جارتنا في مشكله عاوزه ارائكم

[المثقفه]

السلام عليكم ورحمة الله وبركاته
ازيكم ياحلى اعضاء المهم انا عندي موضوع مهم انا لي جاره يعني الله يعطيها الذريه الصالحه ما بتخلفش عقيم والدكاتره كلهم قالو انها مش هاتخلف ابدا لعيب خلقي الله يعوضها خير المهم جوزها اتجوز عليها مره وطلق مراته الجديده لعد 4 سنين بس ما خلفش منها وهي جارتنا يعني صبرت معاه وشافت الهم كله المهم هو عاوز يتجوز تاني وهي بصراحه تعبانه والكل بيقولها اتطلقي منه حتى اهلها لان جوزها عصبي جدا وقاسي معاها فهل فعلا تطلق منه ولا لا لانو مش بيعدل بين زوجاته وبييجي عليها وبيظلمها كتير ويرميها عد اهلها بالشهور وكل ما يكلمها يقولها انتي رضيتي تحملي و اهله بعاملوها معامله سيئه وبيحاولو يطفشوها يعني من كل النواحي يعني لوطلبت الطلاق تصرفها صح ولاغلط ياريت تفيدونا الله يجزاكم خير

[اسمعلاويه من ارض الفيروز]

لا اله الا الله
طبعا تطلبو
وايه السبب الي يخليها تستنى معاه

ده حتى يعنى مافيش عيال تربطها
بيه عشان نقول عشان خاطر العيال

وهو واهله معاملتهم سيئه ليها
يبقى مفيش حاجه تخليها تقعد معاه
وربنا يكرمها بواحد يتقى الله فيها

والله اعلم
يمكن ربنا كتبلها تبقى ام مع واحد تانى محترم ويحترمها

واكيد ربنا مش كاتبلها اولاد مع شخص زى ده
لانه مش بيعاملها كويس

وربنا بيقول
وجعلنا بينكم موده ورحمه
طب فين الموده والرحمه الي بينهم الي قال عليهم ربنا

فا اكيد طلبها صح
ومش محتاج سؤال

وربنا يكرمها يااارب بللى احسن منه
وتجيب اولاد وبنات كمان

عارفه جارنا طلق مراته طبعا عندو عيال
بس كان شويه خلافات

المهم
اتجوز وحده اطلقت عشان مش بتخلف

ودلوقت ماشاء الله معاها ولدين منه زييي القمر ماشاء الله عليهم
عسل خالص

فسبحان الله مفيش حاجه بعيد على ربنا
ربنا كتبلها الخلفه مع شخص اتقى ربنا فيها

معلش طولت عليكى
وابقى طمنينا على جارتك وربنا معاها ان شا ءالله

تحياتى

[sokara]

هو ابغض الحلال ولكن
هى اللى لازم تاخد القرار ممكن تكون بتحبة ومش هتقدر تستغنى عنه
لكن لو معاملته خلتها مش تحبه يبقا الانفصال افضل
وربنا يوفقها للقرار الصالح لها يارب
تقبلى مرورى وراى المتواضع

[اسمعلاويه من ارض الفيروز]

والله منا عارفه واحد بالصفات دى
يتحب على ايه

ربنا يكرمها باحسن منه
ده لا يطاق لا هو ولا اهله خاالص

[محمد الشريف]

المثقفة

عندما يكرم الإنسان من خالقه وعندما تختل موازين العدل من البشر فيما بينهم

فلا أقل من ينأى هذا الإنسان عن مصدر الخلل والأذى والتجريح والإهانات

وافساد الشعور الطيب الذى فطرنا الله عليه .

وعلى تلك الزوجة التى لم يشاء الله لها بالإنجاب أن تتخلص من هذا الزوج

الذى لم يسلم بإرادة الله ويحاول اقتحام الصخور مستعينا فى ذلك بأذى شعور

الزوجة التى لم ترتكب ذنبا أو جرما فى حقه .فسبحان الله يهب من يشاء.

وأنا أؤيد وفورا وبلا أدنى تردد أن تتخلص من هذا الزوج بالطرق الشرعية والقانونية

وكفى ما تعرضت له من قبل وكفى قسوته وغلظته معها وكفى انعدام وجود قدوة

من أهله لكى يردوا عنها الظلم بل هم يؤازروه ويؤيدوه فى ظلمه لها .

لابد وعلى الفور أن تتخذ قرارها بالطلاق منه فسلوكيات هذا الزوج

البغيضة صار المنهج ولن يتغير مهما طال به الزمان

ولاحول ولا قوة إلا بالله

[غرفة الإعدام]

بسم الله الرحمن الرحيم

أختى المثقفة

والله هذه المشكلة كبيرة للغاية ونقول لها ان تصبر وتتحمل وأن تبتعد عن الطلاق
لاننا والله فى مجتمع شرقى ينظر نظرة سيئة للمطلقة ومسؤل عنها المجتمع كله
وفى هذه الأيام كل الناس عصبية أكيد يامثقفة حضرتك عصبية وأنا عصبى ولابد
أن نستحمل بعضنا البعض لانه لو أى مشكلة فى العصبية تنتهى بالطلاق لطلقت كل نساء المسلمين فعليكى أن تصبريها وأن تصبر وتتحمل إلا أن تكرهه فى هذه اللحظة لايمكن الكلام
وتصمت الأقلام
ونعمل بالمثل الذى يقول
اصبر فبعد العسر تيسير وكل أمرا له وقت وتدبير
وتحياتى لكى ولمواضيعك الشيقة

[!شيمو!]

عايزه اقولك انه لو مالهاش نصيب تكمل معاه

هتتطلق منه لسبب تافه جدا ولو شقيانه

ومتعذبه حالا انها تتطلب الطلاق وربنا يصبرها

ويرزقها خيرا منه .

ربنا يعز الاسلام والمسلمين.........shemo

[حفيدالفراعنة]

لو مافيش اى مقبول من احد الطرفين

بيقا الحل الامثل فى هذه الحاه الطلاق

لاغنى عنه

ولكن القرار الاخير لهذه الزوجه

هى لوحدها الى يحق لها اى تصرف لان دى حياتها

ربنا يكون فى العون

[أمة الله]

بسم الله الرحمن الرحيم

المشكله دى هى بس اللى تقدر تحلها لانها اكتر واحده تعرف ظروفها

بس انا شايفه ان الطلاق افضل من الاهانه طالما هو مش حاسس بيها اصلا

وعلى العموم هى اكتر واحده تقدر تقرر الطلاق او لا

[منال ابوالوفا]

اه طبعا تطلب الطلاق مدامت هو بيعاملها مش كويس
تحيااااااااااااااتي