعت كتيير
لآ والغريب ان نص الرساله تهديد بالهلاك لو منشرتهاش والنص التانى دعاء وتوحيد
يعنى جمل متناقضه لايمكن ان يجتمعوا فى ورقه واحدة
كمان الدين الاسلامى دين يسر وليس دين عسر .. يعنى مينفعش حد يعبد ربنا ويتقرب جداا له لمجرد انه خايف من النار والهلاك فى الدنيا... الايمان بالله بيتم على اقتناع عقلى وقلبى مش ايمان بسبب الخوف
واحنا زى الهبل ننشر الرسايل برغم علمنا ودراستنا ولكن توجد فينا نزعه جهل متأصله فى المصريين
بالنسبه للرسايل اللى تلاقيها تبدى بقولك ان معرفش ايه بيجيب سرطان .. ومركز بحوث بتاع مش عارفه مين بيقولك متكلش دة علشان مسموم.. على رأى محمد هنيدى هو مين اللى بيقولى وهو يعرفنى منين اصلا هههههههه.. اصحاب العقول فى راحه والله
وكمان ربنا بيقول لازم نتبين من الاخبار قبل نشرها وتصديقها
قال تعالى ( واذا جائكم فاسق بنبأ فتبينوا عسى ان تصيبوا قوم بجهاله فتصبحوا على ما فعلتم نادمين) صدق الله العظيم ... مش برضه دة كلام ربنا اللى المفروض يعنى نعمل بيه
يلا حسبى الله ونعم الوكيل
تسلم الايادى يا طارق على الموضوع الرائع دة
ربنا يزيدك

[ARAGON]

العملية صعبة والمعادلة الخاصة بيها أصعب..

إني أعمل كوبي وبيست لأي حاجة ..

بس هل اللي أنا بنقله ده اقرأه فعلاً ..

هل انا مقتنع باللي فيه،،،

طيب،،،

نقاط كبيرة تمر من خلال حياتنا ولا نتداركها،،،

نقط سلبية وايجابية,,, تمر بنا،،، ونتجاهلها في بعض الأحيان..

نظرة إلى ما آتانا... ونظرة إلى ما نورده،،

التأكد من صحة الخبر ومصداقيته شيء أساسي ..

حتى تقطع الشك باليقين،،،

بالنسبة لموضوع الرسائل فهي فعلا منتشرة وبيقابلني حالات كتيرة,,

فيه حاجات برد عليها وفيه حاجات بتعجبني،، وبرسلها لناس كتير،،

جالك دعاء لفك الكرب،، دعاء بأذكار الصباح ،، أدعية دينية تصلك،،،

تجدها قد تغيب عنك لمجرد انشغالك،،

ولكن بالنسبة للحالات التي يقوم اشخاص بادعاءاها فأعتقد أنها ليست هي الطريقة الوحيدة للتذكير بموقف معين ورغم انتشار القسم في بعض الرسائل.. فمن يحمل اثمها،،

الله أعلم،، فأنا أشك في محتوى الرسالة،، الشخص الأخر يقسم علي،،،

سلبيات نجدها في حياتنا،، ونراها مزينة لنا،،،

عافانا الله وإياكم من سواء السبيل،،

شكرا يا طارق على موضوعك الرائع..

خالص أمنياتي،،

أحمــد

MIDORَOَOKIE = Wa7eDMeNElNaS

[doiss]

السلام عليكم ,
7
ازيك يا طارق ,
موضوع فكرتة جميلة يا طارق ,
والله انا هتكلم عن انطباعي لمن ينقلون تلك الرسائل ,
العملية لن تكلف كثير غير كليك كوبي وبيست للينك او الكلام ,
وهنا يمكن اكتر حاجة بتخليني وبدون مجاملة ,
بحس ان اللي بعتها تركيبة الجمجمة عندة خالية من منطقة الادراك !
مش عارف ربنا خلق للأنسان عقل يتميز بية عن سائر الكائنات , والغريب في الموضوع ! ان انسان ياخد قرار اكثر من مرة ويلغية بأرادتة !
ويمكن فية ناس بتشوفة خدمة انة يبعت الكلام دة هههههه
أفتكرت برنامج العلم والايمان لما كان بيتكلم عن الانسان ويقول علية كائن غريب هههههه بس طبعا التشبية اتعكس :089: ,
والمشكلة ان فية ناس تفكيرها بيروح لبعيد ويعتقدوا انة بكدة بيلم حسنات في ميزانة والله اعلم ,
انا عن نفسي بحسها (( أتاوة زي بتاعت البلطجية )) وهرخم يعني هرخم وهتقرا وهاخد حسنات علي حسك بالاكراة ههههههه لا حول الله ,
المشكلة هو الأرغام في الموضوع يعني مش عرض وطلب عشان يبقي طبيعي ,
واللي بيظهر دة في مجتمع النت غير الحقيقة , انة بيفتح الصفحة او نسخ الكلام امام عينك وهتقرا يعني هتقرا (( لااازم تقراااا هههههههه ))
لاااازم تشرررب ههههههه
يلااا
يعني هية جت علي دية ,
ربنا يهدي المسلمين جميعا ,
كل الشكر والتقدير علي اللمحة المميزة يا طارق ,,

[SiLver Spectra]

المشاركة الأصلية كتبت بواسطة noona ~

فعلا يا طارق انت اتكلمت عن ظاهرة منتشرة بقوة على شبكة الانترنت

مع زيادة وتوسع التواصل مع الغير...

بقى النت اسهل وسيلة توصل بيها اشاعة

كل شخص يعرفله خمسين ستين واحد وكل واحد منهم يعرف نفس العدد

فى ساعة واحدة تلاقى الاشاعة وصلت لعدد كبير جدااا

المهم بقى استغلالنا للوسيلة دى ... نقل اشاعات خاطئة ونسبة قليلة جدا من اللى بينقلوا بيفكروا الاول اذا كان الكلام صحيح ولا لاء

انا شخصيا فى اول استخدامى للانترنت كنت بنشر الرسايل اللى بتجينى دى ...

تخيلت فعلا ان ممكن اخد ذنب لو منشرتهاش ... طبعا وقتها مكنتش فكرت فى الموضوع او دورت على صحة الاشاعة دى او لاء

بعد كده حسيت اد ايه ان اسلوب النشر ده غير صحيح ... وخصوصا حكاية القسم دى

يقولك فى اخر الرسالة انت اقسمت انك تنشرها ... لو منشرتهاش حيحصلك كذا وكذا

زمان كانوا بيوزعوا ورق كده مكتوب عليه قصة مش عارفة مين من مكة حلم بالرسول صلى الله عليه وسلم فى المنام ... وقصة طويلة وفى اخر الرسالة بيقولك لازم تطبعا منها خمسين نسخة وتوزعها

وان فى واحد طبعها ووزعها بعد كام يوم كسب مش عارفة فلوس قد ايه كده ...

وواحد تانى اهملها ومنشرهاش ... مفيش يومين خسر كل اللى يملكه

طبعا كلام غير منطقى بالمرة ... انى اربط بين نشر رسالة وبين الاحداث اللى ممكن تحصل بعد كده ....

قصدى ان مش شرط لما انشرها يحصل كده او العكس

تخيلت وقتها ان اللى بينشر رسائل زى دى اشخاص كل همهم انهم ينشروا البلبلة و القلق بين صفوف المسلمين ...

والله اعلم بردو بغرض ناشرها ....

طبعا بشوية تفكير عقلانى فهمت ان ذكر الله مش بالاجبار والقسم والاسلوب اللى بيتنشر بيه ....

يعنى ممكن مثلا واحد عايز يبعت رسالة فيها تذكير ليك بانك تستغفر مثلا او تذكر الله ورسوله ... فى حد ذاتها كويسة وفيها ثواب لصاحبها .... لكن انى اقوله انك لازم تنشرها ...او اقسمت او كده ده اللى غير منطقى بالمرة

ونفس الشئ بخصوص الرسائل الخاصة ببعض شركات الاغذية مثلا او زى ما ذكرت خط 013

كلها اشاعات لكن لو جينا على المنتجات الغذائية نقول ممكن يكونوا المنافسين هما اللى بيعملوا كده عشان يأثروا على سمعة الشركة وانتاجها ..

لكن فى رسائل تانية الهدف من نشرها مجهول للاسف ...

زى ما قلت احنا محتاجين نميز ونفكر فى اى حاجة بتيجى قبل ما ننشر ...

""

موضوع واقعى ورائع يا طارق فعلا

تسلم الايادى على الطرح المميز ...

خالصـ تقديرى ،،،

""

تسلم ايدك انتي على ردك الرائع دا

الملمس الحقيقي للمشكلة زي ما ذكرتي هو التفكير

لو الشخص أطلق العنان لتفكيره و لتحليله

هو بنفسه هيدرك الأوهام الي معيش نفسه فيها


لكن أتحول لانسان معلش على التعبير شبه (الماشيه)

و تبقى وظيفتي توصيل الرسائل للناس فقط

لا يكون ليه وجهة نظر و لا رأي

و في الغالب الرسايل دي بتعبر عن وجهة نظر شخص معين

بيصيغها باسلوب الخبر و بينشرها



و الله عايزين نجرب الحكاية دي

و هشوف كدا بعد زمن الرسالة هتلف تلف و ترجع تاني ليه و لا ايه
ههههههه

ألف شكر ليكي يا نهى على الرد

بالتوفيق...

[حنونة]

دايما مواضيعك تحفة كده و كلامك كله مضبوط و الرسايل دي تقريبا بتوصلني كل يوم

يعني لما كل رسالة بتكسبني ملايير الحسنات يبقى خلاص حقعد حياتي و انا ببعت رسايل

و لا اعمل خير و لا حاجة اكسب من غير تعب و من غير مخسر حاجة

و الله الناس تفكيرها بقى في النازل و يعني ييجي يجبرك تعمل حاجة بالقسم و كده

الاعمال بالنيات و ربنا حيحاسبنا على النية مش النطق بس

لو كان العمل بالنطق بس طب مكنا نجيب واحد اجنبي و نحفظه كلمتين بتوع دين و نقول خلاص

بقى مسلم الناس بقت بتنقل وخلاص من غير متشوف الكلام صح و لا غلط

من غير تفكير من غير وعي اه حسنات يبقى انقل و خلاص

و اللي تجنني بتاعة لو بعتها 10 سنين حتبقى محظوظ و كده

هم بيدخلو فحاجات ربنا يعني بيعلمو الغيب هم و لا ايه؟؟؟؟

صحيح انك تصلي على الرسول و تنطق الشهادتين بتجيب حسنات بس

متبقاش كده الحاجات دي لازم تقولهامن نفسك بنيتك مش حد يفكرك

مرسي يا طارق على الموضوع الجامد ده و فعلا حاجة بقت منتشرة الايام دي

[Mo7aMaD 3aLa2]

بصراحة الحكاية دى انتشرت جداااااااا

وهى حكاية رخمة اوى وانا لقيتلها حل

والله اى حد بيبعتلى من النوع دة بحذف ايميلة واعملة اجنور عشان نخلص...هههه

ميرسى ع التوبيك يا طارق

[أمة الله]

طبعا اخى الكريم كل ده من الامور البدعيه ولا تمس لديننا باى صله

قال رسول الله صلى الله عليه وسلم ان كل محدثه بدعه وكل بدعه ضلاله وكل ضلاله فى النار

ويقول صلى الله عليه وسلم من احدث فى ديننا هذا امرا فهو رده

فكل هذا حرام ولا يجوز ان نتناقله بهذه السذاجه

بارك الله فيك على الموضوع فعلا مهم وجزاك الله خيرا تقبل مرورى

[A7la banota]

فالبداية اشكرك علموضوع الجميل و المميز .

انا بتجيلي رسايل كتير اوي من النوعية دي و كلها و بتبقا قسم و ادعية علي مش هيرسلها و لو مابعتش الرسالة اهلك هيموتو و هسقت فالامتحانات و انتي كمان هتموتي زي ما حصل للبنت اللي كانت و كانت اوف ملل و المشكلة اني كنت بقرأ القسم من هنا و ابعت الرسالة من هنا و من غير ما افكر ان دا كووووووولو ممكن يكون تخريف و كل ما فتح ايميلي و اقرأ الرسايل الاقي قصص عجيبة و غريبة علي مابيبعتوش الرسايل دي بيهبلوني لحد ما بقيت مقرأش رسايل كتير :013::013: و شكرا على النصيحة و فعلا لازم مانبعتش الكلام الفاضي دا علشان مانساعدش فنشر الاخبار الكاذبة و الاشاعات .