(......الصعايده وصلوا.......)

[صافي]

(السلام عليكم ورحمته وبركاته)


مرة واحد صعيدي

صعيدي كانم ماشي

ليه الصعيدي


مش بنسمع النكت دي كتير صعيدي صعيدي :030:

كانوا مفيش غير الصعيده الي نتريق عليهم

طب اشهدوا كده مش لو

بصينا علي مصر هنلاقي الاغلبيه صعيده مش لازم يكونوا مولودين

هناك بس جدودهم اصلهم من الوجه القبلي

وبعكس ما وضح الاعلام الصعيده بانهم بلهاء :504:

فلوجه القبلي اخرج مشاهير كان لهم علامه في المجتمع


مثل
الاديب مصطفى لطفي المنفلوطي


الشيخ عبد الباسط عبد الصمد


محمود سليمان اللوء الوزيررئيس جهاز المخابرات

العامة المصرية الحالي


عبدالرحمن الأبنودي الشاعر المصري




وغيرهم............كتيررر


هي خرجت هريدي ومخيمر بس مش بلغباء الي بيظهر :vb35:

في عمر هريدي نائب الأغلبية بمجلس الشعب، أمين صندوق نقابة المحامين

يعني ناس ليهم فكر واسلوب وبصمه في المجتمع

الي هما الصعايده

مرة كنت في فرح

واهل العريس و العروسه صعايده

وكان في فقرة نكت

كل النكت الي اتقالت عن الصعايده:669:

مفيش حد زعل لانهم كلهم صعايده مفيش حد غريب

يتكلم

في بيتها زي مبيتقال

يمكن دي حاجه غلط

لكن النكت دي فعلا بتتقال فتتقال بينا

لا متتقالش خالص

ده من كتر تريقتنا علي الصعيده

وصلت التريقه دي للسعوديه ولبنان و غيرها

طبعا من حقي ازعل لما الاقي حد بيتريق علينا

بس احنا الي اديناهم الفرصه دي

واساسا النكت دي فبركه ومفيش حاجه منها بتحصل

مره سمعت فزورة ليه الصعيدي بيطلع رجليه بره الشباك

قال عشان يكعبل الناموس

طب بلزمة في حد هيكعبل الناموس

سبحان الله

طب شوف الي بيتريق علي الانسان رسولنا قال ايه

توعد الرسول صلى الله عليه وسلم أولئك الصنف من الناس فقال:

ويل للذي يُحدِّث فيكذب ليضحك به القوم، ويل له)،

وقال كذلك: (إن الرجل ليتكلم بالكلمة ليُضحك

بها جلساءه، يهوي بها في النار أبعد من الثريا)

فيها ايه لو قلنا بدل مرة واحد صعيدي

نقول مرة واحد

هيحصل ايه

ده بلعكس مش هناخد سيئات

وسيبوا الصعايده في حالهم

والا هلم الصعايده الي في المنتدي كله ونعمل حرب و

تشوفوا الدماغ الناشفه علي حق


انا كتبت الموضوع عشان نفسي الناس تعرف مين هما الصعايده

وقد ايه هما ناس محترمين وطيبين ويحبوا الغير وفيهم كل سمات الرجوله

وقد ايه هما كرماء

اعزروني للاطاله

دي شويه صور للوجه القبلي













تحياتي

صافي

[SiLver Spectra]

و الله يا صافي في كل حته الغبي و الذكي

للاسف كل محافظه بيطلعوا على أهاليها سمعة

دول بخله...و دول صيع.و دول أغبية و دول معرفش ايه

كله كلام خايب

اصل ظاهرة التنكيت عن الصعايدة من وجهة نظري...

إن محافظات الوجه القبلي تعتبر أفقر المحافظات في الدخل

فمن زمان و كان بعض سكان الوجه القبلي الغلابة بيشتغلوا عمال و بوابين في القاهرة و باقي المحافظات..فأكيد كانوا فقرا و على أد حالهم

و من هنا طلعت عليهم السمعة و النكت

و الى الآن بيتفبرك عليهم النكت باعتبارهم أغبى مخلوقات الارض!!

في حين إنهم زي اي شعب

و على فكرة في كل بلد بتلاقي في فئة معينه بيطلعوا عليهم النكت باعتبارهم أغبية

مثلا في سوريا يقولك (واحد حمصي)

في ****************** (واحد عاجمي)

و هكذا...

لكن طبعا الشعب المصري هو اشهرهم في اخراج النكت ...عشان كدا كان الصعيدي هو اشهر (منكت عليه) في العالم العربي

طبعا من الغباء إن الواحد فعلا يفكرهم أغبية

و أعتقد إن أغلب الناس عارفين إنهم عاديين بس بيقول النكته عن الصعايدة ككناية فقط مش أكثر

لكن بصراحة شيء يضايق

موضوع قيم يا صافي فكرني بموضوع طرحه سيد زمان في قسم النقاش

بالتوفيق...

[Dr.nour]

ههههههه

والله يا صافى مش عارفه اضحك ولا اتكلم جد

يعنى بيتهيالى هى ما لهاش علاقه

بس انا هقولك حاجه يا صافى
ايام محمد على كان عاوز يعمل جيش

ففكر يعمله من السودانين ومن اهل الصعيد

فلقاهم موراهمش غير الاكل والشرب ومفيش شغل

بس بيتهيالى ده ظروف هما محطوطين فيها

تعالى بقى لرايى الشخصى

انا بجد بحب الناس الصعايده جدا

بحس فيهم بان مصر لسه فيها رجاله

مش الشباب الى مالين الكليات ونصهم مسقط البنطلون

وبحس فيهم بخير مصر وقوتها

يعنى اللى بيقول عليهم كده

شااااااااااااائعات هههه

تقبلى مرورى

اختك

[big bốss]

شكرا موضوعك جامدا انا بزعل والله لما يتر يقوا على الصعايده جمال عبد الناصر خير دليل على زكائنا ورجولتنا

[nooody]

بصى يا صافى

هو حكايه النكت اللى على الصعايدة مش عندنا بس

يعنى عندك بلد زى الاردن مثلا بيقولوا عليهم الطفايله

الصعايدة = الطفايله عندهم

يعنى دة مش بيحصل عندنا احنا بس

انا بصراحه من ساعه ما اتوجدك على الدنيا

وانا بسمع النكت كدة

رغم ان الصعيد بيخرج ما شاء الله زى ما انتى ذكرتى

شخصيات ليها شأن عظيم فى المجتمع

يمكن تكون موضوع النكت على الصعايدة

دى حكايه تعود وجيل تناقلها من جيل

وهكذا يمكن عشان كدة استمرت

ههههههه

تقديرى

[** MiSs EgYpT **]

دى ثقافة وفكر مجتمع صافى
اتعود على هذا الاسلوب
ولحد ماكبر وتضخم
رغم ان هالكلام ليس صحيح
لان ماعاد فى فمصر تفرقه بين اهل الصعيد وبين بقية المناطق
التكنولوجيا العصريه ماتركت مجال لاتصاف مكان بها دون اخر
فالجميع يتعلم ويتصل بالنت ويسافر فى الخارج لتكملة الدراسه

بس هو كده ازاى وليه بقى الله اعلم

دمت بكل حب صافى
ويكفى الصعيد ان فيها قمرايه زيك

همس

[منال ابوالوفا]

النكت على الصعايده دي حاجة اتعودوا عليه الناس يقولها ويرددوا فيها وخلاص على اساس انها حاجه تضحك يعني بس في اي مكان فيه الغبي والزكي
تحياااااااااااتي

[marwoo]

لا على فكره الصعايده اجدع ناس فمصر

اتعاملت معاهم كتيييييييير

فعلا ناس تشيل مسئوليه ويقدر الناس اللى معاه

بجد جدعان

عيبهم الوحيييييييييييد الاخذ بالثأر فقط لاغير

لانها عادات توارثوها بالخطأ فقط لاغير

لكن اجدع ناس الصعايده

[حبرالقمر]

ههههههههه بصرا حه هيه مش مستهله كل الزعل ده يعني حقك عليه
انا متاكده ان كل الشعب المصري بل والوطن العربي عارفين مين همه الصاعيده وانهم ناس عاديين بل ان اكتر اللي بيطلعو ا اوائل على الجمهوريه ومعن انا من حته عكس الصعايده خالص وهوه الوجه البحري يعني اسكندريه لكن الصاعيده على راسنا من فوق دهمه دول اساس الدوله وعلى فكره النكت طلعت على الصاعيده بسبب طبتهم ونيتهم الصافيه مش اكتر مرسي ليك

[بحار فى بحر الحب]

الصعايدة الغلااااااااابة....!!!
حاجة تفور الدم وتفقع المصارين..
يظهر ان عهد الرجل الأبيض رجع للكون من تانى..!
وناس عمالة تعمل تصنيف للبشر ..عالم أول وتالت..لكن يظهر انهم نسيوا النوع الغريب اللى اخترق أرض مصر واحتل جزئها الجنوبى ..كائنات لا هى فضائية ولا أرضية ..!
ناس غريبة قوى قوى.. تصدقوا انهم لابسين عمم وجلاليب.. يااااى..
شئ يقطع القلب..مش هم اللى يقطعوا القلب ..!! دا احنا..احنه....!
جمجم إسسعاف مين هناك
لحد امتى حنفضل نتريق على اهل الصعيد ..
هما مش فيهم مسلمين برضه ..؟هم مش فيهم عنين زينا وايد ورجل ؟
اللى يسمع اللى بيتقال عن اهل الصعيد يقول انهم من كوكب تانى ..او موجودين فى مستشفى المجانين بس مفيش سور حواليهم..
اتقوا الله يا اخواننا .. صدقونى كده بنخلق كراهية فى نفوس الصعايدة لينا..
بلاااااش نعيش زمن الكاوبوى مع الهنود الحمر فى مصر هنا ..
الكاوبوى برضه كان بيقول ان الهنود الحمر متخلفين ..
وسبحان الله ..مع اننا عارفين انهم معدن الرجولة والجدعنة .. مصرين نتريق عليهم.
ووالله يا اخوانا لو واحد فينا اتحط قصاد واحد فيهم فى موقف صعب محتاج تضحية او وقفة جريئة معتقدش ان صاحبنا يكسب .. بالعكس الصعايدة هم اللى يكسبوا..
كل الموضوع انهم لهم عادات وتقاليد غير عادتنا وتقاليدنا.. يعنى تلقوهم هم كمان بيضحكوا علينا عشان عادتنا مش زى عادتهم..
وعلى فكرة خدوها كلمة من واحد عاش فى الصعيد الجوانى كتير خاااااااااالص..
هم على الاقل عادتهم بتمنع الواحد فيهم انه يسيب اخته او مراته تبان على حد غريب وهى لابسة بنطلون الرش اللى اهل بحرى بيلبسوه لبناتهم والواحد بيكون فرحااااااان على الاخر.
عادتهم بتمنع الواحد فيهم انه يغلط فى حد اكبر منه .
عادتهم بتمنعهم ان الواحد يأذى الغريب اللى فى بلده.. مش زى عندنا الواحد يصدق ميشوف صعيدى قدامه ..صحيح ممكن يخدعه ويضحك عليه لكن مش هو اهبل ولا ساذج..ابدا..
بس عشان شئ جديد عليه بيجربه لاول مرة وفاكر ان اللى قدامه ثقة ومش بيخدعه .. ومعذور فى كده لأنه مش بيتعامل فى بلده غير مع رجااالة مش ممكن يكونوا بيكدبوا على حد استنجد بيهعم او طلب مساعدتهم..
متبقوش انتو والتليفزيون عليهم..
وإن كان على العادات القديمة زى التار مثلا .. فخلاص تقريبا اتمحت من الصعيد لان اغلب شباب الصعيد لو ماكانوش كلهم فى جامعات ومنهم اساتذة كمان واصطف فى كل الجامعات..
واذا حصل شئ من ده فبقى على سبيل الحالات الفردية مش كل الصعيد كده..
وحقول حديث عن النبى يمكن نبطل تريقة بعد ما نعرفه..؟
( بحسب امرئ من الشر أن يحقر أخاه المسلم )
والتريقة عمرها ميكون لها سبب الا الاحتقار .. شفتوا مخاطر اللى بنعمله..!!
اتمنى محدش يزعل من كلامى.
بالكررسي