حمار خنفساء ذبابة!!

[yasmine refat]

كلي يقين أني كالحمار

صامته جدا مهضموما حقها

كلي يقين أني كالخنفساء

ملونه نعم لامعنى لها ممكن

كلي يقين أني كالذبابه

أدور في أمكان تجمع القاذورات

***************
*******

وبالتأكيد يقيني التام هو أني لا أشبه أية مخلوق

موجودة فقط لأكون موجودة

واقع أمنت به وغصبت عليه

فالشارع شارع والشجرة شجره

ولا يمكن للشارع أن يكون شجره

فجميع هذه الأمور لابد أن تكون كما هي!!


أقفلت عقلي وجعلته معتما

بحثا عن ماتدعو له الفطرة في أعتقادي دون النظر حولي

عقل قبل بالظلم وفضل الصمت بحثا عن راحة البال

فهل هي حقيقة أم مجرد دليل على أني فعلا كالحمار!!

وأن كان فياريتني كنت فعلى الأقل لديه عذره

أنه حمااااااااااااااااااااار

صامتة هادئة صورة لا أكثر

كصورة رسمت بألوان رخيصة على ورق رخيص

لأثبت بذلك أني كالخنفساء

أبني ظاهريا وأترك داخليا

فحتى الدين أصبح مجرد أنتماء للمكان

وأن كان فياريتني كنت فعلى الأقل لديها عذرها

أنها خنفسااااااااااااااء

وبالطبع أنا بدون شك كالذبابه

فإذا قبلت بما سبق فبالتأكيد أنا أحيى على القذارة

وأعيد قولي لو كان لوددت فلديها عذرها

أنها ذباااااااااابة

**************
*******

وخلاصة أكتشفت بأني أقل منهم جميعا

فالعذر لديهم وأنا لدي الفعل مع أنعدام عذره

فلا تلقو علي أسمائهم ولو سبا

فهم أرقى من أن تمسهم سيرتي وأسمي

ولو كان السبب مدحا

[SiLver Spectra]

مين قالك يا ياسمين إنك مش واحده منهم
هههههههههههههههههههههههههههههههههه


انتي ياسمين (القلب الطيب)

شوفي..

كلنا كائنات حية

حتة العقل الي ربنا غرزه في البشر هو الي خلانا متحكمين و لنا النفوذ في الارض

لكن دا مش معناه إننا نحقر من باقي الكائنات

لأن لكل كائن مميزات غير العقلية


موضوع خفيف و رائع يا ياسمين

يمكن تكون ليه عودة

بس لو شديتي حيلك و عصبيني
هههههههههههه

بالتوفيق....

[هيا*HYA*]

ههههههههههههههههههه
موضوع رائع يا يا ياسمينا
جميل جداااااا وظريف جدااااااا
فعلا مينفعش نستخف بالكائنات الاخرى ونعتبر اسمائهم سب
لانهم ارقى مننا.. على الاقل لديهم عزر بما يفعلوة وهو انهم خلقوا بلا عقل
ولكن احنا اللى زينا الله بالعقل على سائر المخلوقات لا نفعل شىء
ونخطأ اخطاء تسىء لعقولنا وقدراتنا البشريه
يعنى المفروض اللى يسب احد يقوله يا انسان
بعدما كانت كلمه انسان كلمه مشتق منها الانسانيه والكرامه والعطف وجميع الصفات الحسنه
اصبح انسان اليوم لا يمت للانسانيه بأى صله
فشكرا على الابداع يا قلب يا طيب
ربنا يزيدك

[doiss]

ازيك يا ياسمين
يارب بخير دايما ,,
7
لية الندم دة !
عموما الموضوع راي فية انة ما دام خطة قلم يبقي لأنسان ortugal-flag:
لأن مفيش حد من الثلاثة امثلة دول بيعرف اسمة او اسم التاني !
وتناول الفكرة من وجهة نظري هو تأنيب للضمير غالبا بيحدث في حالة الاخطاء المتعمدة ,
بمعني ,,
لو الانسان مخطيء وشايف انة مش مخطيء عمرة ما بيتشبة بشيء اخر ايا كان كنيتة ,,
لكن دايما اللي بيحصل هو لما يبقي شايف خطأة بتكون ردة فعلة كفكرة الموضوع ,
ودة في حد ذاتة شيء جميل , لأنة بيخلي الانسان يتأكد ان لسة عندة صوت ضمير بيخاطبة ,
فية حاجة بتقول ههههههه طبعا عارف هتقولي اية هههههه
فية حاجة بتقول (( عيني تشوف ضميري يصحي ))
ودة طبعا مش المقصود بية الغفلة او التلاهي ,
بس هو دايما السؤال اللي المفروض بيتطرح ,
اديك شوفت هتعمل او هتعملي اية ؟
( القرار ortugal-flag: )
7
بالتوفيق يا ياسمين موضوع رائع وفكرتة جميلة ,,

[صافي]

ههههههههه

صلي علي النبي ياياسمينه مالك متشائمه كده ليه

انا مش معاكي في النقطه
وخلاصة أكتشفت بأني أقل منهم جميعا
لا طبعا الانسان مهما عمل ارقي المخلوقات
بتيجي فترات حزن كتير بس احسن من غيرنا والله
عجباني اوي صورة الحمار


علي فكرة الحمار ده ذكي جدددا مش عارفه ليه اسمه حمار

بكلم بجد والله ههههههه

بلتوفيق ياياسمينه

[nooody]

انا انسان ربنا كرمنى بالعقل

وميزنى عن باقى المخلوقات

بسم الله الرحمن الرحيم

(إنا عرضنا الأمانة على السماوات والأرض والجبال فأبين أن يحملنها وأشفقن منها وحملها الإنسان إنه كان ظلوما جهولا )

صدق الله العظيم


يبقى احنا ربنا حملنا مسؤليه لازم نكون قدها

مش ادانا العقل عشان نركنه على جنب

( كالحمار يحمل أسفارا)

طيب دى حيوانات لاتعقل مش تقدر تميز بين الصح والغلط

لكن احنا عقلنا موجود الحمد لله

اذا كنا احنا بقى مش بنستخدمه فى دى حاجه تانيه

موضوع جميل يا ياسمين

تقديرى

[yasmine refat]

المشاركة الأصلية كتبت بواسطة SiLver Spectra ~

مين قالك يا ياسمين إنك مش واحده منهم
هههههههههههههههههههههههههههههههههه

ياراجل,,,

مش أحسن برضوا من أني أكون بتفرج وبفكر ولا بتحرك

وبعدين لي عذري:038:

ياسمين حماره ده حتى الأسم موسيقي:cv31:

فاكر ياطارق في موضوعك الأخير كتبت أيه هههههههه

سيم سيم يعني:cv20:

انتي ياسمين (القلب الطيب)

شوفي..

كلنا كائنات حية

حتة العقل الي ربنا غرزه في البشر هو الي خلانا متحكمين و لنا النفوذ في الارض

لكن دا مش معناه إننا نحقر من باقي الكائنات

لأن لكل كائن مميزات غير العقلية

شوفت أندفاعك حتى الموضوع مفهمتوش:038:

الموضوع والله مش عن حقوق الحيوان

كنت بتقول أيه:vb25:

موضوع خفيف و رائع يا ياسمين

يمكن تكون ليه عودة

بس لو شديتي حيلك و عصبيني
هههههههههههه

ولك ذلك:522:

بالتوفيق....

شوفي الآيه دي,,

‏{‏يا أيها النبي قل لأزواجك وبناتك ونساء المؤمنين يدنين عليهن من جلابيبهن ذلك أدنى أن يعرفن فلا يؤذين‏}

طيب كنت بتقول أيه ((تغطية الوجه فضل))

((والتغطية فيها أخفاء هوية))

نجي بقى منطقيا حسب الأيه‏

أزاي النساء مش هيعرفن بالتالي مش هيؤذين وهم كشفين وجوهم

إذا كان أخفاء الهوية وعدم معرفة الشخص ((بتغطية الوجه))

والكشف عن الهوية بكشف الوجه

فزاي هتكون كشفه وغير معروفه لو كان المقصود في الأيه الحجاب لا يشمل الوجه

والكشف بيعرف عن الشخص !!!

وعن الحج جبت دليل في الموضوع بس مدتوش أهميه:cv31:

وياطارق الغلط حاصل بسبب مسبب خطأ ((الأختلاط))

فمينفعش نفرض حاجه مسببها خطأ

وماعلينا الواقع حصل برضوا النقاب مش مسبب أكتر من أنو وسيله تستخدم بسهوله بسبب الفساد

يعني الحرامي الي دخل العماره فين الأمن!!

مش المفروض يتأكد من هوية الداخل

طب بلاش,,

أحنا شعب ((عاطفي)) أزاي أشوف ست ومنقبه ووقفها ندخلها نكسب ثواب هههه((لنفترض يعني))

يعني بالخلاصه بندخل العاطفه في العمل ((ماينفعش))

شوف ياطارق ((تحضر+نظام)) مطلوب أساسي

و في بدائل في بس مش كده ((ده أستعباد))

وبعدين في كرسي الأعتراف تقولي قرني

ياطارق الدين مثالي ومحدش ينكر كده العيب في القائمين على النظام زي أي نظام تاني

شوف العصور الوسطى ((كان في اكره للعلم)) بسبب خوف رجال الدين من فقد سيطرتهم والناس تبعد عنهم

يعني دخل الفساد في الموضوع

وبس كفايه بلاش نطول:669:

مش قصدي حاجه من الرد إلا أني أعصبك:juvefan2:
:242::242::242::242:

جون ولا:202:

متردش على الكلام خليك في الموضوع ((مش عايزه الموضوع يخرب)) هههههههه:ju6:

أدخل على رحتك

باااااااااااااااالتوفيق

[لوليتا المصريه]

انا خلقت كى اكون انا

ربنا سبحانه وتعالى ميز الانسان عن غيره من المخلوقات

لما يجى الانسان ومايقدرش النعمه اللى هو فيها

يبقى هو اللى بينزل من نفسه للمخلوقات اللى ربنا ميزنا عنها

وبما انى مميز عن غيرى من المخلوقات

اذن

فانا مسؤل عن ما يصدر منى من افعال

بخلاف اى كائن اخر

الحمد لله رب العالمين على نعمه العقل

موضوع بجد جاااااااامد يا سمسم

دمه خفيف ووصلتى فكرتك بيها صح

دوام التميز والتقدم والابداع يا قمر

اختك

[SiLver Spectra]

دا إنتي هتتقطعي يا ياسمين النهارده
:Sh_067:

اقتباس الموضوع والله مش عن حقوق الحيوان

الموضوع مش عن حقوق الحيوان

أمال عن النقاب!!!



أنا عارف إنهم كلمتين كانوا محشورين في زورك و جايه تطلعيهم

اقتباس {‏يا أيها النبي قل لأزواجك وبناتك ونساء المؤمنين يدنين عليهن من جلابيبهن ذلك أدنى أن يعرفن فلا يؤذين‏}

ياريت يا ياسمين تطلعي على سبب نزول الآية

اولا : كلمة (أدنى أن يعرفن) محل خلاف من المقصد منها

زي (إلا ما ظهر منها)

ثانيا و من الأحاديث الي قيلت عن سبب نزول الآيه و هي إن المدينة كان فيها السكارى و الرجال الي بيغازلوا

فأمرهم الله عند الخروج لقضاء حاجتهم أن يلبسن الجلباب

بلفظ التفسير (حتى تعرف الأمة من الحرة)


و لازم تدركي و تميزي بين قضاء الحاجه و العمل

المرأه في السابق ماكنش ليها مكان غير البيت

مجتمع البادية البسيط


خروجها بسيط جدا (لقضاء الحاجه) أو لزيارة الأهل مره في الاسبوع مثلا


لكن مش بتعمل في مؤسسات و وظائف و بتنزل تشتري من الاسواق و المحلات و بتسوق السيارات و بتشتغل في محلات و بتشحت في الشوارع

لو مافيش في دماغك المفارقة الزمكانية يبقى آسف انتي دخلتي دائرة اللا منطق


111 حالة جنائية مثبته حصلت في مصر تحت زي النقاب

77 واحده منها كانت بفعل راجل متخفي بالنقاب

غير الجنائية

زمان ماكنش في حاجه اسمها بطاقة مدنية

دلوقتي بقى في بطاقة مدنية و هوية مطلوب كشفها

لو واحد مربي دقنه و رايح يطلع بطاقة مدنية بيطلبوا منه يحلق الدقن

ليس لأمور دينية...و لكنها لكشف كنيته الحقيقية

الدقن قد تخفي الملامح في الصورة

و برضو في الجيش بيطلب منك قص شعرك

عشان تكون ملامحك في التسجيل لايوجد عليها اي شائبه

(مش موضوع حرية شخصية)

كونك مصره تمشي نص المجتمع و هو متخفي فدا رايك

أنا الي شايفه إنها تظهر وجهها عشان نعرف هويتها و شخصيتها

مش هذكرلك أمثله أكثر من الي ذكرتها سابقا


ما حاولتيش تفكري كدا يا ياسمين ليه ربنا ما ذكرش بشكل صريح و قاطع عن تنقيب المرأه؟

ليه ربنا سابها بدون توضيح حاسم؟

سألتي نفسك السؤال دا قبل كدا؟

يعني الثوابت في الدين واضحه جدا و صريحه و مذكوره بأدق تفاصيلها



طيب ليه نزلت الآيه الي ذكرتيها

و في نفس الوقت كان لبس الإحرام للمرأه يكشف فيه وجه المرأه!!

طبعا دا مش دليل قاطع الي ذكرتيه

انهم كانوا بيغطوا وجوهم لما قافلة تعدي عليهم

لأن تغطية الوجه في اي مجتمع بدوي بيكون هو الطبيعي

بدو سينا عندنا ما بيغطوا وجوهمم

هل بيغطوه دينيا؟

و لا نوع من العادة

بيبقى تاجر مخدرات و مراته منحرفة لكن متنقبه



لكن اقرئي عن احرام المرأه و شوفي فيها تغطية الوجه

لو لاقيتيها بلغيني


نرجع للسؤال

ليه ربنا ما قالش بشكل حازم للمرأه (تنقبي)


أنا براي الشخصي عشان مش تقولي انت بتفسر و انت مين انت (الي هي اللغة السائدة في مجتمعنا)

إجابتي : عشان الدين مرن

حسب الظروف و حسب الأحوال


أحيانا بنزل قانون في قسم معين و بسيب نقطه مبهمة (مطاطية)

يعني بقول مثلا يفضل أن يكون الموضوع مطروح لأول مره في قسم الابداعات


مش بخليه شرط الزامي

يجب

بقول يفضل

لأن أحيانا بيجي عضو جديد بيكتب كويس

بيطرح الموضوع بتاعه الي بيكون ناشره سابقا في منتديات أخرى

انت ما بتعرفش إن الموضوع بتاعه

بتتعامل معاه على انه منقول

بيبدا يكلمك و يديلك الأدلة على إنه بتاعه و بعدها بتستثنيه

يبقى هنا المرونه في التعامل حسب الحالة


إنت دينك مرن

و دي نعمة من ربك

بتقدري تخليه معاصر بدون ما تتنازلي عن المبادئ

القرضاوي - محمد الغزالي - محمد عبده - الشعراوي و غيرهم...

دول مش علماء دين معاصرين


يعني انت معاك الأدلة و معاك علماء و معاك الدين و وقائع

ايه الي مضايقك لما أطلب كشف الهوية كنوع من النظام

ليه تنشيف الدماغ و ربطها بظواهر لاعلاقة لها بالموضوع (مني جيب و بادي و حرية شخصية!!)



بدون النظر و التعمق في القضية الاساسية و هي التخفي و طمس الهوية و الإختلاط


-----------------

نيجي لموضوعك الي اتهمتيني فيه بعدم فهمه

مش عارف بصراحة ايه الي فيه عشان ما افهموش!!

الموضوع واضح و صريح

تأملتي الحمار ثم الخنفساء ثم الذبابة

و وجدتي في النهاية أن لكل له عذره

أما الإنسان فوصفتيه بأنه اقل منهم شأنا في حالة قبل الظلم دون حراك أو أصبح ظاهريا محدود الإنتماء دون تفكير أو أن قبل القاذورات و تعايش معها

لأن هذه المخلوقات لها العذر الذي يطيح منها المسؤولية و المحاسبة

كما ذكرتي في كلماتك الأخيرة

اقتباس وخلاصة أكتشفت بأني أقل منهم جميعا فالعذر لديهم وأنا لدي الفعل مع أنعدام عذره فلا تلقو علي أسمائهم ولو سبا فهم أرقى من أن تمسهم سيرتي وأسمي ولو كان السبب مدحا

و هنا كان ردي عليكي في إن الإنسان ميزته عن غيره في عقله

فبدون استخدام عقله فهو كالحيوانات الي ذكرتيها

(عايش عشان عايش)



طبعا ردي 80% منه خارج الموضوع بس انتي الي بدأتي

^_^

بالتوفيق....

[just (o]

السلام عليكم ورحمة الله وبركاته


بجد يا ياسمين الموضوع جميل جدا

عقل قبل بالظلم وفضل الصمت بحثا عن راحة البال

جمله مؤلمة جدا لانها واقعيه جدا عارفة يمكن كلنا تقريبا بلا استثناء قبلنا بالظلم سعيا لراحة البال

وبعضنا تجاهل الضمير في بعض المواقف جبنا وخوفا ويمكن حتى كلنا اصبحناالوان باهته بلا تاثير فعلي

اصبحنا كالحمار يحمل اسفارا ربما نحمل المبادئ والقيم او نتبنى القضايا او الافكار ولكننا لا نتصرف حيالها فقدنا القدرة على استيعابها وايجاد الحلول والتصرفات المناسبة لها

ثم كيفنا حياتنا لنصبح في المنطقة الرمادية من الحياة بدون ان نؤثر سلبا او ايجابا ايضا سعيا لراحة البال


موضوع رائع يا ياسمين شكرا جزيلا لك كان نفسي اشارك في باقي الحوار بس للاسف مش هاقدر

بالتوفيق