مضمار الشهامه

[nooody]

أصدرت صرخه قويه وصلت الى عنان السماء تستنجد بمن حولها

بعد أن اعترض طريقها أحد الشباب , وكانت الصاعقه الكبرى

عندما وجدت كل من حولها من رجال ونساء يهربون دون أن

يلقوا بالا بما يحدث وكأنهم أفواجا من النمل تأوى الى جحورها

خوفا من زخات المطر .



وهذا المشهد وغيرة ما جعلنى أعقد المقارنات بينه وبين قصه تلك

المرأة المسلمه التى ذهبت الى أسواق يهود بنى قينقاع وقام واحد

من اليهود بربط طرف ثوبها فى أعلاة دون أن تشعر وعندما

قامت انكشفت عورتها فصرحت فقام المسلم الى اليهودى

فقتله .


فالفرق يبدو واضحا وضوح الشمس بين المشهدين ولا تفسير لهذا

الفرق سوى أن مضمار الشهامه أصبح خاليا من المتسابقين

فقد تطرق الى اذنى الان قول رسول الله صلى الله عليه وسلم

( المؤمن للمؤمن كالبنيان المرصوص يشد على بعضه ) .

أين نحن من هذا الحديث ؟!!!

أصبح معظمنا ان لم يكن جميعنا يأخذ بمبدأ

( لا أرى .... لاأسمع .... لاأتكلم )

لم نعد كالبنيان المرصوص كما قال رسولنا الكريم , مجتمعنا

أصبح بلا شك يعانى من خلل واضح , لم يعد ذلك البناء

الذى تترابط اجزاءة لتكون فى النهايه بناء قوى متماسك

نغض الطرف عن الكثير والكثير .


فنرى السارق يسرق فى وضح النهار وهنا تظهر المقوله الشهيرة

( وأنا مالى , هو انا اللى هصلح الكون )


وجرائم التحرش سواء بالقول أو بالفعل أو بالنظر نراها أيضا

ونغض الطرف هذا ليس كل شىء , بل ونلقى اللوم على الفتاة

وحجه البعض فى ذلك ملابس الفتاة وانها السبب الرئيسى وراء

ظهور هذة الجرائم ( عذر أقبح من ذنب )


هذة الحجه وغيرها فى رأيى لاتصلح لان تكون مبررا لهذة الافعال


فلو لاحظنا معا ان ملابس المرأة المصريه فى السبعينيات كانت

أكثر عريا مما هى عليه الان ورغم ذلك لم تظهر مثل هذة

الجرائم ؟!!!!

اذا فأن هناك حقا خلل ليس فقط فى بناء المجتمع ولكن الخلل

امتد ليضرب روح الامه

فلو تجاهلنا هذة الافعال بالسكوت فهذا يزيد من الظاهرة لانه

لن يجد من يردعها

وعلى الجانب الاخر اذا حاولت الفتاة أن تدافع عن نفسها ضد

هذة الجرائم يلقى باللوم عليها !!!!




وها هو مضمار الشهامه مازال خاليا ....... والجميع فقط مشاهدين

[marwoo]

عندك حق فعلا الموضوع بقى صعب

والكل بقى يقول وانا مالى

الكل بقى بيفكر فى مصلحته وبس محدش بقى بيخاف على حد لاقريب ولا غريب

بس تعرفى انا فرايي السبب هو وضع البلد عامة

اه كانو زمان لبسهم كله عرى

بس كانت ظروفهم احسن مننا شويه

فى الشغل والجواز وكده

الحجات دى بتاثر كتير على الشباب وهى اللى بتخليهم يعملوا كده

لان لو كل واحد لقى فرصته ولقى فقدرته الزواج مش حيتصرف كده

اعتقد ده السبب الرايسى

اما بقى كلمة وانا مالى دى

فدى سببها اللا مبالاه

لان كل واحد دلوقتى مش فاضى غير لمصلحته هو بس مش بيبص او يشغل باله لغيره

ربنا معانا بجد ويهدينا ويرضى عنا ويبعد عننا الظلم والالم

[** MiSs EgYpT **]

عدم المبالاه
للاسف هذه السمه اصبحت صفه يتحلى بها الكثيرون
كل لايهتم سوى بنفسه وبمصلحته فقط
وللاسف الدوله العظيمه هى من اعطته هذا الشعور
وجعلته يكبر ويكبر داخله
يعنى كلمة وانا مالى دى لما بيقولها الشاب
لانه بيكون عارف شو هيحصله لو مقالش انا مالى وكان ايجابى
زمان كان اللبس اكتر من هيك
بس فى المقابل كان هناك حجات تانيه
اسمها القيم والاخلاقيات والمبادئ
وطبعا هالاشياء تم اختفاءها هذه الايام
وهى سبب كل المأسى التى نحن فيها الان

ندعو الله الا تطول هذه الغيمه
وان ينقذنا مما نحن فيه

دمت كالياسمين اختى

همس

[nooody]

المشاركة الأصلية كتبت بواسطة marwoo ~

عندك حق فعلا الموضوع بقى صعب

والكل بقى يقول وانا مالى

الكل بقى بيفكر فى مصلحته وبس محدش بقى بيخاف على حد لاقريب ولا غريب

بس تعرفى انا فرايي السبب هو وضع البلد عامة

اه كانو زمان لبسهم كله عرى

بس كانت ظروفهم احسن مننا شويه

فى الشغل والجواز وكده

الحجات دى بتاثر كتير على الشباب وهى اللى بتخليهم يعملوا كده


بس معلش مع احترامى لرأيك دة مش مبرر

انهم يعملوا كدة , امال دينا فين بقى

السبب دة وغيرة اللى هيخلى المشكله تزيد

قال رسول الله صلى الله عليه وسلم

( يا معشر الشباب من استطاع منكم الباءة

فليتزوج فأن أغض للبصر وأحصن للفرج

ومن لم يستطع فعليه بالصوم فأنه له وجاء)

دينا بيقول كدة بس للاسف احنا اللى

بنستسهل ونقول اصل ... وفصل

لان لو كل واحد لقى فرصته ولقى فقدرته الزواج مش حيتصرف كده

اعتقد ده السبب الرايسى

اما بقى كلمة وانا مالى دى

فدى سببها اللا مبالاه

لان كل واحد دلوقتى مش فاضى غير لمصلحته هو بس مش بيبص او يشغل باله لغيره

ربنا معانا بجد ويهدينا ويرضى عنا ويبعد عننا الظلم والالم






أشكرك على مرورك

[SiLver Spectra]

ببساطه السبب هو حب النفس

و الاهتمام فقط بالمصلحة الشخصية

ماحدش بيعطي اهتمام للمصلحة العامة

يرمي كيس الزبالة في الضندوق مثلا...

لأ المهم بيته يكون نضيف مش مهم الدنيا

فتلاقي راجل نزل يضرب ست في الشارع على كوبري 6 أكتوبر و السيارات واقفة من الازدحام و الكل قاعد في عربيته بيتفرج!!

مشهد عجيب غريب

و دا بيساعد في انتشار الجريمة أكثر

و الله ما حدش هيقولي انت فين غير صاحب الشأن


لو نظرتي لواقعنا و الحاله الاقتصادية و الثقافية الي احنا فيها هتلاحظي ان المشكلة في فكر و عادات و تكاسل مجتمعنا

و على أد ما بتشتغل و بتفكر ربنا بيديلك

شكرا على موضوعك القيم يا هند

بالتوفيق......

[صافي]

بصي يانودي الحاجات دي بقت بتحصل كتير اوي
في الشوارع واقل حاجه المعكسات
وطبعا دي بقت عادي جددددددا زي الاكل والشرب
ومتهيئلي دي حاجه راجعه للتربيه
والله اول امبارح كنت معزومه في عيد ميلاد وفي راجل كان معاه ابنه صغير
وكان ماسك بنت صغيرة وبيبوسها
والاب فرحان اوي بابنه وبيقوله هيبقي ليك مستقبل باهر
طبعا ده طفل مش فاهم
بس فين الترييه من وهو صغير ده صح وده غلط مهو كده هيكبر ويعاكس في بنات الناس وهو عارف انه مش هيبقي ليه عقاب
وعندنا فلسطين والي بيحصل لاخوتنا فيه محدش بيتحرك ولا حد بيتكلم
نفسنا نقول واة معتصماه وتتسمع
حاجه تضايق يانودي وتحرق الدم
جزاكي الله خيرا
اختك

[حنـــــون]

موضوع رائع ياهند

الاخلاق والقيم دلوقتى بئينا بنلاقى لها مبررات

لانعدمها يقولك الحاله الاقتصاديه هى الى خلت الشباب

تنعدم اخلاقها ويقولك طب هيعملوا ايه مع ان زمان بردوا كانت

الازمه الاقتصاديه موجوده وبردوا كانت الاخلاق موجوده

بس احنا الى تساهلنا فى كل حاجه لحد ما وصل الموضوع ان

بئت بتحصل المصايب دى قدام الناس والناس تقولك وانا مالى

مش عارفه ايه الى حصل وليه بئينا كده

ربنا يهدى الجميع ونحاول نرجع اخلاقنا دى ومبدئنا

بحيكى جدااااااااااا على الموضوع الاكثر من رائع

تحياااااااااااتى اختك حنون

[noona]

احنا وصلنا لزمن بتنعدم فيه الغيرة والحمية على ديننا وحياتنا بالمثل والقيم والاخلاق

وللاسف النشأة والتربية وطبيعة البيئة وتطورها خلق اثار ونتائج مجتمعية سلبية بتزيد مع الايام

بيولد مع توارد الاجيال الاحساس بعدم المسئولية واللامبالاة

واللى بتظهر فى مواقف وصور ذى اللى حكتيها دى

مهم جدا اننا نربى المثل والاخلاق والمبادئ جوة اولادنا والاجيال الجديدة ...

والغيرة والحمية على دينهم ..

مع ان الموضوع مش سهل بسبب التأثير القوى للبيئة المحيطة ..

لكن ميمنعش اننا نبتدى بنفسنا ونجتهد

""

موضوع رائع وجميل يا نودى

تسلم الايادى على طرحك المميز

خالص تقديرى ،،،

[K A S E M]

والله يا هند مش عارف اقولك ايه
الناس كل مالها ا بتبعد عن ربنا وبالتالى بيغيب الضمير وبتغيب معاه حاجات تانيه كتير
كل شويه بنبعد عن الخط المستقيم اللى وضحهولنا ربنا وكانت عليه سنة حبيبه
(بل كثر ولاكن كغثاء السيل!!!!!)
مش بس فى تكالب الامم علينا على فكره
يعنى لما تحصل حاجات معدومة الاخلاق فى الشارع وكل واحد يقول انا مالى يعنى انا اللى هصلح الكون
نقول صدق رسول الله صلى الله عليه وسلم
بس تفتكرى هنفضل كده؟ ولامتى؟!!!!!
موضوع جميل اوى يا هند ومهم
اتعودنا منك على المواضيع الجميله المميزه
منتحرمش من مسك قلمك ابدا يارب
تحياتى,,,
اخوكى

[ARAGON]

انتي جيتي على الجرح يا نووودي،،
فعلا في الحياة بنلاقي معظم الناس تقول وانا مالي،،
انا هلاقيها منين ولا منين،،
دا كان حال ناس كتيرة جداً،،
ومعظمهم من أقاربي،،
نيجي بقى للأمثلة،،

تلاقي فيه ناس بتقع،، مفيش حد بيمسك ايديها،
كل بيدور على حاله،، وبس،،
انا قابلني ناس كتير بنفس الوضع ده،،
استغلال وحب ذات،، ومصالح عايزين ياخدوها منك،، وبس،،
انا بصراحة اتبعت نفس اسلوبهم بس معاهم هم،،
وكرهتهم في عيشتهم اللي هما عايشينها،،
بس هما لغاية دلوقتي،،
مش عارفين انهم غلط،،
ومفكرين اني اتغيرت للأسوأ،،
بس انا ما اتغيرتش ،،
انا بخليهم يقيموا نفسهم من خلالي،،
يمكن اقدر اوصلهم الرسالة،،
لما تلاقي معاملة أيا كانت من أي شخص،،
لازم تعمليه نفس معاملته،، عشان يقدر غلطه،
خاصة لو كانت حاجة تخنق،،
ثانياً في موضوعنا،،
الأمثلة كتيرة،، بنشوفها دولية وداخلية،، وفي بيوتنا،،
بصراحة الموضوع،، أساسه انانية كبيرة في مجتمعاتنا،،
الأنانية دي للأسف اساس انهيارنا،،
وللاسف،، حياتنا لا تقبل القسمة على اثنين،،
هم حب الذات أو حب الآخرين
في معظم الأحيان،،
شكرا على الموضوع الجميل،،
خالص أمنياتي،،