مستنقع SiLver Spectra

[SiLver Spectra]

♥LINKIN PARK ♥
METAL&RAP MUSIC

[SiLver Spectra]

TIMBALAND
APOLOGIZE
POP - SAD ROMANCE
دي للرجالة المجروحة و تمشي للبنات المجروحة برضو
الأغنية لهيا كلبين و لكني بفضل الكليب اللي مش بيظهر فيه المغني و بتظهر حاجات بتلف و بتتكسر و اللي بتخلي الأغنية مؤثرة أكثر

من أورع الأغاني

[SiLver Spectra]

اهم دول الناس اللي ايديها تتلف في حرير ♥

عزف اغنية COCO JAMBO
من نوع EURODANCE بس قالبها لاتيني شوية في العزف

ناحية الشمال في الفيديو (ايد بتعزف) و ناحية اليمين ( ايد ماسكه الايقاع)
و الايقاع بيتم عزفه و تسجيله سابقا

العازف مبدع فعلا,,

[SiLver Spectra]

لوجي لما تفتح صيدلية

[SiLver Spectra]

بذمتكم
مش المنتدى حلو من غيري :d
(( ناس هتقولك : انا عامل المشاركة دي عشان يقولوا انه وحش من غيري))
آه عاملها عشان كدا
بجاحه بقى

[SiLver Spectra]

لسه فاكر انت سيلفر القديم
كنت بعد ألبسه و اغيرله كل شوية
قبل ما احلقله شعره , و في الآخر اتحول لفرعون

خد شوية صور لسيلفر لما كان بشعره

لما كنت عضو و مشرف



كان دا أكبر حجم للرمزيات لكل الأعضاء و المشرفين و المراقبين و الاداريين

لما باقيت مراقب روحت قولت لهيثم ما تكبر الرمزيات شوية و ما تبقاش بخيل أمال
فباقيت كدا




و بعدين باقيت بحطه وراه برج بينور





و بعدين لما باقيت اداري كبرت الصورة للاداريين (افترا بقى)





دي كانت آخر حاجه لسيلفر ابو شعر




الابراج دي كانت بتديله عظمة كدا

[SiLver Spectra]

احتمال نغير الدومين (اسم الموقع) خلال الفترة القادمة للتخلص من عقاب جوجل بعد فشل جميع محاولات التفاوض
و قبلها هنبلغكم
و مهم تكونوا عاملين لايك لصفحة الفيس بوك
عملية التغيير مش هتاثر في حاجه عليكم

و السبب في كدا هو اننا متعاقبين من جوجل البطريق من شهر اكتوبر اللي فات بسبب سبام
و السبام هي حيل بيتم عملها لرفع ظهور كلمات البحث في جوجل و اللي من غيرها عمر ما هتظهر ليك نتائج بشكل كويس في البحث
العقوبة تمت بعد ما حد كدا ربنا يكرمه راح اشترا برنامج عشان يعمل سبام آلي على مئات المواقع في وقت واحد
فجوجل افشنا و من ساعتها و احنا متعاقبين باعتبار اننا خالفنا ارشادات جودة البحث باستخدام (بلاك سيو)
و مش بس جوجل اللي عاقبنا , تقريبا كل محركات البحث افشت حيلة البلاك سيو

مع العلم ان كل المواقع بتعمل سبام , بس السبام اللي اتعمل ببرنامج دا هو اللي بهدلنا

العقوبة تسببت في اختفاء جميع العناكب و حذف أرشفة المنتدى في محركات البحث و بالتالي انخفاض الزوار و معدلات التسجيل
عدد الزوار انخفض في اليوم من 8 الاف - و 10 الاف قبل العقوبة
إلى 700 - 1000 زائر بعد العقوبة (نصهم اعضاء قدام)

التسجيل من 70 - 100 عضو جديد في اليوم قبل العقوبة
إلى 4 - 10 بعد العقوبة ( و اغلبهم بتوع اعلانات)

فرق كاسح
المعلومات دي أنا مش حبيت أوضحها بشكل علني قبل كدا عشان مش أعملكم احباط
احنا عملنا اعادة نظر أكثر من مره و نفذنا بعض الخطوات و لكن جوجل مش استجاب
و بالتالي هنضطر اننا نغير الدومين باعتبار ان مافيش حاجه نخسرها و على أمل ان تتم معاملتنا معاملة الموقع الجديد ,,هيكون في ضرر في البداية بانخفاض الزوار
و لكنه هيتحسن ان شاء الله مع الوقت و خاصة مع وجود العناكب و الأرشفة الجديدة

[SiLver Spectra]

أول ما بصحى من النوم و لسه عنيه مغمضه بلائيني بعد أفتكر مواقف قديمه
جه في بالي كدا موقف و أنا صغير أيام ******************
كنت مع صحابي ساعات تهف في دماغنا نروح الجمعية نشتري منها
و الجمعية دي مصطلح بيطلق على السوبر ماركت بس تبع الحكومة بتبقى موجوده في كل منطقة
سوبر ماركت كبير زي كارفور كدا هنا ,,اصغر جمعية بتبقى 600 متر مربع اقل حاجه
المهم يا ولاد ,,كان كل واحد فينا شايل 150 فلس يعني يعملوا 3 جنيه
و كان سني بتاع عشر سنين كدا

المهم و احنا واقفين عند الفرع بتاع الشيكولاته بقى و الحاجات الحلوة ,,اللي هو تلاقي فرع طوييييييل و ياعيني اخرك 3 جنيه مش عارف تجيب ايه ههههه

و احنا بندور على حاجه نجيبها لاقيت لبانه مفكوكه من ورقتها
عارفين اللبان دا اللي بيبقى ملفوف في ورقة و بيبقى رخيص
اللي هو هنا في مصر بيدهولك لما مش يبقى في فكه ,,ايوه ابو ربع جنيه دا
المهم أنا لاقيت لبانه حد مقشر ورقتها و مرميه وسط اللبان مكشوفة
فزي العبيط روحت ماسكها و بقول لصحابي : ايه دا!
آكلها ؟ هزار كدا و أنا مبتسم
و لسه برجعها تاني مكانها و اذ فجأة الاقي ايد بتخبط عليه و بتقولي : انت اللي فتحتها !

كان عامل شغال في الجمعية من اللي بيرتبوا البضاعة و بيحطوا الاسعار و كان لابس بالطو أزرق
اقوله : يا عمو و الله أنا لاقيتها كدا
يقولي : انا شايفك و انت بتقشر اللبانه (باعتبار انها موز )
خلاص لازم تشتريها

طبعا أنا ركبني خمسميت عفريت ,,اللبانه دي مش رخيصه ب25 فلس ,,نص جنيه يعني
هضيع نص جنيه من ال3 جنيه اللي معايا و كمان على حاجه ماليش ذنب فيها

المهم انها كبرت في دماغه و كبرت في دماغي
يقولي انت اللي فتحتها و لازم تشتريها و نحاول نقنع فيه ان أنا لقيتها كدا

في الآخر قالي خلاص ,, تعالى معايا على المدير
مدير!! ينهار اسود ,,دا الموضوع كبر أوي ههههههه

روحنا للمدير ,,كان راجل كويتي
بالمناسبة العامل دا اللي افشني كان مصري
دخلنا مكتبه و راح البياع قاله اني قشرت اللبانه دي و مش عايز اشتريها
قولتله و الله يا عمو أنا لاقيتها كدا و مسكتها بس مستغرب لاقيته مسكني و قالي انت اللي عملت كدا

فالمدير قالي : خلاص حصل خير بس ماتعملش كدا تاني
ما أعملش تاني ما اعملش تاني المهم اني مش هدفع ال25 فلس ظلم دول

بس
و كملنا شوبينج بال3 جنيه

و أنا قاعد بفتكر الموقف لاقتني بضحك
مدير ايه دا اللي على نص جنيه ههههه
وقتها الواحد و هو صغير كانت بالنسباله 100 جنيه و مشكلة كبيرة و المدير بقى و بتاع

لما بفتكر الموقف بيعجبني اني مش تنازلت مع اصرار البائع و زعيقه اني لازم اشتريها في حاجه أنا ماليش ذنب فيها غير اني ورط نفسي

سزاجتي دي كانت بتورطني في حاجات كتيره أوي و أنا صغير ههههههه

[SiLver Spectra]

المتحرش الوحيد اللي بتديله فلوس هو (الحلاق)
شوف بيعد يمسك في وشك ازاي و هو لازق فيك و يفعص في دقنك و يجيبك يمين في شمال و يلعب في أفاك
و بعد كل المهانة دي بتديله فلوس

[SiLver Spectra]

شايفك يا اللي بتلهث وراء الكراسي منك له و مش فارق معاك البلد تولع
شايف لعابك و هو بيسيل على المناصب
شايف فشلك في ادارة البلاد
شايف تحولك و تلونك في تصريحاتك و في تجارتك بالدين

اذا كنت فاكر سكوتي خلال الفترة السابقة انتصار ليك فانت بتحلم
انا قولت اسكت شوية و اشوف اذا كان اللي بتكلم عنه هيتحقق و لا لأ
و فعلا تحقق

انتظروني قريبا ,,
في حملة سلخ اللاهثين وراء السلطة بعد أن دمروا حلم الثورة بالتشرذم بسبب شهوات المناصب مع افلاسهم الفكري و النهضوي اللي اتضح انها نهضة ضرائب و قروض !
عن الاخوان أتحدث ,,,