مستنقع SiLver Spectra

[SiLver Spectra]

أصعب من ادمان السجائر !

[SiLver Spectra]

خدوا شوية المعلومات دي مش هتلاقوها في اي حته على النت
و تعبت في بحثي عن الصور ..

أكبر شركتين في المياه الغازية هم (كوكاكولا )و (بيبسي كولا)
الكوكاكولا لها 3 منتجات رئيسية و كل منتج بيعتبر فرع خاص للشركة و هما :
1) الكوكاكولا (المشروب الاسود)
2) الفانتا (المشروب الملون)
3) سبرايت (المشروب الشفاف)

طيب و ايه الجديد في كدا يا عم طارق
اصبر عليه بس شوية

أما شركة (بيبسي كولا) فلها كمان 3 فروع و منتجات رئيسية
1) البيبسي (المشروب الاسود)
2) الميرندا (المشروب الملون)
3) السيفين اب (المشروب الشفاف)

اللي انت مش عارفه هو ان (البيبسي) و (السيفين اب) كانوا مفصولين عن بعض زمان و كل شركة منهم كانت بتنتج 3 منتجات بشكل منفصل عن الأخرى

بما اني و أنا صغير كنت باخد بالي من الشعارات و الاسماء كويس و العربيات حتى اللي بتوزع (كنت شاغل دماغي بيهم اوي ) فأنا هسترجع معاكم المنتجات القديمه للشركتين

البيبسي كانت بتنتج
1) البيبسي (المشروب الاسود)
2) الميرندا (المشروب الملون)
3) تيم (المشروب الشفاف)

(( التيم كان شبه السبرايت و السيفين اب ..أكيد كان في اختلاف بسيط زي مافي اختلاف بين السبرايت و السيفين))

أما شركة (السيفين أب) فكانت بتنتج :
1) السيفين اب (مشروب شفاف)
2) لايك كولا (المشروب الأسود)
3) الكراش (المشروب الملون)

الشركتين كانوا بيتبعوا شركة أم و هي (بيبسي كولا) لكن كانوا منفصلين في الادارة و في كل شيء تقريبا
تم اتخاذ اجراء الدمج بين الشركتين تدريجيا حول العالم ..حتى تم الانتهاء منه في كل الدول سنة 1999 تقريبا

تم الاستغناء عن (تيم) لشركة بيبسي و توحيده بالسيفين اب

و تم الاستغناء عن ال (الكراش) لشركة سيفين اب و توحيده بمريندا
و طبعا الاستغناء عن (لايك كولا) لشركة سيفين اب و استبداله ببيبسي

فكرة الدمج كانت لتوحيد الدعايا ..
بدلا من عمل دعايا لـ (تيم) و دعايا لـ (سيفين أب)
تم توحيدهم تحت مسمى واحد و التركيز على تقوية الدعايا لهذا المنتج لمنافسة الكوكاكولا بشكل أفضل

==================

اللي جاي صور قديمة جبتها من البحث لناس بتبيع أزايز قديمه في مزادات كإرث تاريخي

صورة (لايك كولا) المشروب الأسود لشركة سيفين اب قبل الغاءه مع الدمج



=============
أشكال متعددة لـ (لايك كولا) على مر التسعينات




===============

منتجات السيفين أب ال3
((ازازة canada dry مش معانا عشان دي شركة مستقلة))





===============
المشروب الشفاف لبيبسي قديما (تيم) قبل الغاءه و استبداله بسيفين اب بعد الدمج





================
المنتجات ال3 لشركة بيبسي
((الرابع مش عارفه))



==============

و أخيرا صورة تجميعية للأزايز في التسعينات




==============
للتوضيح (( العلامة التجارية لكراش تم بيعها لصالح شركات اخرى في بعض الدول))

مصادر
team -wiki

[SiLver Spectra]

أخويا متخانق مع خطيبته بقاله شهر على الباركيه و البورسلين
هو مش عايز باركيه و هي مش عايزه بورسلين
بقوله انت راجل ياعم كبر دماغك ..يقولي و الله ما انا عامل باركيه
طب يعملوا نص و نص ..مش عاجبهم برضو

اخويا اتهبل باين و بقى بيقول كلام خطير

...

ماهو لو انت شخص بتحب تختار يبقى روح شوفلك واحده حماره مالهاش في الاختيار
أو لو انت عايز تكبر دماغك و مالكش انك تدقق و تختار يبقى شوف هي عايزه ايه و مشيه
لكن انتوا الاتنين تختاروا و تدققوا أوي يبقى مش هنخلص في سنتنا

[SiLver Spectra]

من صلاحيات المدير العام

[SiLver Spectra]

حـالة اكتئاب مسيطره ..

[SiLver Spectra]

ياريتها جت على اكتئاب
بدات اليوم على وجع في الزور ..عبال ما لفيت لفتي على الأهل قلبت بانفلونزا
اتفرجت على الماتش . و قلبت على سخونية

[SiLver Spectra]

ارتفاع حرارة الجسم أو (الحمى) بالانجليزية fever بالعامية (السخونية)
أو أنا بسميها (الانفلات الحراري ) زي الانفلات الامني
مش مرض لكنه من اعراض المرض
زي الانفلونزا و البرد . التهاب في المعدة .أو اي مرض في اي عضو في جسم الانسان قد يصاحبه ارتفاع في درجة حرارة الجسم

سبب ارتفاع درجة الحرارة هو فقدان الهيبوثالامس (تحت المهاد) في الدماغ التحكم في تنظيم درجة الحرارة كامل الجسد و بالتالي بيحصل اضطراب في تحديد درجة الارتكاز اللي المفروض انها 37 في الوضع الطبيعي
و لذلك دائما الانسان المصاب بالسخونية بيعاني من البرد في اطراف جسمه بالرغم من ان مناطق اخرى بتكون حرارتها مرتفعه جدا خصوصا منطقة الرأس
( الدماغ بيجيلها اوامر بان الجسم بارد في اطرافه و بتعد ترفع في الحرارة و دا اللي بينتج عنه اضطراب حراري)

الحل ..
هو محاولة ظبط درجة الحرارة مرة اخرى ..سواء بطرق بدائية كالكمادات او الثلج او الاستحمام بمياه بارده
أو بالطرق الحديثه الاكثر فاعلية باستخدام الأدوية الخافضة للحرارة بالأخص عقارات (الباراسيتامول)
و من العقارات المشهورة في مصر للباراسيتامول هو عقار abimol (ابيمول)



و رخيص في سعره - العلبة (24 حبة) ب4 جنيه
اول ما تحس بسخونية بتاخد حبايتين (للشخص البالغ) ..هتلاحظ ان حرارة الدماغ انخفضت بشكل ملحوظ ..و ممكن ترجع ترتفع بعد انتهاء مفعول الدوا خاصة لو حالتك صعبة شوية ..فبترجع تاخد تاني حبايتين بعد 4 ساعات و هكذا
بعد اخذ الحبايتين هتلاحظ ارتفاع في درجة حرارة اطرافك و ممكن تعرق و تعطش جامد خاصة لو نايم ..و دا لان المادة الفعالة بتعيد تنظيم حرارة الجسم و بتحاول توحد درجة الحرارة لكامل الجسم عن طريق رفع درجة حرارة الاطراف و من ثم عودة سيطرة مركز تنظيم الحرارة في الدماغ مرة اخرى و التخلص من الانفلات الحراري

ابي مول فعال للاطفال و منه اشكال اخرى من الجرعات بتركيز اقل

[SiLver Spectra]

كنت بتفرج على تترات لاغاني مسلسلات قديمه
منها مسلسل (الضوء الشارد) و اغنيته المميزة طبعا انتاج تقريبا 1998
فلفت نظري في المقدمة منى ذكي



و السؤال الذي يطرح نفسه :
عرفوا ازاي انها هتبقى نجمة السنوات القادمة

[SiLver Spectra]

اليوم اللي بيعدي بدون ما يموت عسكري بلغم او بطلق ناري
بيموت من انقلاب سيارة !
حوادث الانقلاب كثيرة جدا ..في السنة بيتقلبلك بتاع 10 عربيات امن مركزي !
عشرة مين حتى ..دا الواحد باين بقى سامع العشرة دول في ال3 شهور اللي فاتوا !
و دا ان دل فيدل على ضعف التدريبات و المهارات من الغلابه اللي بيتشحنوا على اماكن وعرة
اصل مش انت بس اللي عندك تضاريس صعبة !..ايش حال لو ماكنتش مصر منبسطة !
دا كل العملية شوية جبال في سينا !!
بتوع الامن المركزي مابيعرفوش يسوقوا ! و لا بياخدوا تدريبات كافيه
مش معقولة يوم و يوم يكون عندك حادث انقلاب سيارة نقل جنود !

سيبقى المصري رخيص ..
لأ و كمان مش بنقصر و بنرخصه أكتر !

[SiLver Spectra]

هي الناس دي ماعندهاش تكاتك ؟ ههههههه