مثلث بلا موضة

[سارة المصرية]

السلام عليكم

ازيكم يارب تكونوا بخير


ايه معرفتوش اخر الاخبار


لا ينفعشى الكلام ده دانتوا الخيط والبكرة بتاعت المجتمع


المهم ايه رايكم فى اسم الموضوع لذيذ صح


كفاية كده بقى مفيش موضوع هو اسم خلاص


هههههههههههههههه


لا طبعا انا اقدر اكيد فى موضوع وانا فى نظرى انه مهم جدا


الا وهو الموضة


طبعا الموضة منتشرة بطريقة رهيبة يعنى ممكن نقول ان الموضة


بقت هى تفكير الشباب بس


طيب عادى وماله البس ال انت عايزه بس ايه ال انت بتلبسه ده


بنطلوون مسقط ايه ياعم الجاهل دا بقى موضه قديمة بقى فى


المشحم ماشى ياعم الامور عارف بس مسقط برده


بالنسبة للولاد واو عالموضة معظمها فى الشعر


كل الشعب بقى بيكهام كلهم بقوا ديوك ما شاء الله هههههه


لا ولا البس بقى تلاقى التشرت واصل يدوب لغاية البطن بالعافية


ومرفوع فو ق الحزام لا وايه بقى القميص مفتوح سبع زراير كنت تجيبوا من غير زراير احسن



والسلسة لا من غير سلسلة متبقاش راجل


والحظاظة ياااااااااااااااااااااااه دى فى ايدهم زى صابع من صوابعهم


ايه متعرفش انها حرام يعم خلاص هى حرام اوك


طيب والسلسلة ايه انت ناوى تقلب قول متكسفش


مهو البنات بس ال بيلبسول سلاسل


لا وايه معدوش بيلبسوه سبوها للرجالة هههههههه


حاجة تكسف والله


طيب ندخل على البنات شويه


ربنا يستر ومحدش يقطعنى


بس بزمتك انتى وهى (طبعا بتوع المكياج والبدى والجينز)


مبتكنيش مكسوفة من نفسك وانتى خارجة كده ومتاكدة الف المية


انك هتتعكسى ولا انتى اساسا عايزة تتعكسى


طيب بلاش المعاكسة


مش كل واحد هيبص عليكى هتاخدى عليه سيئة


يعنى لو شلة خمس ولاد كل واحد بص عليكى كل واحد منهم هياخد سيئة لكن انتهتاخدى خمسة


شوفى بقى فى كام خمسة فى الجامعة


ولا مبيهمكيش السيئات


طيب بس دى الموضة ولو ملبستش كده مبقاش بنت كاجول ولا كووووووول


والبنات يتريقوا عليا ويقولوا فلاحة


طيب ويوم القيامة تحبى تكونى معاهم ولا مع المحجبة


دى مصائرنا ولازم نحددها


الموضة مبتفدش فى حاجة


والله وانا فى الجامعة النهاردة مكنتش عارف امشى دا الواحد مبيعرفش يبص فى الارض


واخيرا انت ياعم الامور بلاش عم الامور بقى


خليك اخى فى الله اتبيع الحور العين بنظرة حرام


اختاه هل اصبحت الجنة اقل بكثير من انا نضحى من اجلها


من اراد السعادة الابدية فليلزم عتبة العبودية


ولكم منى جزيل الشكر


وياريت كلنا نكون اعضاء مثلث بلا موضة وندعو اصحابنا

منقول .

[anoshlove00]

معاكي حق واللة البنات والشباب كتير منهم بقي مشين تبع الموضة بس بصراحة الولد الي بيلبس كدا بيكون شكلة بصراحة مستفر واكيد البنت بردة الي بتخرج كدا بتكون خارجة علشان تتعاكس وتلفت نزل الشباب عليها

[أنثـے مًنْ الّخٍـْيـِالْ→♀]

الموضة !!

كلمة كبيرة اوى

بس فى حاجة انا لو ممشتش مع الموضة هبقى حالة شاذة مثيرة للجدل

و ملفتة للانتباه

الموضة مش لازم تبقى خارجة عن الحدود

انا ممكن البش و اتشيك كويس اوى و البس لبس كويس و ع الموضة

بس يكون ماشى مع ديانتى و كونى مسلمة

يعنى لا يشف و يصف اى تفاصيل من الجسم

و بكده اقدر اجمع ما بين مواكبة العصر و احترام دينى

يعنى مش لازم مصطلح الموضة يعكس الباديهات و الملابس الخارجة

تسلمى يا سارة ع التوبيك

اختك ,,

..
.

[هيا*HYA*]

موضوع جميل.. ومتنتظريش ردود عليه كتيير
لان تقريبا جزء كبير من الشباب والبنات بيعملوا الكلام دة
كفايه انهم يقروا ويتعظوا وخلاص
مش هقول غير ربنا يهديهم جميعا
شكرا يا سارة على الموضوع
ربنا يزيدك

[سارة المصرية]

أنا منتظرة مرور الجميع عشان أهرفهم رأيهم ايه

و ميرسى لمروركم كلكم يا بنانيت .

[مشتاقه للجنه]

اكيد موضوع مهم وعندك حق فى كل كلمه

على الرغم ان هناك ندره من الشباب غير متبعه الموضه

ومحافظه على زيها الاسلامى ....

وعلى رأى هيا كفايه انهم يقرأوا ويتعظوا

وربنا يهدى الكل

[بنت قاهرة المعز لدين الله]

[yumna]

الللللللللللللللللللللللللللله عليكي يا سارة و الله انتي العاقلة الي فيهم نفسي كل الناس تسمع الكلام ده و يفهموا بس مظنش ان في فايدة هنفضل كده على طول اقصد هيفضلوا كده على طووووووووووول تحيــــــــــــــــــــــاتي ليكي يا سارة على التوبيك الرائع

[SHADA]

اولا نايس توبك

ثانيا الموضة مش بتشمى مع كل الناس لان الموضة بتليق على ناس وعلى ناس لاء

مش اى حاجة تنزل البسها وخلاص

[سارة المصرية]

المشاركة الأصلية كتبت بواسطة حواء الشرق ~

اكيد موضوع مهم وعندك حق فى كل كلمه

على الرغم ان هناك ندره من الشباب غير متبعه الموضه

ومحافظه على زيها الاسلامى ....

وعلى رأى هيا كفايه انهم يقرأوا ويتعظوا

وربنا يهدى الكل

عزيزتى حواء الزى الاسلامى لا يختلف مع الموضوة

بمعنى ان لما الولد يلبس بنطلون و قميص محرتم يبقى كويس و يبقى اسمه محترم

أنا أقصد اللى بيلبسوا بناطيل ساقطة ، و فاتحين القميص و لابسين تيشريتات عليها صور مخله و موقف شعره زى عرف الديم كده

ربنا يهدى

نورتى يا حواء