عنــــهـ / ـمـــا ( 3 ) والخيانه هو أم هى ؟

[** MiSs EgYpT **]

لماذا يخون هو طيب يعنى هى مابتخونش ؟ لأ مابتخونش لأ بتخون وحتى لو خانت بس بالتأكيد بنسبه ضئيله مو زيك يا هو صح ولا هى غلطانه ؟ هو خائن بطبعه حتى ولو كانت خادمه ولا حتى بنت بياعة مناديل فى الاشاره لانه بصباص بطبعه ( عارف يعنى ايه بصباص ) ؟ يعنى مابيصدق يلاقى واحده حلوه أو حتى نص حلوه قدامه يروح معاكسها ولو عصلجت معاه برضه مايسكتش يحاول مره تانيه وتالته لحد ماتقع حوار بيدور كثيرا حينما يجتمع هو وهى فى أى مجتمع مهما إختلفت طبقاته وهذا ماجعلنى أتساءل الخيانه رجل وإمرأه ؟ أم رجل فقط أم إمرأه فقط ؟ هو طبعا هيقول هى وهى طبعا هتقول هو طيب تعالو نشوف كده فى جلسة استرخاء كنا فى المصيف وف اجازة الصيف سمعتهما يتهامسان سمعت زوجها يحدث الاخرى يهمس لها يضحك معها نبراته مختلفه .. إستغربت . أندهشت ده ايه الرقه دى معقوله ده هوالى هى تعرفه امال معاها مابيكون كده ليه ؟ فرط الحنان يفيض من فمه والشوق يطفح من عباراته ... طبعا ماهو بيكلم غيرها لازم تفوح الرقه منه .. رجالة اخر زمن:SuN013: الواحد منهم تون معاه قمر ويروح يحب واحده سنكوحه عليها:bb5: وهى وحبها وحنانها ودفئها يصبحو فى خبر كان ماخلاص بقو مجرد ذكرياااااااااات كيف تضيع اللحظات التى جمعتهما سويا بكل هذه السهوله كيف يبيع هو هى:shiny: وكيف ينسى القبله واللمسه والاحتواء واللهفه والحنان والكلمات الهامسه التى اسمعها اياها سويا كيف بهذه السهوله يسمعها لغيرها الان ؟!! كبف ينسى قصة حب كانت ملئ الأسماع!! كيف ينسى أعياد الحب والميلاد والزواج كيف يتحول الى جسد اخر ورائحه اخرى ناسيا سنوات عمره التى كانت مع هى الاولى لتتحول بكل بساطه الى هى التاليه بعد ذلك بالطبع ستحول هى حياة هو الى جحيم إزاى يخونها ويعرف غيرها ومن هنا ترتفع حدة المشاحنات والمشاجرات بينهما ويتحول العش الهادئ الى جحيم وطبعا بفعل هو يعنى هى تعشش وتضلل وتحافظ وهو يطفش طبعا سامعه تمتمات هو هنا بتعترض وبتقول شو همس ? ده تحيز سامعااااااااااااااااااكم:749: الخيانه موجوده منذ القدم ولن تنتهى ولكن نصيحه الى هى تشبسى وأخلصى ولاتعامليه بالمثل إلبسى واهتمى بنفسك وقولى كل شئ جميل فهو كالطفل بأقل الكلمات تتملكيه فالحب والموده هما العصا السحريه لذلك فلاتخلعيهم عنكى فالرجل يخون عندما لايجد منك اهتمام .. عندما يجدك متسلطه .. نكديه .. غير مهتمه بنفسك فى هذه اللحظه انت التى ستدفعيه بيديك ل هى أخرى فى النهايه أقول أن الخيانه هو بالإشتراك مع هى التى دفعته لها ومن ساعدته عليها ودمتم همس

[حنـــــون]

موضوع رائع ياهمس

وانا معاكى جداااااااااا فى ان الخيانه هو بالاشتراك مع هى

بس بردوا فى حالات هى مابتكونش قصرت فى حاجه وبردوا هو بيخون

ليه وازى ماعرفش ولكن فى حالات كده

وفى راى الخيانه مالهاش اى سبب مش معنى ان فى طرف مقصر ايا كان الطرف دا

هو او هى ان حد فيهم يلجا للخيانه او يدور على حب جديد

ماحدش دولقتى بئه بيتعب نفسه شويه عشان يحافظ على كيان اسره وايام وزكريات

بنوها اتنين مع بعض كل طرف بيرمى اللوم على الطرف التانى مش بيحاولوا شوفوا غلطهم

ويصلحوا ويحافظوا على حياتهم الاسهل بئت الخيانه طريق مختصر بردوا

بس فى النهايه لا هو هيكون سعيد بخيانته ولا هى

نقول ايه عقول محتاجه تعديل من اول وجديد

بشكرك جداااااااااا ياهموسه على موضوعك الاكثر من رائع

بالتوفيق دايما

حنون

[** MiSs EgYpT **]

انا معاكى حنون

ان احيانا بتكون هى غير مقصره ولكن هو بيمل

بس اعتقد ان ده بيكون استثناء

لكن الغالبيه بيكون بفعل هى لانه فى رايي هى الاساس

وهى الدافع لارتباط هو بالبيت أو نفوره منه

وانها بطريقتها ممكن تدفعه ل هى التى تلف شباكها

وتنسج خيوطها عليه


وماتنسى ان الطرف الاخر الذى يلجأ هو اليها

برضه إمرأه

يعنى يهرب من هى لهى اخرى

بس مثل ماقولتى انتى محدا هيقدر يكون سعيد بخيانته

بس برضه الرجل اكثر خيانة وبمراحل



نورتينى حنون وعيد مبارك عليك حبى

سعدت بشوفتك

دمت بود

[nooody]

الخيانه صفه ليس لها علاقه بالجنس

ماينفعش اقول هو خاين

وهى لا


الرجل بطيبعته سريع الملل

هى بقى بذكائها تقدر تخليه لو ناوى يخون

يصرف نظر ههههههه

اى من الطرفين لا يقبل على الخيانه الا اذا

كان ليها سبب دفعه انه يخون

ذكاء بقى بليعب دور كبير هنا

ازاى هى تخلى كل يوم يعدى على هو جديد

تكسر حاجز الملل والروتين

او العكس مع هو

موضوع رائع تسلم ايدك ياهمس

[حنـــــون]

على فكره انا معاكوا جدا ان لازم يكون فى تجديد فى الحياه

بس لو الست فضلت طول حياتها عماله تخطط وترتبت ازى تحافظ

على جوزها احسن لو غفلت عنه ثانيه هيضيع وهيخون ومش عارفه ايه

طيب هى كده حياتها ماشيه فى اتجاه واحد وكان مافيش اى شغله للست

وانها اتخلقت بس عشان تحافظ على الراجل ويحرام هو يكافئها فى النهايه

ويمكن ما يخونهاش يعنى كمان مش مؤكده

انا شايفه ان مش من المفروض نفضل نقول لهى ازى تحافظ على جوزها

وهو مانفتكروش بكلمه حتى ( ال يعنى هما الى مش بيجيبوا ملل وكل يوم حياتهم زى ماهى )

بس الرجل جواه نسبه من الانانيه شايف انوا ليه النصيب الاكبر فى الاخذ

اما العطاء فهو لو عمل حاجه صغيره يقولك دا انا عملت وعملت

فى كتير من الاوقات شايف ان الست هى الى لازم تدى وخلاص

ولكن الحياه الزوجيه اخد وعطا زى مابتاخد وبتطالب بحقك انت كمان لازم

تدى عشان المشركه تكون مشاركه حقيقه مش كلام

شكرا مره تانيه ياهمس على الموضوع الجميله

واسفه على المشاركه تانى

حنون

[doiss]

هههههههه
طب ما احيانا هي زي الملايكة اما تشوفها ورداية تحلم تقطفها
وبتطلع فجلة في الاخر بردو :180: زي ما احيانا هو بيطلع جرجير ,
ههههههه
شوفي ,
انا متفق مع نودي لحد كبير في رايها ,
مفيش تخصيص للصفات لحد كبير لـ هو او هي يا همس ,
وبعدين الخيانة في حد ذاتها صعب اقيسها علي جنس لتعدد اشكالها !
العين بتخون وما اكثر هي :clap:
الايدي بتخون وما اكثر هو وهي ......
العقل والفكر والخيال والكلمات والافعال ....... الخ ,,,,
هتقدري تصنفي مع مراعاة نسبة البنات علي كل رجل الان 1 علي 10 بنات هههههه
يعني لو هو بيخون مرة هي بتخون اربعة علي الاقل , ويتبقي 6 , ثلاثة مش بيخونوا وثلاثة بيشاورو عقلهم ههههه
شوفي الخيانة او الانانية لأي الطرفين مش كلام , دية ليها ابحاث يعني فية دوافع لأي انسان للخيانة ومش ثابتة واحيانا مبهمة نتيجة الموقف , سواء عاطفية او عقلية او جنسية , (( ومتفكريش تبحثي عن الاسباب وتخصصي وتوضعي منظور اساسي او قاعدة :redface: ))
مينفعش اقول عشان هي مش مهتمية بـ هو يبقي يخون هههههه >>>> اي كلام
ومينفعش عشان هو مش مهتم بيها تخون >>>> بردو أي كلام :shiny:
طب ما احيانا هو وهي اوقات بيخونوا من غير سبب ,
واحيانا بيكونوا من الاول متفقين علي الخيانة ههههههه
عارفة فكرتيني بأية بالظبط , بفكرة قلب الترابيزة ,
هو : عملتي اية اكل النهاردة
هي : بطاطس فرن
هو : هو كل يوم بسلة طب انتي طالق
هههههه
هي : أنت بتكلم مين ؟
هو : بشوف حد يخلص الشغل من الجمرك
هي : هو كل يوم تكلم السكرتيرة ,, انا رايحة اقعد عند بابا
ههههههه
فكرة قلب الترابيزة مش بتعتمد علي الاخلاق يا همس ولا بتكون ليها قاعدة مبنية علي اساس سليم ,
فمينفعش اقول هو بيميل للخيانة اكتر من هي ,,
لكن ينفع اقول انا هختار انسان يعرف ربنا وعندة اخلاق :roma-flag: وهعمل دوري وارضي ربنا واخلاقي كمسلمة معاه ,
اما النتيجة ,, فهي القدر ,,
شكلك كدة بتدوري علي سيدنا يوسف علية السلام :shiny01:
يبقي احنا كمان من حقنا ندور علي سيدتنا فاطمة او سيدتنا خديجة ,,
اتمني متكونيش بتبحثي عن المثالية :vb21:
بالتوفيق يا همس ,,

[** MiSs EgYpT **]

اقتباسالمشاركة الأصلية كتبت بواسطة nooodyالخيانه صفه ليس لها علاقه بالجنس

ماينفعش اقول هو خاين

وهى لا


الرجل بطيبعته سريع الملل

هى بقى بذكائها تقدر تخليه لو ناوى يخون

يصرف نظر ههههههه

اى من الطرفين لا يقبل على الخيانه الا اذا

كان ليها سبب دفعه انه يخون

ذكاء بقى بليعب دور كبير هنا

ازاى هى تخلى كل يوم يعدى على هو جديد

تكسر حاجز الملل والروتين

او العكس مع هو

موضوع رائع تسلم ايدك ياهمس

بالطبع انا معاك نودى
مافى اى شئ مطلق على جنس بذاته
لانقدر نقول المرأه هى الى بتخون أو الرجل بنوعه هو الخائن
لكن انا هنا تكلمت عن الغالبيه واعتقد انها تكون موجهه الى هو
لا لشئ الا لان المرأه لديها من القيود سواء قيود عادات او تقاليد
تلزمها بعدم الخيانه
واذا رايناها فبتكون من نسبه ضئيله

فالرجل فى مجتمعنا كل شئ مباح له أم المرأه فلا
والدليل على ذلك
تعالى شوفى لو ارتكب الجرم نفسه هو وهى
فكيف سيكون ردة الفعل لدينا
بالتأكيد سيغفرها الجميع لهو انما هى تتشنق صح ؟
وبالفعل انا معك
فى ان هى بذكائها تقدر تخليه لو ناويها يصرف نظر
يا اما الاكياس كتييييير هههههههههه

ثانكس لمداخلتك نودى
دمت بحب

[** MiSs EgYpT **]

اقتباسالمشاركة الأصلية كتبت بواسطة حنونعلى فكره انا معاكوا جدا ان لازم يكون فى تجديد فى الحياه

بس لو الست فضلت طول حياتها عماله تخطط وترتبت ازى تحافظ

على جوزها احسن لو غفلت عنه ثانيه هيضيع وهيخون ومش عارفه ايه

طيب هى كده حياتها ماشيه فى اتجاه واحد وكان مافيش اى شغله للست

وانها اتخلقت بس عشان تحافظ على الراجل ويحرام هو يكافئها فى النهايه

ويمكن ما يخونهاش يعنى كمان مش مؤكده

انا شايفه ان مش من المفروض نفضل نقول لهى ازى تحافظ على جوزها

وهو مانفتكروش بكلمه حتى ( ال يعنى هما الى مش بيجيبوا ملل وكل يوم حياتهم زى ماهى )

بس الرجل جواه نسبه من الانانيه شايف انوا ليه النصيب الاكبر فى الاخذ

اما العطاء فهو لو عمل حاجه صغيره يقولك دا انا عملت وعملت

فى كتير من الاوقات شايف ان الست هى الى لازم تدى وخلاص

ولكن الحياه الزوجيه اخد وعطا زى مابتاخد وبتطالب بحقك انت كمان لازم

تدى عشان المشركه تكون مشاركه حقيقه مش كلام

شكرا مره تانيه ياهمس على الموضوع الجميله

واسفه على المشاركه تانى

حنون

ماهو مو مطلوب من هى ترتب إزاى تحافظ عليه حنون
المفروض هى من جواها تكون ازكى من اى شى عارض يقابلها
وتعيش حياتها بطبيعيه وماتقصر فى اى شى سواء التواجد العاطفى او العقلى
فبالتالى كل شى هيمر سهل بدون ترتيب
وعشان زى مابتقولى الرجل بطبيعته انانى لازم هى تكون من جواها مقتنعه بكده
وماتقارن عطائها بعطاءه لانها لو قارنت
هى الى هتتعب وهتبدأ المشاكل
انما لو اخدت الامر ببساطه يمكن يتغير
وانا الى متشكره ليكى ولمداخلتك حنون
ولو دخلتى مية مره حبيبتى تنورينى

[** MiSs EgYpT **]

اقتباسالمشاركة الأصلية كتبت بواسطة doiss

هههههههه

طب ما احيانا هي زي الملايكة اما تشوفها ورداية تحلم تقطفها
وبتطلع فجلة في الاخر بردو :180: زي ما احيانا هو بيطلع جرجير ,
ههههههه
شوفي ,
انا متفق مع نودي لحد كبير في رايها ,
مفيش تخصيص للصفات لحد كبير لـ هو او هي يا همس ,
وبعدين الخيانة في حد ذاتها صعب اقيسها علي جنس لتعدد اشكالها !
العين بتخون وما اكثر هي :clap:
الايدي بتخون وما اكثر هو وهي ......
العقل والفكر والخيال والكلمات والافعال ....... الخ ,,,,
هتقدري تصنفي مع مراعاة نسبة البنات علي كل رجل الان 1 علي 10 بنات هههههه
يعني لو هو بيخون مرة هي بتخون اربعة علي الاقل , ويتبقي 6 , ثلاثة مش بيخونوا وثلاثة بيشاورو عقلهم ههههه
شوفي الخيانة او الانانية لأي الطرفين مش كلام , دية ليها ابحاث يعني فية دوافع لأي انسان للخيانة ومش ثابتة واحيانا مبهمة نتيجة الموقف , سواء عاطفية او عقلية او جنسية , (( ومتفكريش تبحثي عن الاسباب وتخصصي وتوضعي منظور اساسي او قاعدة :redface: ))
مينفعش اقول عشان هي مش مهتمية بـ هو يبقي يخون هههههه >>>> اي كلام
ومينفعش عشان هو مش مهتم بيها تخون >>>> بردو أي كلام :shiny:
طب ما احيانا هو وهي اوقات بيخونوا من غير سبب ,
واحيانا بيكونوا من الاول متفقين علي الخيانة ههههههه
عارفة فكرتيني بأية بالظبط , بفكرة قلب الترابيزة ,
هو : عملتي اية اكل النهاردة
هي : بطاطس فرن
هو : هو كل يوم بسلة طب انتي طالق
هههههه
هي : أنت بتكلم مين ؟
هو : بشوف حد يخلص الشغل من الجمرك
هي : هو كل يوم تكلم السكرتيرة ,, انا رايحة اقعد عند بابا
ههههههه
فكرة قلب الترابيزة مش بتعتمد علي الاخلاق يا همس ولا بتكون ليها قاعدة مبنية علي اساس سليم ,
فمينفعش اقول هو بيميل للخيانة اكتر من هي ,,
لكن ينفع اقول انا هختار انسان يعرف ربنا وعندة اخلاق :roma-flag: وهعمل دوري وارضي ربنا واخلاقي كمسلمة معاه ,
اما النتيجة ,, فهي القدر ,,
شكلك كدة بتدوري علي سيدنا يوسف علية السلام :shiny01:
يبقي احنا كمان من حقنا ندور علي سيدتنا فاطمة او سيدتنا خديجة ,,
اتمني متكونيش بتبحثي عن المثالية :vb21:
بالتوفيق يا همس ,,

هلا عمرو دياب
قصدى ضيا
:msn-wink:


بالطبع انت عندك حق وزى مابيقولو

الجواز زى البطيخه ماحدا بيعرف شو جواها

وانا معاك انت ونودى فى النقطه دى

مافى صفه تقتصر على جنس بذاته

ومافى خلاف على كده

وبالفعل زى ماقولت الخيانات كثيره وبتختلف انواعها

بس انا مو معاك فى النسبه الظالمه دى

بالعكس رغم انى مابنكر خيانة هى لكن خيانة هو بتكون اكبر

واكتر بكتيييييييييييييير:sad_1:


دا هى بتكون ماشيه فى الشارع او فى النادى وهو بيكون هى فى اديه
وعنيه رايحه وجايه عليها وبعد ده تقول النيبه دى
النسبه الصح
هى من كل عشره ل هو هتلاقى تلاته ل هى
والاعضاء يحكمو




وطبعا مو عشان هو او هى مو مهتمين ببعض

لا طبعا احيانا بتكون الخيانه طبع

واحيانا البيئه المحيطه بتسهل هالامر

واحيانا كتيييييييييييييييييير بقى لان هو

عينه زايغه بطبعه

احيانا بتكون هى مراعيه ربنا بكل تصرفاتها بس ربنا اداها هو بهالشكل
قدرها بقى

ورغم كل ذلك

برايي

الرجل مسكين لأنه لا يتمتع بنفس القدر
من دهاء وكيد النساء ..
لا أتجنى على بنات جنسي ولكنها شهادة اقولها احقاقا للحق ..

والــ يحصل يحصل
ههههههه




لى سلسله كنت كاتباها اسمها كم انت مسكين ايها الرجل
هابقى انزلهالكم عشان نتاقش بيها وتحكمو بنفسكم



ثانكس لمداخلتك ضيا
رغم عارفه رايي مهيعجبك
دمت بود

[noona]

موضوع رائع يا همس

انا مع رايى نودى وضياء ان الخيانة صفة ماقدرش اقول ان جنس معين هو اللى بيتسم بيها والاخر لا

الظاهر بيوحى ان الرجال بتخون اكتر ... لانهم عندهم حرية بيتمتعوا بيها اكتر من المرأة

المرأة بتقيدها قيود اجتماعية ودينية بتمنعها من الخيانة ...

الرجل ممكن يتجوز اكتر من امرأة ... المرأة لا يجوز

بس عموما الموضوع ده ماهوش ملموس ومادى بالصورة اللى عرضتيها ... ومقدرش احكم عليه حكم فعلى من الظاهر بس

الخيانة ممكن تكون بالعقل والتفكير ...

اهى مش ظاهرة قدامك ومتقدريش تعرفى اذا كان اللى قدامك ده بيخون ولا لاء ....

لو حسبنا النسبة بالطريقة دى ممكن تتقلب النسبة للعكس ... يعنى تكون المرأة اكثر خيانة من الرجل

ده احتمال بس .. لانه صعب انك تحددى النسبة الصحيحة :manchester-flag:
عشان كده ... الاهم اننا نبحث فى اسباب الخيانة سواء الملموسة او غير الملموسة

ناخد بالاسباب ونعمل اللى علينا ... سواء الرجل او المرأة محدش منهم يقصر تجاه الطرف الاخر

لو حصلت خيانة بعد كده ... ياما نبحث عن اى خلل تانى فى العلاقة ونعالجه او نسلم بالقضاء والامر لو كان الطرف المظلوم قايم بدوره على الوجه الشبه الاكمل ... او اخذ موقف اخر لانهاء العلاقة فى حالة استحالة استمرارية الحياة بينهم

وفى الاخر نتجنب الخيانة بالاختيار الصحيح لشريك الحياة والرضا بيه ... وان يتق كل منهما الله تجاه الاخر ويدركوا جيدا ان اى ظلم سيحاسبوا عليه ... مع الاخذ فى الاعتبار انه ليس هناك انسان كامل ... فلنتقبل الطرف الاخر بعيوبه مدام ليس عيوب جوهرية تؤثر على علاقتهم بشكل اساسى ...

شكرا يا همس على موضوعك وطرحك المميز

دمتى مبدعة ...

خالصـ تقديرى ،،،

""

"