()( لو الدنيا لعبة سناك و أنت عمال تخسر.. لازم تغير المستوى ! )()

[حفيدالفراعنة]

	)()()()( لو الدنيا لعبة سناك و أنت عمال تخسر.. لازم تغير المستوى ! )()()()( أرجو المشاركة لو الدنيا لعبة سناك و أنت عمال تخسر.. لازم تغير المستوى ! لو الدنيا لعبةSNAKE .... وانت عمال تخسر على طول.. يبقى لازم تغير المستوى .. المشكلة الكبيرة للناس انها ممكن تكون بتخسر ومش قادرة تفهم ايه سبب الخسارة بالتالى ناس بتفضل متمسكة بالامل فى حاجات منتهية ... !!! تخيل انك عايش حياتك عادى وعمال تخسر وفجأة تظهر رسالة قدامك تقولك : " كفاية يا.." كابتن انت بقالك كتيربتخسر و أحسن حاجة غير المستوى اللى بتلعب فيه بجد تبقى حاجة جامدة , أصل المشكلة الكبيرة للناس انها ممكن تكون بتخسر ومش قادرة تفهم ايه سبب الخسارة بالتالى بتكمل لعب فى الدنيا وبتخسر برضه يبقى لازم يكون فيه مرشد ليك فى الدنيا يحذرك .. يعنى مثلا لعبة الثعبان بتاعة الموبايلات الـ نوكيا لما تفضل تخسر كتير.. تتوقف اللعبة عند كلمة " LEVEL " يعنى مستوى ، والمقصود انك لازم تغير المستوى عشان بقالك كتير بتخسر وهو ده اللى المفروض يحصل فى الدنيا.. يعنى مثلا : واحد هيموت على واحدة ومعجب بيها وهى منفضاله وعمال يحاول معاها مرة يقعد على باب المدرج لما يعرف انها هتحضر المحاضرة دى ويفضل مستنى يمكن لما تعدى وتدخل المدرج تبصله والبنت تيجى فعلا وتدخل المدرج ولا كأنها شافته والواد يفضل يحاول ويجرى وراها يدور على نمرة تليفونها أو رقم بيتها لغاية ما يعرفه و يروح البيت يستناها تحته يمكن تبص من البلكونة ، فتشوفه قاعد تحت البيت وبرضه مش بتعبره، وبين يوم والتانى البنت تمشى مع واحد تانى وهو برضه متعلق بأمل انها هترجعله هنا بقى لازم حد يوقفه عند حده ويقول بصوت عالى " فوق ياكابتن انت عمال تخسر بقالك كتير يا اما تغير المستوى اللى بتلعب عليه أو تغير اللعبة خالص يا اما تروح تقول للبنت بكل شجاعة انك بتحبها أو تنفض لها وتحب واحدة غيرها يا اما انك تفضل تخسر كده على طول فهى دى أكبر غلطة ممكن تغلطها . مش بس الحياة العاطفية للانسان هى اللى بتتحمل الغلط والخسارة فيه ناس بتفضل متمسكة بالامل فى حاجات منتهية لازم يغيروا كل حاجة حواليهم عشان يرجعوا للدنيا , * مثلا واحد بيشتغل شغلانة وأثبت بما لايدع مجالا للشك انه فاشل وجرب مرة واثنين وتلاتة وفشل طب ليه ما يغيرش اللعبة أو يغير المستوى اللى بيلعب فيه؟ أقولك ليه لانه مش عاوز يبان قدام نفسه انه بيخسر مع انه باين قدام الناس كلها بيخسر وهو من جواه عارف انه بيخسر يبقى الحل الوحيد فى الظروف دى ان اللعبة تقوله كفاية "Game over " يا كابتن غير المستوى اللى بتلعب فيه أو غير اللعبة وأكيد الدنيا هتظبط معاك وهتعمل " topscore" فى اللعبة..

[اميره الورد]

بجد يا حماده
يسلم كيبوردك

على الموضوع الجامد ده اقولك
سلفنى الكيبورد العبقرى ده
هههههههههههههه

بجد تسلم ايدك يا حماده وننتظر ابدعاتك القادمه

[(طائر الشرق)]

السلام عليكم

لا تعلم نفس ماذا تكسب غدا ولا بأآ ارض تموت

المهم انه كسب شرف المحاوله

بجد كلامك ممتاز لاكن فيه ناس تخاف تصحى من الحلم

تقبل مرورى

[حفيدالفراعنة]

اقتباس المشاركة الأصلية كتبت بواسطة اميره الورد بجد يا حماده يسلم كيبوردك على الموضوع الجامد ده اقولك سلفنى الكيبورد العبقرى ده هههههههههههههه بجد تسلم ايدك يا حماده وننتظر ابدعاتك القادمه

هههههههههههه

اتفضلى

شكرا يا اميره على المجامله اللطيفه دى

[حفيدالفراعنة]

اقتباس المشاركة الأصلية كتبت بواسطة غاوى مشاكل السلام عليكم لا تعلم نفس ماذا تكسب غدا ولا بأآ ارض تموت المهم انه كسب شرف المحاوله بجد كلامك ممتاز لاكن فيه ناس تخاف تصحى من الحلم تقبل مرورى

نعم اخى علينا ان نحاول اولا

ويكفينى ذالك فى الاخرررر

[حبرالقمر]

بعتذر لاني بختلف معاك في الراي لان انا لو بلعب لعبة سناك وبخصر اكيد حعد احاول لحد معدي اللعبه كلها ولو جالي جيم اوفر معناها من هنا البدايه ولودخلت فحاجه استحاله اتراجع عنها ابل مكملها
ومفيش حد بيفشل في حاجه ويحاول ويجتهد ويفضل فاشل فيها يمكن الجزء اللي انا بايدك فيه ان احنا نطلع السلم واحده واحده يعني من الاول بس منستسلمش ونسيب اللي بدانا ونبدا حاجه جديده اتمنى ان تكون وجهة نظري وصلت شكرا لك موضوع رائع تقبل مروري اختك حبرالقمر

[حفيدالفراعنة]

اقتباس المشاركة الأصلية كتبت بواسطة حبرالقمر بعتذر لاني بختلف معاك في الراي لان انا لو بلعب لعبة سناك وبخصر اكيد حعد احاول لحد معدي اللعبه كلها ولو جالي جيم اوفر معناها من هنا البدايه ولودخلت فحاجه استحاله اتراجع عنها ابل مكملها ومفيش حد بيفشل في حاجه ويحاول ويجتهد ويفضل فاشل فيها يمكن الجزء اللي انا بايدك فيه ان احنا نطلع السلم واحده واحده يعني من الاول بس منستسلمش ونسيب اللي بدانا ونبدا حاجه جديده اتمنى ان تكون وجهة نظري وصلت شكرا لك موضوع رائع تقبل مروري اختك حبرالقمر

لكل انسان وجه نظر وشكرا لحضرتك على طرح وجه نظرك
شكرا لحضرتك على المرور من هناااااااااا

[ابلة عطيات]

كلام روعة والله
بجد حاجة توحفة خالص
تسلم ايديك

[حفيدالفراعنة]

اقتباس المشاركة الأصلية كتبت بواسطة ابلة عطيات كلام روعة والله بجد حاجة توحفة خالص تسلم ايديك

الشكر لحضرتك على المرور الاروع