للبنات فقط نصائح قبل الزواج

[دموع ف نهر الحب]

حتى تأخذي بخطيبك من مركب الخطوبة إلِّي محدش عارف هاترسى على إيه.. إلى مثوااااه الأخير في قفص النسانيس قصدي قفص الزوجية السعيد ..
أجمل ما في الخطوبة العزومات الرومانسية.. على أحلى محلات
أكل في البلد.. واللي عمرك مانتي شايفاها بعد الجواز.. المهم
نصائحي لك عند أي عزومة مع خطيبك..


1 - الأول لازم تعرفي إن الشوكة والسكينة بيتمسكوا من إيديهم من
الطرف يعني مش من الوسط ولا من البوز زي الخنجر ولا من فوق طبعًااا


2 - العيش أوعي تفضحينا وتقطعيه بسنانك.. ولا الرغيف نصين بإيدك
وكل نص لقمة وتحشري.. أوعي.. العيش بيتقطع بالسكينة في
الطبق.. وبعدين تاخدي لقمة.. لقمة .. بالعافية.. قال يعني نفسك
مسدودة.. اضغطي على أعصابك جدااا وبعدين لما تروَّحي.. إبقي
اطفحي زي ماانتِ عايزة


3 - الشوووربة.. أبوس اييييدك.. بند الشوربة ده مهم جدًاااا
الشوربة تتشِرب من غير صوت خالص.. ومن غير ماتقعدي تنفخي
فيها.. زي القهوجي اللي بينفخ في الحجر للزبون.. وطبعًاااااا عايزِك
تنسي تمامًا.. الطاسةاللي بتحطيها في بقك في البيت
بالمعلقة وبدون صوت.. سخنة, ولعة , برضه بدون صوت
وتسيبي تلت الطبق ع الأقل.. مش تميليه.. عشان تلهفيها لآخر نقطة


4 - الرز طبعاً .. بيتّاكل بالشوكة.. أوعي إيدك تتمد على المعلقة
وتغرفي من طبق الرز وتعبّي.. إوعي.. الرز بالشوكة.. وكإنك
بتبوسيه مش بتاكليه


5 - المكرونة.. الاسباجتي.. برضه بالشوكة.. تتلف على طرف
الشوكة.. لحد ما تخلص وبعدين تحطيها ف بؤك من سكات.. مش
تشفطي المكرونة عود عود


6 - السمك.. مشكلة.. شوفي.. بتفصلي اللحم عن الشوك
إزاي..؟؟ تقطعي اللحم من النص.. بالطول وبعدين تفردي اللحم على
الجانبين ولما تخلصي ناحية.. متقلبيش السمكة.. بلاش فضااايح
شيلي السلسلة بالشوكة والسكينة وحطيها في جنب الطبق
وكملي أكل النص التاني.. وبدل الفيلم الهندي ده.. نصيحة
ماتكليش السمك خالص.. قولي مابحبش السمك وخلصي نفسك


7 - الجمبري.. -إذا كنتي عارفاه-.. أول ماطبق الجمبري ينزل.. بصي للجمبري
بطريقة قال يعني زهقانة من كتر أكل الجمبري واتنهّدي جامد وقولي.. برضه..؟؟؟
وتروحي قاطعة راس الجمبريّاية.. بالشوكة.. أنا ف عرضك إنسي المصمصة دلوقتي


8 - البطاطس سواء مسلوقة أو محمرة.. أوعي تهرسيها وتدبيها على
الرز وتدّي ...لا..لآ...لآ...بالشوكة حتة حتة وإنت زي ما تكوني
هاتعيطي من كتر ما البطاطس صعبانة عليكي


9 -الفاكهة.. لو الفاكهة فيها بذر.. طلعيه من بؤك بالراحة وحطيه في
إيدك وهي مقفولة.. وبعدين في طفاية السجاير اللي ع الترابيزة
أوعي ياحبيبتي من نظام التفتفة للبذر.. إنسي


10 - ولما تخلّصي أكل تحطي إيدك على بطنك.. -اللي عصافيرها
بتصوصو من العينات اللي كلتيها-.. وتقولي له مش ممكن.. أنا
عمري ما اتفجعت كدة.. أنا قدامي أسبوع.. هابطّل أكل فيه
وبعدين تمسكي الفوطة اللي دايمًا موجودة على التربيزة من غير
لزمة.. وتبوسيها.. آل يعني بتمسحي بؤّك
وبعدين تستأذني منه لإصلاح ماكياجك.. تدخلي التواليت
وتطلعي من شنطة إيديك.. لفة البقدونس والبصل اللي جايباها
معاكي.. وبالهنا والشفا



واياكم والفضايح

[ماتركس]

- السمك.. مشكلة.. شوفي.. بتفصلي اللحم عن الشوك
إزاي..؟؟ تقطعي اللحم من النص.. بالطول وبعدين تفردي اللحم على
الجانبين ولما تخلصي ناحية.. متقلبيش السمكة.. بلاش فضااايح


ههههههههههههههههههههههههه تسلمي يا ندي

[اوتار الحزن]

7 - الجمبري.. -إذا كنتي عارفاه-.. أول ماطبق الجمبري ينزل.. بصي للجمبري
بطريقة قال يعني زهقانة من كتر أكل الجمبري واتنهّدي جامد وقولي.. برضه..؟؟؟
وتروحي قاطعة راس الجمبريّاية.. بالشوكة.. أنا ف عرضك إنسي المصمصة دلوقتي

ههههههههههههههههههههههههههههههههههه
ههههههههههههههههههههههههه

والله ظحكتيني الف شكر ياعسوله

[دموع ف نهر الحب]

هههههههههههههه
نورتو التوبيك

[elaf]

هههههههههههههههههههههه
دامت لنا نصايحك الغالية كررررررررررررررر
لما اتخطب مش هخرج معاه اساسا ولا هاكل معاه
هقوله رجلي بتوجعني ومش هخرج ابدا
عشان ما اتخنقش
انا هعزب نفسي علي ايه

[Silver stone]

hahahahahah
nice topic
lma ha3mil keda ayam el 5to0o0oba aseb0o ytsdem ba2a ba3d
el gawaz ....bs 3la fekra el banat etnawaro0o0 delwa2ty w ba2ao0o by3rafo0o kol 7aga
tslami 3la el nasay7 noda

[دموع ف نهر الحب]

نورتو التوبيك

[big bốss]

هههههههههههههههههههههههه

ايه الفضايح دى يا ندى

انا كنت مخموام فيكم اظهروا على حقيقتكم

دا انتم مايه من تحت تبن

[دموع ف نهر الحب]

نورتو التوبيك

[نانـــــو]

الله نصائح تجنن يا ندى بس عايزة مننا مجهود كتير علشان نعملها مع احترامى لكى تقبلى مرورى