لحد امتى هتقول وانا مالى هى جات عليا!!!؟؟

[Şα3Đ..♥]

بسم الله الرحمن الرحيم








جملتين بنسمعهم كتير قوي واحنا ماشين من شخص متعرفوش او من صاحبك او حتى انت اللي بتقولها

( وانا مالي / هي جات عليا )



طيب لحد امتى هتقول وانا مالى؟؟

فى شغلك وشايف زميلك بيرتشى ليه متنصحوش ؟




لما تكون فى بيتك وشايف جارك بيتكلم على دى ودى
ليه ماتقولوش ان بعض الظن اثم؟؟


لما تكون فى الشارع وشايف ولد ماشى يعاكس فى بنات الناس
ليه متوقفوش عند حده ؟؟؟


لما بتدخل اى مكان مش نضيف ليه مش بتنضفه
ده انت اللى هتقعد فيه؟؟


لما تكون فى المسجد وتلاقى حد بيصلى غلط
ليه متوجهوش للصح؟؟؟


لما تلاقى واحده ماشيه فى الشارع لابسه لبس غير محتشم
وحاطه علبه ميك اب على وشها وصوتها عاااااااالى
وضحكتها عاليه
ليه متوقفهاش وتنصحها؟؟


لما تلاقى واحد مريض محتاج منك مساعده ليه مش
بتمد ايدك بيها؟؟


لما تلاقى شاب بيضيع ليه متحاولش
تاخده معاك فى الطريق الصح؟؟



لما تشوف السرقه بعنيك
ليه مبتتكلمش؟؟


لما تشوف حد مظلوم
ليه مش بتنصره؟؟


لما تشوف حد محتاج
ليه مش بتديه؟؟





دى شويه نماذج من مجتمعنا
ناس عايشه كده وخلاص
مش عارفين هما عايشين ليه وبيعملوا ايه


بيقتصر دورهم داخل بيوتهم وبس
والخوف ان شويه بشويه
دورهم داخل بيوتهم كمان يتنسى


الاب يشوف ابنه مخنوق ومتضايق
ميفكرش يسأله مالك


الام تشوف بنتها قافله عليها اوضتها
وقاعده لوحدها متقولهاش مالك


الاخ بقى بيدخل البيت زائر
ميعرفش اخواته مالهم ولافيهم ايه





تفتكروا الوضع ده هيستمر لامتى؟؟
هنفضل لحد امتى سلبيين
هنفضل نقول وانا مالى



انتا عندك الجرأه تتكلم
غيرك لاء


ليه منبقاش من جوانا مقتنعين
ان ادام بقول الحق ميهمنيش حد
ليه منخليش ده العادى بتاعنا


نشوف غلط جرى عليه نصلحه مش نقدم رجل ونأخر رجل



سألت سؤال على جوجل امتى هنبطل سلبيه؟؟


واحد رد عليا قالى احنا مش بنتحرك الا فى اخر وقت


وشكلنا كده مستنيين اخر وقت...





سألت سؤال تانى لما يتشوف الغلط بتصلحي ولا بتقول وانا مالى؟؟


جالى رد قال بتحرج حد يكسفنى


ورد قال لو اعرف الشخص ممكن اقوله


ورد قال مبقدرش اسكت من غير مااتكلم
بس الامر مبيسلمش من التعليقات السخيفه


انا عن نفسى بشجع اخر رد



طيب عاوز اسألكم انتم سؤال
ونبعد عن المثاليه فى الردود


لو واحد جه قالك لبسك ضيق جدا وياريت تحاولى توسعيه رد فعلك وبصراحه هيكون ايه؟؟


هتتضايقى


هتحرجيها


هتقولي وانتا مالك


هتبصله من فوق لتحت


هتقوليله حاضر ان شاء الله

وودن من طين والتانيه من عجين


ولا هتفكرى فى كلامه وتاخديه بعين الاعتبار؟؟




وايه رايكم فى كلامى
ياترى السلبيه دى سببها
ان مفيش روح حب واخاء وتقبل للاخر فى مجتمعنا؟؟


ولا احنا خلاص ادمنا اننا نكون سلبيين؟؟

[حَرفُُ هجآءّ]

السلام عليكم ورحمة الله وبركاته

موضوع ممتع ومفيد جدا شكرا اولا على الموضوع الرائع


فى أحاديث النبي صلي الله عليه وسلم :
"من رأي منكم منكراً فيغيره بيده .. فإن لم يستطع فبلسانه .. فإن لم يستطع فبقلبه"
"الساكت عن الحق .. كالشيطان الأخرس

"
ثانيا اجابه على سؤالك
لو واحد جه قالك لبسك ضيق جدا وياريت تحاولى توسعيه رد فعلك وبصراحه هيكون ايه؟؟
مبدئيا ربنا انعم عليه بنعمه الحجاب ليس حجاب البنطلون والبدى فالبتالى محدش هيقولى السؤال ده لكن لو انا فعلا ماشيه على طريقه سؤالك اول حاجه هحس بيها انى ضعيفه الايمان بالله وبشرعه وانى ازاى اسمح لنفسى انى اعمل كده فى نفسى واكيد مش الشخص ده بس اللى علق اكيد فى تعليقات تانيه بس بقى الله اعلم ايه اللى هيتقال يبقى كده عرضت نفسى لكلام فى غنى عنه
اما بقى على سلبيه المجتمع فى تغير الغلط ودا لحاجتين :
- عشان احنا بنتربي علي كدا اصلا وهو اننا منواجهش الفساد .. اننا نبقي ضعفاء ومندافعش عن الصح ونواجه الغلط واتربينا على كلمة (وانا مالي)
ودا باين اوي من الأمثلة الشعبية اللي معظمنا رفع اديه واعدنا نقول الأمثلة الشعبية اللي حفظناها واتربينا عليه ومنهم :
عيش ندل .. تموت مستور
امشي جنب الحيط
الباب اللي يجيلك منه الريح .. سده واستريح
تاني حاجة هو اننا بنتعلم بس ف اننا نواجه الفساد اللي يخصنا فقط .. واللي يخص الصالح العام ارميه وراى ضهرك ودي سياسة تكبير الدماغ ..
كل هذا نتيجة البعد عن ديننا و فهمة
وفى الاخر عايزة اقول : حاول تغير الغلط بلباقة وبأسلوب حلو عشان تنجح
ولو فشلت .. متيأسش .. حاول تاني ورابع وعاشر لحد ماتموت افضل حاول وربنا مش هيستغني عن حد عمل حاجة عشانه
واسفه جدا جدا على الاطاله

[محمد الشريف]

أخى العزيز / محمد سعد

يقول الله تعالى :

" .. إن الله لايغير مابقوم حتى يغيروا مابأنفسهم وإذا أراد

الله بقومٍ سوءً فلا مرد له ومالهم من دونه من والٍ"

فلقد خلقنا الله على الفطرة السليمة وجعل لنا الصراط

المستقيم منهجا نلتزم به ولا نحيد عنه ، وأمرنا بالاستقامة

ووضح لنا طريق الهدى والرشاد ووضع لنا الدستور

الأبدى فى حياتنا الدنيا " القرآن الكريم " الذى لم يفرط فيه

رب العزة من شىء ، وسنة نبينا الكريم صلى الله عليه

وسلم وأنعم علينا بتعمة العقل الذى ميزنا عن سائر

المخلوقات فمن يحيد بعد ذلك فلا يلمن إلا نفسه

ولما كان الدين النصيحة وينبغى عدم التقاعس عنها

إلا أنها ينبغى التدخل بالنصيحة فيما يرجى منه

ولا يأتى لنا من وراءها ما يعكر صفونا ويكدر حياتنا

ولا يرجى منها نفع لنوعيات من البشر سيطرت عليهم

سوءات أفعالهم وعميت بصائرهم ووضعوا أنفسهم فى

واد سحيق من الذنوب والآثام ولكن علينا وهذا أضعف

الإيمان أن ندعوالله لهم بالهدى والرشاد وأن يجنبنا

أذاهم وشرورهم

وعملا بحديث رسول الله صلى الله عليه وسلم

"من رأي منكم منكراً فيغيره بيده ..

فإن لم يستطع فبلسانه ..

فإن لم يستطع فبقلبه"

مع أطيب التحايا