الشعب في خدمة الشرطة

[منال ابوالوفا]

سؤال بسيط جدا ايه رايك في الجمله اللى بتقول (الشرطة في خدمة الشعب)
وهل فعلا بجد جمله صح ولا كلام وبس يعني
يعني لما تحصل لشوية بنات ماشيين مع بعض في امان الله
ويجي ظابط شرطة يعني المفروض انه يكون في حمايه اي واحد ماشي في الشارع سواء بنت او ولد كبير او صغير
لو هو معدي من قدامه وحصله اي حاجه
ما بالك بظابط الشرطة هو اللى بيعاكس البنات اللى ماشيين في امان الله
موقفك ايه انت باه تروح تقول ل بابا ظابط شرطة قالي او عمل اي حاجة وانا ماشية في الشارع
حاجة بجد تخوف وتخلينا غصب عننا نقول (الشعب هو اللى في خدمة الشرطة)
تحياااااااااااااااتي
واتمني التفاعل واشوف رد والنبي

[منال ابوالوفا]

عايزة اشوف رااي يا جماعة في اللى بيحصل ده
ولا شكله الموضوع وحش
يلا مش مشكله باه

[عطر الشوق]

السلام عليكم ورحمه الله وبركاته
والله موضوع جميل يا حبيبه قلبي
بس انتى بتتكلمى ازاى طبعا الشرطه فى خدمه الشعب(ههههههههههه)حد يقدر يقول حاجه على الحكومه يانهار ارز بلبن ههههههههه
الجمله الاصح هى الشعب فى خدمه الشرطه طبعا وغصب عن الشعب كمان بس كلامنا هيعمل ايه فعلا منتهى الوقاحه ان المفروض ال يحميكي ويخاف عليكى هوا ال يبهدلنا ف الاخر زى ما بيقولوا حاميها حراميها
تقبلي مروري حبيبتي

[doiss]

والله انا شايف انة امر عادي جداا ,
ايوة طبعا هو غلط لأنة المفروض مسئول في المجتمع لأنة بيمثل الامن والانضباط ,
بس وضع طبيعي اي مجتمع في الدنيا لازم تلاقي فية نواقص , حتي المجتمعات الدينية فيها نواقص ,
طبعا امر غير مرغوب فية ومكروة انة يعاكس او خلافة ,
بس عموما ممكن تطلعي علي فضايح الاف بي اي اقوي جهاز استخبارات وهتقولي ان الشرطة في مصر في خدمة الشعب فعلا ,, دة بخلاف الشهامة اللي نستي تذكريها, الظباط اللي بيستشهدو في محاربة الارهاب او تجار المخدرات ,
معقولة بردوا نهدر دمهم وننساهم من اجل قلة !
او فضايح رؤساء امريكا السابقين :742:
او الفضائح لأجهزة امن عربية بدون ذكر اسماء متلبسة في اوضاع اغتصاب فتيات ,
هل معني كدة اني اعمم واقول الشرطة كلها عندهم كدة ,
ولا اقول شخص غير مسئول او غير اهل لمهنة الشرطة بيعاكس مثلا !
احسبي عدد الخريجين وصدقيني هتلاقي منهم ناس ملتزمين كتير جداا وبيلتحقوا بسلك ارقي من كذا نظرا لسلوكهم واخلاقهم العالية ,
لأن مش معني ان فية قاضي مرتشي يبقي احكم واقول القضاء مش عادل !
بتحصل في اي دولة ,
او لما فرد من عائلة محترمة جدا يسرق اقول عليهم عائلة حرامية !
كلام مش منطقي طبعا ,
وانا مش بدافع عن احد , بس محبش احكم حكم شامل ,,
واتمني اكون وفقت في الرد ,,
دوام التوفيق لكي ,,

[محمد الشريف]

أتفق مع أخى ضياء فى عدم شمول التعميم لضباط الشرطة إجمالا فالأخلاق مرتبطة

بالبيئة والنشأة والسلوكيات التى تتحكم فى أى فرد فى المجتمع عامة ، وضابط

الشرطة باعتباره رجل أمن ينال من المجتمع القدر الوفير من التقدير والاحترام

ليس لشخصه ولكن لصفته الوظيفية ، ولكن عندما ينقلب الأمر ويمارس السلوك

الرذيل ويخرج عن مقتضى وظيفته المنوط بها كرجل أمن ... هنا فاقد الشىء

لايعطيه ولا أحبذ السكوت على مسلكه فهناك قيادات واعية فى جهاز الشرطة

وهناك إدارة عامة بوزارة الدخلية تسمى إدارة التفتيش تلك الإدارة لديها القدرة

والصلاحيات الكافية لوضع الأمور فى نصابها عندما يتقدم المواطن بشكوى

حقيقية مدعمه بأسانيد قابلة للتحقيق فيها أقلها شهادة الشهود .

ولكن حتى نكون منطقيين فلا أتصورتقديم بلاغ لتلك الجهة مدعيا تحديد معاكسة

عابرة من أحد ضباط الشرطة إلا أن يكون سلوك هذا أو ذاك الضابط تجاوز حدود

لايمكن السكوت عنها أو قبولها والتسليم بها ، ولكن تلك السلوكيات العابرة من بعضهم

أرى تجاهلها والنظر إليها بإزدراء فالحر تكفيه الملامة والعبد يقرع بالعصا .

فليس كل مايلمع ذهبا

ولا حول ولا قوة إلا بالله .فكما تدين تدان

[منال ابوالوفا]

متشكرة على مرورك
عطر الشوق واسعدني مرورك
تحيااااااااااااتي

[منال ابوالوفا]

ميرس على مروركم اللى اسعدني وشرفني
doiss ومحمد الشريف
بسانا لما اتكلمت ا عممتش ولا كان قصدي اعمم
بس للاسف ده اللى بيحصل
وزي ما في الوحش برده فيه الحلو
اللى اقدر اقول عليهم بجد عارفين يحموا البلد
وما قدرش اقول وقتها حاميها حراميها
بكل مافيها بس زي ما كان قصدي
السيئه تعم والحسنة تخص

[محمد الشريف]

وزي ما في الوحش برده فيه الحلو
اللى اقدر اقول عليهم بجد عارفين يحموا البلد
وما قدرش اقول وقتها حاميها حراميها

***********

تلك مسألة تتعلق بالأخلاق والورع فالمتقدم لوظيفة مؤثرة تتعلق بمصالح الناس

لايكشف عليه بجهاز تتوافر فيه النوايا والسلوك والأخلاق ... فهو يتجمل وملف

أوراقه ليس بها سوى الظاهر ... ولكن سبحان الله أنه لبلمرصاد تأتى لهم اللحظة

التى لايملكون فيه الندم وكثيرا ما تطالعنا الأنباء عن فصل هذا نتيجة اختلاس وذاك

بالتحرش وآخر بتجاوز حدود سلطته أو المبالغة والمغالاة فى موازنة التصرفات

ومن تنقلب به وسيلة نقله فيصاب بعاهة ليس لها شفاء بل صارت هى الداء

" من يتق الله يجعل له مخرجا "

وليست الحياة مطلقة من أى قيد فاليوم سلوك بغيض وغدا حساب عسير

ممن لاتأخذه سنة ولا نوم فغدا لناظره قريب والحياة لاتتوقف وسبحانه يمهل ولا يهمل


ولا حول ولا قوة إلا بالله

[غامضه بجوهرى المجهول]

تحيا تى
مشكوووووووووره يا قمر

[Loyalty]

ههههههههههههههههههههههههههه
نو كومينت
ثانكس يا قمر على الموضوع التحفة دة