مستنقع SiLver Spectra

[SiLver Spectra]

اللحظات الأخيرة بالرداء الأحمر ....

[SiLver Spectra]

09/04/2009
إلى
05/10/2014

في الذكرى دائما ..
شكرا لكم جميعا فأنتم من صنعتم سيلفر سبيكترا
نلقاكم على خير

[SiLver Spectra]

كلك ذوق و الله يا أخت أمل

عامة طول الفترة اللي فاتت حتى و أنا بشارك كنت برد على استفسارات امجد و بساعده في اي عمل اداري فني و بحاول اشرحله الطريقة و تقدري تسأليه

دي كانت رسالتي الأخيره لأمجد

اقتباس شوفتني و انا اداري سابق =)) لو احتاجتك اي حاجه يا امجد أنا موجود و مش هقصر و هحاول افتح من يوم للتاني او كلمني فون حتى لو محتاجني انت محتاج تعين اداريين جدد الموضوع متروك ليك تختار المناسب و بجد اي حاجه تحتاجها فنيه او غير فنية بلغني بيها

[SiLver Spectra]

مبروك للماجيك الإدارة
و عقبال الادارية التانية ..

جايز التوقيت اللي استقلت فيه يكون خطأ ..
بس أنا ماكنتش اعرف ان ساحر واخد اجازة في العيد . و عامة انا حضوري ضعيف جدا من شهر ابريل اللي فات و بالتالي انا مش متابع كويس اصلا الجو و خلال . الفترة دي كنت متردد في الاستقالة للاسباب اللي ذكرتوها بل اني كنت مخطط للاستقالة من اول ما عينت ساحر و منه . بس فضلت الفترة دي كلها برضو للأسباب اللي ذكرتوها
فهل مطلوب اني افضل كمنصب شرفي مثلا !؟

استجمعت قواي و قررت اني اضغط على زر (مشرف سابق) في عضويتي
لحظة كانت صعبة بالنسبالي بس تأجيلها كنت شايف انه ضعف ارادة مني
عشان يبقى زي زي كل المشرفين اللي مروا هنا قبل كدا

مش هعيد تاني ذكر اسباب ضعف النشاط لان دا اتكلمت عنه كتير جدا في استضافات من سنة فاتت و أكتر و كنت بتنبأ بالمشكلة دي
و دا رابط احد الاستضافات القديمه
http://forums.banatmisr.com/msryat448797/

عامة زي ما وعدت . اي مشكلة فنية فأنا موجود
رنة تليفون زي ما حصل النهارده و هتصرف في الموضوع ..و عضوية هيثم موجوده =))
بس تكون (حاجة فنية) اما بقى التنظيم و الشكاوي و خلافه (السلطة) فخلاص الامر دا انتهى من زمان دخولي فيه

و مبروك للماجيك تاني ..
من الناس اللي اطورت كتير و كانت مؤهلة من زمان للمنصب

[SiLver Spectra]

كيف أحوالكم . زينيين . طيبين ؟
بقالي 4 شهور تقريبا مش سجلت دخول
و 10 شهور من ضعف النشاط
بس ايه الفستان الجديد اللي أنا لابسه دا
كنت أفضل أبقى باللون الاسود . زي ما حطيت الناس فيه اتحط فيه
و مش عارف بصراحة ليه ناس كتير بتشوف ان فيه اهانة ! مع انه معمول اصلا كتكريم
ما علينا ..

عمال بحسب كام ساعة تقريبا قضيتها في المنتدى خلال 6 سنين ؟
لاقيت انها ممكن توصل ل 5000 ساعة !
و فكرت الوقت دا كان ممكن استثمره في ايه قبل كدا ؟ ممكن كنت اتعلم فيه الماني مثلا أو كنت قريت 100 كتاب أو كنت اتعلمت برمجة الالعاب اللي كان نفسي اتعلمها
على الصعيد الشخصي ناس كتير كانت بتنصحني بان كل الوقت اللي بضيعه عالمنتدى هتندم عليه ..في حين ماكنتش بتخيل حياتي من غير المنتدى و بحس ان من غيره هفقد كتير فكنت متمسك بيه أكتر ..

بس تعالوا نحسبها ..
أولا عشان مش أكون ناكر للجميل ..المنتدى عن طريقة اتعلمت أكتب و طورت من اسلوبي النقاشي و المعرفي . بمعنى أصح بيرتب الافكار و دي ميزة الكتابه عموما و المتابعة الكبيرة..و مارست هوايات كنت بحبها زي صناعة الالغاز مثلا

و ثانيا طبعا في ميزة هامة جدا و هي التعارف ..بتتعرف على ناس كتير من الجنسين . فمثلا لما بطلب حاجه بلاقي بسهولة اللي يخدمني في الحاجة دي خلافا غير الصداقات

و دا كان بيخليني انظر بنظرة شفقة على المديرين او المراقبين اللي بيتشالوا او بيستقيلوا سابقا زي ابو ادهم و غسان و ضياء و غيرهم كتير ..
بس في الحقيقة اكتشفت ان المثير للشفقة هو اللي يضع كل الوقت دا عشان مثلا مردود لا يتجاوز ال 1% !

طيب أنا خسرت ايه لما تركت الادارة و التفاعل عموما ؟
لو بدأنا بالنقطة التانيه في مميزات المنتديات (التعارف) فأنا من زمان اصلا و قلصت علاقاتي مع الاعضاء ..زي ما تقولوا كدا خلقي ضيق و بزهق بسرعة . الفترة الذهبية في المعارف كانت في 2008 و اخرها 2010 بعد كدا العلاقات كانت اغلبها سطحية
و خلقي ضيق بمعنى اني مش بفضل اضيع وقت في الشات ..ليه شغف معرفي و اهتمامات ممكن اقضي عليها اليوم كلو في السيرش او القراءة أو المشاهدة
و أظن اغلب اللي يعرفوني مدركين و عارفين اني آخري كنت بكلم شخصين تلاته و تقلص الامر الى شخص لغايه ما باقيت مش بكلم حد
و أنا مش مضايق من حاجه زي كدا لاني زي ما ذكرت مش من اهتماماتي و أنا اصلا مش شخصية اجتماعية
و بيني و بينكم بلا وجع دماغ ..النميمه و قيل و قال و العبط دا ..

أما النقطة الاولى في مميزات المنتديات و المتعلقة بالكتابة فهي دي فعلا الخسارة الكبرى
بالرغم ان في بدائل كتير زي مواقع التواصل الاجتماعي الا اني مش بفضل اعيد التجربة تاني و لسه ابني علاقات و اعد بقى اقضيها لايكات و اضافات . فزي ما ذكرت سابقا ان انا بزهق
و بالنسبة للكتابة هنا فأنا مش هتكلم عن نشاط الاعضاء و التفاعل لأن المتواجدون الان كفيلة بالرد ..و بالتالي بقى موضوع انك تكتب و تعمل research و في الاخر هيقرا موضوعك دا فردين تلاته و منهم ناس انت حافظ ردودهم ماعدتش مستاهلة او خلينا نقول مش مجذبة زي زمان
بالاضافة كمان الى ان في مشاكل في العقول نتيجة غرز افكار من الصغر في اطفالنا مافيش وقت اني اخوض فيها لكن دا بينعكس بشكل ظاهر في الانقسامات السياسية . شوية بيزايدوا بالوطنية و التانيين بالدين و دا أمر مخليني افكر بجدية اني اخلع من البلد دي الى اي بلد بيحترم حقوق الانسان و بيقدر الحريات و منفتح فكريا ..موضوع الهجرة مش سهل لكنه مشروع مستقبلي بطمح اليه

طيب نيجي بقى للمميزات اللي كسبتها من ترك المنتدى
أول حاجه و أهم حاجه ((راحة البال)) بصراحة كدا دي بكل الدنيا ..أنا حتى كنت رفيع و وزني زاد بتاع 15 كيلو ..المفروض مش ازيد عن كدا و لذلك قولت اخش المنتدى عشان اخس شوية هههههههه
دا بجد ..المنتدى فيه حرقة دم و عقول اطفال (مش الكل طبعا) و ناس مريضة و تعبانه في دماغها و لما تكون ادارة بتكون انت اللي لازم تتكلم مع الناس دي و كدا ..ففاكر ان ساعات كتير بعد اليوم كلو بطقة في اليوم (وجبة واحدة) .. شكاوي و خناقات و تلقيح ..الخ
الموضوع لا ينتهي
في حين الواحد كدا عنده راحة باااااال و نفسيا بتكون معافى . مافيش حاجه معصباك و لا مستني رد فلان و لا علان
و حتى لو انت مش بتعمل مواضيع نقاشية فيها جدال فانت في مرمى الاستهداف لمجرد انك اداري و كل حاجه بيتم اقحامك فيها ..و دي عموما ضريبة الادارة و الشهرة
((و بعيد تاني ان مش الكل كدا و في ناس كانت قمة الاحترام و عقلها يوزن بلد))

النقطة التانيه في المميزات و هي استثمارك للوقت في انشطة مختلفة ..مش كل يوم منتدى منتدى ..خاصة لو انت باحث هتلاقي حاجات كتير جدا وقتك بيروح فيها و هتلائيك بتخوض تجارب اكثر تنوعا ..

و لذلك توصلت الى ان الشخص اللي ارتبط بالمنتدى لمدة سنة واحدة أفضل بكتير من اللي ارتبط 6 سنين لان الاول مش هيتاثر زي التاني اللي بقى جزء من حياته
و لذلك كنت بشوف ناس كتير بتخرج من المنتدى و لما تسأله عن السبب كان يجاوب : مش عايز ارتبط المكان اكثر من اللازم

في النهاية مش بقول انك تسيب المنتدى و تنسحب ..الخ
الفكرة بس انك مش تدمن الشيء ايا كان هو ايه ..و لذلك اكتشفت ان في سلاح قوي في الدماغ ضد الادمان اسمه (الزهق) من غيره كان الانسان ضاع

شكري دوما للناس اللي معرفتها كانت كنز بدون ذكر اسماء

و نعتذر للاطالة
و مع تمنياتنا لكم بالسعادة و التوفيق ..

[SiLver Spectra]

أنا ماكنتش شاطر في العربي و ماكنتش بحب المادة اصلا






تحس ان في حاجه مش مظبوطه زي لما اقولك خبر مثلا (( و قد اضرب موظفين الشركة عن العمل احتجاجا ...))
في قاعدة اسمها (حذف نون جمع المذكر السالم و المثنى في المضاف اليه - الاسم اللي بعده اسم)
فتبقى العبارة ((و قد اضرب موظفي الشركة ..))
و بالتالي هتبقى الكلمة الصح (من مميزي المنتدى) (مبدعي المنتدى) حتى هتحس ان صياغتها مقبولة أكثر

دي ملحوظة لاحظتها عالسريع دلوقتي فكتبتها لتعم الفائدة
و أتمنى أن تلقى صدور رحبة ..مع اني بحب الأوراك و كمان بحبها صغيره كيلو و ربع كدا كيلو و نص بالكتير- طبعا بتكلم عن الفراخ =))

مساءكم فل ..

[SiLver Spectra]

المفروض بقى نقضيها اشعار رومانسية و كدا صح ؟
برضو مش هعمل كدا =))
اصل في واتس اب و فيه ماسنجر فيس و في مليون برنامج تواصل و أنا بصراحة بحب الخصوصية

يلا عقبالكم كلكم ..

[SiLver Spectra]

دخلت زائر لفت انتباهي بنر شخصية العام فوق
استغربت بصراحة من انها تبقى للمدير العام و حسيت بنرجسية لان لازم الاداري المراقب هتبقى له اولويه في الفوز
بمعنى ان الاداري و المراقب غالبا بيقدم خدمات للناس بحكم منصبه فصعب مش يفوز في الاستفتاء لو اتحط فيه
لذلك لما نظمت الفكرة دي في 2013 استبعدت كل المرقبين و الاداريين عشان اصنع منافسه مشوقة و فيها نوع من التوازن .. غير ان انا كاداري مش هكون محتاج اصلا تكريم او اني ابقى شخصية العام لان انا اصلا اعلى حاجه في المنتدى ! .. ا
اه عارف ان هيتقال ان مش الاداري اللي منظمها المرادي و ان اركو بالينو اللي نظمتها بس برضو كان لازم يتحط في الحسبان النقطه دي دا غير طبعا فكرة ان اركو كمان حاطه نفسها في الاستبيان هي اللي عاملاه !
عامة انا مش ضد تكريم الاداري و انا شخصيا كنت بتكرم كتير بس في فرق بين انك تقبل تكريم عشان مش تزعل صاحبه سواء وسام او شهاده او موضوع و بين انك ترضى انك تخش في مسابقة شخصية العام و تدمر التنافسيه اللي فيها على حساب الاعضاء و انت اصلا اعلى حاجه في المنتدى و مش محتاج حاجه زي كدا


دي صورة لتنافس شخصية العام

http://banatmisr.com/up3/uploads/1386864097872.jpg
..

دي نقطه لفتت انتباهي في زيارتي العابرة و حسيت اني عايز اقولها
عارف انها ممكن تزعل اركو و الماجيك و هعيد تاني انا مش ضد فكرة التكريم عامة بس بتكلم في نقطه التنافسيه و دورك كاداري اللي بيحتم عليك التنازل عن المشاركة في بعض المسابقات لتشجيع الاخرين اللي بتفرق معاهم الحاجات دي اكتر

[SiLver Spectra]

شيء طيب اللي حصل من اعادة منافسة شخصية العام من جديد
أنا ما دخلتش من ساعة المشاركة السابقة و في زيارتي العابرة لاقيت التغيير دا فكان لازم أكتب اعجابي زي ما كتبت نقدي ..هو اه حاسس اني اداري قديم رزل عايش في الماضي ( ها يا عم الماجيك . عارف انا الرخامه دي ) عامة مش بدخل في اي شأن اداري . الموضوع بس كان ملفت و حسيت اني عايز اعلق
و أنا بحب الشخص اللي بيعيد النظر مره اخرى . دي نقطة تحسب للماجيك

[SiLver Spectra]

اقتباس لتوضيح هي الفكره مش تم فيها اعادت نظر من الاساس انا عملتها جزئين تحدي بين الطاقم الاداري وبين طاقم الاعضاء لو كنت متابع تعرف بس حبيت اوضح لك ومنور المنتدى

طب ايه رايك كانت تتعمل للمشرفين بس ؟
تفتكري لو كنت زمان عملتها و حطيت دمعة حائرة مين كان هيفوز ؟ اكيد النتيجة هتكون محسومة من البداية . دا اللي حبيت انوه اليه بغض النظر عن اذا كانت للاعضاء او للاداريين و المشرفين
عامة فعلا ماكنتش اعرف انها على مرحلتين بس تظل المرحلة الاولى في محل نقد مشاركة المستنقع السابقة