|
أولا سيدتى .. أجمل شيء فى الكون الحياء وعفة المرأه فى أي مجتمع شرقى أو غربى والزواج للبنت ستره فى تلك الأحيان ومن أراد التستر فمرحبا ومن أراد الوحده بالحفاظ على نفسه من فتن المجتمع أهلا وسهلا ومن أراد السفور والتحرر فلا يتعب الناس الذين يعيشون من حوله .. والقرار فى الأول والأخر نابع من الشخص نفسه وليس قرار المجتمع ولا عادات وتقاليد المجتمع .. لأن المجتمع لا يرحم المتزوجه ولا يرحم أيضا المرأه التى تنتظر من يسعدها تحياتى وتقديرى يا أستاذه على موضوعك الذى يعالج ظاهره متفشيه فى عالم المجتمعات المتخلفه فكريا .. ابو نصير ولو أحترمت المرأه الهبه التى أعطاها الله وهى هبة الإناث ونفس العائلات لأرسل لها الحق سبحانه وتعالى من يأخذها بدون شقاء وعناء ابو نصير |
وأيه الجديد على الناس صعب الكل يفكر بنفس التفكير وخصوصآ أننا بنملك وقت كافى من الفراغ للكلام والقيل والقال والتدخل فى شئون الغير برضاهم أو رغمآ عنهم خالص دعواتى |
من يومين سمعت جملة احكمي عليها انتِ : ( دا فلان جوز بناته كلهم ، بنته فلانة اتجوزت وهي ف سنة تالتة ف الكلية ، و بنته كذا اتجوزت وهي عندها كذا ، وخلاص مش عاد عنده حد ، لكن أنا بناتي يقولوا لا ، عااااااااااار الناس جوزوا بناتهم وانا لسه ) !! إيه رأيك ؟ أخدتِ بالك من كلمة عار ؟! احنا مجتمعات سيئة السمعة أصل لو احنا مجتمعات محترمة كنا فكرنا بشكل محترم و قدمنا الفرضيات المحترمة لكن اللي بيحصل ان بنقدم افتراضات سيئة النية ولما بنت تقول مش عايزه تتجوز لأي سبب فجأة كدا تلاقي حد طالع بيسأل : ياترى عامله إيه خايفة تتجوز بسببه ؟! > مجتمعات زبالة خاصة لو البنت دي من مكان شعبي أو أرياف ومش معاها شهادة جامعية بعيدا عن التفكير القذر دا فيه تفكير تاني أنسب وصف ليه هو ( تفكير جاهلي ) احنا ف مجتمعاتنا الشرقية الجاهلية بيوقفوا حياة البنت على الجواز بيعتبروا ان وجودها مش موجود غير لما تتجوز بيتعاملوا مع جوازها انه شيء لازم ييجي ف وقت معين هما شايفينه زي كدا ماهو لازم تجيب شامبو لما تيجي تغسل شعرها ! مش بيفهموا ان الزواج مش شيء ، انه حياة كاملة ، انه قرار معظم حياتها هيترتب عليه احنا بالوطن العربي مش بنتعامل مع الزواج كـ رباط مقدس احنا بنتعامل معاه كـ شيء ف زمن معين لازم يتعمل خلاص كبرتِ و أخدتِ الشهادة أو مش أخدتيها يللا اتجوزي ! يعطوك إحساس كدا انه بيقولوا لك مادام ف تخفيضات هاتي شنطة ! الجواز عندنا نوع من الكماليات اللي بيكمل بيها الشكل الاجتماعي ! بصي يابنتي يتحرق المجتمع بكل اللي حافظين جملتين ( هتتجوزي امتى ) بكل اللي اتعاملوا مع الجواز انه تكميل للشكل الاجتماعي وبيوتهم جحيم وبالرغم من كدا بيضغطوا على غيرهم يعملوا نفس الحاجه كأن بينتقموا لحياتهم من اللي براها الحلو تلاقي واحدة كارهة اليوم اللي شافت وش جوزها فيه وندمانة انها اتجوزت و تيجي عند واحدة عزباء وتقولها ( ما بتتجوزيش ليه ؟ عقبالك ياحبيبتي ) ! بالله تحسي ان ف ناس بشكل لاإرادي عايزين غيرهم يتجوز عشان يجرب حياتهم التعبانة أنا مش بقول الجواز جحيم لأن الله أراده يكون مودة و رحمة بس بقول ان المجتمع بيتعامل معاه كـ اكسسوار يكمل البرستيج فبتكون النتيجة انه غالبا عبارة عن جحيم أو غلطة العمر سيبك من المجتمع و الناس ، مقياس الصح و الغلط هو الحلال و الحرام وان مش تحطي نفسك في موضع سوء بسسسسسس جوازي طلع موفق أنا بس اللي هبئا مرتاحة جوازي طلع لاقدر الله جحيم أنا بس اللي هتحرق بيه وقتها المجتمع مش هينفعني بشيء ولا هييجي يصلح بيتي لا كمان المجتمع وقتها هيقولك خليك ف الجحيم بدل ماتبئي مطلقة .. حياتنا ملكنا احنا و بسسسس واحنا اللي هنتحمل نتايجها سواء خير أو شر يبئا نفكر فيها براسنا احنا مش براسنا و راس المجتمع كله معنا .. بالله عصبتيني مجتمع أحمق بكرهه .. تسلمي .. |
| الساعة الآن 02:11 PM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب