الشاعرة الكبيرة سلوى محمود

[mahmoudragab]

هذه قصيدة اخترتها لكم من كتاب (انت مسلم ولا مسيحى ) للشاعرة الكبيرة سلوى محمود وهى القصيدة التى يحمل الكتاب اسمها


انت مسلم ولا مسيحى ليه بتصروا على تجريحى
ليه دايما تسالوا عن دينى وبناء على دة تعاملونى
دى علاقة بينى وبين ربى ومش انتم اللى تحاسبونى
انت مسلم ولا مسيحى ليه لتضروا على تجريجى
انا مش شيطان .. انا انسان مخلوق من قبل الاديان
والمسيح ابدا ما يوافق انكوا تجروا يون انسان
اياً كان … مهماً كان
ومحمد ابدا ما يوافق انكوا تكرهوا ابدا دين
وانتوا كمان يا بنى ادمين خليكم زيو مسامحين
احنا نسينا اساس الدين كله محبة لو فاكرين
واحنا عبيد كلنا لله اكتر من كدة ايه عاوزين
فال فى بلدنا عنصرية وبوادر فتنة طائفية
فين الوطنية المصرية فين الاخلاق والتربية
اهالينا اتربوا فى بيت واحد عمر ما فرق بينهم دين
وكنا بناكل فى طبق واحد بالذمة مش مكسوفين
عيب عليكو يا بنى ادمين خليكم لله مسامحين
عندنا بدل الهم اتنين خلينا نشوف نبتدى من فين
حطوا ايديكم فى ايدينا ويلا ليه نفرح فينا عدوين؟
بصوا لافراحنا واتراحنا مع بعضنا على طول واقفين
واللى بيحصل موضة جديدة مش حتدوم علشان عارفين
مين اللى وراها يحركها قاصدين بقى او مش قاصدين
عيب عليكو يا بنى ادمين خليكم لله مسامحين
طول عمرنا اهل ولاد حتة مع بعضنا متربيين
ياما وقفنا قصاد ملاعين سرقوا ونهبوا سنين وسنين
ايشى انجليز وفرنسيين ولحرب تلاتة وسبعين
فى الاخر شلة خايبين حتفرق فى المصريين
اصحو بقى يا بنى ادمين خليكم لله مسامحين
نفسنا تانى نحب حياتنا ونورث حبنا لولادنا
ونعيد على بعضنا تانى يوم اعيادنا ومناسباتنا
يرجع اسلام تانى وتانى يجهز او يخطب لرومانى
وبطرس يدخل ويا حمادة شركا فى اكلة عيش كالعادة
وام مينا….. تجدد لينا جمعيتها ويا امينة
وعم محمد ييجى ويشرح درس العربى لكريستين
راضيين بقى او مش راضيين مصر دى لنا احنا الاتنين
فوقوا بقى يا بنى ادمين خليكم لله مسامحين

على فكرة الكتاب رائع جدا ولمحبى القصائد بالعامية لن تجدوا احسن من هذا الكتاب