بلاوى القرن الحادى والعشرين

[قلم بلا حبر]

بسم الله الرحمن الرحيم

(( فرق تسد ))

لم يخلق بعد من بيده القضاء على ربع سكان العالم مجتمعين

الحيله دائما كانت الوسيله للنصر وليس هنالك حرب انتهت بشكل حربى كامل حتى الحرب العالميه الاولى والثانيه كان للطابور الخامس فيها اليد الطولى

اذ صدق رسولنا الكريم حينما قال (( الحرب خدعه ))

واولى الخدع ان تفرق الجماعه الواحده وان تعزل الافراد عن القياده والقياده عن المجتمع والمجتمع عن ثوابته ومبادئه بهذا فقط يتحقق لك النصر

كلنا فاكرين قصة الاب العجوز لما جمع واولاده وامرهم باحضار حزمة حطب الخ

وبالنظر الى ما نحن عليه الان نجد ان تعداد المسلمين قد تجاوز ربع سكان العالم ,, وهم اذا صلحت الوايا اكثر القوميات تماسكا لتوحدهم خلف مبادئ وقيم وثوابت موحده ومنهج لا غبار عليه

كيف يتسنى للآخر تمزيق هذا الجمع المتماسك ؟

(( فرق تسد ))

ومن أين تاتى تلك الفرقه ؟

زعزعة الثوابت وتحريف المبادئ وعزل القيم

وكيف يتسنى له فعل هذا ؟

من خلال الطابور الخامس للقرن الحادى والعشرين

طالعت موضوعا للآخت (( مس ايجيبت )) ثار فيه جدل واسع وبحكم ندرة دخولى للمنتدى كتبت هذا الموضوع

بلاوى القرن الحادى والعشرين

اعتصرنى الآلم وانا اطالع كلمات صادره من اناس مثقفه بالرغم من كونها جهلا ,,,

وأدركت ما هو المغزى وراء سياسة التحفيظ فى جميع مراحل التعليم من الآساسى الى الجامعى ,, ووضحت الصوره امامى أكثر عندما وجدت الاختلاف على الكلمات دونما الفعل ذاته

والله حال يرثى له ,, اشعر بأننا اطفال نوجه كيفما شاء احدهم ,, نقتنع بمبررات لو انصت لها طفل متفتح لخالفها ,,,

لكن لن تكون السيطره الا بمثل تلك العقول التى تمنح للآخر مالم يحصل عليه بحروب مرت وحروب قادمه ,,,

اولى بلاوى القرن الادى والعشرين ,,, هو عجزنا عن استثمار التكنولوجيا والرجوع بنا الى عصر التعسف والاعتداء على الحريات بدعوى الصالح العام

اذن ما فائدة كل اولئك الملايين من المثقفين والمهندسين والمخترعين ,,,

اعلم كما تعلمون ان العلم وضع ليضع البدائل التى تساعد على استمرار الحياه مع حفظ كامل الحقوق الانسانيه للبشر

فالفلاح قديما كان يحرث الارض بيده ومن ثم باستخدام الحيوان والآن الماكينه هى ما تقوم بذلك

قديما أيضا كان الرسول هو من يحمل المراسلات ومن ثم الحمام الزاجل ليخترع بعد ذلك التلغراف والهاتف وفى النهايه يأتى الايميل

قديما وحديثا ,, وعجبا ونحن فى القرن الحادى والعشرين ولا نستطيع ان نجد بديلا لبعض المهاترات حول النقاب ,, لنجد عقول الجامعات المصريه تقف عاجزه منحنية الرؤوس لتعلن عجزها التام عن مساعدة المجتمع فى القرن الحادى والعشرين على تخطى تلك العقبه البسيطه لنلجا الى الحل الجراحى الذى استخدمه قدماء المصريين بالخلع او العزل

عار ونحن منا من أبهروا العالم (( مجدى يعقوب )) احمد زويل )) نجيب محفوظ )) فاروق الباز ,, وغيرهم الكثير مع حفظ الآلقاب

عار ان نضع عقولنا فى مجرى المياه الراكده التى اكتست عن اخرها بالطحالب والقاذورات وهى فى ذاتها معتمده على مدى التخلف والرجعيه التى أصابتنا تحت دعوى التطوير والتحديث

لا ينكر اى مثقف فى العالم حتى من ادعوا لآنفسم بقمة الحريه ان لكل قوميه وشعب ثقافه تنبع من الاصاله وتتطور وتتحدث بنفسها وذاتها محافظة على مبادئها ومعتقداتها ,, وان اولى مراحل الهزيمه التملص من ثوابتك فتصبح كما الشجره التى انتزعت من جزورها بأقل الريح يتم الاطاحة بها

التطور والاصاله وجهين لنفس العمله ,, لكن بلا شك اذا كنت الآقوى فسوف تحاول ان تجعل الآخرين فى نفس دربك وتصبح ظروفك ومبادئك هى الاساس لما تعتقد انت به

وهذا ما يحدث بالفعل

لم يقل احد ان الاسلام كان او سيكون فى يوم من الايام ضد الحريه بجميع اشكالها وصورها ,, ومن لم يعقل هذا فلا يتحجج بالاسلام بل فلينظر الى جهله وتقصيره فى الاطلاع وان كان قد اطلع فليرجع الى ضعف فهمه ويحاول ان يجد من يساعده على الفهم والادراك

ليس الاسلام والمسلمين فى حاجه لاثبات مدى مرونة الاسلام ,, بل الآخرين مطالبين بوضع تصور محدد لتلك المسميات

الارهاب

الحريه

الديمقراطيه

حقوق الانسان

السياده

الفيتو *****

عجبا ان نصبح مثل الطلبه فى صف لا يدرس فيه الا بطريقة التلقين والاتباع

وعجبا ان كان غض الطرف عن ممارسات هزيله قد يعتقد بأنه اقرار بثبوتها

اذا كان النقاب فيه جدال ,, فلاجدال فى المينى جيب او المايوه

اذا كان النقاب ضد المصلحه العامه ,, فالفساد قد دمر المصلحه العامه

اذا كان النقاب شبهه لمن يرتديه فالشبهه اكبر لمن منعه

اذا كان النقاب عائقا امام التقدم والاذدهار ,,, فمصر قد خلت ممن سيقومون بهذا الاذدهار والتقدم لعجز 80 مليون لايجاد حل لدمج مرتديات النقاب فى المجتمع

اذا كان النقاب مظهر غير حضارى ,, فعذرا فالمجتمع الدولى قد اقر بعدم وجود مظاهر التحضر والتمدن بعد صفر المونديال

عايزين نتكلم بشكل دستورى وقانونى شويه ,, علشان بلاوى القرن الحادى والعشرين

لما يكون الدستور المصرى بيقر بأن دين الدوله الاسلام وان الشريعه هى احد مصادر التشريع فى الدوله

اذن فكل ما يندرج تحت هذا الدين هو بمثابة فقره فى الدستور لا تقبل التأويل بالمنع او الحذف الا بعد الاقرار ممن اعتمدوا هذا الدستور فى البدايه وهم الشعب

فاذا كانت فرنسا منعت النقاب او الحجاب فلان دستورها لا يقيدها ب هذا ,, اما نحن فمقيدين بدستور يكفل للمظاهر الاسلاميه بالتواجد فى اى مكان وزمان وبالكيفيه التى تتماشى مع الدين الاسلامى وماكان ضد الاسلام فممنوع ومطلوب بالغائه ولا أعتقد ان الاسلام قد منع النقاب بقدر ما اباحه اذن وبحسب دستورنا فهو مباح ولايقاف العمل به ينبغى مراجعة ماده من مواد الدستور التى بدورها لن يعتمد اى تعديل بها الا بعد موافقة الشعب عليها ,, فمن أيت أتت الموافقه

انا مسلم فى دوله دينها الاسلام وتشريعها يستلهم جزوره واصوله من تلك الديانه اى انها فى الاخير تكفل لى باقامة الشعائر الدينيه التى تتفق وتعاليم الدين الحنيف ,,

فكيف تكفل للبهائى باقرار ديانته ,,, وتمنع فضيله اسلاميه الا وهى النقاب

ثانيا : المصلحه مرتبطه باتفاق العامه حولها اى ان المصلحه العامه ليست رؤية شخص ولا عدة اشخاص بل هى غالبية جموع الشعب المصرى ,, فهل من مبرر لتخطى تلك الغالبيه بقرار ,, اذا كانت تلك الديمقراطيه فأهلا وسهلا :530:؟

ثالثا : ما سمى بجرائم النقاب يشعرنى بان هذا الدوله أصبحت من الطهر والنقاء ما يجعلنا لانرى الا كل من ترتدى النقاب على انها وصمة عار ,, فاين النقاب من قطار الصعيد واين النقاب من عبارة السلام وأين النقاب من (( لكح جروب )) واين النقاب من (( هايديلينا )) وأين النقاب من (( توظيف الآموال )) وأين النقاب ملايين الافدنه فى توشكى وكفر الشيخ والبحيره والفيوم وطريق الاسكندريه الصحراوى ,,, هذا عن الجرائم الماليه

اما عن جرائم الشرف ,, فاين النقاب من شارع الهرم وأين النقاب من شرم الشيخ واين النقاب من كبرى الفنادق التى تفتح ابوابها لممارسة الدعاره تحت دعوى (( الصداقه ))

وعن جرائم التزوير ,,, فلا حاجه للنقاب فالتزووير وزالفساد والرشاوى على عينك يا تاجر ,, عسكرى المرور اللى هو أقل منصب فى الحكومه (( طبعا مش اقل كانسان كلنا بشر )) بيمد ايده وياخد اللى فيه النصيب فى عز الضهر

فى جرائم تانيه ,, انتحال الشخصيه ايوه صح

هو فى اكتر من انتحال شخصية ضابط الشرطه ,,, والا الكماين اللى بتتنصب على الطريق من شوية صيع ,,, او رجال الاعمال اللى بئت اكتر من الاعمال الىل فى مصر ,,

النقاب والغش ,, مش محتاجين النقاب علشان نغش ,, لو موحه والا سوسو كلم باباه يكلمله دكتور الماده والا لو حيتعب نفسه ويشترى الامتحان او حيتعب نفسه شويه ويدفع للكنترول فأكيد حيجيب امتياز

والله انا مش شايف الا بدايات بلاوى القرن الحادى والعشرين

لما تفكيرى ينغلق وفجأه أشبط فى شوية كلام مستهتر لامساس لهم بالمسؤوليه لامن قريب ولا بعيد فالعيب مش عند الناس اللى قالت الكلام ده,,, ده العيب فيا انا ,, اتعلمت ولا كانى اتعلمت

لو حنمشيها حريه تنتهى عند حرية الآخرين اول ناس مش حتتحمل هم نفسهم اللى بيجروا ورا خلع النقاب

لان قانونا حريتى فى حدود شريعتى يعنى حريتك متديش ليك الحق انك تكشف عورتك فى الشارع العام ,, يعنى مينى جيب لآ ,, ميكرو جيب نو ,,, شارع هرم ,, مفيش ,,, شرم شيخ تؤ تؤ ,, مش هى دى الحريه انك تحترم خصوصياتى وانا احترم رغبتك

ادينى حخلع النقاب بس اكتر من نص الشعب ان مكنشى تلتين الشعب حيضطرهم كشف العوره اللى فى الشارع

نمشيها زى ما هى ماشيه ,, مش يبئى الناس ساكته وفى حالها ونجرى وراهم لا وكمان ندخل فى لبسهم

كتر الضغط بيولد الانفجار ,,, والآفضل فى الحريه (( صباح الخير يا جارى انت فى حالك وانا فى حالى ))

ومش حعلق على معلم الازهر ,,, خساره الوقت اللى الواحد يضيعه

شكرا للمتابعه

تحياااااااااااااااااتى""""""""

[الرومنسيه دودو]

ميرسى جدا جدا جدا على مرورك الجميل جدا تسلم ايدك نورت التوبيك

[ARAGON]

اقتباس ~

عار ان نضع عقولنا فى مجرى المياه الراكده التى اكتست عن اخرها بالطحالب والقاذورات وهى فى ذاتها معتمده على مدى التخلف والرجعيه التى أصابتنا تحت دعوى التطوير والتحديث

أهلا بيك يا سيد،، نورت بيتك،،،

وأخبار الجيش أيه يا ابو الشباب،،

فعلا الكلمات دي انا كنت عامل موضوع وكنت كاتبه على التليفون ،،، بس للأسف الفكرة لسه موجودة عندي ،

للأسف تعلقت اخلاقيات بطحالب امتلأت عن آخرها في حياتنا،،

تعلقنا بشوائبها،،،، وترسخت فينا مبادئها،،

اسف كبير يحدث إلينا من خلال تتابعات الغرب وكأن كلمتهم هي الصحيحة،،

وجدناهم يحاربوننا ففشلوا في اختراقنا،، فما لهم الآن الا التنازع على أخلاقياتنا،،،

كما حدث في الأندلس،،، وتحولت من دولة اسلامية مزدهرة إلى دولة أوربية يرثى لها،، من النواحي الأخلاقية ،،،
ووجدنا أنفسنا تابعين لكيانات الدول الأوربية ونقلدهم في كل شيء ،،،

مالنا ومالهم،، نطالعهم في أشياء ونترك ما يمكننا أن نستفيد منهم فيه،،

تقدموا علينا تكنولوجياً وتأخروا أخلاقياً،،،

وما لنا إلا أننا نتابع تطورهم تكنولوجياً ونتأخر معهم أخلاقياً،،،

موضوع كبير لو تحدثنا عنه لأصبح مثار جدل،،،

ولكن ما يمكننا أن نقوله،،، " هو أن لنا كتاب الله وسنة نبيه لنحكم به على أنفسنا،"

خالـص أمنياتي،،

أخوك أحمد

[حنـــــون]

الموضوع بجد رائع

ولكن المعروف ان بما ان الحريه مكفوله للجميع دا زى ما بسمع

فامن حق اى انسان الاعتراض او قبول اى شئ يتناسب مع تفكيره

وما يتعداش حدود دينه فابلاوى القرن العشرين كما تفضلت بوصفها

كلها تتنافى مع العقل ان الاقى بنت لابسه مينى جيب والمفروض اننا دوله

اسلاميه حتى لو مش هتبلس الحجاب على الاقل تحتشم فى لبسها واقول ان دى

حريه شخصيه لانها بالتاكيد مش حريه شخصيه ولما الاقى الى لابسه نقاب وبتفرضه على

الجميع ومن وجهة نظرها ان الى مخالف لها كده بيكون مقصر بردوا دى مش حريه شخصيه

المشكله كلها بتنحصر باننا حولنا دينا الى هو دستور حياتنا لعبادات مش لمعاملات بئينا

بنصلى ونصوم ونتحجب بس عشان دا مظهر دينى ونسينا الغرض من المظاهر دى ايه

جهلنا باتعليم دينا وبرحمة ربنا خلانا حتى لما ندافع عن فكره او عن حتى اصول دينا

نتعامل باسلوب وبتعبيرات منافيه تماما عن اسلوب الدين الى بنتمى ليه

ولكن هى فى النهايه بلاوى القرن العشرين

تحيااااااااااتى لك ولموضوعك القيم جداااااااا

اختك حنون

[** MiSs EgYpT **]

والله يا اخى
موضوع شامل جامع ومن أجمل ماقرأت هنا
لدرجة حيرتى على أى فقره أقوم بالرد
ولكن اعدك بالعوده مره اخرى
سلم يدك اخى وسلم قلمك


همس

[قلم بلا حبر]

المشاركة الأصلية كتبت بواسطة الرومنسيه دودو ~

ميرسى جدا جدا جدا على مرورك الجميل جدا تسلم ايدك نورت التوبيك

هو المفروض انى انا اللى كاتب الموضوع ,, يعنى انا اللى اقول الكلام اللى فى الاقتباس

بس مش مشكله كلنا اخوات والموضوع موضوعك:milan-flag:

تحيااااااااااااااااتى"""""""

[قلم بلا حبر]

المشاركة الأصلية كتبت بواسطة Wa7eDMeNElNaS ~

اقتباس ~

عار ان نضع عقولنا فى مجرى المياه الراكده التى اكتست عن اخرها بالطحالب والقاذورات وهى فى ذاتها معتمده على مدى التخلف والرجعيه التى أصابتنا تحت دعوى التطوير والتحديث

أهلا بيك يا سيد،، نورت بيتك،،،

وأخبار الجيش أيه يا ابو الشباب،،

الجيش زى الفل يا ريس متقلقشى :Milit-004:

فعلا الكلمات دي انا كنت عامل موضوع وكنت كاتبه على التليفون ،،، بس للأسف الفكرة لسه موجودة عندي ،

للأسف تعلقت اخلاقيات بطحالب امتلأت عن آخرها في حياتنا،،

تعلقنا بشوائبها،،،، وترسخت فينا مبادئها،،

اسف كبير يحدث إلينا من خلال تتابعات الغرب وكأن كلمتهم هي الصحيحة،،

الدستور الوضعى يوضع من قبل القوه فى سواء أكان قوة الآغلبيه كما هى الديمقراطيه السليمه او قوة البطش كما هى الديكتاتوريات والامبراطوريات ,, اما دستور التعاملات الدوليه فهو وبلا شك يعتمد بشكل كلى على غلبةو القوه ,, وخير مثال الفيتو فى مجلس الآمن

وجدناهم يحاربوننا ففشلوا في اختراقنا،، فما لهم الآن الا التنازع على أخلاقياتنا،،،

كما حدث في الأندلس،،، وتحولت من دولة اسلامية مزدهرة إلى دولة أوربية يرثى لها،، من النواحي الأخلاقية ،،،
ووجدنا أنفسنا تابعين لكيانات الدول الأوربية ونقلدهم في كل شيء ،،،

مالنا ومالهم،، نطالعهم في أشياء ونترك ما يمكننا أن نستفيد منهم فيه،،

تقدموا علينا تكنولوجياً وتأخروا أخلاقياً،،،

وما لنا إلا أننا نتابع تطورهم تكنولوجياً ونتأخر معهم أخلاقياً،،،

موضوع كبير لو تحدثنا عنه لأصبح مثار جدل،،،

ولكن ما يمكننا أن نقوله،،، " هو أن لنا كتاب الله وسنة نبيه لنحكم به على أنفسنا،"

خالـص أمنياتي،،

أخوك أحمد

نورت الموضوع يا ابو حميد

وشكرا على الترحيب يا غالى

خالص تقديرى لمرورك

تحيااااااااااااااتى""""""""

[قلم بلا حبر]

المشاركة الأصلية كتبت بواسطة حنون ~

الموضوع بجد رائع

ولكن المعروف ان بما ان الحريه مكفوله للجميع دا زى ما بسمع

فامن حق اى انسان الاعتراض او قبول اى شئ يتناسب مع تفكيره

وما يتعداش حدود دينه فابلاوى القرن العشرين كما تفضلت بوصفها

كلها تتنافى مع العقل ان الاقى بنت لابسه مينى جيب والمفروض اننا دوله

اسلاميه حتى لو مش هتبلس الحجاب على الاقل تحتشم فى لبسها واقول ان دى

حريه شخصيه لانها بالتاكيد مش حريه شخصيه ولما الاقى الى لابسه نقاب وبتفرضه على

الجميع ومن وجهة نظرها ان الى مخالف لها كده بيكون مقصر بردوا دى مش حريه شخصيه

منطق عادل لمفهوم الحريه الشخصيه فى حدود دستور يقره الآغلبيه


المشكله كلها بتنحصر باننا حولنا دينا الى هو دستور حياتنا لعبادات مش لمعاملات بئينا

بنصلى ونصوم ونتحجب بس عشان دا مظهر دينى ونسينا الغرض من المظاهر دى ايه

جهلنا باتعليم دينا وبرحمة ربنا خلانا حتى لما ندافع عن فكره او عن حتى اصول دينا

نتعامل باسلوب وبتعبيرات منافيه تماما عن اسلوب الدين الى بنتمى ليه

حتى لو ده حصل فمش معنى ان فى نصف الكوب انى ايأس وارمى الباقى ,, بالعكس انا احافظ على الموجود واعمل على تنميته وتثبيته كلما امكن ,, حتى لو كان مجرد مظهر زى ما زكرتى يا حنان

ولكن هى فى النهايه بلاوى القرن العشرين

تحيااااااااااتى لك ولموضوعك القيم جداااااااا

اختك حنون




خالص تقديرى لمرورك الجميل

تحيااااااااااااااااااااتى"""""""

[just (o]

السلام عليكم ورحمة الله وبركاته


حضرتك ذكرت نقطة مهمة جدا احنا دولة بيحكمها دستور بينص على انها دولة مسلمة وبالتالي بتخضع في تشريعاتها كلها لاحكام الاسلام وتشريعاته

يعني اي قانون بيحرم مباح او يحلل حرام ممنوع

المشكلة ان مفهوم البشر للتقدم والتحضر هو مش التقليد الاعمى لا بالاصح نسخ التصرفات

يعني لو عاوز اوصل لمكانه احمد زويل يبقى ادخل كليه علوم وبعدين اسافر على امريكا

مش عشان اوصل لمكانته اشوف انا قادر اطور نفسي وابدع للدرجة دي في ايه واتبعه

نفس شئ عشان اكون متحضر زي الدول الاخرى يبقى انسخها تصرفاتها عن اكملها بدون تفكير وبدون ما اشوف انا مختلفة عن الدول دي في ايه وايه اللي ممكن اعمله عشان اطور من نفسي بطابعي الخاص وباصلي ومبادئي نفسها


وناسيين ان اصلا التحضر والتقدم فكر وثقافة ونمو لا علاقة لها بالمرة بطريقة لبس


وفعلا فرق تسد يعني هنبدأ نوجد خلافات وجدل يلهينا فترة الا ان يظهر غيره وهكذا نفضل في خلاف مع انفسنا يؤخرنا لا يقدمنا متناسين خلافتنا المفروض تكون فعلا مع مين


موضوع رائع شكرا جزيلا لك

[nooody]

ما هو للاسف احنا مش بنطبق القوانين بالعدل

يعنى امنع بنت من لبس النقاب عشان قال ايه

النقاب رداء يتخفى داخله المجرمين و ...... و.......

وفى نفس الوقت اسيب بنت لابسه من غير هدوم واقول

ان دى حريه شخصيه

ماهو زى ما النقاب يتستر خلفه المجرمين

برضه اليمنى جيب زى ما انت قلت هيكون فتنه

الحريه الشخصيه مهما كانت متاحه بمساحه كبيرة

لازم يكون لها حدود

انا حرة اة بس فى نفس الوقت بفكر هل التصرف اللى انا

هعمله دة هيتفق مع مجتمع اسلامى انا جزء منه بنيانه

يعنى ما ينفعش اتجاوز حدود الاخلاق والشرع واقول

انا حرة

انا مش مع النقاب ولاضدة

الاعتدال كويس

وبعدين اللى بيقولوا ان النقاب بقى سبب لكثير من الجرائم

الجريمه موجودة منذ الازل ومرتبطه بوجود الانسان

قال الله تبارك وتعالى: {وَاتْلُ عَلَيْهِمْ نَبَأَ ابْنَيْ ءَادَمَ بِالْحَقِّ إِذْ قَرَّبَا قُرْبَانًا فَتُقُبِّلَ مِن أَحَدِهِمَا وَلَمْ يُتَقَبَّلْ مِنَ الآخَرِ قَالَ لأَقْتُلَنَّكَ قَالَ إِنَّمَا يَتَقَبَّلُ اللهُ مِنَ الْمُتَّقِينَ (27) لَئِنم بَسَطتَ إِلَيَّ يَدَكَ لِتَقْتُلَنِي مَا أَنَاْ بِبَاسِطٍ يَدِيَ إِلَيْكَ لأَقْتُلَكَ إِنِّي أَخَافُ اللهَ رَبَّ الْعَالَمِينَ (28) إِنِّي أُرِيدُ أَن تَبُوأَ بِإِثْمِي وَإِثْمِكَ فَتَكُونَ مِنْ أَصْحَابِ النَّارِ وَذَلِكَ جَزَآءُ الظَّالِمِينَ (29) فَطَوَّعَتْ لَهُ نَفْسُهُ قَتْلَ أَخِيهِ فَقَتَلَهُ فَأَصْبَحَ مِنَ الْخَاسِرِينَ (30) فَبَعَثَ اللهُ غُرَابًا يَبْحَثُ فِي الأَرْضِ لِيُرِيَهُ كَيْفَ يُوَارِي سَوْءَةَ أَخِيهِ قَالَ يَا وَيْلَتي أَعَجَزْتُ أَنْ أَكُونَ مِثْلَ هَذَا الْغُرَابِ فَأُوَارِيَ سَوْءَةَ أَخِي فَأَصْبَحَ مِنَ النَّادِمِينَ (31)} (سورة المائدة).



دى بقى اكبر دليل على وجود الجريمه منذ نزول الانسان على الارض

قتل قابيل لاخيه هابيل

يبقى الموضوع مش محتاج لنقاب


تقديرى