صباح الخير ( 12 ) و من أجلك انت ....

[** MiSs EgYpT **]

بسم الله

السبت

31 / 10 / 2009

من أجلك انت عزيزى العميل

لا لا قصدى عزيزى المواطن

طبعا انتو مو فاهمين حاجه

وبتقولو مالها همس
هى بتعمل اعلان ولا شو بالضبط ؟

ايوه اعلان

زى اعلانات شركات الموبايل لما تقولك عزيزى العميل

نحن فى خدمتك
وبعدها تدفعك دم قلبك فى الفاتوره

بس شعارنا ده مو اعلان لشركات الموبايل

ده يا احبائى شعار الحزب الوطنى الجديد

اه والله

من أجلك أنت

ونفسى اعرف انت دى عايده على مين بالضبط ؟

وايه الى من أجلهم ؟

فكرونى بأغنيه لليلى مراد من فيلم مع نجيب الريحانى

عشانك انت انكوى بالنار والقح جتتى
وادخل جهنم وانشوى واصرخ واقول يادهوتى

الحقيقه الدوله تذكرت فجأه مواطنيها

ومن اجل ذلك كان شعارها هذا

وكأن الحكايه مجرد شعار

بس انا عارفه ان مواطنيها هيكملو باقى الاغنيه

وهايقولو حاسس بمصيبه جايالى
يالطيف يالطيف
مصيبه مكنتش على بالى
يامخيف يامخيف

وطبعا لان الدوله مابتفتكر مواطنيها

الا مايكون فى مصيبه جايه

ومثل كل عام

كلما قربت الانتخابات
نرى الهتافات
واالوعود وخد وهات

انا هنا ومن منبرى هذا

اتساءل

لمن وضعو هذا الشعار ؟
وهل فعلا الحكومه تعمل لصالح المواطن المطحون
الى لو لم يلقى حتفه من قطار قصدى فى حادث
هينتحر لان اطفاله لايجدون الخبز

وبعد ذلك يقولو من أجلك انت ؟
طيب نفسى اشوف من اجلك انت دى ايها الموطن

خفضنا كحكومه مصروفاتنا
ولغينا رفاهياتنا
وقللنا مرتباتنا
وتوقفنا عن سرقاتنا
ولغينا جولاتنا

فى هذا الوقت سنقول لكم بالفعل عملتم من أجلنا

أما الان فعذرا ولا تضحكو على انفسكم

لن نقبلها منكم

والاجدر لكم تغيير سياساتكم

لاننا لانعلم من أجل مين دى بالضبط ؟

همس

وربنا يستر

عموما انا مش هنا:vb39:

[حفيدالفراعنة]

ههههههههه

يا لطيف اللطف يا رب

الضرر مرفوع

وانا مش من هناااااا برضو

[big bốss]

شكرا على مجهودك

[doiss]

صباح النور يا همس
مع اني برد بعد الساعة 2 بعد نص الليل النسكافية برد وثلج هههههههه
خلاص هنقول مساء الخير يا همس , حتي السياسة بليل والدنيا ضلمة محدش هياخد بالة هههههه
7
والله مع اني مش بشارك في المواضيع السياسة يا همس الاا ان كتابتك حقيقي كلها انا بقرأها وبحس فيها بمدي الوعي والفكر الراقي ,,
انا تعليقي بسيط ,,
وبشبهة بمثل بسيط ايضا ,
انا رايح اشتري عربية مثلاا لو البلد كلها لا يوجد بها سوي نوع واحد فأنا مضطر !
أما اذا توفرت عروض فأنا مخير ,
يمكن بتكون المشكلة في ان اوقات بعد الاتفاق وتحديد ميعاد لأستلام السيارة اتفاجيء بأن ماركة الكاسيت اتغيرت غير ما شوفت الكتالوج !
أو دواسات السيارة الفخمة مبدلة بدواسات اخري صينية الصنع !!
وهذا حدث معي شخصيا ,
ولكن اذا كانت اخر سيارة في الدولة فأنا مضطر لأستمرار دورة الحياة نظرا لأن وجودها شيء من اساسيات الحياة مثلا ,,
والمقصد من كلامي هو بأنة اذا لم تتوافر العروض قلنا ديكتاتورية ,
وأذا توافرت العروض نخاف من الغش والتدليس !!
أمر غريب حقا !
أذا الكلام واضح وصريح أنا عندما أوكل ثقتي بأنسان يجب ان احكم علية من خلال تجاربة وسمعتة وسيرتة الحسنة ,
فكيف لي بالتنبؤ بشخصية انسان لم اسمع عنة قط !
وماذا قدم ومن اين لي المصداقية !
بخلاف العراقيل الاخري التي انا شخصيا اندهش من فحواها , بأنة في حالة نجاح شخص ما في الترشيح يجب ان توافق الهيئة العسكرية علية , فأذا رفضتة فبالتالي يسقط تولية للأمر !!!
أذا فيوجد هناك أبعاد للموضوع لا احب ان اتنبأ بماهيتها فليس كل ما نراة صحيح او ما لا نراة غير موجود !
ولكنني من مكاني هنا ومن اي مكان انا لم أري أي شخص قدم للبلد شيء ,وانا واقعي سواء كان ذلك ارغاما من التولي السابق او الحكومة او خلافة فهذا حدث واصبح في الماضي ,
ما لي الان هو الحاضر كيف سأتصرف ومن سأختار !!!
بالتأكيد للضرورة احكام وانا لست من هواة الحروب والجميع يعلم بأنة توجد احزاب مهمتها الاساسية هية الحرب ,
فمصر استنزفت من شبابها واقتصادها وامتها الكثير افلاا نستحق بعد كم الحروب الهائل علي مدار القرن الاخير هدنة ولو 100 عام علي الاقل !
ومن قناعتي الشخصية فأنا لا اري سوي الخلافة بأنها هي الحل المناسب في الحاضر والوقت المناسب ,,
وهذا رأيى الشخصي ,
7
موضوع رائع يا همس وعذراا للأطالة ,
ومستنين مساء الخير علي سبيل التجربة هههههههه
طبعا نتمني تكتبي اي وقت ,
بالتوفيق ,,

[ARAGON]

اقتباس عشانك انت انكوى بالنار والقح جتتى وادخل جهنم وانشوى واصرخ واقول يادهوتى

مقولة ترددت على مسامعي،،،

في شريط للشيخ وجدي غنيم ،،

"اسمه الرد على ماسبيرو"

فكرتيني بالأوضاع اللي موجودة ،،،

في الوقت ده،،،

بس المشكلة مش في الحزب الوطني ، ،

أو غيره،، لأن كل همه السياسة والحكم والمناصب،،

المشكلة إن مين فعلاً يقدر يقدم حاجة ومين اللي في ايده الأمكانيات دي،،

التوظيف الصحيح والخطط المنشأة تحتاج دائماً إلى وقت،،،

وجميعا نعلم ذلك،، نحن شعب دائم التعجل،،

وبالرغم من ذلك نحن شعب الفرصة الأخيرة،،،

the last chance

وأكيد طبعا ها يبقى فيه فرق،، لو كل الناس سابت القهاوي وغيره ونزلت تدور على شغل ـــ

تفتح مشروع،، الحاجات دي،،،

الامكانيات ها تقوليلي منين،، اقولك طبعا ازاي انا ها يبقى عندي امكانيات وانا مش شغال،،

ها تقولي فين الشغل،،،

اقولك في المدن الصناعية ،، زمايلي كلهم راحوا المناطق دي،،

وللأسف فيه نموذج بيكلمك "انا" بيقولك انا كنت عايش بسلبية مكبر دماغي،،

وفي الآخر أخدت على دماغي ،، وبعدها سافرت بره،،

بين الحيرة،، والعودة ،، واني لازم اعمل حاجة،،،

هي دي حياة الشعب المصري،،،

بكل بساطة،،، " توسيع المدارك والعيش بإيجابية "

ها يخلي اي حزب ايا كان،،

لما يقول من أجلك انت

"" يبقى أكيد ها يعمل حساب أنت دي ها تبقى لمين"...

شكرا لكي وفي انتظار جديدك،،،،
فيه نقطة " على فكرة انا ضد الأحزاب " أيا كانت،،،
رافض لجميع التكتلات،،، وليس بطاقة او هوية حزبية،،
ومش عايز اقولك " انا دائم المشي في وسط الطريق "

الناس لو مشت في وسط الطريق وسابت الحيط للي عايز يسند نفسه،، اكيد ها يبقى فيه فرق،،

[marwoo]

اقولك بصراحه يا همس انا مش شايفه حاجه تدل

على انهم بيعملوا من اجلنا نحن دى خاااااااالص

انا شايفه طبقيه ناس معاها فلوس كتييييييييير وناس معهاش خاااااااالص

شايفه ان مبقاش فى تعليم مجان

شايفه حجات بتخلينى عاوزه اغمى عنيا ومبقتش عاوزه حاجه من اجلنا

اى عقل يقول ان لما المنتخب يفوز فجاه وبدون مقدمات تلاقى كل واحد بيوزع مليون و10 على

كل لاعب لمجرد انهم كسبوا

انهى عقل يقول نهادى الناس دى بملايين وفى ملايين مش لاقيه تاكل

لا معندهمش مايه يشربوا

عيشين فى بيوت تكاد تكون مصرف صحى

اى عقل واى منطق واى زمن

اى عقل يقول ان لما يجى اى مسئول من الخارج او اى شخصيه مهمه

نلاقى فى شجر ورمل فجاه اتزرع ولما يمشى فجاه برده يتشال وكان الحياه وردى

فعلا هو ده المقصود من اجلك انت؟؟!!

وفى الآلآخر تقال جمله

"هو انا حقعد افر فكل حاجه يا راجل كبر مخك"

وتلاقى الابتسامات والتصفيق تعلوا وهاهاهاهاهاها

شئ مستفز وحياه عجيبه

وربنا يرحمنا برحمته

[** MiSs EgYpT **]

المشاركة الأصلية كتبت بواسطة حفيدالفراعنة ~

ههههههههه

يا لطيف اللطف يا رب

الضرر مرفوع

وانا مش من هناااااا برضو




ههههههههه

خلاص حفيد

اول مايسألو عليك

هقولهم انك قولتلى انك مش هنا

وانت عارف الباقى بقى :redface:




دمت بود اخى

همس

[** MiSs EgYpT **]

المشاركة الأصلية كتبت بواسطة doiss ~

صباح النور يا همس

مع اني برد بعد الساعة 2 بعد نص الليل النسكافية برد وثلج هههههههه

خلاص انا هلا ضيا معاى نسكافيه
وممكن اديهولك ولا تزعل



خلاص هنقول مساء الخير يا همس , حتي السياسة بليل والدنيا ضلمة محدش هياخد بالة هههههه


هههههههههه

ليه هو انت فاكر ان هادول
يفرق معاهم ليل ولا نهار
ده حتى اليل عندهم احسن
خاف على نفسك بقى :520:

7
والله مع اني مش بشارك في المواضيع السياسة يا همس الاا ان كتابتك حقيقي كلها انا بقرأها وبحس فيها بمدي الوعي والفكر الراقي ,,

ثانكس لمجاملتك الراقيه
اخجلتم تواضعنا يافندم



انا تعليقي بسيط ,,
وبشبهة بمثل بسيط ايضا ,
انا رايح اشتري عربية مثلاا لو البلد كلها لا يوجد بها سوي نوع واحد فأنا مضطر !
أما اذا توفرت عروض فأنا مخير ,
يمكن بتكون المشكلة في ان اوقات بعد الاتفاق وتحديد ميعاد لأستلام السيارة اتفاجيء بأن ماركة الكاسيت اتغيرت غير ما شوفت الكتالوج !
أو دواسات السيارة الفخمة مبدلة بدواسات اخري صينية الصنع !!
وهذا حدث معي شخصيا ,
ولكن اذا كانت اخر سيارة في الدولة فأنا مضطر لأستمرار دورة الحياة نظرا لأن وجودها شيء من اساسيات الحياة مثلا ,,
والمقصد من كلامي هو بأنة اذا لم تتوافر العروض قلنا ديكتاتورية ,
وأذا توافرت العروض نخاف من الغش والتدليس !!
أمر غريب حقا !


انا معاك فعلا ضيا
وموافقاك الرأى
لان الاختيارات موجوده فى حدود ضيقه جدا
وايضا هيكون لها مطالبات وممكن تكون أسوأ
لكن المهم هو اتخاذ خطوة التغيير
ان يكون فيه وعى ورأى وجرأه وحريه



أذا الكلام واضح وصريح أنا عندما أوكل ثقتي بأنسان يجب ان احكم علية من خلال تجاربة وسمعتة وسيرتة الحسنة ,
فكيف لي بالتنبؤ بشخصية انسان لم اسمع عنة قط !
وماذا قدم ومن اين لي المصداقية !

طيب إذا كان هذا منطقنا
فلن يحدث تقدم او تجديد فى حياتنا مطلقا
سنرضى بالامر الواقع
طالما نتوجس من القادم
لابد من المجازفه
حتى وان لم نصب فيها
فممكن ان نصيب فى التاليه لها
وكل العالم على هذا
اوباما هل الامريكين علمو مسبقا ماذا هو فاعل بهم
بالطبع لا
ولكن هو ايضا اطلق شعار

yes we can
وقدم برنامجه
مع محاولة تنفيذه

نحن ايضا اطلقنا شعار
لكن ياترى من الذى أطلقه
لنحاسبه اذا لم يصدق فى هذا الشعار
نحن نقلد فقط دون وعى
لهذا لاتكون مصداقيتنا

بخلاف العراقيل الاخري التي انا شخصيا اندهش من فحواها , بأنة في حالة نجاح شخص ما في الترشيح يجب ان توافق الهيئة العسكرية علية , فأذا رفضتة فبالتالي يسقط تولية للأمر !!!
أذا فيوجد هناك أبعاد للموضوع لا احب ان اتنبأ بماهيتها فليس كل ما نراة صحيح او ما لا نراة غير موجود !
ولكنني من مكاني هنا ومن اي مكان انا لم أري أي شخص قدم للبلد شيء ,وانا واقعي سواء كان ذلك ارغاما من التولي السابق او الحكومة او خلافة فهذا حدث واصبح في الماضي ,
ما لي الان هو الحاضر كيف سأتصرف ومن سأختار !!!
بالتأكيد للضرورة احكام وانا لست من هواة الحروب والجميع يعلم بأنة توجد احزاب مهمتها الاساسية هية الحرب ,

واعتقد لا احد من هواتها
الا الذين يستفيدون من ورائها
كحماس وفتح الان
ولى عودم بصباح عن هذا قريبا


وللعلم ليست كل الحروب عسكريه
ولكن هناك اخطر من الحروب العسكريه
الحروب الخفيه
الى بتكون ضد مصلحة الوطن


فمصر استنزفت من شبابها واقتصادها وامتها الكثير افلاا نستحق بعد كم الحروب الهائل علي مدار القرن الاخير هدنة ولو 100 عام علي الاقل !
ومن قناعتي الشخصية فأنا لا اري سوي الخلافة بأنها هي الحل المناسب في الحاضر والوقت المناسب ,,
وهذا رأيى الشخصي ,

وان احترم رأيك
ولكن الاخلافه هذه كانت فى عهد
الخليفه فيه الاهم عنده المواطن
كان الخليفه ينام جائعا فى سبيل الا ينم مواطن جائع
لهذا اعتقد انها لاتصلح لوقتنا هذا لان هذا لن يحدث
الخليفه يسقول اشبع انا الاول وبعدين يعنى لو بقى حاجه
اعطيها للمواطن
وفى الغالب طبعا مابيفيض شى:cv32:



7
موضوع رائع يا همس وعذراا للأطالة ,
ومستنين مساء الخير علي سبيل التجربة هههههههه
طبعا نتمني تكتبي اي وقت ,
بالتوفيق ,,

الروعه هى تواجدك ضيا

وثانكس لمداخلتك الراقيه

دمت بهنا

همس

[حنـــــون]

والله باهمس مش عارفه من اجلك انت دى لمين

انا امبارح كنت بتفرج على برنامج واحد من الناس

وكان بيصور فى مكان فى القاهر بجد الحيوانات ترفض انها

تعيش فيه ورغم كده الناس عايشه وراضيه بس نفسها تدخل

كهربا ومايه يعنى طالبين ادنى حقوق الانسان وبقولك من اجلك انت

الجبل هيقع على الناس وقدامهم المساكن الى المفروض مبنيه عشان

خاطر العشوائيات دى وانهم يتنقلوا فيها ويعيشوا زى بئيت الناس

ومش عارفه بردوا ساكتين ليه ساكتين عشان من اجلك انت

عشان لما الجبل يقع على الناس والناس تموت نحقق بئه من اجلك انت

وينقلوا الى عاشوا فى المساكن دى دا لو فى حد عاش

بشكرك جداااااااااا ياهمس على موضوعك الجميل وصباحياتك الرائعه

تحياااااااااااااتى اختك حنون

[** MiSs EgYpT **]

المشاركة الأصلية كتبت بواسطة MIDOROOKIE ~




مقولة ترددت على مسامعي،،،

في شريط للشيخ وجدي غنيم ،،

"اسمه الرد على ماسبيرو"

فكرتيني بالأوضاع اللي موجودة ،،،

في الوقت ده،،،
الحقيفه احمد
دى اغنيه لمطربه اسمها ليلى مراد
ونجيب الريحانى
وبعدين الشيخ وجدى غنيم دليل على سياسة القمع الى بتعيشها بلادنا
نفتح البلد على مصرعيها للمطربات وامثالهم
ونغلقها فى وجه من هم مثل وجدى غنيم وعمرو خالد



بس المشكلة مش في الحزب الوطني ، ،

أو غيره،، لأن كل همه السياسة والحكم والمناصب،،

المشكلة إن مين فعلاً يقدر يقدم حاجة ومين اللي في ايده الأمكانيات دي،،

التوظيف الصحيح والخطط المنشأة تحتاج دائماً إلى وقت،،،

وجميعا نعلم ذلك،، نحن شعب دائم التعجل،،

وبالرغم من ذلك نحن شعب الفرصة الأخيرة،،،

the last chance


دائم التعجل ازاى احمد
واحنا صابرين اكتر من عشرين سنه
لما الحياه تحولت من سئ لأسوأ
للاسف احنا لانملك اى احزاب سوى الحزب الوطنى
حتى تخيل الاسماء المرشحه للرئاسه
برضه حزب وطنى زى عمرو موسى وسليمان



وأكيد طبعا ها يبقى فيه فرق،، لو كل الناس سابت القهاوي وغيره ونزلت تدور على شغل ـــ

تفتح مشروع،، الحاجات دي،،،

الامكانيات ها تقوليلي منين،، اقولك طبعا ازاي انا ها يبقى عندي امكانيات وانا مش شغال،،

ها تقولي فين الشغل،،،

اقولك في المدن الصناعية ،، زمايلي كلهم راحوا المناطق دي،،

وللأسف فيه نموذج بيكلمك "انا" بيقولك انا كنت عايش بسلبية مكبر دماغي،،

وفي الآخر أخدت على دماغي ،، وبعدها سافرت بره،،

بين الحيرة،، والعودة ،، واني لازم اعمل حاجة،،،



كلامك صح
وبعرف ان المشكله تبادليه
وليست مشكلة عنصر واحد بعيد عن الاخر
المشكله فى تفكير الفرد وسلبيته
مع حكومه لايهمها غير نفسها ومن يهمها



هي دي حياة الشعب المصري،،،

بكل بساطة،،، " توسيع المدارك والعيش بإيجابية "

ها يخلي اي حزب ايا كان،،

لما يقول من أجلك انت

"" يبقى أكيد ها يعمل حساب أنت دي ها تبقى لمين"...


ايجابية الفرد
بالاضافه لامانة من سيقولها
يعنى مايقولهاش لمجرد نجاحى فى الانتخابات او لتهدئة المواطنين
او لكسب بوينت وخلاص
لا اقولها وانا عارف انى هنفذها وفى مساءله لو لم انفذها


شكرا لكي وفي انتظار جديدك،،،،
فيه نقطة " على فكرة انا ضد الأحزاب " أيا كانت،،،
رافض لجميع التكتلات،،، وليس بطاقة او هوية حزبية،،
ومش عايز اقولك " انا دائم المشي في وسط الطريق "

الناس لو مشت في وسط الطريق وسابت الحيط للي عايز يسند نفسه،، اكيد ها يبقى فيه فرق،،

سعدت بمداخلتك ميدو

دمت بالخير الدائم

همس