أخطاء نمارسها صباح مساء . . ( تعالوا نصحح أخطائنا ) !

[big bốss]

أخطاء في الصلآة :




فيه أخطاء كثيره نسويها في الصلوات وماندري إنه خطأ منها كثرة الحركه ويلاحظونه يمكن أكثر المصلين في المساجد تلقاه ياما يحرك يدينه ولا يطقطق أصابع ولا يسكر جواله فاله بالصلاة شوي ويتقهوى ومن الأخطاء بعد التساهل في السجود على الاعضاء السبعه اللي هي ( الجبهة مع الأنف وبطون اليدين والركبتين وأطراف القدمين ) بعضهم ماشاء الله وهو ساجد يرفع يده ويدخله في مخباته او يرفع رجلينه ولا يحط رجل فوق رجل وين يأبو ! ومن الأخطاء بعد مسابقة الإمام يعني الإمام المفروض يسجد قبلك لاسجد إسجد بعده لا بعضهم من يسمع الله واكبر إنبطح على الأرض وهذا مايجوز وبالنسبه للحريم والبنات فيه خطأ دايم اشوفه خاصه لما أصلي في المسجد برمضان أو في الحرم يعني بالعربي في جماعة حريم مايغطن رجلينهن وهذا الشي مايجوز اللي يطلع في الصلاة الوجه والكفين والكف بعد مختلف فيه , وفيه خطأ بعد بما أنكم ياشباب ماتلحقون على الصلاة إلا بالركع الثانيه على الأقل خخخخخخخخ لاجيت تقوم للركعه اللي فاتك مايجوز تقوم لين الإمام يسلم التسليمه الثانيه أخطاء في العقيده :





فيه شي ملاحظ ومنتشر بيننا كثير الحلف بغير الله مثل أقسم بالمصحف وغلاة فلان و جاه محمد والحلف بغير الله شرك , قراءة الأبراج وحظك اليوم والفنجال وغيره لايجوز تصديقه . .

أخطاء في الصحه :




عاد السعوديين والخليجين عامة يبي لهم دورات ودورات في هالشي , من الأخطاء اللي نشوفه وخاصه أتوقع في مجتمعنا شرب الشاي اثناء أو بعد الأكل ( يبي يعدل مزاجه ) وهذا خطأ لأن الشاي ينمع إمتصاص الحديد , موب توك معبي كرشتك بعدين تقول الشاي يامره , ومن العادات الصحيه المنتشره عندنا وخاصه عند الحريم الإكثار من شرب القهوه تلقاه تمشي ومعه زمزمية القهوه وخاصه عقب إدمان رمضان وهذا مضر القهوه تؤثر على المعده وتسبب إضطرابات في الجهاز الهضمي وتهيج عصبي وأرق ( تلفت حولك بتشوف شباب وبنات في عمر الزهور وقرحه معدة وقولون ؟ ) , ومن الأخطاء أستخدام كميات كبيره من البهارات والفلفل والمواد الحارقه ( يامدمن الشطه ) يسبب إلتهاب في المعده وبعدين يتطور الأمر ويصير قرحه معدة ويصيب البعض بحبوب الشباب , ومن الأخطاء الصحيه إستخدام زيت القلي أكثر من مره يسبب إلتهاب في المعده ومشاكل في الهضم ومع الزمن يسبب أورام الله يكفينا الشر , وفيه خطأ كثير منتشر اللي هو إستخدام الأسبرين بوضعه على الضرس لتخفيف الألم وهذا خطا لان الأسبرين يحتوي على حامض قوي يؤدي إلى تآكل اللثه وزيادة الإلتهاب ومن الأخطاء ايضا بعض ربات البيوت لما تطلع الدجاج من الفريزر تحطه في ماء ساخن أو دافئ وهذا غلط المفروض تحطه بالثلاجه حتى يذوب لأن وضعه في الماء يؤدي إلى فقدان الكثير من الفيتامينات وممكن يؤدي إلى التسمم لا سمح الله , كل وإمش مثل ماهو منتشر وإنك منتب سامن لامشيت عقب الأكل هذا خطأ الحركه بتقلل تدفق الدم للجهاز الهضمي وبالتالي عسر الهضم أو سرعة في الهضم عن الوضع الطبيعي يعني لا أكلت مدد بس لاتحسبك لامددت عقب الأكل لازم شاهي قلت لكم مايصلح أقعد تنفس وبس وعلى فكرة الأسد عقب ماياكل ويملئ بطنه ينسدح ساعه وبعده يتمشى ,

أخطاء إجتماعيه :




إنك تجي من الدوام وتلبق سيارتك عند باب جيرانكم < واضح إني متعقده خخخخخخخخخخخ , إنك تمر من عند ناس ولا تلقي السلام وهذا الشي منتشر كثير مير يمكن لاسلمت إستغربوا لما تدخل مكان ألقي السلام لما تمر من عند أحد , وخلوا عنكم هاي وقود مورننق , خطأ إنك تروح للناس كاشخ بينما لاجيت تروح تصلي تروح بقميص أو ثوب مبهذل , خطأ إنك تعامل الناس بأحسن مايكون ولواق وكلام مصفف بينما لارجعت البيت وكلمت زوجتك أو أمك أو ابوك اللسان وش طوله وهذولا أولى بحسن التعامل من الغريب , خطأ إن أحد يقدم لك خدمه ولا تقدم له هدية أو تشكره , خطأ إنك تطلع مكان عام وتقوم وزبالتك بالأرض ومن يتكلمون عن النظام والنظافه تقول ورانا حنا موب مثل الناس وهالشي صراحه ملاحظ أكثر عند الشباب وبحدايقهم يعني وش بيضرك لو قمت وشلت زبالتك عقبك بتكون قدوة حسنه للي يشوفك , خطأ إنك تروح لعملك متأخر وتجمع المعاملات وشغلك وتهمله والناس تنتظرك موب مسؤولين هم عن إهمالك وترا اللي يكون مهمل بشغله ممكن يكون راتبه حرام عليه وياخذه من دون إستحقاق له ومايضرك بعد لو تكون بشوش بعملك وتدخل على مكتبك بصدر وسيع وإبتسامة تشق الوجه وترحيب لكل للموظفين اللي معك ,

[حنين الى الماضي]

جزاك الله خيرا

يسلمووو

[عاشقة المستحيل]

مشكور ع المعلومات وربنا يزيدك................

تحياتي لك

[مشتاقه للجنه]

جزاك الله خيراا

دمتى بخير

[أمة الله]

جعلت قرة عينى فى الصلاة

بارك الله فيكى وجزاكى المولى خير الجزاء معلومات قيمه

[احلى مصريه منوره السعوديه]

ربنا يخليك ويزيدك العلم علمين
والله انك صادق ومعاك حق بكل شي

الله يهدي الامه بس
وميرسي ليك
الله يحميك

[اميره الورد]

جزاك الله خيرا