انا عصيت ربنا امبارح ومبسوطة انى عصيته

[رومانسية بس منسية]

السلام عليكم ورحمة الله وبركاته



أنا انهاردة ياجماعة مبسوطة جداااااااا


لأنى بصراحة إنهاردة عصيت ربنا


ومهمنيش


جاهرته بالمعصية ومفرقتش معايا



طب وإيه يعنى
المهم اتبسطت وقضيت وقت جميل وخلاص



ايه دا ... إيه دا ....؟؟



مالكم كدا بتحتقرونى بينكم وبين نفسكم؟!!


انتو كمان زييى


أه زيى


أو كنتم زيى


وماتستغربوش أو ى كدا وتقولوا


لالالالالالالالا
دااحنا بنحب ربنا واستحالة نحاربه




لاء انتوا حاربتوه وبتحاربوه







طيب عيشوا معايا شوية فى المواقف دى كدا ونشوف سوا
هل إحنا بنحارب ربنا ولا لاء







أنا مبسوطة جداااا لأنى ..امبارح شفت حتة فيلم للمثل اللى بحبه
بس كان ايه تحفة كان نفسى أسمعه أوى من زمان
وماصدقت انه اتعرض
*********


أنامبسوط جدااااااا لأنى خرجت مع صاحبتى وقضينا وقت جميل أوى مع بعض
واتفسحنا وعشنا لحظات جميلة أوى
**********


أما أنا مبسوطة جداااا لأنى إمبارح اتعرفت على واحد من المنتدى
بعت لى رسالة خاصة وبيطلب منى نتعرف وأنا ارتحت له أوى
وارتحت فى الكلام معاه
أصله بصراحة مواضيعه جميلة وأسلوبه رقيق أوى


***********


أنا مبسوط جداااا



كنت فى شات روم واتعرفت على بنت ارتحت اوى فى الكلام معاها



وكلمتها مايك بس صوتها جميل أوى
وقعدنا نتكلم للصبح
*****




أنا مبسووووووطة جدا امبارح سمعت ألبوم المطرب .....
الألبوم تحــفة وأغانيه جميلة أوى فعلا كنت هموت وأسمعه
انتو عارفينى بأه
مينفعش ينزله جديد وميكونش عندى


**********



أنا مبسوط
حضرت حتة فرح بس كان إيه ...... ماأقولكمش ...
ع البنات واتعرفت على واحدة كان كل الشباب بيحاولوا يوقعوها
بس محدش قدر غيرى


وع الأغانى ولا العروسة !!
والرقص اللى اللى رقصناه
ولا اللبس ولا ... ولا ......
**********


مبسوطة أوى امبارح كان عيد ميلادى وحضروا لى حتة مفاجأة
كانت حفلة جميلة أوى
والدى جى واختيار الأغانى كان تحفة
ورقصنا كلنا مع بعضينا
********


فرحاااااااان لأننا كنا ف رحلة امبارح
وحصل بأه شوية حاجات


اتعرفنا على شلة بنات من هناك وأخدنا منهم أرقام التليفونات
واتفقنا نتقابل تانى قريب


************




انا منمتش امبارح كنت بأتكلم فى التليفون مع زميلى فى الجامعة
لحد الساعة 3 الفجر
وبعديها فضلت لحد الصبح أفكر فى الكلام اللى حصل


وبالرغم من كل الرعب اللى كنت فيه إن حد يصحى ويحس بيا
بس كنت فى قمة السعادة


*********


أما يوم عيد الحب حضرنا حتة حفلة مع البنات صحباتنا
حفلة نستنا أسامينا
وبعديها خرجنا معاهم كل واحد أخد صاحبته وإتفسحوا سوا
واتمشينا مع بعضينا


***********


أنا إشتريت حتة طقم إنما إيه يابنات روووعة
لو تشوفوا استايل البنطلون
ولا لون البضى جنااان
مشفتش حد لابس منهم
***************
انا مبسوطه اني حطيت صور للفاننين واغاني على المنتدى
بس كانت الردود كتير اوي
وكتي حملوها
*******************
انا مبسوطه اني حطيت في توقيعي صور بنات وكانت عاجبه الكل

من الآااااااااااااااااااااااخر


مبسووووووووووط /ة جداااااا لأنى ............................






عصيــــــت ربنا!!!





هاااا

فكرتوا انكم ممكن تكونوا بتعملوا زيى
أو على الأقل كنتم بتعملوا كدا
يعنى مش لوحدى دا حالنا كلنا


مش هو دا لسان حالنا ياجماعة لما بنعمل المعصية؟
مش دا
حالنا فى المجاهرة بالمعصية ؟




يعنى الحمد لله ربنا سترنا ومفضحناش
الحمد لله ربنا أحيانا ومقبضش روحنا واحنا بنعمل المعصية

مش نسكت بأه ونستر نفسنا
لاء

دااحنا بنخرج وبنجاهر بالمعصية وبنتمنظر بيها كمان !!

وبنقول لربنا
أنا عصيتك
وفرحان انى عصيتك
وهأحكى لكل الناس إنى عصيتك
ومش هيفرق معايا.......

(والله قلبى بينخلع وأنا بأكتب الجزء دا دا
وبجد مش قادرة أكمله
ربنا يغفر لى )



قدرنا ياجماعة نقول كدا ؟؟
قدرنا نغضب ربنا بالطريقة دى؟؟

يااااااااا الله على جهلنا وعلى سوء معاملتنا مع ربنا
وهو ستير لعيوبنا ولذنوبنا وإحنا والله لو ربنا حاسبنا كما يجب
كنا هلكنا دلوقتى من جراير أعمالنا


ياااااااه لما الواحد يفتكر أد ايه كان غافل وبعيد عن ربنا
ولما يفتكر ذنوبه وازاى ربنا كتب له الحياة علشان يكفر عنها


وتحسبونه هيناً وهو عند الله عظيم

يعنى حاجات عمرنا ماتخيلنا انها تعمل كدا أو انها ممكن تكتب مجاهرة بالمعصية
وعلى فكرة أنا مش مكبرة الموضوع ولا حاجة
*******


دى تذكرة بسيطة ليا وليكم وأتمنى أكون قدرت أوصلكم قصدى

علشان لو فيه حد فينا لسة بيجاهر بالمعصية يتنبه وياخد باله
ولو كان حد فينا عمل كدا زمان
وربنا هداه دلوقتى لكن ماتابش
يتوب
لأن الذنب لو ماتبناش منه ربنا هيحاسبنا عليه حتى لو كنا بطلنا نعمله


وطبعا دى كلها مواقف من وحى الخيال لكنها وااااقعية جدااااااا

بس حبيت أتكلم بصيغة المتكلم لأنها بتوصل أسرع وأفضل فى التعبير..







:SuN013::SuN013::SuN013:

[أميرالغرام]

جزاك الله كل خير وهذا مايحصل في الواقع
طرح رآآئـــع ..


لك مني كـــل الــــــــود ..

[ملڪّـہۧ بـگَََـلـِمتـﮯ «]

فعلا ياقمررر دا اللي بنعملوو ومش واخدين بالناا منوو

يلا ربناا يهدي الجميــــعـ

تسلم ايدكـ ياعسل عالمــوضوع

[ماتركس]

بارك الله فيكي يعني والله كلامك مؤثر لبعض الناس اللي ماشيه في الغلط ياريت لكل الناس يا جماعه مايفكرووو لما يكلم بنت يبقي مبسوط ليه انتا ناقصك ايه علشان تكلم بنت وانتي يابنت ناقصك ايه علشان تكلمي واد انتي وهوه ربنا معطيكم كل النعم وياريت اللي بيكلم ياريت يتقي ربنا يعتبرها اختووو اتخيل نفسك اختك بتكلم ولد ايش هتسوي فيهااا ممكن تردي عليه متسكتشي اتكلم وقووول ويسلمووووووووووو علي الموضوع

[عاشق الود]

الف عافيه ع الموضوع رومانسيه
ربنا يهدى جميع خلقه
كل التحيه

[اميره الحب والعذاب]

موضوعك فعلا جميل اوي
سعات كتير بنعصي ربنا واحنا مش واخدين بلنا وفكرين ان احنا تمام اوي ومحدش ذينا ابدا
ربنا يرحمنا ويرحم جميع المسلمين
تحياتي
اميره العذاب

[أوتااار الحزن..]

عند حق والله وربنا يهدينا جميعا

جزاكي الله خيرا على التزكير

تحيا تي لكي

[احلى مصريه منوره السعوديه]

والله والله انتي ليكي الاجر بجد
انا والله تأثرت جدا بكلامك
ربنا يجايزيكي الف الف الف خير ياقمر
ويعينا وياك نصلح الامه وميرسي ليكي

[جوليت صاحبة الجمال الساحر]

عندك حق بس ميرسى على الطرح الرائعة وربنا يهدينا

[عاشق المستحيل557]

بصراحه كنت هناولك بالى فايدى
بهزر
احيكى على طرحك للموضوع بطريقه جديده فعلا
مررت من هنا