ثقافه شعب الحقينى يا مه

[اميره الورد]

بسم الله الرحمن الرحيم

السلام عليكم ورحمة الله وبركاته

منقدرش ننكر ان ثقافة ا لشعب اتغيرت مع انى مش فاهمه هيا كانت ايه وبقت ايه بس هيا اتغيرت وخلاص بس لو نفتح صفحة الحوادث بعيد الشر يعنى مع انى مش بقراها غير كل فترة تلاقى الحوادث بقت غريبة أوى قتل ب50 طعنة اغتصاب اب لابنت هاللى قطعت جوزها وحطيته فى اكياس معدش فى سرقة من غير قتل حتى القتل مبقاش زى زمان>>

وهنا هقول كلمة للاستاذ ابراهيم عيسى (أين زمن القتل الرحيم)

طيب بعيدا عن الحوادث نروح لثقافة الزبالة يااااااااه والبلد بتاعتنا بسم الله ماشاء الله انا والله ما أعرف ايه السر فى اننا نرمى الزبالة جنب الصندوق على الأرض طيب مانرميها فى الصندوق ولا مثلا نرميها على الأرض فى مكان تانى حتى يبقى لينا عذر ان مفيش صندوق وهنا

هقول (البلد بلدنا ياناس مش بلد الحكومة يعنى احنا من واجبنا برضه نخاف على نظافتها)

يخربيت اى موبايل بيغنى ويرقص انا كرهت الموبايلات والله العظيم تركب المواصلات تلاقى كل واحد مشغل موبايل شكلواغنية شكل ربنا يرزقهم كلهم ويجيبوا احسن الموبايلات بس منأذيش الناس بقى ياعم هتوجع دماغنا ليه هيا ناقصة لخبطةمعاك سماعات اسمع لوحدك مفيش معاك يبقى متوجعش دماغنا بقى ولا احنا غاويين نقرف بعض وهنا

هقول (الموبايل جاى عشان الاوقات العصيبة مش الاوقات العصبية )

الخلل وصل لثقافة الأدباء والكتاب اللى المفروض انهم بيكونوا رموز الفكر طبعا مش هتكلم عن حاجات كتير بتتكتب وروايات تافهةوسينما مقاولات بدافع اننا فى عصر الحرية ياعم بلا حرية بلا بطاطس ابوس ايديكم وبلاش جو التخدير دااحنا عايزين نفيد البلد يعنى محدش يقولى دا حصل كذا ويسيبنى اقرا المشكلة ويمشى ماتتكلم ياعم تقول رأيك تقدم حل خلونا نساعد بعض فى أننا نحل بقى مش نفضل طول عمرنا نفرح ونشمت فى بعض ونموت فى المشاكل استوقفنى عنوان كتاب (مصر ليست أمى ) للكاتب أسامة غريب قرات الكتاب وعجبنى الأسلوب جدا وعجبنى بعض المواضيع كقارىء ومعجبنيش بعض الحاجات الاخر كمصرى زى عنوان الكتاب اللى بعتبره انه كان مجرد دعايا للكتاب مش أكتر لأن فى حاجة دايما بقولها فى فرق بين مصر بتاريخها وعظمتها ومكانتها وبين حكومة مصر اللى عبارة عن شوية ناس جايين المفروض انهم بينظموا حقوقنا فى البلد يعنى بيشتغلوا عندنا يعنى غلط الأشخاص دول وفسادهم وظلمهم مش بسبب مصر دا بسبب ان اختيارهم غلط اصلا من الاول

انا مش عارفه اتكلمت فى المواضيع دى ليه بس بجد مستغربه الغلط عندنا زاد ليه وليه بقينا بنفرح فى بعض وبنشمت
الخطر جاى من جوانب كتير عشوائيات وثأر فى الصعيد وتكتل عائلات فى كل مكان وخناقاتنا بقت بالأسلحة نسينا خناقات
الكلام اللى كانت بتبقى ساعة ونتصالح وخلاص الغلط فين ومن مين ؟؟؟؟؟؟؟؟؟؟؟؟؟؟؟؟؟؟؟

اه صحيح كل اللى قلته فى البوست دا رأيى الشخصى اللى عايز يناقش يناقش الاختلاف دايما مفيد انما الجدال على الفاضى مش هيفيد بحاجه منتظره ارائكم



اميره

[صافي]

بصي يااميرة الزمن اتغير
القلوب اتملت سواد وحقد حتي القتل اختلف
الي كان بيقتل بسكينه وبعد كده يستغرب ازاي عمل كده
دلوقتي القتل بقي ليه فنون وانواع واشكال
هههههههههههه
انا مش عارفه كل الي ذكرتيه فعلا بيحصل زي الزباله
الواحد بيكسل يرميها في الصندوق
انا مليش دعوة عندي بواب هههههه
دي تربيه متربي عليها محدش قاله كده غلط
اعتقد ان العيب يجي علي الاب والام لو
كل واحد لقي حد يقله غلط وعيب كان هيعرف ازاي يحترم نفسه
قبل ميحترم الي قدامه
تعود وتكبير دماغ ودي حاجه معروفه عند المصريين
يسيبوا المشكله لغايه متكبر
وبعد كده يبحثوا عن اسبابها
ويقولو هو حصل كده ليه

[M@HMOUD]

تسلم ايدك على الموضوع
بس دلوقتى الزمن اتغير فيه كل حاجه
دلوقتى زمن البلطجه كل حاجه بقيت بالدراع
وموضوع الزباله ده كسل
والموبيل عاد دلوقتى اى طفل ماعه موبيل
يعنى مش تستغربى احنا فى زمن غير الزمن

تسلمى على الموضوع يا اميره

[الدكتور المرح]

والله موضوع جدااااا مهم وجاد وبيناقش عده قضايا مهمه وبتأثر على حياتنا بشكل مباشر

وبعد قراءه متأنيه للموضوع وبعد تحليل لقيت انى عايز ارد عليكى مش على الموضوع ...

خوفااا انك تكونى متشائمه او مكتئبه ....(بصى للجانب الايجابي من الحياه )...

انا أيام مكنت بدرس بمصر وكنت جديد بكليه الطب كنت بقرأ جريده أخبار الحوادث صدقينى كنت بتخيل كل البلد مجرمين وكنت بهاب اتعامل مع اي حد الاحساس ده جانى من كتر تنوع الكوارث وبعد فتره اندمجت مع المجتمع والاهم بطلت أقرا أخبار الحوادث دي ....

بالنهايه موضوعك يرصد حاله مجتمع .

بس قصه القتل الرحيم والقتل المش رحيم انا مش معاها المحصله قتل ......بعدين هل يضر الشاه سلخها بعد زبحهااااااا...

القتل قتل ..... تحياتى لك
على فكره عنوان الموضوع لزيز

[A7la banota]

كل حاجة اتغيرت يا اميرة الناس و تفكيرهم

و طبعاهم كل حاجة اتغيرت و لازم يكون في

سلبيات و ايجابيات و للاسف السلبيات اكتر

بكتيييير و الناس مطنشين و كل واحد بيقول

و انا مالي هو انا هصلح الكون انا بتصرف

زي ما الكل بيتصرف بس دا طبعل غلط

و بيدل على الضعف و انو بيستغنى عن عقلو

و تفكيرو و شخص واحد بس يقدر يصحح حجات كتير

و الامل دلوقتي فالشباب بس للاسف الشباب

مشغولين فحجات تانية حتى الزبالة بقت مشكلة

و مش عارفين نحلها و مش عارفة سببها عناد

و لا تطنيش و لا اه بس زي ما قلت الامل فينا احنا

و طلاما عندنا عزيمة اننا نغير هنقدر ان شاء الله

و انا عن نفسي متوقعة اني اقدر اغير حجات كتير

[♥..pure]

فعلا يا اميرة كل حاجة اتغيرت فى الحياة
وانا شيفة ان كل واحد منا مسئول عن التغير دة
بمعنى ان كل واحد شايف ادامة حاجة غلط المفروض يغيرها
بلاش السلبية اللى احنا عيشين فيها دى
بس فى الاخر اجى واقلك
ان العيب علينا مش على الزمن

رفيف dr.pharma

[اميره الورد]

المشاركة الأصلية كتبت بواسطة صافي ~

بصي يااميرة الزمن اتغير
القلوب اتملت سواد وحقد حتي القتل اختلف
الي كان بيقتل بسكينه وبعد كده يستغرب ازاي عمل كده
دلوقتي القتل بقي ليه فنون وانواع واشكال
هههههههههههه
انا مش عارفه كل الي ذكرتيه فعلا بيحصل زي الزباله
الواحد بيكسل يرميها في الصندوق
انا مليش دعوة عندي بواب هههههه
دي تربيه متربي عليها محدش قاله كده غلط
اعتقد ان العيب يجي علي الاب والام لو
كل واحد لقي حد يقله غلط وعيب كان هيعرف ازاي يحترم نفسه
قبل ميحترم الي قدامه
تعود وتكبير دماغ ودي حاجه معروفه عند المصريين
يسيبوا المشكله لغايه متكبر
وبعد كده يبحثوا عن اسبابها
ويقولو هو حصل كده ليه




على رايك يا صافى تربيه وحاجه الواحد نشاء عليها بس لازم يكون فى تغير وربنا يستر

نورتى ياقمرايه

[اميره الورد]

المشاركة الأصلية كتبت بواسطة M>I>D>O ~

تسلم ايدك على الموضوع
بس دلوقتى الزمن اتغير فيه كل حاجه
دلوقتى زمن البلطجه كل حاجه بقيت بالدراع
وموضوع الزباله ده كسل
والموبيل عاد دلوقتى اى طفل ماعه موبيل
يعنى مش تستغربى احنا فى زمن غير الزمن

تسلمى على الموضوع يا اميره



لازم يا ميدو نرجع ولو واحد فى الميه من الزمن الى فات بجد بقه الواحد ه تخاف تخرج بعد الساعه تسعه من غير اهلها
دا احنا غلبنا شيكاغو ربنا يسترها

نورت يا غالى

[اميره الورد]

المشاركة الأصلية كتبت بواسطة الدكتور المرح ~

والله موضوع جدااااا مهم وجاد وبيناقش عده قضايا مهمه وبتأثر على حياتنا بشكل مباشر

وبعد قراءه متأنيه للموضوع وبعد تحليل لقيت انى عايز ارد عليكى مش على الموضوع ...

خوفااا انك تكونى متشائمه او مكتئبه ....(بصى للجانب الايجابي من الحياه )...

انا أيام مكنت بدرس بمصر وكنت جديد بكليه الطب كنت بقرأ جريده أخبار الحوادث صدقينى كنت بتخيل كل البلد مجرمين وكنت بهاب اتعامل مع اي حد الاحساس ده جانى من كتر تنوع الكوارث وبعد فتره اندمجت مع المجتمع والاهم بطلت أقرا أخبار الحوادث دي ....

بالنهايه موضوعك يرصد حاله مجتمع .

بس قصه القتل الرحيم والقتل المش رحيم انا مش معاها المحصله قتل ......بعدين هل يضر الشاه سلخها بعد زبحهااااااا...

القتل قتل ..... تحياتى لك
على فكره عنوان الموضوع لزيز




والله يا دكتور انا مش متشائمه ولا حاجه طول مافى حياه اكيد هيبقى فى تغير سواء سلبى او اجابى دى حاجه فى ادينا
بس صدقنى الواقع بقه امر بكتير من اخبار الحوادث
بجد شىء بقه مريب

نورتنى ومشكوره جدا لمرورك العطر

[اميره الورد]

المشاركة الأصلية كتبت بواسطة A7la banota ~

كل حاجة اتغيرت يا اميرة الناس و تفكيرهم

و طبعاهم كل حاجة اتغيرت و لازم يكون في

سلبيات و ايجابيات و للاسف السلبيات اكتر

بكتيييير و الناس مطنشين و كل واحد بيقول

و انا مالي هو انا هصلح الكون انا بتصرف

زي ما الكل بيتصرف بس دا طبعل غلط

و بيدل على الضعف و انو بيستغنى عن عقلو

و تفكيرو و شخص واحد بس يقدر يصحح حجات كتير

و الامل دلوقتي فالشباب بس للاسف الشباب

مشغولين فحجات تانية حتى الزبالة بقت مشكلة

و مش عارفين نحلها و مش عارفة سببها عناد

و لا تطنيش و لا اه بس زي ما قلت الامل فينا احنا

و طلاما عندنا عزيمة اننا نغير هنقدر ان شاء الله

و انا عن نفسي متوقعة اني اقدر اغير حجات كتير

ياريت الناس كلها بتفكر زيك وتعرف انها تقدر تغير

بجد كنا فعلا اتغيرنا اتمنى الشباب من الجنسين كلهم يفكروا كده لو فكرنا كده والله يا جماعه هيحصل تعغير
وزى ماقلت البلد مش بلد حكومه بلد شعب احنا الى عايشين فيها


ولازم نتغير لو مش عشانا عشان اولادنا عشان المستقبل