دروس في الزاله

[حياتي مجرد ذكريات]

فعلا فيه ناس رزلين وغتتين وغلسين وتمللى ييجو للفارغه ويتصدرو

وتلاقيهم كتار زى الهم على القلب ونعرفه من كلامه التافه اللى لا يودى ولا يجيب مش هطول عليكم وأدخل فى الموضوع

في التوبيك دا هنعلمكم دروس الغلاسه والرزاله
وده هيبقى على كزا درس



تعالو معايا واحده واحده كدا عشان ماتهوش مني


واللي هيسمع الكلام بتاعي بالحرف ويذاكر هيبئا ارزل وابرد واحد في الدنيا

يلا بينا نبدا



اول حصة رزاله هتتكلم عن المواصلات

لو راكب فى باص أو ميكروباص وجنبك حد نايم اوعى تسيبه نايم

كل شوية اقعد قول وصلنا عشان يصحى مخضوض لو عمل اهبل صحيه وقوله مش انت نازل هنا بيتهيألى

لو مش نايم متسيبوش فى حاله برضه عيب عليك متجيش

ركز على سؤال واقعد اسألهوله كل شوية زى أنت نازل فين طب انت دفعت ولا لأ

لو قاعد هو جنب الشباك جوه وقالك عدينى قوله رجلى منملة مش قادر وخليه ينط زى القرد

أو قوله ماتنزل من الشباك

لو انت فى أتوبيس وقاعد على كرسى وجنبك ناس واقفة استمتع بقى وخدلك وقتك

اتمطع بقى وقول ياسلام على الراحة الواحد مكنش عارف هيعمل أيه لو مش قاعد

لو العكس بقى اقعد اسأل كل واحد انت نازل فين واقعد قول بصوت عالى

ياجماعة محدش نازل قريب أصل انا عايز اقعد طول مانت واقف قول كده لحد مايقعدوك

لما الكمسرى يجى ياخد منك الاجرة اسأله على تمن كذا مكان

يعنى قوله هو لغاية الحتة الفلانية بكام طب لغاية الحتة دى بكام

اسأل على تمن كل الاماكن اللى تعرفها لحد مايقولك ياعم خلصنى رايح فين

قوله مانا عشان ابقى عارف بس وتقل فى العيار يمكن يسيبك ويمشى

لما يدى حد تذكرة قوله ورينى كده لو سمحت واقعد اتأمل فيها

لحد ما صاحبها يزهق ويشدها منك

فى مفتش بقى ساعات بيطلع يفتش على التذاكر وبيطلع على السريع كده وينزل

أنت بقى اوعى تديهاله علطول كده أزعل منك والله

دور عليها ساعة حط ايدك فى جيوبك مية مرة هيقولك خلص يا استاذ قوله ثوانى كانت معايا والله

واقلع الجذمة ودور فيها وفى الاخر طلعها من بوقك بعد مايكون هو مات من الملل وقوله مش قولتلك

كفاية كده بقى حرام المفروض تنزل قبل الناس ماتموت منك

أستنى رايح فين أنت نازل عادى كده ولا كأنك رزل ولا حاجة

وأنت نازل هيبقى فى ناس واقفة أعمل نفسك مش عارف تعدى

وحاول تجاهد على قد ماتقدر وتضيع الوقت اللى تقدر عليه

لحد الناس ماتشيلك وترميك بعد ماتكون جبتلهم السكر ورفعت ضغطتهم



كدا اول حصه انتهت



زاكرو كويس اوي عشان تنجحو وتبئوا شطاااااار وتجيبو اعلى الدرجات في الرزاله والغلاسه

استنوني في حلقه تانيه من دروس الغلاسه والرزاله

يلا سلاموووووووووز


وتقبلو تحياتى

منقـــــــــــــــــــــــــــــــــــــــــــــــ ــــــــــــــــــول

[حياتي مجرد ذكريات]

طبعا ياجماعه في دروس تانيه

هستنى رددكوا

[اميره الورد]

روعه ياقمر

تسلم ايدك

[حياتي مجرد ذكريات]

مرسي اميرة على مرورك الجميل ده
نورتي الموضوع

[حياتي مجرد ذكريات]

الموبايل

بص ياسيدى أنت دلوقتى ماسك موبايلك وبتلعب فيه وبتسأل أى واحد جنبك أو حد متعرف عليه جديد رقمك كام ؟
سيبه يمليك نص الرقم كده وروح مشغل أى نغمة هو فاكرك بتسجل الرقم أتاريك بتلعب فى النغمات وهو بيملى عالفاضى
بتاخد الرقم من حد مش معاك رقمه وتقوله قولى رقمك وأنا هحفظه عشان الموبايل فاصل شحن
وشغل الغباء بقى كل مايقولهولك قوله غلط ومرة كده قولها صح يقولك تمام كده قوله اشطه يعنى هو كذا كذا وقوله غلط
هيقولك يابنى حرام عليك بقى قوله معلش معلش عشان احفظه بس وسوق الاستهبال لحد ماتحرق دمه
بتاخد الرقم من حد برضه قوله رن عليا عشان أسجل رقمك أنا حاطط الموبايل فى جيبى بس عامله صامت
ومليهوله غلط بقى هيرن عليك هيلاقى اللى بيفتح عليه ويقوله آلو وقوله معلش معلش مليتهولك غلط قال يعنى حد بيتلخبط فى رقمه
طريقة أضمن بقى قعد أخوك الصغير بموبايلك وقوله أنا خارج وأول ماتسمع صوت الموبايل أتكى على الزرار ده
الزرار الأخضر ده ؟ أيوة ياحبيبى الزرار ألأخضر ده وأقول آلو ؟ برافو عليك تعجبنى نصاحتك قول اللى أنت عايزه
وأطلع بقى يامعلم خد نمر ناس على قد ماتقدر أخوك يرد وأنت تقوله آآآخ نسيت الموبايل فى البيت وخليه يشيل بقى
كل ماتتفق مع حد على ميعاد قوله أبقى رن عليا قبلها بنص ساعة عشان لو نسيت بس وأستناه فى الموعد المرتقب
وأول ماتلمح اسمه رد علطول هيقولك بتفتح ليه ؟ قوله فاكرك بتتصل عشان غيرت الميعاد أو مش جاى قولت أطمن
بقى بذمتك قولت أطمن ولا قولت أرذل ماشى ماشى ماعلينا
قول لصحبك هات الموبايل بتاعك هعمل منه دقيقة هيقولك والله ممعيش غيرها برن بيها قوله ياعم دى مسألة حياه أو موت
وخد الموبايل بقى أتصل بمامتك أيوة ياماما عاملة أيه ياحبيبتى ؟ أنتى عاملة أيه على الغدا النهارده ؟
محشى الله بموت فيه طب وأيه تانى ياماما ياماما ياماما عفوا لقد نفذ ****كم
لو صحبك معاه كريديت كتير بقى أبقى خلى مامتك تحكيلك عملت المحشى ازاى
صحبك بيتصل بس اتأكد انه بيتصل عشان حاجة مهمة عشان ميقفلش السكة فى وشك وكل شوية قوله خليك معايا كده
أنت رجعت من الشغل يا بابا ؟ طب ماهو من ساعة مانت اتولدت وهو بيرجع من الشغل فى الوقت ده أيه الجديد
أرجع لصحبك بقى أيوة معاك طب أستنى أستنى أيه الصوت ده ياماما أنتى فى المطبخ ؟ ماهى طول عمرها بتحضر الغدا فى الوقت ده
طبعا الله يكون فى عون صاحبك اللى مش عارف ياخد منك كلمتين على بعض
قول لصحبك حلوة أوى الرسالة دى هنقلها بس طويلة أوى طبعا كلنا فاهمين أنت بتلمح لأيه يارذل
(هو عشان يطلع ذوق معاك هيقولك خلاص ياسيدى أبعت اللى عاجباك دى (واحدة بس
طبعا فهمتوا قصدى من اللى بين القوسين أبعت بقى الرسايل كلها حتى لو فيها كلمنى شكرا
وقوله بصراحة كله عجبنى بس ياخسارة ال**** خلص كان ناقص واحدة نفسى أخدها
أستلم رقم ابعتله كل يوم التلاتة بتوع كلمنى شكرا ورن عليه كل فيمتو ثانية مرة يتصل بيك أفتح ومتتكلمش ولا كلمة
آلو آلو آلو رد ياحيوان وأنت باصص فى السما وعامل أهبل خليك كده بقى لحد مايغير الخط أو يبطل يشيل موبايلات
بتبقى اسمها بالعربى ملاحظات ده فى نوكيا(notes)معاك موبايل فيه بلوتوث وقاعد فى مدرج الكلية أو سينما وكده أفتح الـ
أكتب فيها - فكك منى - وأبعتها لكل اللى فاتحين طبعا أى حد هيستلمها هيقول أيه الرذل ده أنا يعنى كنت طلبت من خلقته حاجة
قول لصحبك معرفش يا أخى الموبايل بتاعى ماله هيقولك أيه يعنى فيه أيه ؟ قوله رن عليا كده هيرن عليك
أتكى على أى زرار فى الموبايل هيقوم فاتح عليه قوله شوفت بتكى على أى زرار يقوم الموبايل فاتح على اللى بيرن زيك كده
(any key answer) طبعا أنت مشغل خدمة
اللى هى خدمة أى زرار يرد على اللى بيتصل بيك وخليته يشيل المكالمة
قول لصحبك حولى جنيه **** عشان أرن بيه بدل مانا مفلس يعنى يرضيك كده ولا هتستخسر فيا جنيه
هيقولك لا مش هستخسر بس ازاى ؟ قوله تمام قولتلى ازاى تحولى ستة جنيه ولما يوصلوا أحولك أنا خمسة جنيه
هيقولك ماشى حول بقى يامعلم ولما تيجى تردهمله هيقولك مينفعش تحول **** وأنت ****ك أقل من سبعة جنيه
وخليه يشيل الستة جنيه بحالهم والطريقة دى هدية منى ليكم

[حياتي مجرد ذكريات]

ايه ياجماعه
فييييييييييييييييييييييييينكم
بالردود