صباح الخير ( 13 ) أنا لا أكدب ولكنى ......

** MiSs EgYpT ** · منذ /11-01-2009, 12:59 PM

بسم الله

الأحد

1 / 11 / 2009

الثانية عشر صباحا

هذا الموضوع جال بخاطرى فى هذه اللحظه التى بدأت فيها بالكتابه الان

وودت لو اناقشه معكم

عندما يتم النقاش فى شئ مرفوض

نظهر كلنا وتتملكنا علامات الرفض التام لهذا الفعل
حتى انى اتخيل قسمات الوجوه من ردود العضو

إذا تكلمنا عن التحرش

نرى جميع شباب المنتديات

وكأنهم فى حالة تهجم ( ايه الى بتقولوه ده انا مو عارف الشباب الى بيتحرش ده مو عارف يوم حساب وعارف ان فيه ربنا مطلع )

وطبعا سيل من النتقادات والرفض لهذا الفعل

إذا تساءلت كما رأيت الان
بموضوع الشوكه والسكينه

الكل بلا استثناء رافضون لهذا الفعل
وكأن من يفعله يفعل جرم

إذا فتحنا موضوع عن علاقات النت

تجد الجميع فى حالة هجوم
( لأ طبعا انتى بتهرجى علاقات نت ايه احنا الحمد لله ملتزمين )

وتجد جميع الاجابات على هذه الوتيره

المعاكسات

( تجد الشاب يقول انا مو عارف هو الى بيعاكس البنات دول مالوش اخوات ؟ )

طيب ياسيدى كتر خيرك والله

البنت بقى تحس من ردها بحالة قرف واستعلاء من هادول الشباب
طيب ايه رأيكم انا الصيف الماضى شفت بنات بمارينا زهقت الشباب من المعاكسه

وقيس على كده عزيزى العضو مواضيع كثيره
أنا لا احكى على منتدانا طبعا انا اقصد مانقرأه فى جميع المنتديات

نجد الاجابه على نفس الوتيره

يعنى ماشاء الله ربنا يبارك

كل الى على النت ملايكه ومابيخطئو ابدا

طيب يجماعه فين الوحشين الى بيخطأ

ولما احنا بالجمال ده ليه مابنصلح من احوالنا ومجتمعاتنا

طيب الجرايم الى بنسمع عنها دى من تحرش ومعاكسات
وماالى ذلك من جرائم
مين مرتكبيها ??

طالما انا وانت وهو وهى بخير كده ؟

هل احنا هنا بنافق نفسنا
ولا احنا كده فعلا
ليه بنخاف من ذكر الحقيقه
هل عشان نظهر مثاليين
هل هذا على طريقة

أنا لا أكدب ولكنى أتجمل

وبعدين ايوه انا باكل بالشوكه والسكينه
طالما الظروف طلبت كده
و فيها ايه دى ؟:SuN047:

همس

صافي · منذ /11-01-2009, 01:52 PM

اقولك وجهه نظري انا برضه بلاحظ الامر ده دايما ومتهيئلي معظم الاعضاء

والله اقعد اقول ماالناس حلوة اهي امال ايه الي بيحصل

اكيد الي بيقري موضوع مثلا عن المعكسات وهو بيعاكس

مش هيرد علي الموضوع ويقولك انا بعاكس

ممكن هو فعلا ميكنش كده وممكن ميردش خالص هيرد يقول ايه مهمو مشترك في الفعل

وممكن بقي النوع الي بيكدب بس بيتجمل زي مبتقولي الي هو يدخل ويتكلم ويرط وهو اصلا بيعاكس باحتراف

فهنا عندنا 3اصناف من البشر انا دايما بيجوا في بالي لما اقرا موضوع مثير للجدل لظاهره

منتشره زي الحجاب مثلا

دي اصبحت حاجه عديه ومش هتقدري تعرفي اذا كان الشخص ده بيتكلم صح ولا بيعمل

لنفسه سمعه من ورق مش يعني بيكدب الكدبه ويصدقها

عقبال صباح الخير100 ياجميل
وانا باكل بلشوكه والسكينه كمان هههه بس طبعا مش دايما
كنت امبارح معزومه علي الغدا مع خطيبي ولازم :712:

اختك

حنـــــون · منذ /11-01-2009, 02:13 PM

عارفه ياهمس هو مش كدب ولاتجمل بقدر ماهو دا الصح

الى المفروض يتقال ويتعمل ولان الخير هى فطرة الانسان

والى بيحصل من شر ومصايب من الى تفضلتى يذكرها

بتكون من متغيرات الحياه وتقلبتها بالناس

فالما هتناقشى اى انسان هتلاقيه يقولك ايه الخير وايه الصح

وهو ممكن فى الواقع مش بينفذ الى بيقوله دا ولكن لما بناقشه

العقل والفطره وقتها هى الى بتكلم لان الصح واضح اوى والغلط واضح بردوا

فا من غير ترتيت هتلاقيه يقولك المعاكسه دى غلط التحرش دا مصيبه فين الدين

وفين التربيه وهو ممكن يكون بيعمل كده

المفروض بئه اننا دايما نحاول نوازين بين فطرتنا واسلوب الحياه

بعنى بقدر الامكان نكون صادقين مع نفسنا وما نتجملش عشان غيرنا يشوفنا

حلوين ليه ما نصلحش حقيقتنا بجد مش عشان حد

بشكرك جدااااااااااا ياهمس على موضوعك الجميل جداااااااااا

اختك حنون

حسن513 · منذ /11-01-2009, 02:17 PM

ياسلام عليك ياميس ايجبت على الكلام الرائع واللي نفسي اقوله بس خايف من زعل الأعضاء والعضوات وهذا لما شفت ردودهم في هذا الموضوع:
القضيه الأولي من ع الناصيه (حب النت ) مع dr.marmar
وكنت مستغرب جدا من شدة رفضهم لدرجة اني بسبب إجاباتهم بديت استحقر نفسي لما ادخل النت وصار عندي عقده
منه.

** MiSs EgYpT ** · منذ /11-01-2009, 03:48 PM

المشاركة الأصلية كتبت بواسطة صافي ~

اقولك وجهه نظري انا برضه بلاحظ الامر ده دايما ومتهيئلي معظم الاعضاء

والله اقعد اقول ماالناس حلوة اهي امال ايه الي بيحصل

اكيد الي بيقري موضوع مثلا عن المعكسات وهو بيعاكس

مش هيرد علي الموضوع ويقولك انا بعاكس

ممكن هو فعلا ميكنش كده وممكن ميردش خالص هيرد يقول ايه مهمو مشترك في الفعل

وممكن بقي النوع الي بيكدب بس بيتجمل زي مبتقولي الي هو يدخل ويتكلم ويرط وهو اصلا بيعاكس باحتراف

فهنا عندنا 3اصناف من البشر انا دايما بيجوا في بالي لما اقرا موضوع مثير للجدل لظاهره

منتشره زي الحجاب مثلا

دي اصبحت حاجه عديه ومش هتقدري تعرفي اذا كان الشخص ده بيتكلم صح ولا بيعمل

لنفسه سمعه من ورق مش يعني بيكدب الكدبه ويصدقها

اها شفتى صافى
الناس كلها حلوه وجميله
تصدقى فعلا التلات انواع الى وصفتيهم صح
بس انا ليا رأى
لو انا بعمل هالفعل
يبقى اما اقول انا فعلا جربته وابدأ اغير من نفسى وماعمله
او مادخل ارد من الاصل لانى فى الحاله دى هكدب
وقبل ماكدب على غيرى هكون بنافق نفسى

عقبال صباح الخير100 ياجميل

ثانكس ليك ياحبيبتى
ونعمل بقى اليوبيل الذهبى وبجيب تورت ونهيص
بس على حسابك طبعا:237:

وانا باكل بلشوكه والسكينه كمان هههه بس طبعا مش دايما
كنت امبارح معزومه علي الغدا مع خطيبي ولازم :712:

وبعدين طالما مع خطيبك
يبقى شوكه وسكينه
لحد مايدبس
وبعد الجواز كلى باديكى مافى مشكله:749:
ههههههههههههههههه

اختك

تسلمى ويسلملى تواجدك صافى
دمت بحب
همس

** MiSs EgYpT ** · منذ /11-01-2009, 08:09 PM

المشاركة الأصلية كتبت بواسطة حنون ~

عارفه ياهمس هو مش كدب ولاتجمل بقدر ماهو دا الصح

الى المفروض يتقال ويتعمل ولان الخير هى فطرة الانسان

والى بيحصل من شر ومصايب من الى تفضلتى يذكرها

بتكون من متغيرات الحياه وتقلبتها بالناس

فالما هتناقشى اى انسان هتلاقيه يقولك ايه الخير وايه الصح

وهو ممكن فى الواقع مش بينفذ الى بيقوله دا ولكن لما بناقشه

العقل والفطره وقتها هى الى بتكلم لان الصح واضح اوى والغلط واضح بردوا

فا من غير ترتيت هتلاقيه يقولك المعاكسه دى غلط التحرش دا مصيبه فين الدين

وفين التربيه وهو ممكن يكون بيعمل كده

المفروض بئه اننا دايما نحاول نوازين بين فطرتنا واسلوب الحياه

بعنى بقدر الامكان نكون صادقين مع نفسنا وما نتجملش عشان غيرنا يشوفنا

حلوين ليه ما نصلحش حقيقتنا بجد مش عشان حد

بشكرك جدااااااااااا ياهمس على موضوعك الجميل جداااااااااا

اختك حنون

صدقتى حنون

الانسان بفطرته ولد خير

ولكنها عوامل التعريه المحيطه به

وبالفعل يعرف الصح والخطأ

ولكنه لايريد مواجهة نفسه

نتمنى الحسن والصدق للجميع

دمت والياسمين بذات اللون حنون
أسعدنى ردك

همس

** MiSs EgYpT ** · منذ /11-02-2009, 04:33 PM

المشاركة الأصلية كتبت بواسطة حسن513 ~

ياسلام عليك ياميس ايجبت على الكلام الرائع واللي نفسي اقوله بس خايف من زعل الأعضاء والعضوات وهذا لما شفت ردودهم في هذا الموضوع:
القضيه الأولي من ع الناصيه (حب النت ) مع dr.marmar
وكنت مستغرب جدا من شدة رفضهم لدرجة اني بسبب إجاباتهم بديت استحقر نفسي لما ادخل النت وصار عندي عقده
منه.

والله اخى هالموضوع لفت نظرى ايضا

ولكن لما الزعل ؟

نحن نناقش قضيه عامه

موجوده على النت بأجمعه

وليس عيبا عندما نرى شى نناقشه

لنقف على اسبابه ونتعرف على احتمالات صحته

شكرا لتواجدك اخى الفاضل

بوركت

همس

ARAGON · منذ /11-02-2009, 08:31 PM

السلام عليكم أختـي الغالية همس،،

طبعا موضوعك اكثر من رائع،،،

لكن التفكير والنظر إلى آراء الآخرين يحتم على الكثير النظر إلى اي مسألة أنها خاطئة،،

ولكنها قد تكون مباحة للشخص نفسه،،

لكن على الجميع أن يضع نفسه دائما محل انتقاد،، ولكن عليه أن ينتقد نفسه أولا،،

حتى يستطيع الوقوف على اساليب حياته،،،

فالمواضيع التي أثرتيها،، مواضيع كثيرة وكبيرة،،

ولكنها شائكة،، لكـن زيادة التحدث في الأمر قد تزيد من ازدياد المرارة لدى الآخرين،،

خاصة ممن يقول نعم ومن يقول لا،،

فمن يقول نعم له مبرراته،،، ومن يقول لا تكون له مبرراته،،

وانا لا أنكر ،،

ان هناك من يقول لا،، ولكنه في داخله،، يحث نفسه على ذلك،،

والعكس صحيح،،،

هذه حياة الكثيرين،،،

لكن على الجميع ان ينظر إلى تقاليد مجتمعه ،، ومدى تطور الأوضاع فيها،،،

ولكن يجب على الجميع ان يضعوا أنفسهم في محل الجنس الآخر ،، دون تحديد،،

وان لا يتخلى لمجرد أن بدأ في الأمر،، وهنا اساس المشكلة التي يتحدث عنها الكثيرين،،،

تلكـ اماني أناس كثيرين "البدء في حياة جديدة،" ايا كانت،، ولكنهم قد يكونوا جديين،، ولكن ما يثار حولهم قد يؤثر بنسب كبيرة على تفاوت استكمال مسيرتهم،،،

شكرا على موضوعكـ الجميلــ،،،
خالصـ امنياتيـ ،،،

just (o · منذ /11-02-2009, 09:02 PM

السلام عليكم ورحمة الله وبركاته

فعلا يا همس شئ غريب بس ممكن اسالك سؤال : هو فيه انسان بيعمل الخطأ ويدافع عنه لا طبعا لو هو عارف انه خطأ اكيد يا اما هيدعي انه مش بيعمله ويدافع عن الصح او يلتزم الصمت

وفي كلا الحالتين ده شئ مش وحش لاننا في النهاية وصلنا لان المخطئ اعترف بخطؤه وده بدفاعه عن الصح او ان فيه ناس بتعمل الصح مش كل الناس غلط

اعتقد ان الوضع يكون ماساوي بجد لو فعلا لقينا ان الناس اللي بتدافع عن خطأها كتير ومقتنعين بانه عين الصواب في الحاله دي بجد ممكن نبدا نقلق

وبكده ممكن فعلا تحسي ان الدنيا بخير لما تلاقي واحد بيعاكس وداخل ينكر الفعل ويرفضه لان بدايه الاصلاح الاعتراف بالخطأ

موضوع رائع كالعاده شكرا جزيلا لك

SiLver Spectra · منذ /11-02-2009, 09:44 PM

احنا يا همس للأسف حياتنا كلها تناقضات

بنتكلم بسهولة لكن مالناش في الفعل

المعاكسة اصبحت جزء من الثقافة...و البركة في الاعلام و الافلام الي بتشجع المعاكسات

الشخص الي بيعاكس عارف إن تصرفه خاطئ

زي الشخص الي بيرمي الزبالة من شباك سيارته

لو كلمته عن النظافة هيقولك النظافة من الايمان

و لازم الواحد يحافظ على نظافة مدينته و معرفش ايه

و بعدين يخلص حواره و يطفي السيجاره الي في بؤه في الشارع!!

هو عارف إن تصرفه خاطئ

لكن فين الفعل!!

التوعية مش بتكون بالتنبيه فقط

بتكون بالفعل

احنا بنافق ؟ ايوه بنافق

أنا في مطعم أدام الجامعة في شارع مزدحم بالشباب

بعد فوق في الدور الأول و بتفرج على شبابنا و بتأمل

هل إحنا مجتمع مثالي فعلا؟

اذا كنا بنتهم الغرب دوما بانعدام الأخلاق و احنا الي عندنا الأخلاق و القيم

بتفرج على الشباب و بشوف الي بيبصق في الشارع...و زميله بيرمي الكيس الي في ايده بدون مبالاة

و اتنين تانيين ماشيين بيعاكسوا

و بنات لابسين معرفش ايه...

و شباب بيسبوا بعض بكلمات بذيئة باعتبار إنه هزار
و بالمره بيسبوا الي يعدي عليهم في الشارع

لما تيجي تتكلم عن الظواهر السلبية دي مع أي شخص منهم

هيقولك اه و لازم و فعلا

لكن التطبيق...مالوش دعوة

موضوع رائع يا همس

كما تعودنا منك

بالتوفيق...

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
$$$$$ صباح الخير ومساء الخير $$$$$	°•.♥.•°ḞǒḞǎ Ŵ βǎŝ °•.♥.•°	مواضيع عامة - ثقافة عامة	5	02-09-2012 05:41 PM
صباح الخير ولا الخير يهدي لك صباحا	شادي مان	صوتيات اسلامية - تلاوات - خطب - يوتيوب	1	10-02-2011 01:39 PM
مساء الخير و صباح الخير و السلام عليكم :)	princess73	منتدى الترحيب بالاعضاء الجدد	14	08-23-2011 03:21 PM
ــ { صباح الخير ؛ مساء الخير } ــ	نزف الذكريات1	مواضيع عامة - ثقافة عامة	19	11-02-2009 09:15 AM

الذين يشاهدون محتوى الموضوع الآن : 1 ( الأعضاء 0 والزوار 1)

..{ فع‘ــآآليـآآت المنتــدى }..

الإهداءات

صباح الخير ( 13 ) أنا لا أكدب ولكنى ......

بقلم أعضاء بنات مصر - حصري