عنــــهـ / ـمـــا ( 1 ) و انا ماليش فى الجواز ....

[** MiSs EgYpT **]

عنه ........ عنها أدم و حواء إمرأه ورجل اثنان لاغنى لهما عن الاخر فمنذ بديئة الخليقه وكل منهما يلازم الاخر لهذا وددت ان اقدم عنهما سلسله من المواضيع عنه .. عنها نجدها فى حواراتنا مع امهاتنا مع اصدقاءنا جبراننا حديث لايمل منه ولايمكن له ان ينتهى سوى بنهاية الكون هذه حلقتنا الاولى حوار نجده فى كل بيت ليلا ونهارا انتى عارفه عندك كام سنه دلوقتى ؟ ايوه عارفه ومش كل شوى هتفكرينى بس انا لو عشت ليكى النهارد مش هعيش ليك بكره يعنى ايه مش فاهمه يابنتى انتى اذا كنتى حلوه فالحلوين كتير يماما انا حفظت هالكلمات كتير وخاصة لما يكون فى عريس لخصى يالا وهاتى من الاخر يابنتى ده عريس لقطه وكامل الاوصاف خلاص ياستى انت عتغنيلى اوك انا موافقه لما نشوف اخرتها ولم يطل الانتظار وجاء العريس الهمام وبالفعل كان وسيما ورشيق القوام وبالضبط زى نجوم الافلام ساحر ولا فى الاحلام كل ذلك ولكنه لم يفتنها ولكنها ارتبطت به لترضى مامتها كانت حياتها معه تشبه الساعه ؟؟ كل شى بميعاد الاكل بميعاد .. الابتسامه بميعاد .. حتى لحظاتها معه بميعاد كانت علاقاتها معه اشبه بالقطار .. حفظت محطاته وعدد ركابه لم تتحمل كثيرا وبعد ثلاثة سنوات تم الطلاق بعد عدة اشهر ألتقت به ولم يكن كامل الاوصاف لكنه كان فاتنا عاشق للحب ومفرداته يتابعها بنظراته وبرسائله .. بحبك .. قررت الارتباط به ومعه نسيت الوقت والظلام فكانت كل اوقاتهما واماكنهما تصلح للمعقول والامعقول ولم يكون هناك فرق بين صباح ومساء الا انه كان به شئ يزعجها ولاسبيل لعلاجه ضحكته التى لامحل لها من الاعراب ولا تعلم اهى تنم عن بلاهه ام ضحكه شيطانيه ولهذا طلبت منه الطلاق واخذت شهادة مطلقه للمره الثانيه وقررت عدم الاقتراب من الزواج مهما كانت الاسباب الا ان قرارها هذا لم يدم فقد قابلت رجل اخر شعرت معه بمشاعر لم تعرفها قبل اشياء تتحرك وتستيقظ وتناديه وتتمناه وكأنها طفله تتفقد الدنيا باناملها الصغيره الا انه وقبل ان تحدد ميعاد الزواج وجدته كثير الاسئله .. أين كنت ؟ تليفونك مشغول ؟؟ ليه كنت على النت بتعملى ايه ؟ فأفاقت على اسئلته وقالت لنفسها ماهذا انه يحاسبنى هكذا وقبل ان تربطنا رباط ما فكيف سيكون بعده ثم بابتسامه تعلو وجهها قالت له عفوا حبيبى انا ماليش فى الجواز هذا نوع من هى والى اللقاء مع نوع من هو همس

[حنـــــون]

موضوع رائع ياهمس

واكيد سلسه موضيع هتكون ناجحه باذن الله

بشكرك جدااااااااا ياهمس وفى انتظار المزيد

تحيااااااااااااااااااتى اختك حنون

[صافي]

حفظت هالكلمات كتير وخاصة لما يكون فى عريس

لخصى يالا وهاتى من الاخر

هههههه انتي بتتكلمي لبناني علي مصري ولا ايه

بلتوفيق ياهمس

موضوع لزيز

اختك

[** MiSs EgYpT **]

المشاركة الأصلية كتبت بواسطة حنون ~

موضوع رائع ياهمس

واكيد سلسه موضيع هتكون ناجحه باذن الله

بشكرك جدااااااااا ياهمس وفى انتظار المزيد

تحيااااااااااااااااااتى اختك حنون

تسلميلى حنون ويسلملى ذوقك غاليتى

انشالله تكون سلسله ناجحه

وخاصة انها هتكون من واقع تعيشه هى

ويعيشه هو

وقع لايخرج عن حياتنا اليوميه

كل الحب حنان

همس

[nooody]

واخذت شهادة مطلقه للمره الثانيه



سوء الاختيار اولا واخيرا هو السبب

ايوة فى الزواج زى مابيقولوا انه زى

البطيخه يا تطلع حمرا يا تطلع قرعه

هى ونصيبها بقى

بس المفروض ان فى فى اساسيات

وشروط كل واحد حاططها لنفسه

وفى حاجات كتير بتبان قبل الزواج

من خلال التعامل اقدر استشفها

بذكائى

ميس ايجبت

موضوع جميل تسلم ايدك

بالتوفيق

[banota 3asola]

موضوع جميييييييييييل
بجد حلو أوي الحوارات دي
وخصوصا لما كانت بتتكلم مع مامتها

[noona]

موضوع وفكرة جميلة يا همس

طيب هى المشكلة دلوقتى فيها هى لسببين

اولا ممكن يكون سوء اختيار منها للشخص اللى بترتبط بيه ...

او انها مش مدركة ان مفيش انسان كامل ومثالى ... يعنى كل شخص له عيوبه ...

محتاجة بس تعرف ايه العيوب اللى ممكن تتقبلها وايه اللى مش ممكن

وكل واحد له طبعه اللى ممكن يتوافق معها او لا ...


""

وتسلمى يا همس على العرض المميز للموضوع ..

وفى انتظار باقى السلسلة

خالصـ تقديرى ،،،

""

"

[marwoo]

موضوع جمييييييل وسلسلة رائعه

الانسان بطبعه طماع بيحب ياخد كل حاجه

بس ربنا مش بيدى لحد كل حاجه

علشان كده الواحد بيرتب صفات الشخصيه اللى بيتمنى يرتبط بيها

الاهم من كل حاجه انه يكون بيعرف ربنا وبيتقى ربنا

علشان يحافظ على الواحده

وهى كمان لازم يكون فيها الصفه دى

سلسه رائعه وجميله

ولى عوده ان شاء الله بقصص من واقع الحياه

ديما افكارك جميله يا همس

ماشاء الله عليكى

لكى تحياتى يا قمر

[Just G!rl]

روعه يا ميس

بس مافيش راجل كامل

لازم تتقبل عيوبه ومميزاته

أنا مش عارفه الحقيقه من هو نزل ولا

بس هشوفه دلوقتي تسلم إيديكي يا قمر

[مشتاقه للجنه]

همس

لقد لمستى وترا حساس يهم المجتمع ككل .... هو ... وهى

اكيد ستكون سلسله رائعه .. من حواء وادم ... هو وهى

منتظرين ابداعك الدائم

دائما رائعه