هوا دا المصري

[ناصرعبده]

المصـري هـوّ اللـي


لو عمل حاجة حلوة يبعت لجاره طبق يدوقه
وهو اللي

لو لقى الدنيا بتشتّي يجري يخبّط عليك يقولك لمّ الغسيل
وهو اللي

لو شم عندك حاجة بتتحرق يجري يطمن عليك لا تكون اتخنقت
وهو اللي

لو سمع صوت زعيق وخناق عندك يجي يصلح
وهو اللي

لو لقى خناقة في الشارع يقف يحوش مش بس يتفرّج‎


وهو اللي

لو اتفرط منك كيس الجوافة في الشارع يقف يلمّ معاك



المصري هو اللي

لو حس انك مزنوق يعملك جمعية مخصوص و يقبّضك الأول

و هو اللي
يقف معاك في الأحزان و الأفراح زي مايكون من بقية اهلك

و هو اللي
يلمّلك من الركاب فلوس لو مرتبك اتسرق منك في الأتوبيس رغم انه مايعرفكش

و هو اللي
لو لقاك في مواصلة و كان عارفك يحلف ميت يمين ليدفعلك الأجرة
حتى لو مافيش في جيبه غير نص جنيه


المصري هو اللي
يقعد معاك ع الفطار في رمضان
المصري اللي يقف جنبك وانت بتدبح الاضحية
المصري اللي يباركلك لما ابنك يجيب مجموع ويساعدك يجيبله شغلانة
المصري اللي ييجي يقولك تجيب كشاكيل و أقلام بالجملة عشان توفر المصاريف ......

طيبة المصري مش ممكن
تلاقي زيّها فى اي بلد تانية

__________________

[عيون فلسطينية]

جميله يا مصر بأهلك وناسك هو فعلا دا المصري الي وقف مع شعبنا
الي يحزن لحزننا
تعيشي يا مصر بأهلك وناسك

[banota 3asola]

مصر أم الدنيا
يا رب نكسب الجزائر

[countess]

فعلا ديما اسمع كذا والله

شكرررا لك نا صر لوصفك بلدك الله يحميها يارب وتفرحكوم اليوم يارب

[احلى مصريه منوره السعوديه]

والله معاك حق بجد
ومش بيقولو مصر ام الدنيا ؟؟؟
يبقى ماتستناش منها الا كل خير

[ناصرعبده]

عيون فلسطينية مشكوره لمرورك الكريم

[ناصرعبده]

انشاء الله يوم الاربعاءthe white

[ناصرعبده]

مرورك دائما يسعدني يا برنسيسه

[ناصرعبده]

احلى مصريه منوره السعوديه احلي مرور

[ذكريات عاشق]

كلام صحيح 100 %

يسلمووو كتير حبيبي علي المووضووع المميز

والله دا المصري